ꓐꓲ‐ꓣꓴ ꓗꓴꓷꓼ  ꓪ ꓚꓲ ꓪꓽ ꓐ ꓗꓪ ꓔꓬ ꓢꓴ ꓐꓴ ꓦ‐ꓠꓲ‐ꓜꓳ‐ꓡ ꓗꓴꓷꓼ ꓗꓪ ꓘꓰ, ꓡ ꓢꓴ ꓐꓴ ꓔꓯ ꓗ‐ꓔꓳ‐ꓡꓲꓗ ꓘꓴ ꓜꓲꓼ ꓞꓳ ꓡꓰ ꓬꓰ ꓙ ꓟ ꓓꓳꓽ

6 ꓦ ꓟ 21 ꓠꓬꓲ 2025 ꓘꓳꓼ ꓕꓯ ꓐꓲ‐ꓣꓴ ꓗꓴꓷꓼ ꓪꓽ ꓚꓲ ꓪꓽ ꓐ ꓗꓪ ꓐꓰ ꓘꓰ, ꓡ ꓢꓲ ꓠꓬꓲ ꓦ‐ꓠꓲ‐ꓜꓳ‐ꓡ ꓗꓴꓷꓼ ꓗꓪ ꓟꓬꓱꓽ ꓬꓰ ꓔꓬ ꓢꓴ ꓐꓴ ꓔꓯ ꓬꓰ ꓙ ꓠ, ꓟ ꓗ‐ꓔꓳ‐ꓡꓲꓗ ꓘꓴ ꓜꓲꓼ ꓞꓳ ꓡꓰ ꓐꓯ ꓗꓷꓳ꓿

ꓕꓱ ꓪꓽ ꓚꓲ ꓪꓽ ꓐ ꓗꓪ ꓐꓰ ꓘꓰ, ꓡ ꓢꓴ ꓐꓴ ꓠꓬ ꓠꓱ. ꓐꓯꓼ ꓗꓴꓷꓼ ꓗꓪ ꓔꓬ ꓠ, ꓟ ꓕꓳ ꓶ ꓟꓽ ꓙꓳ ꓢꓴ ꓐꓴ ꓥ ꓢꓲ ꓠꓬꓲ ꓬꓲ ꓪ ꓔꓯ ꓦ‐ꓠꓲ‐ꓜꓳ‐ꓡ ꓗꓪ ꓔꓬ ꓟ ꓗ‐ꓔꓳ‐ꓡꓲꓗ ꓘꓴ ꓜꓲꓼ ꓞꓳ ꓠꓯꓼ ꓗꓪ ꓐꓰ ꓬꓰ ꓙ ꓔꓳ, ꓙ ꓢꓴ ꓐꓴ ꓜꓴꓻ ꓡꓰ ꓬꓰ ꓙ ꓠ, ꓟ ꓐꓯ ꓗꓷꓳ꓿

ꓐꓲ‐ꓣꓴ ꓗꓴꓷꓼ ꓗꓪ ꓐꓰ ꓘꓰ, ꓡ ꓢꓴ ꓐꓴ ꓔꓯ ꓬꓰ ꓙ ꓠ, ꓟ ꓠꓬ꓾ ꓔꓬ ꓔꓶ. ꓐꓰ ꓠꓻ ꓫꓬ, ꓒꓬ ꓫꓬ, ꓟꓶ ꓠ, ꓟ ꓐꓱ ꓶ ꓕꓳ ꓶ ꓫꓬ, ꓖꓶ ꓠ, ꓟ ꓐꓰ ꓝꓮꓲ ꓠꓻ ꓓꓴ ꓒꓬ ꓓꓴ ꓔꓳ, ꓜꓳ ꓡ ꓟ ꓙꓵ, ꓕꓯ ꓬꓲ ꓒꓵꓽ ꓟꓽ ꓣꓴ ꓠꓻ ꓫꓬ, ꓖꓶ ꓠ, ꓟ ꓥ ꓡꓳ꓿

ꓝꓮꓲ ꓞꓲꓼ ꓣꓳ ꓟ ꓤ ꓠꓱ ꓤ ꓐꓴ ꓐꓰ ꓮ‐ꓟꓲ ꓟ, ꓟ ꓐꓴ ꓔꓯ ꓥ ꓟꓲ ꓜ ꓓꓴ ꓓꓳ ꓓꓴ ꓖꓶ ꓠ, ꓟ ꓬꓰ ꓙ ꓢꓴ ꓜꓴꓻ ꓡꓰ ꓬꓰ ꓔꓬ ꓟ ꓥ ꓡꓳ꓿ ꓐꓲ‐ꓣꓴ ꓗꓴꓷꓼ ꓗꓪ ꓐꓰ ꓮ ꓫꓵꓽ ꓑꓶ. ꓓꓴ ꓦ‐ꓠꓲ‐ꓜꓳ‐ꓡ ꓗꓴꓷꓼ ꓗꓪ ꓘꓰ, ꓡ ꓥ ꓐꓯ ꓠꓬ ꓬꓲ ꓪ ꓗꓴꓷꓼ ꓗꓪ ꓟꓬꓱꓽ ꓟꓽ ꓙꓳ ꓟ ꓗꓴꓷꓼ ꓢꓲ ꓡꓲ, ꓟꓽ ꓔ ꓟ ꓪꓴ. ꓠꓬꓲ ꓫ ꓓꓴ ꓟꓷ ꓓꓴ ꓮ ꓟꓬ, ꓙꓳ ꓟ ꓪꓴ. ꓠꓬꓲ ꓘꓰ, ꓡ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿ 

ꓖꓳ ꓡꓰ ꓥ ꓟ ꓪꓴ. ꓠꓬꓲ ꓗ‐ꓔꓳ‐ꓡꓲꓗ ꓘꓴ ꓜꓲꓼ ꓞꓳ ꓗꓪ ꓐꓰ ꓬꓰ ꓙ ꓢꓴ ꓜꓴꓻ ꓥ ꓟ St. Augustine ꓬꓰ ꓙ ꓢꓴ ꓜꓴꓻ ꓡꓰ ꓫ. ꓓꓴ ꓟꓷꓼ ꓓꓴ ꓔꓳ, ꓜꓳ ꓔꓬ ꓟ ꓑ ꓫꓬ ꓐꓴ ꓔꓯ ꓬꓰ ꓙ ꓔꓬ ꓡꓳ ꓐꓰ (Vatican) ꓠꓰꓪꓢ ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿