ꓦꓮꓔꓲꓚꓮꓠ ꓪꓰꓐꓢꓲꓔꓰ ꓥ ꓟ Vatican.va ꓠꓬ ꓓꓰꓢꓲꓖꓠ ꓬꓲ ꓫꓵꓼ ꓕꓲ ꓟ ꓗꓪ ꓐꓰ ꓔꓲꓺ ꓒ ꓪ ꓔꓲ. ꓢꓷ. ꓙ ꓟꓳ ꓙ ꓘꓶꓽ ꓐꓴ ꓔꓯ ꓟꓵꓽ ꓗꓳ, ꓓꓵ ꓓꓵ ꓗꓪ ꓟ ꓑ ꓫꓬ ꓐꓴ ꓢꓻ ꓢꓻ ꓡꓰꓽ ꓢꓷ. ꓐ ꓡ ꓠ, ꓟ ꓐꓱ ꓶ ꓓꓰꓢꓲꓖꓠ ꓬꓲ ꓫꓵꓼ ꓡꓶ. ꓗꓷ ꓟ ꓥ ꓡꓳ ꓐꓰ ꓦꓮꓔꓲꓚꓮꓠ ꓓꓳꓽ ꓐꓯ ꓑꓶ ꓔꓶ. (Dicastery for Communication) ꓗꓪ ꓐꓰ 2025 ꓘꓳꓼ 5 ꓦ 29 ꓠꓬꓲ ꓕꓯ꓾ ꓐꓯ ꓑꓶ ꓔ ꓡꓳ꓿
ꓓꓰꓢꓲꓖꓠ ꓬꓲ ꓫꓵꓼ ꓫꓬ, ꓔ ꓟ ꓦꓲꓻ ꓚꓰ (Home Page) ꓠꓬ ꓪ ꓜꓲ ꓡꓳ. ꓫꓬꓽ ꓢꓲ ꓢꓻ ꓢꓻ ꓡꓰ ꓢꓳ ꓟꓶ ꓠ, ꓟ ꓐꓱ ꓶ ꓥ ꓡꓳ꓿ ꓮ ꓟꓶ ꓪꓰꓐꓢꓲꓔꓰ ꓗꓪ ꓡꓳ. ꓡ ꓢꓴ ꓐꓴ ꓠꓬ ꓗ‐ꓔꓳ‐ꓡꓲꓗ ꓘꓴ ꓜꓲꓼ ꓞꓳ ꓙꓵꓻ ꓠꓲ, ꓚꓱ,꓾ ꓘꓴ ꓜꓲꓼ ꓞꓳ ꓡꓰ ꓟ. ꓖꓶˍ ꓟ ꓚꓱ,꓾ ꓛꓳ ꓫꓱꓽ ꓚꓱ,꓾ ꓔꓲꓺ ꓒ ꓪ ꓔꓲ. Leo (14) ꓢꓷ. ꓙ ꓟꓳ ꓙ ꓘꓶꓽ꓾ ꓘꓴ ꓜꓲꓼ ꓞꓳ ꓠꓯꓸꓼ ꓗꓪ ꓢꓷ. ꓠ ꓔ ꓟ ꓢꓷ. ꓫꓵꓽ ꓢꓷ. ꓙꓰꓽ ꓮ ꓙꓵꓽ ꓐꓴ ꓔꓯ ꓢꓻ ꓢꓻ ꓡꓰꓽ ꓧꓪ ꓟꓳꓻ ꓐ ꓡˍ ꓟ ꓥ ꓡꓳ꓿ ꓦꓲꓻ ꓚꓰ (Home Page) ꓓꓰꓢꓲꓖꓠ ꓬꓲ ꓫꓵꓼ ꓫꓬ, ꓡꓶ. ꓗꓷ ꓟ ꓠꓬ 1995 ꓕꓯ ꓡꓰ ꓫꓬ, ꓔ ꓟ ꓪꓰꓐꓢꓲꓔꓰ ꓔꓯ ꓪ ꓜꓲ ꓙꓲˍ ꓟ ꓕꓲ ꓒꓳ, ꓗꓪ ꓫꓬ, ꓡꓶ. ꓔ ꓟ ꓪꓰꓐꓢꓲꓔꓰ ꓕꓲꓽ ꓟ ꓥ ꓡꓳ꓿
ꓕꓱ ꓦꓲꓻ ꓚꓰ (Home Page) ꓔꓯ ꓢꓻ ꓢꓻ ꓡꓰꓽ ꓣꓱꓽ ꓐ ꓡ ꓠ, ꓟ ꓐꓱ ꓶ ꓲꓔ ꓔꓯ ꓟꓳ. ꓢꓷ. ꓠꓲ, ꓢꓷ. ꓢꓴ ꓜꓴ ꓐꓴ ꓡꓰ ꓕꓲ ꓠꓲ, ꓕꓲꓽ ꓪ ꓬꓰ ꓢꓯꓼ ꓕꓵꓼ ꓔꓬ ꓟ ꓥ ꓡꓳ꓿
ꓓꓰꓢꓲꓖꓠ ꓬꓲ ꓫꓵꓼ ꓕꓱ ꓟ ꓠꓬ ꓑꓲ‐ꓣꓴ ꓗꓴꓷꓼ ꓢꓴ Graphic Designer Juan Carlos Yto (TMB.Lab) ꓬꓲ ꓓꓵꓽ ꓙꓽ ꓟꓶˍ ꓟ ꓡꓰ ꓫꓬ, ꓔ ꓟ ꓥ ꓢꓲ ꓠꓬꓲ꓾ ꓬꓲ ꓠꓬ ꓙꓻ ꓡꓯ ꓘꓳ ꓜꓴꓻ ꓡꓰ ꓧꓳꓽ ꓣꓱꓽ ꓔ ꓟ “Faith Communication in the Digital World” Digital ꓟꓵꓽ ꓗꓪ ꓙꓵꓻ ꓠꓲ, ꓙꓻ ꓡꓯ ꓘꓳ ꓚꓱ, ꓬꓲ ꓪꓴ. ꓕꓲꓽ ꓜꓴ ꓗꓪ ꓟ ꓢꓳ ꓤ ꓕꓲꓽ ꓣꓳ ꓥ ꓡꓳ꓿
Yto ꓡꓰ Dicastery ꓪꓰꓐꓢꓲꓔꓰ ꓗꓪ ꓐꓯ ꓑꓶ ꓔ ꓟ ꓗꓪ ꓠꓬ ꓪꓰꓐꓢꓲꓔꓰ ꓓꓰꓢꓲꓖꓠ ꓬꓲ ꓫꓵꓼ ꓐꓰ ꓬꓲ ꓔꓶ ꓙꓱꓼ ꓔꓯ ꓕꓱ ꓡꓱ ꓐꓯ ꓟ. ꓖꓶ ꓔ ꓡꓳ꓾
ꓪꓰꓢꓲꓔꓰ ꓓꓰꓢꓲꓖꓠ ꓬꓲ ꓫꓵꓼ ꓕꓱ ꓟ ꓠꓬ ꓘꓴ ꓜꓲꓼ ꓞꓳ ꓡꓰ ꓪꓳ ꓫꓳ. ꓔ ꓟ ꓔꓯ ꓖꓴ ꓟ. ꓖꓶ ꓓꓴ ꓒꓬꓱꓼ ꓠ ꓗ, ꓡꓳ꓿ ꓕꓱ ꓟ ꓠꓬ ꓦꓮꓔꓲꓚꓮꓠ ꓪꓰꓐꓢꓲꓔꓰ ꓓꓰꓢꓲꓖꓠ ꓬꓲ ꓫꓵꓼ ꓡꓶ.ˍ ꓥꓳ ꓐꓯ ꓟ ꓔꓯ ꓥꓪ ꓑ ꓙꓽ ꓡꓰ ꓗ ꓠꓯ. ꓥꓪ ꓓꓵꓽ ꓙ ꓟꓶˍ ꓟ ꓥ ꓡꓳ꓿
St. Peter Square ꓠꓬ ꓡꓴ. ꓡꓴ. ꓡꓰꓽ ꓗ, ꓟ ꓡꓰ ꓐꓰ ꓘꓴ ꓜꓲꓼ ꓞꓳ ꓠꓬ ꓡꓯꓼ ꓒꓯ, ꓛꓱ, ꓢꓲ ꓮ ꓙꓵꓽ ꓔꓯ ꓘꓳ ꓣꓴ ꓔꓬ ꓟ ꓘꓴ ꓜꓲꓼ ꓞꓳ ꓕꓲꓽ ꓟ꓾
ꓪ ꓜꓲ ꓡꓳ. ꓫꓬꓽ ꓢꓲ ꓠꓬꓲ ꓢꓻ ꓢꓻ ꓡꓰꓽ ꓢꓳ ꓣꓴ ꓐ ꓡˍ ꓟ ꓘꓴ ꓜꓲꓼ ꓞꓳ꓾
ꓬꓲ ꓧꓪ ꓔꓯ ꓣꓳ‐ꓟ ꓡꓳ ꓒꓱ ꓬꓲ ꓟꓵꓽ ꓪꓴꓽ ꓠꓲ ꓛꓵꓼ ꓔꓯ ꓔꓯꓺ ꓔ ꓟ꓾ ꓪꓴ‐ꓢ ꓬꓲ ꓐꓬꓱꓼ ꓡꓱꓼ ꓡꓱꓼ ꓟ ꓔꓯ ꓔꓯꓺ ꓔ ꓟ ꓫꓵꓺ꓾ ꓒꓴ ꓛ, ꓟ ꓬꓲ ꓧꓪ ꓐꓰ ꓠꓬꓲ ꓟꓳꓻ ꓓꓴ꓾
ꓦꓲꓻ ꓚꓰ (Home Page) ꓗꓪ ꓪ ꓜꓲ ꓟꓳꓻ ꓓˍ ꓟ ꓬꓲ ꓒꓬꓱꓽ ꓐꓴ ꓗꓪ ꓐꓰ ꓢꓯ. ꓔꓬ ꓢꓲ ꓟꓽ ꓠꓽ ꓠꓽ ꓡꓵ ꓔꓬ ꓟ ꓘꓴ ꓜꓲꓼ ꓞꓳ ꓔꓯ ꓟ. ꓖꓶ ꓔ ꓡꓳ꓾ ꓐꓯ ꓔ ꓡꓳ꓿
