ꓟꓲ‐ꓚꓲ‐ꓠ ꓐꓰ ꓟ‐ꓓꓲ‐ꓡꓯ ꓟꓳ‐ꓓꓳ ꓙ ꓖꓴ ꓐꓬ ꓔꓬ ꓟ ꓪꓴ. ꓠꓬꓲ ꓟꓳ‐ꓓꓳ ꓫꓵ. ꓢꓴ ꓐꓴ ꓫ. ꓔꓬ ꓟ
6 ꓦ ꓟ 13 ꓠꓬꓲ 2025 ꓘꓳꓼ ꓕꓯ ꓟꓲ‐ꓚꓲ‐ꓠ ꓗꓪ ꓐꓰ ꓟꓲ‐ꓓꓲ‐ꓡꓯ ꓟꓳ‐ꓓꓳ ꓙ ꓖꓴ ꓠꓬ ꓐꓬ ꓔꓬ ꓟ ꓪꓴ. ꓠꓬꓲ ꓟꓳ‐ꓓꓳ ꓮ ꓟꓬ, ꓗꓽ ꓞꓲꓼ ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓟꓳ‐ꓓꓳ ꓫꓲ. ꓒꓽ ꓕꓲ ꓣꓳ ꓡꓰ ꓫ. ꓕꓱ ꓔ ꓟ ꓠꓬ ꓕꓱ ꓡꓰ ꓟꓳ‐ꓓꓳ ꓮ ꓟꓬ, ꓙꓰ ꓟꓽ ꓙꓲ ꓗꓷ ꓡꓰ ꓟ ꓠꓬ 5 ꓠꓬꓲꓽ ꓛꓲ ꓙꓳ ꓡꓰ ꓐꓰ ꓐꓯ ꓔ ꓡꓳ꓿
ꓗ‐ꓐꓲ‐ꓡꓴ꓾ ꓜꓲ‐ꓗꓳ. ꓞꓳ ꓘ, ꓐꓰ ꓒꓽ ꓕꓲ ꓗꓪ ꓙꓳˍ ꓟ ꓞꓳ ꓘ, ꓮ ꓟꓬ, ꓐꓰ ꓟꓳ‐ꓓꓳ ꓙ ꓖꓴ ꓡꓳ ꓔ (40) ꓔꓷ ꓟꓽ ꓛꓲ ꓐꓬ ꓔꓬ ꓟ ꓪꓴ. ꓠꓬꓲ ꓙꓰ ꓟꓽ ꓙꓲ ꓗꓷ ꓡꓰ ꓟ ꓥ ꓡꓳ꓿ ꓮ ꓟꓶ ꓟ ꓙꓵ, ꓗꓪ ꓟꓶ ꓦ ꓮ ꓟꓬ, ꓦ ꓢꓲ ꓠꓬꓲ ꓟꓳ‐ꓓꓳ ꓙ ꓖꓴ ꓐꓬ ꓔꓬ ꓟ ꓠꓬ ꓥꓪꓽ ꓠꓬꓲ ꓗꓷ ꓡꓰꓳ ꓐꓰ ꓟꓳ‐ꓓꓳ ꓫꓵ. ꓒꓽ ꓡꓰ ꓫ. ꓕꓱ ꓔ ꓡꓳ꓿
ꓕꓱ ꓡꓰ ꓐꓰ ꓟꓳ‐ꓓꓳ ꓒꓽ ꓐꓴ ꓟꓳ‐ꓓꓳ ꓙ ꓖꓴ ꓗꓪ ꓗꓽ ꓞꓲꓽ ꓔꓬ ꓟ ꓪꓴ. ꓠꓬꓲ ꓟꓳ‐ꓓꓳ ꓤ ꓙ ꓠ, ꓟ ꓮ ꓘꓶ. ꓫ. ꓔꓬ ꓢꓲ ꓠꓬꓲ ꓟꓳ‐ꓓꓳ ꓙ ꓖꓴ ꓔꓯ ꓞ ꓞ ꓫꓬ, ꓖꓶ ꓠꓬ ꓮ ꓘꓶ. ꓙꓲ ꓡꓳ ꓐꓰ ꓐꓯ ꓔ ꓡꓳ ꓐꓰ (KNG) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿
