ꓠꓲꓸꓹ ꓠꓵꓹ ꓟ ꓬꓲꓼ ꓤ ꓠꓬꓲ ꓤ ꓐꓳꓴ꓾ꓮ ꓙꓵꓽ ꓢꓴ ꓧꓪꓽ ꓧꓪ꓾ꓖꓳ ꓕꓲ ꓠ ꓗꓪ ꓠꓬ꓾ ꓞꓳ ꓐꓳ ꓐꓴ ꓠꓬ ꓞꓳ ꓫꓸ ꓔꓯ ꓮ ꓡꓰ ꓐꓰ ꓠꓲꓸꓹ ꓟ ꓠꓯꓼ ꓗꓪ ꓗꓷ ꓕꓽ ꓢꓲ ꓬꓰ ꓙ ꓠꓯꓹ ꓟ ꓚꓱꓹ ꓔꓯ ꓐꓯ ꓟꓸ ꓖꓶ ꓗꓷ ꓪ=ꓕꓱ ꓕꓲ ꓠ ꓠꓬ ꓗꓪ ꓠꓬ ꓡꓴ-ꓘ ꓕꓳꓽ ꓶ 21ꓽ 1-4 ꓗꓪ ꓝꓮꓲ ꓟ-ꓘꓳ ꓕꓳꓽ ꓶ 12ꓽ 41-44 ꓗꓪ ꓙꓳˍꓟ ꓟꓶꓽ ꓛꓵꓽ ꓟ ꓕꓲ ꓣꓳ ꓠꓬ ꓬꓲ ꓠꓯꓼ ꓗꓪ ꓙꓳ ꓟ ꓮ ꓙꓵꓹ ꓖꓶ ꓗꓷ ꓟ ꓚꓱꓹ ꓗꓪ ꓐꓰ ꓣꓳ ꓠ ꓠꓹ ꓓꓴ ꓬꓰ ꓡꓯ= ꓫꓸ ꓢꓴ ꓟꓷꓼ ꓢꓴ ꓥ ꓟꓲ ꓬꓲꓼ ꓪ ꓠꓯꓼ ꓗꓪ ꓐꓰ ꓕꓲ ꓫꓵꓽ ꓡꓰ ꓖꓶ ꓟ ꓑ ꓡꓳ ꓫꓵꓽ ꓠꓬ ꓟ ꓙꓳ꓾ ꓖꓶ ꓑ ꓡ ꓟ ꓕꓲ ꓫꓵꓽ ꓫꓵꓽ ꓠꓬ ꓙꓳ ꓐꓭ ꓥꓳ=ꓟꓶꓽ ꓚꓵꓽ ꓟ ꓚꓱꓹ ꓗꓪ ꓐꓰ ꓣꓳ ꓔꓯ ꓢ ꓫꓵꓽ ꓟꓳꓸ ꓖꓶ ꓡ ꓡꓳ= ꓬꓲꓼ ꓪꓴ ꓕꓲ ꓫꓵꓽ ꓟ ꓠꓬ ꓖꓶˍꓐꓯ ꓟ ꓠꓬ ꓮ ꓟꓬ ꓛꓲ ꓥ꓾ ꓐꓯ ꓟ ꓟꓽ ꓬꓳꓸꓸ ꓚꓵ꓾ꓬꓳꓸꓸ ꓚꓵ ꓟ ꓠꓬ ꓠꓲꓸꓹ ꓟ ꓥ ꓡꓳ= ꓣꓳ ꓕꓲ ꓫꓵꓽ ꓫꓵꓽ ꓖꓶ ꓔꓯ ꓣꓳ ꓠꓲꓸꓹ ꓟ ꓠꓬ ꓮ ꓘꓶꓽ ꓣꓳꓸꓸ ꓚꓵ ꓡꓳ= ꓪꓴ-ꓢ ꓠꓬ ꓣꓳ ꓠꓲꓸꓹ ꓟ ꓔꓯ ꓡꓰ ꓡꓳꓸ ꓠꓬꓲ ꓡꓳ=ꓖꓳ ꓡꓰ ꓠꓬꓲ ꓫꓸ ꓢꓴ ꓟꓷꓼ ꓢꓴ ꓐꓴ ꓥ ꓟꓲ ꓬꓲꓼ ꓪ ꓠꓯꓼ ꓗꓪ ꓙꓳˍꓟ ꓢꓷꓸ ꓠꓲꓸꓹ ꓢꓯꓼ ꓪ ꓕꓱ ꓡꓱ ꓫꓵꓽ ꓥˍꓟꓲ ꓟꓶꓽ ꓚꓵꓽ ꓟ ꓡꓰ ꓐꓰ ꓖꓶ ꓑ ꓡ ꓠꓹ ꓟ ꓢꓯꓼ ꓕꓵꓽ ꓠ ꓗꓸ ꓡꓳ=ꓝꓮꓲ ꓠꓬꓲ ꓫꓵꓽ ꓕꓲ ꓫꓵꓽ ꓟ ꓠꓬ ꓬꓲꓼ ꓠꓯꓹ ꓗꓪ ꓙꓳˍꓟ ꓖꓶ ꓗꓷ ꓟ ꓟꓶꓽ ꓚꓵꓽ ꓟ ꓗꓪ ꓐꓰ ꓣꓳ ꓡꓳꓸ ꓟꓳ ꓡꓳ= ꓬꓲꓼ ꓠꓯꓹ ꓗꓪ ꓮ ꓫꓵꓽ ꓙꓳˍꓠꓬ ꓮ ꓫꓵꓽ ꓖꓶ ꓡꓳ= ꓕꓱ ꓟ ꓡꓰ ꓐꓰ ꓫꓸ ꓢꓴ ꓟꓷꓼ ꓢꓴ ꓥˍꓟꓲ ꓠꓴ ꓠꓯꓼ ꓗꓪ ꓖꓶ ꓑ ꓡ ꓟ ꓢꓯꓼ ꓪ ꓢꓷꓸ ꓠꓲꓸꓹ ꓗꓪ ꓐꓰ ꓬꓰ ꓙ ꓡꓯꓼ ꓘꓳꓼ ꓠꓹ ꓗꓸ ꓡꓳ= ꓝꓮꓲ ꓢ ꓫꓵꓽ ꓠꓬ꓾ꓟꓶꓽ ꓚꓵꓽ ꓟ ꓬꓲ ꓠꓯꓼ ꓗꓪ ꓙꓳˍꓟ ꓮ ꓙꓵꓹ ꓖꓶ ꓗꓷ ꓢꓲ ꓠꓬ ꓬꓲꓼ ꓥꓳꓽ ꓡꓳꓸ ꓓꓴ ꓠꓬ ꓢꓲ-ꓒ ꓡꓰ ꓥ ꓟ ꓔꓯ ꓣꓳ ꓡꓳꓸ ꓟꓳ ꓡꓳ= ꓕꓱ ꓟ ꓡꓰ ꓐꓰ ꓣꓳ ꓫꓸ ꓢꓴ ꓟꓷꓼ ꓢꓴ ꓐꓰ ꓫꓸ ꓪ ꓕꓱ ꓟ ꓗꓪ ꓣꓳ ꓕꓱ ꓡꓱ ꓖꓶ ꓗꓷ ꓕꓯ ꓮ ꓫꓵꓽ ꓡꓯꓼ ꓫꓴꓸꓹ ꓪ ꓡ ꓥ ꓢꓱꓽ ꓐꓰ ꓟ ꓙ ꓟꓶ ꓟꓶꓼ ꓪꓴ-ꓢ ꓡꓯꓼ ꓫꓴꓸꓸ ꓪ ꓡ ꓥꓳ ꓐꓰ ꓣꓳ ꓓꓵ ꓙ ꓢꓲ ꓬꓰ ꓙ ꓓꓴ ꓬꓰ ꓡꓯ= ꓮ ꓙꓵꓹ ꓢꓴ ꓔꓯ ꓫꓸ ꓟꓳ=
