ꓮ ꓟꓰ ꓕꓯ ꓗꓴꓷꓼ ꓕꓲ ꓗꓴꓷꓼ ꓡꓲ ꓕꓲ ꓗꓴꓷꓼ ꓢꓲ ꓡꓲ, ꓗꓷ ꓠ, ꓟ ꓐꓱ ꓶ ꓔꓲ.. ꓒ ꓪ ꓔꓲ ꓡꓰꓳ ꓫꓲꓦ ꓡꓰ ꓫꓱ. ꓤ ꓠꓲ, ꓟ ꓡꓰ ꓬꓰ ꓙ ꓠ, ꓟ ꓐꓰ ꓢꓲ ꓡꓲ, ꓗꓷ ꓠ, ꓟ ꓐꓱ ꓶ ꓠꓱ. ꓐꓯꓼ ꓗꓴꓷꓼ ꓐꓴ ꓐꓰ ꓖꓪ ꓙꓱ ꓗꓷ ꓟ ꓐꓰ ꓣꓴꓢꓢꓲꓮꓠ ꓗꓴꓷꓼ ꓙꓵꓽ ꓢꓲ ꓒꓽ ꓑꓴꓔꓲꓠ ꓔꓯ ꓢꓲ ꓡꓲ, ꓠ, ꓟ ꓐꓱ ꓶ ꓓꓵꓼ ꓙ ꓢꓲ꓾ ꓟꓬꓱꓽ ꓬꓰ ꓖꓶ ꓠ, ꓟ ꓐꓰ ꓕꓲ ꓗꓴꓷꓼ ꓡꓲ ꓕꓲ ꓗꓴꓷꓼ ꓠꓬꓲꓽ ꓗꓳ. ꓚ ꓗꓪ ꓖꓪ ꓙꓱ ꓠ, ꓟ ꓠꓬ ꓣꓳ. ꓚꓵ_ ꓟ ꓐꓰ ꓖꓳ ꓕꓯ ꓢꓲ꓾ ꓗꓴꓷꓼ ꓫꓵ ꓪꓴ ꓚꓱ, ꓔꓯ ꓬꓲ ꓚꓱ, ꓙꓳ ꓙꓳ ꓡꓰ ꓬꓰ ꓐ ꓡ ꓠ, ꓟ ꓖꓳ ꓟ ꓡꓰ ꓟꓽ ꓞꓲ ꓗꓴꓷꓼ ꓠꓬꓲ ꓗꓴꓷꓼ ꓗꓪ ꓐꓰ ꓣꓴ ꓔ ꓟ ꓑ ꓫꓬ ꓐꓴ ꓔꓯ ꓑ ꓖꓶ ꓠ, ꓟ꓾ ꓚꓮꓣꓓꓲꓠꓮꓡ ꓟꓮꓔꓔꓰꓳ ꓟꓮꓣꓲꓮ ꓜꓴꓑꓑꓲ ꓗꓪ ꓐꓰ ꓟꓬꓱ ꓬꓰ ꓔꓬ ꓟ ꓚꓱ,꓾ ꓣꓴꓢꓢꓲꓮꓠ ꓳꓣꓔꓧꓳꓓꓳꓫ ꓪꓴ ꓓꓵ ꓣꓱꓽ ꓢꓴ ꓗꓲꓣꓲꓡꓡ ꓗꓪ ꓐꓰ ꓔꓲ.. ꓒ ꓪ ꓔꓲ ꓢꓲꓺ ꓟꓶ ꓗꓷ ꓟ ꓑꓶ. ꓓꓴ ꓠꓲ, ꓡꓱ ꓗ, ꓛꓲ ꓛꓲ ꓐꓰ ꓒꓴ ꓗ, ꓬꓰ_ ꓟ ꓐꓯ ꓘꓶꓽ ꓐꓱ ꓶ ꓫ. ꓟꓳ ꓟ ꓚꓱ,꓾ꓙꓲ ꓢꓴ ꓢꓲ ꓤ ꓤꓶ., ꓬꓲ ꓒꓴ ꓔꓯ ꓙ ꓡꓯꓽ ꓘꓳ ꓢꓲ꓾ ꓢꓯ. ꓔꓬ ꓟ ꓠꓬ ꓢꓲ ꓡꓲ, ꓟ ꓚꓱ, ꓔꓯ ꓫꓬ, ꓖꓶ ꓠ, ꓟ꓾ ꓞꓳ ꓤ ꓤꓶ., ꓟꓽ ꓟꓶꓽ ꓡꓰ ꓠ, ꓟ ꓢꓯꓼ ꓕꓵꓼ ꓟ ꓗꓪ ꓐꓰ ꓥˍꓟꓲ꓾ꓘꓴꓽ ꓜꓲꓼ ꓞꓳ ꓪ ꓙꓵꓽ ꓪ ꓙꓳ_ ꓟ ꓔꓯ ꓶꓽ ꓓꓰ ꓟ ꓗꓪ ꓠꓬꓲ ꓟꓳ ꓓꓴ ꓕꓲ ꓟ ꓒꓬꓱꓼ ꓡ ꓓ_ ꓟ ꓔꓯ ꓖꓪ ꓙꓱ ꓡꓯꓽ ꓘꓳ ꓗꓷ ꓟ ꓓꓳꓽ ꓔꓯ ꓦꓮꓔꓲꓚꓮꓠ ꓓꓳꓽ ꓗꓪ ꓐꓰ ꓐꓯ ꓶ ꓔ ꓡꓳ꓿
