ꓛ‐ꓖꓳ ꓟꓵꓽ ꓘꓳ‐ꓡ‐ꓑꓶ. ꓟꓵꓽ ꓡꓯ‐ꓓꓯ. ꓞꓳ ꓘ, ꓗꓪ ꓫꓬ, ꓔ ꓟ ꓙꓳꓽ ꓟꓽ ꓦꓲꓻ ꓠꓬ ꓬꓲꓻ ꓙꓬ ꓐꓵ ꓡꓰ ꓟ ꓪꓴ. ꓠꓬꓲ ꓙꓳꓽ ꓟꓽ ꓐꓴ ꓟꓲ ꓠꓯ ꓢꓷ. ꓠꓲ, ꓢꓳꓻ ꓠ, ꓟ ꓫ. ꓔꓬ ꓟ
6 ꓦ ꓟ 5 ꓠꓬꓲ 2025 ꓘꓳꓼ ꓕꓯ ꓛ‐ꓖꓳ ꓟꓵꓽ ꓘꓳ‐ꓡ‐ꓑꓶ. ꓟꓵꓽ ꓡꓯ‐ꓓꓯ. ꓞꓳ ꓘ, ꓗꓪ ꓫꓬ, ꓔ ꓟ ꓙꓳꓽ ꓟꓽ ꓦꓲꓻ ꓠꓬ ꓬꓲꓻ ꓙꓬ ꓮ ꓘꓶ. ꓙꓵꓽ ꓡ ꓟ ꓑꓶ. ꓓꓴ ꓬꓲꓻ ꓙꓬ ꓡꓰ ꓐꓵ ꓡꓰ ꓟ ꓪꓴ. ꓠꓬꓲ ꓙꓳꓽ ꓟꓽ ꓐꓴ ꓟꓲ ꓠꓯ ꓢꓷ. ꓠꓲ, ꓕꓳ ꓶ ꓢꓳꓻ ꓠ, ꓟ ꓮ ꓘꓶ. ꓫ. ꓔꓬ ꓡꓳ ꓐꓰ ꓢꓷ. ꓪ ꓡꓳ꓿ ꓗꓳ. ꓗꓷ ꓟ ꓠꓬꓲꓽ ꓫꓵꓽ ꓠꓽ ꓘꓴ ꓗꓪ ꓟꓶ ꓦ ꓮ ꓟꓬ, ꓦ ꓡ ꓟ ꓪꓴ. ꓠꓬꓲ ꓬꓲꓻ ꓙꓬ ꓮ ꓘꓶ. ꓙꓵꓽ ꓡ ꓢꓲ ꓠꓬꓲ ꓡꓯ‐ꓓꓯ. ꓞꓳ ꓘ, ꓗꓪ ꓫꓬ, ꓔ ꓟ ꓢꓳꓻ ꓦꓲꓻ ꓠꓬꓲꓽ ꓦꓲꓻ ꓬꓲꓻ ꓙꓬ ꓡꓰ ꓐꓴ ꓡꓰ ꓟ ꓥ ꓡꓳ ꓐꓰ ꓢꓷ. ꓪ ꓡꓳ꓿
ꓝꓮꓲ ꓬꓲꓻ ꓙꓬ ꓙꓵꓽ ꓡ ꓟ ꓑꓶ. ꓓꓴ ꓑ ꓫꓬ ꓦꓲꓻ ꓕꓲ ꓐꓱ ꓥ ꓟꓲ ꓬꓲꓻ ꓙꓬ ꓐꓵ ꓡꓰꓳ ꓐꓰ ꓢꓷ. ꓪ ꓡꓳ꓿ ꓡꓯ‐ꓓꓯ ꓞꓳ ꓘ, ꓗꓪ ꓙꓳꓽ ꓟꓽ ꓠꓬ (60) ꓣꓳ ꓔꓬ ꓟ ꓞꓳ ꓘ, ꓥ ꓢꓲ ꓠꓬꓲ ꓮ ꓟꓶ ꓟ ꓙꓵ, ꓗꓪ ꓟꓲ ꓠꓯ ꓕꓳ ꓶ ꓢꓳꓻ ꓙꓵ, ꓛꓲ ꓡ ꓥ ꓟꓲ ꓢꓳꓻ ꓦꓲꓻ ꓬꓲ ꓫꓵꓼ ꓟꓽ ꓫꓬ, ꓪ ꓢꓰ ꓐꓰ ꓐꓯ ꓔ ꓡꓳ꓿
ꓝꓮꓲ ꓬꓲꓻ ꓙꓬ ꓮ ꓘꓶ. ꓙꓵꓽ ꓡ ꓟ ꓑꓶ. ꓓꓴ (150) ꓑꓯ. ꓟꓴˍ ꓟ ꓡꓯ‐ꓓꓯ. ꓓꓽ ꓖꓴ ꓥ ꓟꓲ ꓬꓲꓻ ꓙꓬ ꓡꓰ ꓐꓵ ꓡꓰꓳ ꓐꓰ ꓢꓷ. ꓪ ꓡꓳ꓿ ꓡꓯ‐ꓓꓯ ꓓꓽ ꓖꓴ ꓠꓬ ꓛ‐ꓖꓳ ꓟꓵꓽ ꓗꓪ ꓐꓰ ꓑꓴꓔꓮꓳ ꓖ‐ꓟꓶ‐ꓓꓰ ꓟꓵꓽ ꓗꓪ ꓡ ꓟ ꓙꓵ, ꓕꓯ ꓣꓱ_ ꓟ ꓓꓽ ꓖꓴ ꓥ ꓡꓳ꓿ ꓮ ꓟꓶ ꓟ ꓙꓵ, ꓗꓪ ꓟꓳ‐ꓓꓳ ꓙ ꓖꓴ ꓥ ꓟꓲ ꓐꓬ ꓔꓬ ꓟ ꓪꓴ. ꓠꓬꓲ ꓛ‐ꓖꓳ ꓟꓵꓽ ꓗꓪ ꓔꓬ ꓟ ꓑ ꓫꓬ ꓐꓴ ꓮ ꓘꓶ. ꓫ. ꓓꓴ ꓟꓷꓼ ꓓꓴ ꓔꓳ, ꓜꓳ ꓔꓬ ꓟ ꓥ ꓡꓳ ꓐꓰ ꓢꓷ. ꓪ ꓡꓳ꓿
