ꓟꓬ‐ꓟ ꓗꓴꓷꓼ ꓗꓪ ꓬꓲ., ꓙꓬ ꓙꓵ ꓡ ꓟ ꓑꓶ. ꓓꓴ ꓫ. ꓔꓬ ꓢꓴ ꓐꓴ ꓔꓯ ꓞꓳ ꓤ ꓔꓯ ꓫꓱ. ꓤˍꓟ꓾ ꓬꓰ ꓙ ꓓꓴ ꓣꓱꓽ ꓬꓯꓼ ꓔꓬ ꓡꓳ ꓐꓰ ꓔꓲ.. ꓒ ꓪꓽ ꓔꓲ ꓣꓳ. ꓬꓲ ꓚꓰ ꓦꓮꓔꓲꓚꓮꓠ ꓓꓳꓽ ꓗꓪ ꓐꓯ ꓔ ꓡꓳ꓿
ꓟꓬ ꓠꓬꓲ ꓐꓭ ꓠꓬꓲ ꓢꓮꓖꓮꓲ ꓟꓵꓽ ꓐꓰ ꓗ‐ꓛꓲ ꓗꓴꓷꓼ ꓫꓴ ꓗꓪ ꓠꓬꓲ ꓫꓵꓽ ꓠꓽ ꓛꓲ ꓟꓶꓽ ꓦ ꓜꓯꓼ ꓡ ꓢꓲ꓾ ꓬꓲ., ꓙꓬ ꓙꓵ ꓡ ꓟ ꓑꓶ. ꓓꓴ ꓠꓲ, ꓟ ꓫ. ꓓꓴ ꓮ ꓘꓶ. ꓔꓳ, ꓜꓳꓽ ꓗꓷ ꓟ ꓥ ꓡꓳ꓿ꓟ: ꓞꓲ ꓡꓳ, ꓬꓰ ꓟ 2025 ꓘꓳꓼ 3 ꓦ ꓟ 28 ꓠꓬꓲ ꓕꓯ ꓟꓵꓽ ꓙꓴꓽ ꓚꓵ, ꓡ ꓟ ꓑꓶ. ꓓꓴ ꓑ ꓫꓬ ꓮ ꓘꓶ. ꓫꓵ., ꓡꓰ ꓟ ꓡꓰ ꓟꓽ ꓞꓲ ꓔꓬ ꓦꓲ., ꓥ ꓟꓲ ꓮ ꓟꓬ, ꓦꓲ., ꓑꓬ ꓡꓰ ꓟ ꓑꓶ. ꓓꓴ ꓠꓲ, ꓫ. ꓟꓬ ꓫ. ꓔꓬ ꓟ ꓑ ꓫꓬ ꓐꓴ ꓔꓯ ꓕꓲ ꓗꓴꓷꓼ ꓡꓲ ꓕꓲ ꓗꓴꓷꓼ ꓗꓪ ꓔꓬ ꓟ ꓬꓰ ꓙ ꓢꓴ ꓜꓴ ꓐꓴ ꓡꓰ ꓡꓯꓼ ꓫꓵ ꓬꓰ ꓙ ꓠ, ꓟ ꓓꓰ ꓙ ꓔ ꓟ ꓥ ꓡꓳ ꓐꓰ ꓢꓷ. ꓪ ꓡꓳ꓿
