ꓔꓲꓺ ꓒ ꓪ ꓔꓲ leo (14) ꓠꓬ ꓞꓳ ꓡꓯ. ꓐꓴ ꓔꓯ ꓟꓲ ꓠꓯ ꓢꓲ ꓡꓲ ꓟꓶ ꓠ, ꓟ ꓟꓬꓱꓽ ꓔꓯ ꓬꓰ ꓠ, ꓟ ꓐꓯ ꓖꓶˍ ꓟ ꓓꓳꓽ
6 ꓦ ꓟ 14 ꓠꓬꓲ 2025 ꓘꓳꓼ ꓕꓯ ꓔꓲꓺ ꓒ ꓪ ꓔꓲ ꓡꓰꓳ (14) ꓠꓬꓲ ꓬꓲ ꓔꓬ ꓦꓵꓻ ꓗꓷ ꓟ ꓡꓳ ꓒꓱ ꓥ ꓟ ꓴꓢꓮ ꓚꓧꓲꓚꓮꓖꓳ ꓡꓳ ꓒꓱ ꓗꓪ ꓬꓰ ꓟ ꓞꓳ ꓡꓯ. ꓐꓴ ꓖꓪꓽ ꓙꓱ ꓜꓲꓼ ꓓꓴ ꓑꓮꓲꓽ ꓗꓪ ꓦꓲꓓꓰꓳ ꓗꓪ ꓐꓰ ꓫ. ꓕꓱ ꓢꓲ ꓠꓬꓲ ꓢꓯꓼ ꓖꓶ ꓟ ꓙꓵ, ꓕꓯ ꓔꓲꓺ ꓒ ꓪ ꓔꓲ ꓡꓰ ꓞꓳ ꓡꓯ. ꓐꓴ ꓠꓬ ꓟꓲ ꓠꓯ ꓢꓲ ꓡꓲ ꓟꓶ ꓠ, ꓟꓬꓱꓽ ꓬꓰ ꓢꓴ ꓐꓴ ꓬꓰ ꓠ, ꓟ ꓢꓯꓼ ꓖꓶ ꓔ ꓟ ꓥ ꓡꓳ꓿
ꓔꓲꓺ ꓒ ꓪ ꓔꓲ ꓡꓰ ꓮ ꓟꓶ ꓟꓲ ꓠꓯ ꓕꓯ ꓢꓲ ꓠꓬꓲ ꓗꓪ ꓒꓬꓱꓼ ꓔꓬ ꓟ ꓫꓵꓽ ꓪꓴꓽ ꓮ ꓟꓬ, ꓔꓯ ꓟꓳ. ꓞꓳ ꓡꓯ ꓐꓴ ꓔꓯ ꓟꓲ ꓠꓯ ꓢꓲ ꓡꓲ ꓟꓶ ꓠ, ꓟ ꓟꓬꓱꓽ ꓬꓰ ꓠ, ꓟ ꓐꓰ ꓥꓳꓽ ꓡꓳ ꓓꓴ ꓔꓯ ꓖꓶ ꓢꓴ ꓞꓳ ꓡꓯ. ꓐꓴ ꓒꓬꓱꓼ ꓠ, ꓟ ꓢꓯꓼ ꓖꓶ ꓔ ꓟ ꓥ ꓡꓳ꓿
ꓔꓲꓺ ꓒ ꓪ ꓔꓲ ꓡꓰ ꓢꓯꓼ ꓖꓶ ꓘꓶꓽ ꓠꓬ ꓪꓴ‐ꓢ ꓠꓵꓻ ꓠꓲ, ꓗꓪ ꓐꓰ ꓕꓲ ꓣꓳ ꓛꓳ ꓕꓲ ꓣꓳ ꓪꓽ ꓡꓯ ꓘꓳ, ꓠꓲ, ꓠꓵ ꓡꓯ ꓘꓳ ꓠ, ꓟ ꓢꓯꓼ ꓖꓶ ꓔ ꓟ ꓥ ꓡꓳ꓿ ꓚꓳꓦꓲꓓ ꓠꓽ ꓫꓵꓽ ꓖꓴ ꓡꓰ ꓗ. ꓠꓯ ꓞꓳ ꓡꓯ ꓐꓴ ꓙꓵꓻ ꓠꓲ, ꓔꓯ ꓧꓪ ꓟ ꓙꓵ, ꓔꓯ ꓫ. ꓓꓴ ꓙꓳ ꓡꓰ ꓟ ꓔꓯ ꓡꓳ. ꓟꓳ ꓪ ꓟ ꓥ ꓡꓳ꓿ ꓖꓳ ꓡꓰ ꓥ ꓟꓲ ꓪꓴ‐ꓢ ꓠꓵꓻ ꓠꓲ, ꓗꓪ ꓐꓰ ꓕꓲ ꓣꓳ ꓛꓳ ꓕꓲ ꓣꓳ ꓬꓰ ꓙ ꓢꓲ ꓠꓬꓲ ꓪꓴ‐ꓢ ꓠꓵꓻ ꓠꓲ, ꓔꓯ ꓧꓪ ꓠ, ꓟ ꓢꓯꓼ ꓖꓶ ꓔ ꓡꓳ꓿
ꓝꓮꓲ ꓥꓳ ꓡꓳ. ꓓꓴ ꓖꓶ ꓢꓴ ꓠꓬꓲ ꓟꓳ ꓓꓴ ꓖꓶ ꓓꓴ ꓒꓬꓱꓼ ꓠ, ꓟ ꓢꓯꓼ ꓖꓶ ꓔ ꓡꓳ꓿ ꓔꓲꓺ ꓒ ꓪ ꓔꓲ ꓡꓰ ꓠꓴ ꓪ ꓠꓬ ꓟꓲ ꓠꓯ ꓢꓲ ꓡꓲ ꓟꓶ ꓠ, ꓟ ꓟꓬꓱꓽ ꓢꓴ ꓒꓬꓱꓼ ꓠ, ꓟ ꓐꓰ ꓟꓲ ꓠꓯ ꓠꓬꓲ ꓟꓳ ꓓꓴ ꓖꓶ ꓢꓴ ꓐꓴ ꓒꓬꓱꓼ ꓠ, ꓟ ꓔꓲꓺ ꓒ ꓪ ꓔꓲ ꓡꓰ ꓢꓯꓼ ꓖꓶ ꓔ ꓡꓳ꓿
ꓣꓳ ꓠꓲ, ꓟ ꓔꓯ ꓮ ꓕꓯ ꓥ ꓟꓲ ꓓꓴ ꓙ ꓚꓱ, ꓔꓯ ꓮ ꓟꓴ ꓟꓴ ꓗꓪ ꓛ ꓠ, ꓟ ꓢꓯꓼ ꓖꓶ ꓔ ꓡꓳ꓿ ꓔꓲꓺ ꓒ ꓪ ꓔꓲ ꓡꓰ ꓙꓲꓻ ꓫꓬ ꓢꓴ ꓮꓴꓖꓴꓢꓔꓲꓠꓰ ꓠꓬ ꓪꓴ‐ꓢ ꓔꓯ ꓟꓽ ꓡꓳ. ꓟꓳ ꓟꓽ ꓢ ꓟꓽ ꓠ ꓐꓰ ꓐꓯ ꓔ ꓟ ꓐꓯ ꓘꓶꓽ ꓔꓯ ꓞꓳ ꓡꓯ. ꓐꓴ ꓔꓯ ꓥ ꓟꓲ ꓙꓲꓻ ꓫꓬ ꓢꓴ ꓮꓴꓖꓴꓢꓔꓲꓠꓰ ꓡꓰ ꓐꓰ ꓞꓳ ꓡꓯ. ꓐꓴ ꓔꓯ ꓓꓴ ꓙ ꓚꓱ, ꓮ ꓟꓴ ꓟꓴ ꓗꓪ ꓛ ꓔ ꓢꓲ ꓪꓴ‐ꓢ ꓠꓯ, ꓗꓪ ꓡ ꓠ, ꓟ ꓚꓱ, ꓮ ꓟꓬ, ꓔꓯ ꓢꓯꓼ ꓖꓶ ꓔ ꓡꓳ ꓐꓰ (Vatican) ꓠꓰꓪꓢ ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿
