ꓑꓶ‐ꓬꓲ ꓟꓵꓽ ꓠꓬꓪꓰꓰ‐ꓢꓧꓪꓰꓰ ꓗꓪ ꓬꓲꓻ ꓙꓬ ꓙꓵꓽ ꓔꓬ ꓟ ꓪꓴ. ꓠꓬꓲ ꓑ ꓫꓬ ꓦꓲꓻ (100) ꓦꓲꓻ ꓬꓲꓻ ꓙꓬ ꓟꓽ ꓛꓲ ꓡ ꓟ ꓔꓶ. ꓗꓪ ꓚꓲ. ꓖꓶ ꓗꓷ ꓟ ꓓꓳꓽ
6 ꓦ ꓟ 14 ꓠꓬꓲ 2025 ꓘꓳꓼ ꓕꓯ ꓑꓶ‐ꓬꓲ ꓟꓵꓽ ꓠꓬꓪꓰꓰ‐ꓢꓧꓪꓰꓰ ꓗꓪ ꓬꓲꓻ ꓙꓬ ꓮ ꓟꓬ, ꓙꓵꓽ ꓔꓬ ꓟ ꓪꓴ. ꓠꓬꓲ ꓑ ꓫꓬ ꓔꓬ ꓦꓲꓻ (100) ꓦꓲꓻ ꓟꓽ ꓞꓲ ꓬꓲꓻ ꓙꓬ ꓟꓽ ꓛꓲ ꓡ ꓟ ꓟꓵꓽ ꓗꓪ ꓚꓲ. ꓖꓶ ꓔꓬ ꓡꓳ ꓐꓰ ꓐꓯ ꓔ ꓡꓳ꓿
ꓑꓶ‐ꓬꓲ ꓟꓵꓽ ꓖꓴ. ꓟꓶ ꓕꓲ ꓒꓳ, ꓗꓪ ꓥ ꓟ ꓡꓳ ꓒꓱ ꓘꓴꓽ ꓗꓪ ꓞꓳ ꓘ, ꓓꓽ ꓠꓬꓲ ꓘ, ꓗꓪ ꓬꓲꓻ ꓙꓬ ꓮ ꓟꓬ, ꓙꓵꓽ ꓔꓬ ꓟ ꓪꓴ. ꓠꓬꓲ ꓑ ꓫꓬ ꓦꓲꓻ (100) ꓦꓲꓻ ꓔꓯ ꓬꓰ ꓙ ꓢꓴ ꓐꓴ ꓡꓰ ꓬꓰ ꓙ ꓢꓲ ꓠꓬꓲ ꓬꓲꓻ ꓙꓬ ꓟꓽ ꓞꓲ ꓡ ꓟ ꓔꓶ. ꓗꓪ ꓚꓲ. ꓖꓶ ꓗꓷꓳ ꓐꓰ ꓐꓯ ꓔ ꓡꓳ꓿
ꓑ ꓫꓬ ꓕꓲ ꓣꓳ ꓡꓰ ꓫ ꓕꓱ ꓔ ꓟ ꓠꓬ ꓡꓳ ꓒꓱ ꓘꓴꓽ ꓗꓪ ꓞꓳ ꓘ, ꓓꓽ ꓠꓬꓲꓽ ꓘ, ꓗꓪ ꓬꓲꓻ ꓙꓬ ꓙꓵꓽ ꓡ ꓟ ꓠꓬ (2) ꓑꓯ ꓓꓯ ꓢꓲ ꓙꓳ ꓡꓰ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓮ ꓘꓶ. ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ ꓐꓰ (Myanmar News Journal) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿
