ꓣꓳ ꓕꓲ ꓣꓳ ꓡꓲ ꓕꓲ ꓣꓳ ꓠꓬ ꓢꓲ ꓒ ꓬꓰ-ꓢꓴ ꓐꓰ ꓙꓻ ꓡꓯꓽ ꓘꓳ ꓢꓲ ꓠꓬꓲ ꓠꓲꓹ ꓟ ꓗꓳꓸ ꓖꓶ ꓓꓴ ꓔꓯ ꓧꓪ ꓟꓳ ꓡꓰ ꓢꓲ ꓬꓲ ꓗꓪ ꓐꓰ ꓕꓱ ꓟꓲ ꓠꓯ ꓔꓯ ꓫꓱꓸ ꓤ ꓗꓴꓸ_ ꓟ ꓠꓲꓹ ꓟ ꓔꓯ ꓢꓳ ꓣꓴ ꓗꓴꓸ ꓐ ꓡ ꓠꓹ ꓟ ꓪꓽ ꓘꓴ ꓓꓴ ꓬꓰ ꓡꓯ= ꓢꓲ ꓒꓽꓳ꓾ꓠꓴ ꓫꓱꓸ ꓤ ꓠꓲꓹ ꓟ ꓠꓯꓼ ꓗꓪ ꓠꓬꓲꓸ ꓠꓬꓲ ꓥꓪ ꓔꓬ ꓡ ꓥꓳ꓾ ꓠꓴ ꓐꓯ ꓘꓶꓽ ꓗꓪ ꓐꓰ ꓥꓪ ꓠꓯꓼ ꓗꓪ ꓠꓲꓹ ꓪꓴꓽ ꓔꓴ ꓡ ꓝꓲ ꓡꓯ꓾ ꓫꓸ ꓢꓴ ꓟꓷꓼ ꓢꓴ꓾ ꓠꓲꓹ ꓫ ꓟꓬ ꓫ ꓔꓬ ꓢꓴ ꓐꓰ ꓟꓲ ꓠꓯ ꓡ ꓞꓳ ꓮ ꓙꓵ ꓢꓴ ꓠꓯꓼ ꓗꓪ ꓠꓴ ꓫꓱꓸ ꓤ ꓠꓲꓹ ꓧꓳꓸ ꓧꓳꓽ ꓡꓵ ꓖꓶ ꓡꓯ=ꓪꓴ-ꓢ ꓔꓯ ꓟꓬ ꓠꓬꓲ ꓠꓲꓹ ꓡꓱ ꓢꓷꓸ ꓡꓰ ꓠꓹ ꓟ꓾ ꓪꓴ-ꓢ ꓐꓯ ꓘꓶꓽ ꓶꓼ ꓓꓳ ꓫꓱꓸ ꓓꓳ ꓗꓪ ꓐꓰ ꓓꓵ ꓙ ꓔꓱꓹ ꓕ ꓠꓹ ꓟ꓾ ꓠꓴ ꓐꓰ ꓕꓲ ꓪ ꓔꓬ ꓠꓹ ꓟ꓾ ꓠꓴ ꓗꓪ ꓐꓰ ꓫꓱꓸ ꓤ ꓠꓲꓹ ꓢꓳ ꓜꓲꓼ ꓓꓴ ꓠꓲꓹ ꓡꓶꓽ ꓙꓳ ꓟ ꓥꓳ=ꓪꓴ-ꓢ ꓠꓬ ꓬꓲ ꓫꓱꓸ ꓤ ꓟ ꓠꓲꓹ ꓟ ꓗꓪ ꓐꓰ ꓕꓲ ꓞꓲꓼ ꓕꓲ ꓑ ꓵ ꓖꓴ ꓟꓽ ꓓ ꓟ ꓐꓹ ꓐ ꓠꓵꓻ ꓠꓲꓹ ꓐꓰ ꓣꓳ ꓔꓯ ꓟꓸ ꓖꓶ ꓗꓷ ꓟ ꓥꓳ=ꓠꓴ ꓤ ꓠꓱ ꓤ ꓐꓴ ꓔꓯ ꓠꓴ ꓣꓱ ꓛꓰ ꓪ ꓟꓶ ꓝꓲ ꓡꓯ꓾ ꓚꓲ ꓛꓬ ꓒꓳꓹ ꓡꓶꓸ ꓓꓵꓽ ꓙ_ ꓟ꓾ (ꓪꓽ ꓘꓴ ꓟ꓾ꓟꓬꓱꓽ ꓠꓯꓼ ꓗꓪ꓾ ꓣꓳ ꓕꓲ ꓠꓬꓲ ꓡꓲ ꓕꓲ ꓠꓬꓲ ꓬꓰ ꓔꓬ ꓟ꓾ꓙꓻ ꓫꓱꓽ ꓔꓬ ꓟ) ꓣꓳ ꓔꓳꓹ ꓜꓳ ꓔꓬ ꓟ ꓮ ꓙꓵ ꓠꓯꓼ ꓗꓪ ꓪꓴ-ꓢ ꓠꓴ ꓔꓯ ꓡꓰ ꓧꓪ ꓔꓬ ꓡꓳ=ꓕꓱ ꓟ ꓗꓪ ꓐꓰ ꓠꓴ ꓠꓬ ꓫꓱꓸ ꓤ ꓠꓲꓹ ꓙꓳ ꓢꓴ ꓠꓲꓹ ꓙ ꓟꓬ ꓗꓳ_ ꓟ ꓮ ꓙꓵ ꓠꓯꓼ ꓗꓪ ꓐꓰ ꓬꓲ ꓚꓰ ꓥ ꓟ ꓑꓶ ꓓꓴ ꓟꓲ ꓠꓯ ꓐꓱ ꓶ ꓥꓪ ꓠꓴ ꓔꓯ ꓫꓱꓸ ꓤ ꓗꓴꓸ ꓟ ꓠꓲꓹ ꓟ ꓡꓵꓽ ꓖꓶ ꓡꓯ꓾ ꓮꓟꓰꓠꓸ
