ꓙꓲꓻ ꓫꓬ ꓢꓴ ꓳꓣꓲꓖꓰꓠ ꓠꓬ ꓮꓓ (230) ꓘꓳꓼ ꓕꓯ Alexandra ꓢꓯ. ꓔꓬ ꓗꓷ ꓢꓲ ꓠꓬꓲ ꓮ ꓠꓱ ꓟ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓪꓴ‐ꓢ ꓐꓯ ꓘꓶꓽ ꓟ. ꓖꓶ ꓠ, ꓟ ꓢꓯꓼ ꓕꓵꓼ ꓢꓴ ꓥ ꓡꓳ꓿ ꓮꓓ (200) ꓘꓳꓼ ꓕꓯ ꓮꓡꓰꓫꓮꓠꓓꓣꓮ ꓡꓳ ꓒꓱ ꓗꓪ ꓟ. ꓒꓬꓱꓼ ꓢꓳꓻ ꓦꓲꓻ ꓕꓲ ꓦꓲꓻ ꓙꓳˍ ꓟ ꓥ ꓡꓳ꓿ ꓕꓱ ꓢꓳꓻ ꓦꓲꓻ ꓠꓬ ꓙꓲ‐ꓢꓴ ꓢꓲꓺ ꓤ ꓐꓴ ꓪꓴ‐ꓢ ꓟꓬꓱꓽ ꓟꓯ ꓠ, ꓟ ꓬꓲ ꓪꓴ. ꓓꓽ ꓪꓴ. ꓒꓴ ꓗꓷ ꓟ ꓟ. ꓟꓲ ꓢꓳꓻ ꓦꓲꓻ ꓥ ꓡꓳ꓿
ꓕꓱ ꓢꓳꓻ ꓦꓲꓻ ꓗꓪ ꓐꓰ ꓪꓴ‐ꓢ ꓐꓯ ꓘꓶꓽ꓾ ꓟꓲ ꓠꓯ ꓡ ꓞꓳ ꓞꓳ ꓙꓳ ꓚꓱ, ꓟꓲ ꓠꓯ ꓢꓷ. ꓠꓲ, ꓐꓰ ꓐꓰ ꓠꓱ. ꓐꓯ ꓮ ꓟꓬ, ꓫꓵꓽ ꓢꓷ. ꓠꓲ, ꓔꓯ ꓟ. ꓖꓶ ꓟ ꓥ ꓡꓳ꓿ ꓙꓲꓻ ꓫꓬ ꓢꓴ ꓳꓣꓲꓖꓰꓠ ꓠꓬ ꓮꓓ (203‐ 223) ꓘꓳꓼ ꓗꓪ ꓛꓲ ꓢꓳꓻ ꓦꓲꓻ ꓔꓯ ꓧꓳꓽ ꓪꓴ. ꓟꓴ ꓗꓷ ꓢꓴ ꓥ ꓡꓳ꓿
ꓬꓲ ꓠꓬ ꓟꓲ ꓠꓯ ꓢꓷ. ꓠꓲ, ꓗꓪ ꓮ ꓟꓬ, ꓓꓽ ꓪꓴ ꓕꓲ ꓣꓳ ꓥ ꓡꓳ꓿ ꓬꓲ ꓞꓲꓼ (17) ꓘꓳꓼ ꓙꓳˍ ꓡꓰ ꓟ ꓙꓵ, ꓕꓯ ꓕꓳ ꓶ ꓟ. ꓖꓶ ꓢꓴ ꓟ. ꓒꓽ ꓕꓲ ꓣꓳ ꓥ ꓡꓳ꓿ ꓝꓮꓲ ꓬꓲ ꓠꓬ ꓕꓳ ꓶ ꓮ ꓟꓬ, ꓐꓳ ꓢꓴ ꓕꓲ ꓣꓳ ꓟꓲ ꓥ ꓡꓳ꓿ ꓬꓲ ꓡꓰ ꓐꓳ ꓔ ꓟ ꓕꓳ ꓶ ꓑꓷꓠ ꓥ ꓟꓳ (On Prayer) ꓕꓳ ꓶ ꓑꓷꓠ ꓗꓪ ꓐꓰ ꓢꓲꓺ ꓒ ꓡꓰ ꓟ. ꓔ ꓟ ꓪꓽ ꓘꓴ ꓓꓴ ꓠꓬ ꓠꓬꓲ. ꓠꓬꓲ ꓗꓪ ꓛꓲ ꓣꓱ ꓔꓬ ꓟ ꓥ ꓡꓳ꓿ ꓝꓮꓲ ꓬꓲ ꓠꓬ ꓪꓽ ꓘꓴ ꓘꓶꓽ ꓬꓲ ꓟ. ꓟꓲꓽ ꓥ ꓟꓲ ꓐꓳ ꓖꓶ ꓔ ꓟ ꓥ ꓡꓳ꓿
ꓖꓳ ꓡꓱ ꓥ ꓟꓲ ꓬꓲ ꓠꓬ ꓬꓲ ꓔꓬ ꓟ ꓔꓲꓺ ꓒ ꓙꓵꓽ ꓔꓶ. ꓗꓪ ꓐꓰ ꓔꓲꓺ ꓒ ꓓꓽ ꓟꓽ ꓢꓷ. ꓢꓷ. ꓬꓲ ꓚꓲ. ꓛꓬ ꓔꓲꓺ ꓒ ꓓꓽ ꓙꓵꓽ ꓪ ꓔꓯ ꓘꓳ, ꓣꓴ ꓗꓷ ꓢꓴ ꓥ ꓡꓳ꓿ ꓖꓳ ꓡꓱ ꓢꓲ ꓬꓲ ꓔꓯ ꓝꓴꓲ. ꓖꓶ ꓟ ꓠꓬ ꓢꓳꓻ ꓦꓲꓻ ꓗꓪ ꓐꓰ ꓖꓼ ꓓꓳ ꓗꓷ ꓟ ꓥ ꓡꓳ꓿ ꓕꓱ ꓡꓱ ꓐꓰ ꓬꓲ ꓠꓬ ꓠꓱ. ꓐꓯꓼ ꓡꓳ ꓒꓱ ꓗꓪ ꓙꓰ ꓢꓲ ꓠꓬꓲ ꓢꓲꓽ ꓫꓬ ꓕꓳ ꓶ ꓢꓳꓻ ꓝꓮꓲ ꓕꓲ ꓦꓲꓻ ꓒꓴ ꓔ ꓟ ꓥ ꓡꓳ꓿
ꓖꓳ ꓡꓱ ꓥ ꓟꓲ ꓬꓲ ꓪ ꓔꓬ ꓟ ꓗꓴꓷꓼ ꓗꓪ ꓐꓰ ꓗꓴꓷꓼ ꓙꓵꓽ ꓢꓴ ꓐꓴ ꓠꓬ ꓬꓲ ꓔꓯ ꓐꓱ ꓓꓵ ꓗꓪ ꓐꓱ ꓗꓷ ꓢꓲ ꓠꓬꓲ ꓮ ꓘꓶ. ꓛꓲ ꓔꓬ ꓫ. ꓠ, ꓟ ꓝꓴꓲ. ꓖꓶ ꓗꓷ ꓟ ꓥ ꓡꓳ꓿ ꓖꓳ ꓡꓱ ꓥ ꓟꓲ ꓬꓲ ꓠꓬ ꓪꓴ‐ꓢ ꓔꓯ ꓠꓵꓻ ꓠꓲ, ꓟ ꓠꓵꓻ ꓠꓲ, ꓠꓬ ꓟꓽ ꓐꓬ ꓡꓰ ꓟ ꓥ ꓡꓳ꓿
ꓟꓽ ꓟꓶ ꓫꓵˍ ꓟ ꓙꓵ, ꓕꓯ ꓬꓲ ꓔꓯ ꓐꓱ ꓓꓵ ꓗꓪ ꓐꓰ ꓡꓶˍ ꓖꓶ ꓗꓷ ꓟ ꓥ ꓡꓳ꓿ ꓖꓳ ꓡꓱ ꓥ ꓟꓲ ꓬꓲ ꓠꓬ ꓐꓱ ꓓꓵ ꓔꓳ ꓦꓲꓻ ꓗꓪ ꓔꓬ ꓟ ꓙꓵ, ꓕꓯ ꓮ ꓘꓶ. ꓛꓲ ꓫ. ꓓꓴ ꓟꓷ ꓓꓴ ꓔꓳ, ꓜꓳ ꓟ ꓪꓴ. ꓠꓬꓲ ꓬꓲ ꓠꓯ, ꓗꓪ ꓠꓻ ꓓꓴ ꓔꓳ, ꓜꓳ ꓟ ꓪꓴ. ꓠꓬꓲ ꓢꓲꓺ ꓒ ꓠꓯ, ꓗꓪ ꓬꓲꓼ ꓟꓶ ꓡꓰ ꓟ ꓥ ꓡꓳ꓿
ꓬꓲ ꓠꓬ ꓮ ꓠꓱ ꓟ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓪꓴ‐ꓢ ꓐꓯ ꓘꓶꓽ ꓢꓳꓻ ꓣꓴ ꓪ ꓠ, ꓟ ꓙꓵꓻ ꓠꓲ, ꓚꓱ, ꓗꓪ ꓔꓶ ꓡꓰ ꓠ, ꓟ ꓮ ꓘꓶ. ꓛꓲ ꓢꓯꓼ ꓕꓵꓼ ꓢꓴ ꓕꓲ ꓣꓳ ꓥ ꓡꓳ꓿ ꓮꓡꓰꓫꓮꓠꓓꓣꓮ ꓡꓳ ꓒꓱ ꓠꓬ ꓮ ꓟꓶ ꓟ ꓙꓵ, ꓗꓪ ꓖꓣꓰꓰꓗ ꓗꓴꓷꓼ ꓗꓪ ꓙꓳˍ ꓟ ꓥ ꓡꓳ꓿ ꓫ. ꓟꓳ ꓪ꓿
