ꓣꓳ ꓔꓬ ꓟ ꓟꓲ ꓠꓯ ꓕꓱ ꓟ ꓔꓯ ꓠꓬꓲ ꓡꓳꓸ ꓗꓪ ꓫꓵ ꓠꓹ ꓟ꓾ ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓡꓰ ꓐꓳ ꓑꓶ ꓔ ꓟ Laudato Si ꓔꓯ ꓬꓲ ꓚꓰ ꓣꓴ ꓢꓲ꓾ ꓓꓱ ꓔ ꓟ “ꓔꓧꓰ ꓡꓰꓔꓔꓰꓣ “ ꓔꓯ ꓟꓬ-ꓟ ꓗꓴꓷꓼ꓾ ꓬꓮꓠꓖꓳꓠ ꓡꓳ ꓒꓱ ꓗꓮꓠ ꓔꓧꓮꓣ ꓬꓮꓣ ꓗꓪ ꓔꓬ ꓟ ꓬꓮꓠꓖꓳꓠ ꓚꓲꓠꓰꓑꓡꓰꓫ ꓗꓪ ꓓꓱ ꓟꓸ ꓖꓶ ꓟ ꓐꓰ ꓟꓵꓽ ꓘꓳꓼ ꓚꓱꓹ ꓔꓯ ꓟꓳꓸ ꓟꓴ ꓖꓪ ꓐꓳ ꓔꓯ ꓡꓯꓽ ꓘꓳ ꓟ ꓗꓪ ꓡꓯꓽ ꓫꓴ ꓪ ꓟꓶ ꓡꓰ ꓢꓴ ꓐꓴ ꓔꓯ ꓫꓱꓸ ꓖꓶ ꓡꓯꓽ ꓫꓴ ꓖꓶ_ ꓟ ꓔꓯ 5 ꓦ ꓟ 26 ꓠꓬꓲ 2025 ꓘꓳꓼ ꓠꓯꓼ ꓠꓯꓼ ꓙꓵꓹ 9ꓽ30 ꓮꓟ ꓙꓵꓹ ꓗꓪ ꓐꓰ ꓟꓳꓼ ꓡꓳ ꓙꓵꓹ ꓗꓪ ꓛꓲ ꓬꓰ ꓗꓷ ꓟ ꓥꓳ=
5 ꓦ 24 ꓠꓬꓲ 2015 ꓘꓳꓼ ꓕꓯ ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓡꓰ ꓬꓲ ꓠꓬꓲꓽ ꓧꓪꓹ ꓕꓲ ꓧꓪꓹ ꓐꓳ ꓑꓶ ꓗꓷ ꓟ ꓕꓳ ꓶ “ꓡꓮꓴꓓꓮꓔꓳ ꓢꓲ(ꓑꓣꓮꓲꓢꓰ ꓐꓰ ꓔꓳ ꓬꓳꓴ) ꓐꓯ_ ꓟ 10 ꓘꓳꓼ ꓐꓲ_ ꓟ ꓚꓵꓸ ꓟꓶ ꓓꓴ ꓑꓮꓲ ꓦꓬꓼ ꓠꓬꓲ ꓔꓯ ꓘꓴ ꓜꓲꓼ ꓞꓳ ꓗꓪ ꓐꓰ ꓑꓮꓲ ꓬꓰ_ ꓟ ꓥ ꓡꓳ= 5 ꓦ ꓟ 24 ꓠꓬꓲ ꓗꓪ ꓐꓰ 31 ꓠꓬꓲ ꓗꓪ ꓛꓲ ꓠꓬ ꓡꓮꓴꓓꓮꓔꓳ ꓢꓲ ꓦꓬꓼ ꓠꓬꓲ ꓐꓰ ꓕꓵꓼ ꓪ ꓖꓶ ꓔ ꓟ ꓥꓳ=
ꓕꓱ ꓟ ꓔꓯ ꓠꓬ Karuna Mission Social Solidarity (KMSS) ꓐꓰ the Social Pastoral Coordination Unit of the Catholic Bishops’ Conference of Myanmar ꓐꓴ ꓠꓬ ꓑꓮꓲ ꓔꓯ ꓙ ꓖꓶ ꓬꓰ_ ꓟ ꓥ ꓡꓳ= ꓕꓱ ꓗꓪ ꓜꓲꓼ ꓡ ꓢꓴ ꓐꓴ ꓠꓬ ꓬꓮꓠꓖꓳꓠ ꓔꓲꓺ ꓒ ꓓꓽ ꓙꓵꓽ ꓔꓶꓸ ꓗꓪ ꓐꓰ ꓔꓲꓺ ꓒ ꓓꓽ ꓐꓴ꓾ ꓔꓲꓺ ꓒ ꓐꓴ꓾ Myanmar Councils of Churches (MCC) ꓗꓪ ꓐꓰ ꓔꓲꓺ ꓒ ꓓꓽ ꓐꓴ꓾ ꓟꓬꓱꓽ ꓬꓰ ꓙ ꓜꓴ ꓐꓴ꓾ ꓟꓴ ꓖꓪ ꓔꓯ ꓡꓯꓽ ꓘꓳ ꓕꓯ ꓠꓬꓲꓸ ꓠꓸ ꓙ ꓢꓴ ꓐꓴ꓾ ꓟꓴ ꓖꓪ ꓖꓪ ꓢꓴ ꓐꓴ꓾ ꓡꓯꓼ ꓫꓴ ꓪ ꓢꓴ ꓐꓴ꓾ ꓢꓑꓚꓴ꓾ ꓚꓐꓚꓟ ꓐꓰ ꓚꓳꓟꓟꓲꓢꓢꓲꓳꓠ ꓣꓳꓸ ꓢꓴ ꓐꓴ꓾ ꓚꓣꓚꓟ꓾ ꓘꓴ ꓜꓲꓼ ꓞꓳ ꓢꓴ ꓐꓴ꓾ ꓚꓣꓢ (ꓚꓲ ꓑꓮꓔꓰꓣꓠꓮꓣꓢ)꓾ ꓣꓦꓮ꓾ ꓞꓳ ꓡꓱ ꓤ ꓐꓴ꓾ ꓗꓟꓢꓢ ꓬꓮꓠꓖꓳꓠ ꓐꓰ ꓗꓟꓢꓢ ꓠꓮꓔꓲꓳꓠꓮꓡ ꓳꓝꓝꓲꓚꓰ꓾ Business Sector_ Catholic Business Group꓾The Village Resort Hotel꓾ ꓐꓰ Rangoon Cineplex ꓗꓪ ꓐꓰ ꓙꓵꓽ ꓪ ꓙꓳ ꓢꓴ ꓐꓴ ꓕꓱ ꓑꓮꓲ ꓗꓪ ꓜꓲꓼ ꓡ ꓟ ꓥꓳ=
ꓔꓲꓺ ꓒ ꓓꓽ ꓠꓳꓰꓡ ꓢꓮꓪ ꓠꓮꓪ ꓮꓬꓰ ꓡꓰ ꓕꓱ ꓢꓯꓸ ꓐꓬꓱ ꓠꓬ ꓬꓲ ꓔꓯ ꓢꓷꓸ ꓡꓰ ꓝꓲ ꓓꓴ ꓢꓷꓸ ꓠꓲꓹ ꓮ ꓟꓬꓹ ꓐꓰ ꓢꓯꓼ ꓪ ꓮ ꓟꓬꓹ ꓖꓶ_ ꓡꓳ ꓐꓰ ꓐꓯ ꓔ ꓟ ꓥꓳ=ꓕꓱ ꓗꓪ ꓜꓲꓼ ꓡ ꓢꓴ ꓐꓴ ꓔꓯ ꓡꓮꓴꓓꓮꓔꓳ ꓢꓲ ꓔꓯ ꓚꓲ ꓛꓬ ꓓꓵꓽ ꓙ ꓔꓱꓹ ꓕ ꓟ ꓔꓯ ꓐꓳ ꓖꓶ ꓠꓹ ꓟ ꓟꓲ ꓢꓯꓼ ꓖꓶ ꓔ ꓡꓳ= ꓕꓱ ꓟ ꓠꓬ ꓟꓲ ꓠꓯ ꓗꓴꓷꓼ ꓜꓴ (ꓚꓳꓠꓔꓲꓠꓰꓠꓔꓢ) 5 ꓜꓴ ꓬꓲ ꓔꓯ ꓥꓳꓽ ꓔꓯ ꓟꓸ ꓖꓶ_ ꓟ ꓟꓲ ꓥ ꓡꓳ= ꓞꓳ ꓤ ꓐꓴ ꓠꓬ ꓕꓲ ꓟꓲ ꓠꓯ ꓡꓱꓼ ꓐꓱ ꓶ ꓙꓲ ꓖꓴ ꓙꓳ ꓠꓹ ꓟ ꓢꓯꓸ ꓔꓬ ꓙ ꓫꓱꓽ ꓢꓲ ꓠꓬꓲ ꓟꓬꓱꓽ ꓬꓰ ꓠꓹ ꓟ ꓥ ꓡꓳ= ꓪꓽ ꓘꓴ ꓟ ꓐꓰ ꓟꓬꓱꓽ ꓬꓰ ꓠꓹ ꓟ ꓠꓬ ꓔꓧꓰ ꓡꓰꓔꓔꓰꓣ ꓗꓪ ꓗꓴꓸ ꓙꓲꓽ ꓙꓳ ꓟ ꓥꓳ꓾ꓐꓰ ꓔꓲꓺ ꓒ ꓓꓽ ꓡꓰ ꓐꓯ ꓔ ꓟ ꓥꓳ=
ꓖꓳ ꓟ ꓡꓰ ꓐꓰ ꓕꓱ ꓟ ꓔꓯ ꓙ ꓖꓶ ꓔ ꓢꓴ ꓐꓴ ꓮ ꓙꓵ ꓔꓯ ꓫ ꓟꓳ ꓘꓶꓽ ꓕꓱ ꓢꓲ ꓠꓬꓲ ꓕꓱ ꓢꓯꓸ ꓐꓬꓱ ꓗꓪ ꓕꓲ ꓒꓳꓹ ꓒꓳꓹ ꓗꓪ ꓐꓰ ꓬꓰ ꓙ ꓡ ꓢꓴ ꓔ ꓙ ꓡ ꓢꓴ ꓶꓻ ꓡꓯꓼ ꓟꓬꓱꓽ ꓬꓰ ꓢꓴ ꓐꓴ ꓔꓯ ꓥ ꓟꓲ ꓫ ꓟꓳ ꓘꓶꓽ ꓕꓱ ꓢꓲ ꓠꓬꓲ ꓫꓱꓸ ꓖꓶ ꓕꓳ ꓶ ꓖꓶ ꓗꓷ ꓟ ꓥꓳ=
ꓗꓟꓢꓢ Program Manager ꓥ ꓟ Daw Mary Khin ꓡꓰ ꓚꓮꓣꓲꓔꓮꓢ ꓟꓬꓮꓠꓟꓮꓣ ꓠꓬ꓾ “ꓑ ꓫꓬ ꓐꓴ ꓧꓪ ꓖꓳ ꓓꓱ ꓕꓲ ꓒꓳꓹ ꓐꓰ ꓢꓷꓸ ꓠꓲꓹ ꓕꓲ ꓒꓳꓹ ꓗꓪ ꓬꓰ ꓙ_ ꓟ ꓠꓬ ꓫꓸ ꓔꓬ ꓢꓴ ꓐꓴ ꓔꓯ ꓬꓰ ꓙ ꓔꓳꓹ ꓙ ꓟ ꓥ ꓡꓳ= ꓢꓲ ꓡꓲꓹ ꓟ ꓚꓱꓹ꓾ ꓔꓱꓹ ꓟ ꓚꓱꓹ꓾ ꓔꓱꓹ ꓜꓳ_ ꓟ ꓚꓱꓹ ꓗꓪ ꓐꓰ ꓙ ꓫꓱ_ ꓟ ꓔꓲꓺ ꓒ ꓪ ꓔꓲ ꓡꓰꓳ ꓫꓲꓦ ꓬꓲ ꓡꓰ ꓐꓰ ꓟꓬꓱꓽ ꓬꓰ ꓔꓬ ꓟ ꓥ ꓡꓳ꓾” ꓐꓰ ꓐꓯ ꓟꓸ ꓖꓶ_ ꓟ ꓥꓳ= ꓖꓳ ꓟ ꓡꓰ ꓐꓰ ꓔꓱꓹ ꓟ ꓟꓵꓽ ꓘꓳꓼ ꓚꓱꓹ꓾ ꓫꓸ ꓔꓬ ꓢꓴ ꓐꓴ ꓟꓶꓻ ꓫꓵ ꓦꓰꓼ ꓞꓹ ꓘꓴ ꓐ ꓡ ꓠꓹ ꓟ꓾ꓢꓲꓹ ꓜꓲ ꓔꓶꓻ ꓠꓹ ꓟ꓾ ꓟꓵꓽ ꓘꓳꓼ ꓐꓱ ꓶ ꓢꓯꓼ ꓖꓶ_ ꓟ꓾ ꓫꓱꓸ ꓤ ꓠꓲꓹ꓾ ꓠꓵꓻ ꓠꓲꓹ ꓐꓱ ꓶ ꓢꓯꓼ ꓕꓵꓼ ꓬꓰ ꓔꓬ ꓡꓳ ꓐꓰ ꓬꓲ ꓡꓰ ꓐꓯ ꓔ ꓡꓳ= ꓥꓳ ꓡꓳꓸ ꓓꓴ ꓙꓴꓐꓲꓡꓰꓰ ꓘꓳꓼ ꓥ ꓟ ꓑꓶ ꓓꓴ ꓑ ꓫꓬ ꓐꓴ ꓔꓯ ꓬꓲ ꓪ ꓶ ꓡꓯꓼ ꓗꓪ ꓐꓰ ꓡꓲꓹ ꓙꓰ ꓠꓹ ꓟ ꓐꓱ ꓶ ꓚꓮꓟꓑꓮꓲꓖꓠ ꓕꓲ ꓟ ꓙꓳ_ ꓡꓳ ꓐꓰ ꓥ ꓟꓲ ꓬꓲ ꓡꓰ ꓐꓯ ꓔ ꓡꓳ=
ꓔꓲꓺ ꓒ ꓓꓽ ꓣꓮꓬꓟꓳꓠꓓ ꓪꓮꓲ ꓡꓲꓠ ꓔꓴꓠ ꓡꓰ ꓟꓴ ꓖꓪ ꓔꓯ ꓠꓬꓲꓸ ꓠꓸ ꓙ ꓢꓴ ꓐꓴ ꓔꓯ ꓫꓱꓸ ꓖꓶ ꓡꓯꓼ ꓫꓴ ꓖꓶ_ ꓟ ꓥꓳ= ꓟꓴ ꓖꓪ ꓐꓱ ꓶ ꓡꓯꓼ ꓫꓴ ꓪ ꓟꓶ ꓢꓴ ꓠꓬ꓾ Nway Min Ko, Ko Wilfred ꓐꓴ ꓥ ꓡꓳ= ꓕꓱ ꓟ ꓗꓪ ꓟꓴ ꓖꓪ ꓔꓯ ꓠ ꓠꓹ ꓠꓹ ꓟ ꓟꓲ ꓬꓲ ꓔꓶꓻ ꓙꓱꓼ ꓕꓲ ꓟ ꓥ ꓡꓳ= ꓟꓴ ꓖꓪ ꓠꓬ A Lin Nay Thit Mya, A Thet Shu Kway, ꓐꓰ Sein Lan So Pyay Do Kaba ꓐꓴ ꓥ ꓡꓳ=
ꓬꓲ ꓟꓶꓽ ꓗꓪ ꓐꓰ KSS Yangon Director ꓥ ꓟ ꓔꓲꓺ ꓒ Dominic Zabinus ꓡꓰ ꓕꓱ ꓗꓪ ꓬꓲ ꓒꓳꓹ ꓒꓳꓹ ꓗꓪ ꓐꓰ ꓬꓰ ꓙ ꓡ ꓢꓴ ꓜꓲꓼ ꓡ ꓢꓴ ꓐꓴ ꓮ ꓙꓵ ꓔꓯ ꓫ ꓟꓳ ꓘꓶꓽ ꓕꓱ ꓗꓷ ꓟ ꓥꓳ=
