ꓟꓵꓽ ꓘꓳꓼ ꓐꓰ ꓫ. ꓕꓱ ꓟ ꓚꓱ, ꓗꓪ ꓐꓰ ꓠꓬꓲ ꓟꓳ ꓓꓴ ꓠꓯˍ ꓡꓰ ꓟ ꓚꓱ, (light Pollution)
ꓠꓬꓲ. ꓠꓬꓲ ꓗꓪ ꓟꓵꓽ ꓘꓳꓼ ꓒꓳ, ꓡꓰ ꓟ. ꓟꓲꓽ ꓚꓺ ꓟ. ꓖꓶ ꓟ ꓗꓪ ꓐꓰ ꓠꓬꓲ ꓟꓳ ꓓꓴ ꓠꓯˍ ꓡꓰ ꓟ ꓚꓱ, ꓥ ꓡꓳ꓿ ꓣꓳ ꓟꓲ ꓠꓯ ꓡ ꓞꓳ ꓟꓬꓽ ꓠꓬꓲ ꓠꓬ ꓬꓲꓻ ꓙꓬ ꓠꓯˍ ꓡꓰ ꓟ ꓔꓯ ꓡꓳ. ꓟꓳ ꓢꓷ. ꓥ ꓟꓲ ꓮ. ꓔꓳ ꓠꓯˍ ꓡꓰ ꓟ ꓠꓬꓲ ꓟꓳ ꓓꓴ ꓑꓰ ꓡꓰ ꓟ ꓠꓯˍ ꓡꓰ ꓟ ꓚꓱ, ꓔꓯ ꓚꓺ ꓟ. ꓖꓶ ꓓꓴ ꓥ ꓡꓳ꓿
ꓣꓳ ꓟꓲ ꓠꓯ ꓡ ꓞꓳ ꓐꓴ ꓟꓬꓽ ꓡ ꓠꓬ ꓠꓬꓲ ꓟꓳ ꓓꓴ ꓮ. ꓔꓳ ꓣꓱ ꓢꓴ ꓐꓴ ꓥ ꓟꓲ ꓟꓬꓽ ꓡ ꓟ ꓥ ꓡꓳ꓿ ꓣꓳ ꓠꓬ ꓠꓬꓲ ꓟꓳ ꓓꓴ electricity ꓮ. ꓔꓳ ꓔꓯ ꓟꓲ ꓠꓯ ꓡ ꓞꓳ ꓐꓴ ꓠꓬ ꓟꓳꓻ ꓡꓳ ꓢ ꓘꓪꓽ ꓟꓽ ꓢꓷ. ꓠ ꓛꓲ ꓣꓳ ꓟ ꓪꓴ. ꓠꓬꓲ ꓮ. ꓔꓳ ꓠꓯˍ ꓡꓰ light Pollution ꓐꓰ ꓐꓯ ꓟ ꓚꓱ, ꓒꓬꓱꓼ ꓡ ꓟ ꓥ ꓡꓳ꓿
ꓮ. ꓔꓳ ꓔꓯ ꓣꓳ ꓐꓱ ꓶ ꓙꓲ ꓖꓴ ꓟꓽ ꓙꓳ ꓟ ꓮ. ꓔꓳ ꓔꓯ ꓮꓽ ꓔꓳ ꓔꓳ ꓡꓯꓽ ꓔ ꓟ ꓪꓴ. ꓠꓬꓲ ꓙꓲ ꓟꓽ ꓙꓳ ꓟ ꓮ ꓟꓬ, ꓫꓵꓽ ꓒꓬꓱꓼ ꓡ ꓟ ꓥ ꓡꓳ꓿
ꓪꓴ‐ꓢ ꓡꓰ ꓚꓰꓼ ꓔ ꓟ ꓠꓯ ꓞꓲ ꓟ ꓗꓪ ꓢꓯ. ꓔꓬ ꓟ ꓢꓯ. ꓫꓵꓽ ꓢꓯ. ꓙꓵꓽ ꓮ ꓟꓬ, ꓥ ꓟꓲ ꓬꓲ ꓪ ꓢꓯ. ꓔꓬ ꓠ, ꓟ ꓮ ꓘꓶ, ꓫ. ꓡꓰ ꓡꓳ꓿ꓮ ꓫꓵꓽ ꓑꓶ. ꓓꓴ ꓥ ꓐꓯ ꓠꓬ ꓟꓲ ꓠꓯ ꓡ ꓞꓳ ꓐꓴ ꓡꓰ ꓮ. ꓔꓳ ꓔꓯ ꓮꓽ ꓔꓳ ꓔꓳ ꓡꓯꓽ ꓔ ꓟ ꓪꓴ. ꓠꓬꓲ ꓥ ꓡꓳ꓿
ꓟꓲ ꓠꓯ ꓗꓪ ꓢꓯ. ꓫꓵꓽ ꓥ ꓟ ꓬꓲꓻ ꓙꓬ ꓘꓴꓽ ꓗꓪ ꓔꓬ ꓟ ꓳ‐ꓑ‐ꓡ‐ꓖꓪ ꓠꓬ ꓠꓯ ꓞꓲ ꓐꓰ ꓔ ꓔꓶ. ꓗꓪ ꓬꓲ ꓩ ꓩ ꓟ ꓙꓱꓽ ꓤ ꓕꓲ ꓫꓵꓽ ꓥ ꓡꓳ꓿ ꓖꓳ ꓡꓱ ꓥ ꓟꓲ ꓟꓲ ꓠꓯ ꓡ ꓞꓳ ꓐꓴ ꓡꓰ ꓮ. ꓔꓳ ꓔꓯ ꓡꓯ ꓔ ꓟ ꓪꓴ. ꓠꓬꓲ ꓬꓲ ꓪ ꓬꓲ. ꓩ ꓩ ꓠ, ꓟ ꓫ. ꓡꓰ ꓟ ꓥ ꓡꓳ꓿
ꓖꓳ ꓡ ꓟ ꓡꓰ ꓟꓽ ꓞꓲ ꓑꓶ ꓓꓲ ꓡꓯ ꓓꓲ ꓮ ꓟꓬ, ꓥ ꓟꓲ ꓡ ꓞꓳ ꓐꓴ ꓡꓰ ꓬꓲ ꓙꓵꓽ ꓮ ꓟꓬ, ꓮ. ꓔꓳ ꓡꓯꓽ ꓔ ꓟ ꓪꓴ. ꓠꓬꓲ ꓟꓶ ꓡꓰ ꓫꓵꓻ ꓡꓰ ꓟ ꓮ ꓟꓬ, ꓙꓳ ꓟ ꓥ ꓡꓳ꓿
ꓖꓳ ꓡꓱ ꓥ ꓟ ꓪꓴ. ꓠꓬꓲ ꓢꓽ ꓘꓪ ꓔꓬ ꓫꓵꓽ ꓥ ꓟ ꓮ‐ꓭ ꓠꓬꓲ꓾ ꓤ ꓙꓱ ꓮ ꓟꓬ, ꓥ ꓟꓲ ꓟꓳꓼ ꓡꓳ ꓢ ꓘꓪ ꓚꓽ ꓟꓽ ꓠꓽ ꓗꓷ ꓡꓰ ꓟ ꓢꓲ ꓠꓬꓲ ꓬꓲ ꓪ ꓢꓯ. ꓔꓬ ꓠ, ꓟ ꓮ ꓘꓶ. ꓫ. ꓡꓰ ꓡꓳ꓿
Biodiversity ꓐꓯ ꓟ ꓟꓲ ꓠꓯ ꓢꓯ. ꓫꓵꓽ ꓢꓯ. ꓙꓵꓽ ꓮ ꓙꓵꓽ ꓠꓬ ꓕꓲ ꓟ ꓐꓰ ꓕꓲ ꓟ ꓬꓰ ꓙ ꓔꓳ, ꓙ ꓟ ꓔꓯ ꓣꓳ ꓟꓲ ꓠꓯ ꓡ ꓞꓳ ꓠꓬ ꓟꓲ ꓡꓰ ꓗꓷ ꓟ ꓥ ꓡꓳ꓿
ꓖꓳ ꓡꓱ ꓥ ꓟ ꓪꓴ. ꓠꓬꓲ ꓟꓲ ꓠꓯ ꓢꓯ. ꓫꓵꓽ ꓢꓯ. ꓙꓵꓽ ꓔꓯ ꓟꓶ ꓡꓰ ꓐꓬ ꓡꓰ ꓝꓲ ꓟ ꓮ. ꓔꓳ ꓔꓯ ꓮꓽ ꓔꓳ ꓔꓳ ꓟꓽ ꓣꓱ ꓠ, ꓟ ꓤ ꓟꓳ ꓓꓴ ꓬꓰ ꓡꓯ꓿ ꓪꓴ‐ꓢ ꓡꓰ ꓚꓰꓼ ꓔ ꓟ ꓮ ꓙꓵꓽ ꓔꓯ ꓒꓵꓽ ꓓꓴ ꓬꓰ ꓡꓯ꓿ ꓠꓵꓻ ꓠꓲ, ꓡꓯ꓿ ꓫ. ꓟꓳ ꓪ꓿
