ꓡꓳꓹ ꓬꓰ ꓟ 4 ꓦ 21 ꓠꓬꓲ ꓕꓯ ꓔꓲꓸꓸ ꓒ ꓪ ꓕꓲꓸ ꓑꓳꓑꓰ ꓝꓣꓮꓠꓚꓲꓢ ꓢꓲ-ꓒ ꓠꓯꓼ ꓗꓪ ꓬꓲ ꓟꓶ ꓡꓰ ꓟ ꓑꓶꓸ ꓓꓴ ꓔꓲꓸꓸ ꓒ ꓪ ꓔꓲꓸꓸ ꓬꓲ ꓫꓵꓼ ꓢꓲ ꓠꓹ ꓗꓷ ꓡꓰ ꓟ ꓥ ꓡꓳ ꓐꓰ ꓢꓷꓸ ꓪ ꓡꓳ= ꓔꓲꓸꓸꓒ ꓪ ꓔꓲꓸ ꓬꓲ ꓫꓵꓼ ꓢꓲˍꓟ ꓖꓪꓽ ꓙꓱ ꓜꓲꓼ ꓓꓴ ꓗꓪ ꓚꓮꓣꓓꓲꓠꓮꓡ ꓐꓴ ꓠꓬ ꓢꓲ ꓫꓬ ꓟ ꓢꓮꓲꓠꓔ ꓑꓰꓣꓔꓰꓣ ꓪꓽ ꓘꓴ ꓦꓲꓸꓹ ꓗꓪ ꓮ ꓟꓰ 2025 ꓘꓳꓼ 5 ꓦ ꓟ 7 ꓠꓬꓲ ꓕꓯ Sistine Chapel ꓪꓽ ꓘꓴ ꓦꓲꓸꓹ ꓗꓪ ꓓꓵ ꓙꓰ ꓗꓷ ꓟ ꓥ ꓡꓳ ꓐꓰ ꓢꓷꓸ ꓪ ꓡꓳ=
ꓕꓱ ꓪꓽ ꓘꓴꓽ ꓦꓲꓸꓹ ꓠꓬ 1878 ꓘꓳꓼ ꓗꓪ ꓐꓰ ꓪꓴꓽ ꓓꓴ ꓢꓲ꓾ ꓔꓲꓸꓸ ꓒ ꓪ ꓔꓲꓸ ꓬꓲ ꓫꓵꓼ ꓢꓲˍꓟ ꓕꓯ ꓔꓬ ꓠ ꓗꓹ ꓟ ꓪꓽ ꓘꓴ ꓦꓲꓸꓹ ꓥ ꓡꓳ ꓐꓰ ꓢꓷꓸ ꓪ ꓡꓳ= ꓮ ꓟꓶ ꓚꓮꓣꓓꓲꓠꓮꓡ 250 ꓣꓳ ꓗꓪ ꓟ 133 ꓣꓳ ꓠꓬ ꓔꓲꓸꓸ ꓒ ꓪ ꓔꓲꓸ ꓗꓷ ꓠꓹ ꓟ ꓐꓱ ꓶ ꓟꓯꓽ ꓖꓶ ꓪ ꓓ ꓡꓳ ꓐꓰ ꓢꓷꓸ ꓪ ꓡꓳ=
ꓟꓯꓽ ꓖꓶˍꓟ ꓔꓯ ꓡꓮꓔꓲꓠ ꓥꓳꓽ ꓗꓪ ꓐꓰ ꓖꓶ ꓢꓲ꓾ ꓔꓲꓸꓸ ꓒ ꓪ ꓔꓲꓸ ꓟ ꓢꓲ ꓪ ꓠꓬ ꓠꓯꓸꓸ ꓠꓯꓸꓸ ꓗꓹ ꓟ ꓟꓵꓽ ꓘꓴꓽ ꓓꓳ ꓝꓲ ꓢꓲ꓾ ꓔꓲꓸꓸ ꓒ ꓪ ꓔꓲꓸ ꓬꓲ ꓫꓵꓼ ꓢꓲ ꓪ ꓠꓬ ꓒꓴꓸꓸ ꓒꓴꓸꓸ ꓗꓹ ꓟ ꓟꓵꓽ ꓘꓴꓽ ꓓꓳ ꓸꓸꓝꓲ ꓡꓳ ꓐꓰ ꓢꓷꓸ ꓪ ꓡꓳ= ꓖꓳ ꓟ ꓡꓰ ꓐꓰ ꓟꓽ ꓞꓲ ꓮ ꓟꓰ ꓕꓯ ꓥˍꓟꓲ ꓔꓲꓸꓸ ꓒ ꓪ ꓔꓲꓸ ꓬꓲ ꓫꓵꓼ ꓟ ꓢꓲ ꓪ ꓟ ꓑꓶꓸ ꓓꓴ ꓠꓯꓸꓸ ꓠꓯꓸꓸ ꓗꓹ ꓟ ꓟꓵꓽ ꓘꓴꓽ ꓓꓳꓸꓸ ꓗꓷ ꓡꓳ= ꓖꓳ ꓟ ꓑꓶꓸ ꓓꓴ ꓗ-ꓕ-ꓡꓲꓘ ꓢꓲ ꓤ ꓐꓴ ꓔꓲꓸꓸ ꓒ ꓪ ꓔꓲꓸ ꓬꓲꓽ ꓫꓵꓼ ꓪ ꓠꓹ ꓟ ꓶ ꓐꓱ ꓶ ꓪ ꓘꓴꓽ ꓙ ꓓꓴ ꓬꓰ ꓡꓯ=
