ꓠꓲ., ꓠꓵ ꓟ ꓮꓽ ꓐ ꓮ ꓟ ꓬꓲꓼ ꓤ ꓠꓬꓲ ꓤ ꓐꓴꓳꓽ ꓠꓬꓲ. ꓠꓬꓲ ꓥꓪ ꓢꓷ. ꓙ ꓟꓵ ꓙ ꓠꓲ., ꓫꓵꓽ ꓟ ꓠꓬ ꓞꓳ ꓡꓱ ꓤ ꓐꓴ ꓬꓯꓼ ꓒꓲ. ꓬꓯ ꓣꓱˍ ꓟ ꓠꓬ ꓟꓽ ꓙꓲˍꓟ ꓚꓱ, ꓔꓯ ꓢꓷ. ꓙ ꓟꓵ ꓙ ꓩꓴ ꓡ ꓥꓳ꓿ ꓮ ꓟꓶ ꓟ ꓣꓳ ꓤꓶ., ꓗꓪ ꓬꓯ ꓑꓲ. ꓬꓯ ꓣꓱˍꓟ ꓕꓵ. ꓔꓽ ꓟ ꓮ ꓟꓬ, ꓗꓪ ꓛꓲ ꓟꓬ ꓡ ꓔꓬ ꓟ ꓥ ꓡꓳ꓿ ꓬꓯꓼ ꓒꓲ. ꓬꓯ ꓤꓱˍꓟ ꓕꓱ ꓟ ꓠꓬ ꓣꓳ ꓧꓪꓽ ꓖꓳ ꓓꓱꓽ ꓐꓱ ꓶ ꓙꓲ ꓖꓴ ꓟꓽ ꓙꓳ ꓟ ꓢꓷ. ꓕꓽ ꓢꓲ ꓮ ꓫꓵꓽ ꓪꓴ. ꓠꓬꓲ ꓣꓱ ꓔꓬ ꓡ? ꓣꓳ ꓓꓵ ꓙ ꓠꓬꓲ ꓡꓯ꓿ꓣꓳ ꓐꓱ ꓶ ꓙꓲ ꓖꓴ ꓟꓽ ꓙꓳ ꓟ ꓔꓯ ꓢꓷ. ꓕꓽ ꓢꓲ ꓣꓱ ꓔꓬ ꓟ ꓠꓬ ꓪꓴ. ꓠꓷ. ꓟ ꓐꓲ ꓝꓲ ꓟ ꓥ ꓡꓳ ꓐꓰ ꓐꓯ ꓠ ꓗ. ꓡꓳ꓿ ꓧꓪꓽ ꓖꓳ ꓓꓱꓽ ꓐꓱ ꓶ ꓟꓽ ꓙꓲˍꓟ ꓔꓯ ꓢꓷ. ꓦ ꓢꓲ ꓠꓬꓲ ꓕꓱ ꓡꓱ ꓬꓰˍꓟ ꓠꓬ ꓣꓳ ꓚꓲ. ꓛꓬ ꓧꓪꓽ ꓖꓳ ꓓꓱꓽ ꓔꓯ ꓟꓽ ꓠꓲ., ꓫꓵꓽˍꓟ ꓥ ꓡꓳ꓿ ꓪꓴ‐ꓢ ꓡꓰ ꓖꓶ ꓦ ꓟ ꓔꓯ ꓟꓲ ꓟꓽ ꓠꓲ., ˍꓒꓴ ꓟ ꓥ ꓡꓳ꓿ ꓕꓯ ꓥꓳ ꓕꓲ ꓟ ꓐꓯ ꓟ. ꓖꓶ ꓠꓬꓲ ꓮ ꓠꓱ ꓕꓯ ꓕꓲ ꓦꓲ., ꓡ ꓞꓳ ꓢꓴ ꓕꓲ ꓦꓲ., ꓔꓬ ꓡꓳ꓿ ꓬꓲꓼ ꓐꓽ ꓐ ꓐꓰ ꓬꓲ ꓟ. ꓟ ꓬꓲꓼ ꓤ ꓠꓱ ꓔꓬ ꓡꓳ꓿ꓬꓲꓼ ꓐꓽ ꓐ ꓐꓰ ꓬꓲꓼ ꓟ. ꓟ ꓠꓬ ꓬꓯ ꓑꓲ. ꓬꓯ ꓣꓱˍꓟ ꓪꓴ. ꓠꓬꓲ ꓬꓯ ꓑꓲ. ꓬꓯ ꓪꓴ.. ꓓꓴ ꓒꓴ ꓟꓽ ꓙꓳ ꓡꓰ ꓕꓯ ꓬꓲꓼ ꓤ ꓠꓱ ꓔꓯ ꓪꓴ.. ꓤ ꓡꓰ ꓡꓳ꓿ ꓬꓯ ꓑꓲ. ꓬꓯ ꓕꓱ ꓟ ꓠꓬ ꓮ ꓡꓰ ꓫꓵꓽ ꓗꓪ ꓥˍꓟꓲ ꓙꓲˍ ꓖꓴ ꓟꓽ ꓙꓳ ꓟ ꓥꓳ꓿ꓬꓯ ꓕꓱ ꓟ ꓑꓶ. ꓓꓴ ꓪꓴ‐ꓢ ꓡꓰ ꓖꓶ ꓦ ꓟ ꓣꓳ ꓤ ꓠꓱ ꓔꓯ ꓪꓴ ꓤ ꓠ ꓗꓪ ꓛꓲ ꓗꓷ ꓡꓰ ꓟ ꓥ ꓡꓳ꓿ꓖꓳ ꓟ ꓑꓶ. ꓓꓴ ꓠꓲ., ꓠꓵ, ꓟ ꓮꓽ ꓐ ꓮ ꓟ ꓐꓴ ꓣꓳ ꓤ ꓟꓳ ꓓꓴ ꓬꓰ ꓡꓯ꓿ ꓣꓳ ꓐꓱ ꓶ ꓙꓲ ꓖꓴ ꓟ ꓙꓳ ꓟ ꓮ ꓙꓵꓽ ꓔꓯ ꓡꓳ ꓩꓴ ꓢꓲ ꓙꓵ, ꓟ ꓚꓱ, ꓗꓪ ꓣꓳ ꓙ ꓫꓱ ꓓꓴ ꓬꓰ ꓡꓯ꓿
