Nestorius ꓡꓰ ꓚꓺ ꓟ ꓥꓳꓽ ꓡꓰ ꓟ ꓙꓵꓻ ꓠꓲ, ꓚꓱ, ꓔꓯ ꓗꓽ ꓕꓽ ꓠ, ꓟ ꓬꓲ‐ꓩ‐ꓢꓳ ꓡꓳ ꓒꓱ ꓖꓪꓽ ꓙꓱ ꓜꓲꓼ ꓓꓴ ꓬꓰ ꓟ ꓚꓱ, (Nestorius and the Council of Ephesus)
AD (428) ꓘꓳꓼ ꓚꓬꓴ ꓢꓲꓺ ꓒ ꓬꓰ‐ꓢꓴ ꓟꓲ ꓠꓯ ꓗꓪ ꓦꓵꓻ ꓡ ꓟ ꓙꓵ, Advent ꓙꓵ, ꓕꓯ Constantinople ꓗꓪ ꓐꓰ ꓔꓲꓺ ꓒ ꓓꓽ ꓕꓲ ꓪ ꓥ ꓟ Nestorius ꓠꓬ ꓙꓲ‐ꓢꓴ ꓢꓲꓺ ꓤ ꓐꓴ ꓟꓲ ꓕꓯ ꓗꓪ ꓮ ꓡꓰ ꓫꓵꓽ ꓤ ꓠꓱ ꓤ ꓥ ꓟꓲ ꓢꓲꓺ ꓒ ꓬꓰ‐ꓢꓴ ꓟ, ꓟ ꓒꓬꓱꓼ ꓡ ꓟꓽ ꓓ ꓐꓰ ꓟ. ꓟꓲꓽ ꓚꓺ ꓗꓷ ꓡꓳ꓿ ꓔꓲꓺ ꓒ ꓬꓲ ꓚꓲ. ꓛꓬ ꓕꓱ ꓡꓰ ꓫꓵꓽ ꓥꓳꓽ ꓡꓰ ꓟ ꓟ. ꓟꓲꓽ ꓔꓯ ꓚꓺ ꓗꓷ ꓟ ꓥ ꓡꓳ꓿
ꓝꓮꓲ ꓬꓲ ꓠꓬ ꓢꓲꓺ ꓒ ꓬꓰ‐ꓢꓴ ꓠꓬ ꓧꓪꓽ ꓖꓳ ꓓꓱꓽ ꓠꓬꓲ ꓫꓵꓽ ꓙꓳˍ ꓡꓳ ꓐꓰ ꓚ. ꓟꓲꓽ ꓚꓺ ꓗꓷꓳ꓿ ꓝꓮꓲ ꓟ, ꓟ ꓟ‐ꓡ ꓥ ꓟꓲ ꓮ ꓡꓰ ꓐꓰ ꓢꓲꓺ ꓒ ꓬꓰ‐ꓢꓴ ꓟ, ꓟ ꓚꓵ ꓒꓬꓱꓼ ꓡ ꓟꓽ ꓓ ꓐꓰ ꓟ. ꓟꓲꓽ ꓚꓺ ꓗꓷ ꓟ ꓥ ꓡꓳ꓿ ꓕꓱ ꓡꓰ ꓫꓵꓽ ꓥꓳꓽ ꓡꓰ ꓟ ꓙꓵꓻ ꓠꓲ, ꓚꓱ, ꓠꓬ ꓟꓵꓽ ꓮ ꓟꓬ, ꓗꓪ ꓛꓲ ꓡꓰ ꓟ ꓥ ꓡꓳ꓿
ꓖꓳ ꓡꓱ ꓥ ꓟ AD (431) ꓘꓳꓼ ꓗꓪ General Council ꓖꓪ ꓙꓱ ꓜꓲꓼ ꓓꓴ ꓓꓽ ꓟ ꓬꓰ ꓠ, ꓟ ꓬꓰ ꓗꓷꓳ꓿ Nestorius ꓔꓯ ꓮ ꓘꓶ. ꓛꓲ ꓔꓳ, ꓢꓴ ꓠꓬ ꓙꓲꓻ ꓫꓬ ꓢꓴ Cyril ꓥ ꓡꓳ꓿ ꓬꓲ ꓠꓬ Alexandria ꓡꓳ ꓒꓱ ꓗꓪ ꓔꓲꓺ ꓒ ꓓꓽ ꓕꓲ ꓪ ꓥ ꓡꓳ꓿
ꓙꓲꓻ ꓫꓬ ꓢꓴ Cyril ꓠꓬ Council ꓖꓪ ꓙꓱ ꓜꓲꓼ ꓓꓴ ꓗꓪ ꓔꓲꓺ ꓒ ꓝꓲ ꓓꓴ ꓐꓰ ꓖꓪ ꓙꓱ ꓜꓲ ꓓꓴ ꓖꓪꓽ ꓙꓱ ꓗꓷꓳ꓿ ꓕꓱ ꓖꓪ ꓙꓱ ꓜꓲꓼ ꓓꓴ ꓔꓯ ꓠꓬ ꓬꓲ‐ꓩ‐ꓢꓳ ꓡꓳ ꓒꓱ ꓗꓪ ꓬꓰ ꓗꓷ ꓟ ꓥ ꓡꓳ꓿ ꓥꓳꓼ ꓡꓰ ꓟ ꓟ. ꓟꓲ ꓚꓺ ꓢꓴ Nestorius ꓡꓰ ꓚꓺ ꓟ ꓟ. ꓟꓲ ꓔꓯ ꓟꓽ ꓚꓺ ꓠ, ꓟ ꓗꓽ ꓗꓷ ꓢꓲ ꓠꓬꓲ ꓬꓲ ꓔꓯ ꓥ ꓟꓲ Egypt ꓗꓪ ꓗꓽ ꓗꓷꓳ꓿
ꓮꓓ (440) ꓘꓳꓼ ꓕꓯ Nestorius ꓠꓬ ꓢꓲꓺ ꓒ ꓠꓯ, ꓗꓪ ꓬꓲꓼ ꓟꓶ ꓡꓰꓳ꓿ ꓬꓲ ꓗ. ꓠꓯ ꓢꓲ ꓛꓳꓽ ꓢꓴ ꓐꓴ ꓔꓯ ꓥ ꓟꓲ ꓗꓴꓷꓼ ꓗꓪ ꓐꓰ ꓗꓼ ꓓꓳ ꓗꓷꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓮ ꓟꓶ ꓟ ꓙꓵ, ꓗꓪ Armenia, Egypt ꓗꓴꓷꓼ ꓗꓪ ꓥꓳꓽ ꓡꓰ ꓙꓵꓻ ꓠꓲ, ꓚꓱ, ꓔꓯ ꓡꓳ. ꓟꓳ ꓪ ꓓ ꓟ ꓥ ꓡꓳ꓿ ꓫ. ꓟꓳ ꓪ꓿
