ꓞꓲꓼ ꓟꓳ ꓡꓰ ꓕꓯ ꓠꓬ ꓣꓳ ꓖꓳꓽ ꓒꓱꓽ ꓠꓯꓼ ꓗꓪ ꓙꓳˍꓟ ꓢꓲ ꓙꓵꓼ ꓥˍ ꓟꓲ ꓮ ꓤ ꓤ ꓟꓶ ꓡꓰ ꓡ ꓥꓳ= ꓖꓳ ꓡꓰ ꓗꓷ ꓡꓰ ꓕꓯ ꓠꓬ ꓞꓳ ꓟꓳ ꓐꓴ ꓢꓯꓼ ꓟꓽ ꓙꓳ ꓗꓷ ꓡꓰ ꓡ ꓫꓵꓽ ꓥ ꓡꓳ= ꓣꓳ ꓥˍꓟꓲ ꓕꓱ ꓟ ꓡꓰ ꓐꓰ ꓥꓳꓽ ꓕꓲ ꓠꓬꓲ ꓛꓲ ꓡ ꓠꓬ ꓟꓳ ꓡꓰ ꓘꓳꓸꓹ ꓡꓰ ꓡ ꓥꓳꓽ ꓣꓳ ꓮ ꓐꓽ ꓮ ꓟ ꓐꓴ ꓥˍꓟꓲ ꓕꓱ ꓡꓱ ꓗꓷ ꓡꓳ ꓐꓯ ꓠꓬ ꓠꓲꓹ ꓢꓲ ꓢ ꓟ ꓮ ꓡꓰ ꓗꓪ ꓥˍꓟꓲ ꓬꓲ ꓪ ꓑˍꓟ ꓕꓱ ꓡꓱ ꓗꓷ ꓡ ꓥꓳ= ꓖꓳꓽ ꓡꓰ ꓗꓷ ꓡ ꓔꓯ ꓬꓲꓸ ꓪ ꓔꓯ ꓖ ꓖꓶ ꓠꓲꓹ ꓟ ꓙꓳ ꓠ ꓗꓸ ꓡꓳ= ꓣꓳ ꓓꓵ ꓙ ꓠꓬꓲ ꓡꓯ ꓣꓳ ꓞꓲ ꓣꓳˍꓟ ꓕꓲ ꓙꓵꓽ ꓗꓪ ꓮ ꓟꓬ ꓧꓪꓽ ꓥꓳꓽ ꓡꓰ ꓡ ꓐꓯ ꓥˍꓟꓲ ꓣꓳ ꓔꓯ ꓖ ꓖꓶ ꓢꓲ ꓙꓲˍꓟ ꓚꓱꓹ ꓠꓯꓼ ꓗꓪ ꓧꓳꓽ ꓖꓶ ꓡ ꓡꓳ=
ꓮ ꓟꓶ ꓟ ꓤꓶꓸꓹ ꓗꓪ ꓤ ꓠꓱ ꓤ ꓐꓴ ꓠꓬ ꓕꓱ ꓡꓱ ꓙꓳ ꓡꓳ= ꓣꓳ ꓮ ꓐꓽ ꓮꓟ ꓡꓰ ꓟꓸ ꓖꓶ ꓟ ꓐꓯ ꓖꓶ ꓔꓯ ꓥˍꓟꓲ ꓟꓽ ꓠ ꓠꓽ ꓬꓲꓸ ꓪ ꓬꓰ ꓠꓲꓹ ꓫꓵꓽˍꓟ ꓡꓰ ꓬꓰ ꓢꓲ꓾ ꓔꓬ ꓡꓳ= ꓞꓲ ꓟꓳ ꓡꓰ ꓢꓲ꓾ ꓮ ꓡꓰ ꓗꓪ ꓥˍꓟꓲ ꓦ ꓡꓱ ꓗꓴ ꓟꓽ ꓙꓳ ꓟ ꓮꓽ ꓐ ꓮ ꓟ ꓔꓯ ꓣꓳ ꓮ ꓕꓯ ꓥˍꓟꓲ ꓠꓲꓸꓹ ꓠꓵꓹ ꓡꓯ=ꓣꓳ ꓮꓽ ꓐ ꓮ ꓟ ꓟꓲ ꓠꓯ ꓗꓪ ꓢꓯꓼ ꓔꓬ ꓐꓭ ꓠꓬ ꓬꓲ ꓪ ꓒꓬꓱꓽ ꓠꓲꓹ ꓫꓵꓽ ꓟ ꓮ ꓙꓵꓽ ꓬꓰ ꓖꓶ ꓓꓴ ꓬꓰ ꓡꓯ= ꓣꓳ ꓮꓽ ꓐ ꓮ ꓟ ꓠꓲꓹ ꓢ ꓕꓯ ꓢꓲ꓾ ꓣꓳ ꓥˍꓟꓲ ꓗꓹ ꓛꓲ ꓡꓳ ꓟꓽ ꓥ ꓡ=
