Syria ꓗꓴꓷꓼ D‐ꓟ‐ꓢ‐ꓗ ꓡꓳ ꓒꓱ ꓗꓪ ꓟꓽ ꓙꓲ ꓢꓴ ꓐꓴ ꓡꓰ ꓙꓲ‐ꓢꓴ ꓢꓲꓺ ꓤ ꓐꓴ ꓪꓽ ꓘꓴ ꓦꓲꓻ ꓗꓪ ꓐꓳꓽ ꓑꓳꓺ ꓗꓷ ꓟ ꓪꓴ. ꓠꓬꓲ ꓙꓲ‐ꓢꓴ ꓢꓲꓺ ꓤ (22) ꓣꓳ ꓫꓵꓻ ꓡꓰ ꓟ ꓓꓳꓽ
6 ꓦ ꓟ 22 ꓠꓬꓲ 2025 ꓠꓯꓼ ꓕꓯ Syria ꓗꓴꓷꓼ ꓓ‐ꓟ‐ꓢ‐ꓗ ꓡꓳ ꓒꓱ ꓗꓪ ꓙꓲ‐ꓢꓴ ꓙꓲꓺ ꓤ ꓐꓴ ꓪꓽ ꓘꓴ ꓦꓲꓻ ꓗꓪ ꓪꓽ ꓘꓴ ꓔꓬ ꓟ ꓙꓵ, ꓕꓯ ꓟꓽ ꓙꓲ ꓢꓴ ꓐꓴ ꓡꓰ ꓐꓳꓽ ꓑꓳꓺ ꓗꓷ ꓟ ꓪꓴ. ꓠꓬꓲ ꓙꓲ‐ꓢꓴ ꓢꓲꓺ ꓤ (22) ꓣꓳ ꓫꓵꓻ ꓡꓰ ꓢꓲ ꓠꓬꓲ ꓠꓻ ꓓꓴ ꓡꓰ ꓢꓴ (64) ꓣꓳ ꓙꓳ ꓡꓰ ꓐꓰ ꓐꓯ ꓔ ꓡꓳ꓿
ꓕꓱ ꓟꓽ ꓙꓲ ꓢꓴ ꓐꓴ ꓡꓰ ꓐꓳꓽ ꓑꓳꓺ ꓗꓷ ꓟ ꓪꓽ ꓘꓴ ꓦꓲꓻ ꓠꓬ ꓳꓣꓔꓧꓳꓓꓳꓫ ꓪꓽ ꓘꓴ ꓦꓲꓻ ꓗꓪ ꓥ ꓡꓳ꓿ ꓡꓳ. ꓟꓳ ꓢꓴ ꓕꓲ ꓣꓳ ꓡꓰ ꓫ. ꓕꓱ ꓔ ꓟ ꓠꓬ ꓪꓽ ꓘꓴ ꓦꓲꓻ ꓗꓪ ꓪꓽ ꓘꓴ ꓔꓬ ꓟ ꓙꓵ, ꓕꓯ ꓟꓽ ꓙꓲ ꓢꓴ ꓐꓴ ꓐꓳꓽ ꓔꓯ ꓧꓪꓽ ꓖꓳ ꓓꓱꓽ ꓘꓴꓽ ꓗꓪ ꓗꓶ ꓢꓲ ꓠꓬꓲ ꓪꓽ ꓘꓴ ꓦꓲꓻ ꓗꓪ ꓓꓵ ꓡ ꓗꓷ ꓟ ꓥ ꓡꓳ꓿
ꓖꓳ ꓕꓯ ꓙꓲ‐ꓢꓴ ꓢꓲꓺꓤ ꓐꓴ ꓪꓽ ꓘꓴꓽ ꓦꓲꓻ ꓗꓪ ꓛꓲ ꓡ ꓟ ꓙꓵ, ꓕꓯ ꓐꓳꓽ ꓐꓰ ꓑꓳꓺ ꓗꓷ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓕꓱ ꓟꓽ ꓙꓲ ꓢꓴ ꓐꓴ ꓠꓬ ꓲ ꓢ ꓜꓴꓻ ꓥ ꓡꓳ ꓐꓰ ꓐꓯ ꓔ ꓡꓳ꓿
ꓢꓬꓣꓲꓮ ꓗꓴꓷꓼ ꓗꓪ ꓗꓴꓷꓼ ꓫꓵꓽ ꓪꓴꓽ ꓒꓬꓱꓼ ꓔꓬ ꓟ ꓢꓲ ꓡꓲ, ꓗꓷ ꓡꓰ ꓗ. ꓠꓯ (13) ꓘꓳꓼ ꓟꓶ ꓫꓵ ꓡꓰ ꓟ ꓙꓵ, ꓕꓯ ꓓꓽ ꓪꓴ. ꓕꓲ ꓧꓪ, ꓟ ꓙꓲ‐ꓢꓴ ꓢꓲꓺ ꓤ ꓐꓴ ꓪꓽ ꓘꓴ ꓦꓲꓻ ꓗꓪ ꓟꓽ ꓙꓲ ꓢꓴ ꓲ ꓢ ꓜꓴꓻ ꓡꓰ ꓐꓳꓽ ꓑꓳꓺ ꓗꓷ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿
ꓢꓬꓣꓲꓮ ꓗꓴꓷꓼ ꓗꓪ ꓔꓬ ꓟ ꓙꓲ‐ꓢꓴ ꓢꓲꓺ ꓤ ꓐꓴ ꓡꓰ ꓟꓽ ꓙꓲ ꓢꓴ ꓐꓴ ꓔꓯ ꓪꓽ ꓘꓴ ꓦꓲꓻ ꓗꓪ ꓐꓳꓽ ꓟꓽ ꓑꓳꓺ ꓖꓶ ꓠ, ꓟ ꓓꓰꓽ ꓗꓷ ꓟ ꓥ ꓡꓳ꓿ ꓝꓮꓲ ꓢꓬꓣꓲꓮ ꓗꓴꓷꓼ ꓗꓪ ꓐꓰ ꓔꓲꓺ ꓒ ꓓꓽ ꓐꓴ ꓥ ꓟꓲ ꓟꓽ ꓙꓲ ꓟ ꓟꓬꓱꓽ ꓬꓰ ꓢꓴ ꓐꓴ ꓔꓯ ꓠꓽ ꓗꓷ ꓠ, ꓟ ꓗꓴꓷꓼ ꓙꓵꓽ ꓢꓴ ꓢꓲꓽ ꓒꓽ ꓐꓴ ꓔꓯ ꓓꓰꓽ ꓔ ꓟ ꓥ ꓡꓳ ꓐꓰ (ꓐꓐꓚ) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿
