ꓔꓲꓺ ꓒ ꓪ ꓔꓲ ꓡꓰꓳ (14) ꓐꓰ ꓮ‐ꓖꓲ‐ꓔꓲ‐ꓠ ꓗꓴꓷꓼ ꓙꓵꓽ ꓢꓲꓽ ꓒꓽ ꓐꓰ ꓜꓲꓼ ꓡꓯ ꓘꓳ_ ꓟ
6 ꓦ ꓟ 7 ꓠꓬꓲ 2025 ꓘꓳꓼ ꓕꓯ ꓦꓮꓔꓲꓚꓮꓠ ꓗꓴꓷꓼ ꓗꓪ ꓔꓲꓺ ꓒ ꓪ ꓔꓲ ꓡꓰꓳ (14) ꓐꓰ ꓮ‐ꓖꓲ‐ꓔꓲ‐ꓠ ꓗꓴꓷꓼ ꓙꓵꓽ ꓢꓲꓽ ꓒꓽ ꓟꓲꓡꓰꓴꓲ ꓐꓰ ꓜꓲ ꓡꓯꓽ ꓘꓳ ꓗꓷ ꓟ ꓥ ꓡꓳ꓿ ꓕꓱ ꓜꓲ ꓡꓯꓽ ꓘꓳ ꓗꓷ ꓟ ꓠꓬ ꓟꓲ ꓠꓯ ꓢꓲ ꓡꓲ, ꓟꓶ ꓠ, ꓟ ꓟꓬꓱꓽ ꓔꓯ ꓞꓼ ꓞꓼ ꓬꓰ ꓠ, ꓟ ꓐꓱ ꓶ ꓥ ꓡꓳ ꓐꓰ ꓐꓯ ꓔ ꓡꓳ꓿
ꓔꓲꓺ ꓒ ꓪ ꓔꓲ ꓡꓰꓳ (14) ꓠꓬ ꓠꓽ ꓛꓳꓼ ꓠꓬꓲ ꓕꓯ ꓦꓮꓔꓲꓚꓮꓠ ꓗꓴꓷꓼ ꓗꓪ ꓮ‐ꓖꓲ‐ꓔꓲ‐ꓠ ꓗꓴꓷꓼ ꓙꓵꓽ ꓢꓲꓽ ꓒ ꓐꓰ ꓜꓲ ꓡꓯꓽ ꓘꓳ ꓗꓷ ꓟ ꓥ ꓡꓳ꓿ ꓕꓱ ꓜꓲ ꓡꓯꓽ ꓘꓳ ꓟ ꓠꓬ ꓦꓮꓔꓲꓚꓮꓠ ꓗꓴꓷꓼ ꓐꓰ ꓮ‐ꓖꓲ‐ꓔꓲ‐ꓠ ꓗꓴꓷꓼ ꓙ ꓡꓯꓽ ꓘꓳ, ꓟ ꓙꓵ, ꓕꓯ ꓮ ꓟꓬ, ꓛꓲ ꓙꓲ ꓠ, ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿
ꓝꓮꓲ ꓜꓲ ꓡꓯꓽ ꓘꓳ ꓟ ꓙꓵ, ꓕꓯ ꓫ. ꓓꓴ ꓟꓷꓼ ꓢꓴ ꓐꓴ ꓔꓯ ꓟꓬꓱꓽ ꓪ ꓠ, ꓟ ꓐꓰ ꓫ. ꓢꓴ ꓐꓴ ꓞꓳ ꓙꓳ ꓟ ꓤꓶꓻ ꓗꓪ ꓢ ꓡꓰ ꓠ, ꓟ ꓟꓬꓱꓽ ꓔꓯ ꓬꓰ ꓐ ꓡ ꓠ, ꓟ ꓟꓬꓱꓽ ꓬꓰ ꓠ, ꓟ ꓮ ꓟꓬ, ꓫꓵꓽ ꓖꓪ ꓙꓱ ꓗꓷ ꓐꓰ ꓐꓯ ꓔ ꓡꓳ꓿
ꓬꓲ ꓟꓶ ꓗꓪ ꓠꓬ ꓗꓴꓷꓼ ꓘꓴꓽ ꓗꓪ ꓮ ꓡꓰ ꓐꓰ ꓢꓲ ꓡꓲ, ꓟ ꓟꓶ ꓠ, ꓟ ꓐꓰ ꓟꓵ ꓗꓳ. ꓓꓵ ꓓꓵ ꓗꓪ ꓥ ꓟꓲ ꓢꓲ ꓡꓲ, ꓟꓶ ꓠ, ꓟ ꓟꓬꓱꓽ ꓮ ꓟꓬ, ꓔꓯ ꓬꓰ ꓠ, ꓟ ꓮ ꓟꓬ, ꓫꓵꓽ ꓖꓪ ꓙꓱ ꓗꓷ ꓐꓰ ꓐꓯ ꓔ ꓡꓳ꓿
ꓮ ꓟꓶ ꓒꓬꓱꓼ ꓔꓬ ꓟ ꓫꓵꓽ ꓪꓴꓽ ꓔꓯ ꓞꓼ ꓞꓼ ꓠꓽ ꓡꓰ ꓠ, ꓟ ꓟꓲ ꓠꓯ ꓢꓲ ꓡꓲ, ꓟ ꓟꓬꓱꓽ ꓔꓯ ꓬꓰ ꓠ, ꓟ ꓮ ꓘꓶ. ꓣꓱ ꓬꓯꓼ ꓔꓬ ꓡꓳ ꓐꓰ Vatican ꓠꓰꓪꓢ ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿
