ꓬꓲ ꓤ ꓠꓬꓲ ꓤ ꓐꓴꓳꓽ ꓕꓱꓽ ꓕꓲ ꓠ ꓫꓸ ꓢꓴ ꓠꓷꓼ ꓢꓴ ꓐꓰ ꓫꓸꓕꓱ ꓟ ꓙꓵꓹ ꓗꓪ ꓠꓬ ꓪꓽ ꓘꓴ ꓟ ꓐꓰ ꓫꓸ ꓢꓴ ꓟꓷꓼ ꓢꓴ ꓐꓯ ꓬꓲ ꓕꓲ ꓟꓳ ꓠꓯꓸꓹ ꓗꓪ ꓣꓳ ꓠ ꓠꓹ ꓓꓴ ꓬꓰ ꓡꓯ= ꓕꓲ ꓤ ꓕꓲ ꓧꓪ ꓣꓳ ꓮ ꓘꓶꓸ ꓫꓸ ꓟ ꓔꓯ ꓣꓳ ꓟꓳˍ ꓕꓯ ꓣꓳ ꓠꓬ ꓮ ꓫꓵꓽ ꓟꓲ ꓬꓰ ꓟꓽ ꓑ ꓡ= ꓖꓳ ꓡꓰ ꓐꓯ ꓥˍꓟꓲ ꓣꓳ ꓬꓰ ꓠ ꓗꓸ ꓟ ꓠꓬ ꓪꓽ ꓘꓴ ꓟ ꓥ ꓡꓳ=ꓞꓲꓼ ꓟꓳ ꓢꓴ ꓐꓱ ꓶ ꓫꓸ ꓢꓴ ꓐꓱ ꓶ ꓣꓳ ꓪꓽ ꓘꓴ ꓙ ꓠꓹ ꓗꓸ ꓡꓳ=ꓕꓱ ꓡꓱ ꓫꓵꓽ ꓗꓪ ꓐꓰ ꓣꓳ ꓠꓲꓹ ꓟ ꓪꓴ ꓡ ꓝꓲ ꓡꓳꓽ ꓠꓵꓸꓹ ꓠꓲꓹ ꓙꓳ ꓡ ꓝꓲ ꓡꓳ= ꓪꓴ-ꓢ ꓥ ꓟꓲ ꓣꓳ ꓔꓯ ꓶꓽ ꓤ ꓫꓱꓼ ꓤ ꓖꓶ ꓡ ꓡꓳ=
ꓣꓳ ꓬꓲ ꓪ ꓔꓯ ꓟꓳˍꓕꓯ ꓬꓲ ꓪ ꓔꓯ ꓬꓰ ꓙ ꓠꓹ ꓗꓸ ꓡꓳ= ꓖꓳ ꓡꓰ ꓐꓯ ꓥˍꓟꓲ ꓕꓲ ꓖ ꓕꓲ ꓧꓪꓽ ꓣꓳ ꓬꓰ ꓙ ꓟꓽ ꓑ ꓡꓳ ꓫꓵꓽ ꓙꓳ ꓡꓳ= ꓕꓱ ꓡꓱ ꓫꓵꓽ ꓦꓬꓼ ꓠꓬꓲ ꓙꓳ ꓕꓯ ꓣꓳ ꓟꓵ ꓗꓪ ꓗꓪ ꓔꓬ ꓟ ꓮ ꓐꓽ ꓔꓯ ꓡꓰ ꓶ ꓓꓰ ꓠꓹ ꓗꓸ ꓡꓳ= ꓬꓲ ꓤ ꓠꓬꓲ ꓤ ꓐꓴꓳꓽ ꓕꓱ ꓡꓱ ꓫꓸ ꓢꓴ ꓟꓷꓼ ꓢꓴ ꓐꓰ ꓫꓸ ꓢꓴ ꓟꓶ ꓢꓴ ꓔꓯ ꓪꓽ ꓘꓴꓽ ꓙ ꓟ ꓠꓬ ꓮ ꓘꓶꓸ ꓣꓴ ꓚꓵ ꓟ ꓥ ꓡꓳ= ꓪꓴ-ꓢ ꓡꓰ ꓮ ꓡꓰ ꓐꓯ ꓔ ꓐꓯˍꓠꓬ ꓠꓴ ꓪ ꓕꓲ ꓣꓳ ꓛꓳ ꓕꓲ ꓣꓳ ꓠꓲꓹ ꓠꓵ ꓡꓯ ꓘꓳ ꓐꓰ ꓐꓯ ꓔ ꓡꓳ= ꓠꓴ ꓛꓳ ꓒꓯꓼ ꓐꓴ ꓔꓯ ꓠꓲꓹ ꓠꓵ ꓟꓽ ꓑ ꓡ ꓠꓬ ꓮ ꓡꓰ ꓐꓰ ꓠꓴ ꓐꓽ ꓐ ꓔꓯ ꓠꓲꓹ ꓠꓵ ꓐ ꓡ ꓢꓱꓼ ꓟꓳ ꓪ ꓓˍ ꓟ ꓠꓴ ꓬꓲ ꓠꓴ ꓠꓬꓲ ꓔꓯ ꓠꓲꓹꓟꓽ ꓠꓲꓹ ꓠꓵ ꓕꓯ ꓠꓬ ꓟꓳ ꓪ ꓟꓽ ꓓˍꓟ ꓐꓽ ꓐ ꓔꓯ ꓮ ꓡꓰ ꓐꓰ ꓠꓲꓹ ꓠꓵ ꓑ ꓡ ꓡ? ꓝꓮꓲ ꓕꓲ ꓫꓵ ꓟ ꓠꓬ ꓣꓳ ꓟꓲ ꓠꓯ ꓞꓳ ꓤ ꓠꓬ ꓮ ꓟꓳ ꓟꓳ ꓗꓪ ꓐꓰ ꓔꓬ ꓠꓲꓹ ꓫꓵꓽ ꓡꓳ=ꓞꓳ ꓫꓵꓽ ꓙꓳ ꓢꓴ ꓟꓬꓱꓽ ꓙꓳ ꓢꓴ ꓕꓱ ꓡꓱ ꓫꓵꓽ ꓒꓬꓱꓼ ꓠꓲꓹ ꓫꓵꓽ ꓡꓳ= ꓬꓲ ꓪ ꓐꓰ ꓙ ꓡꓯꓼ ꓘꓳ ꓠꓲꓹ ꓫꓵꓽ ꓡꓳ= ꓣꓳ ꓮ ꓕꓯ ꓥˍꓟꓲ ꓫꓸ ꓢꓴ ꓐꓴ ꓐꓱ ꓶ ꓪꓽ ꓘꓴ ꓙ ꓓꓴ ꓬꓰ ꓡꓯ=
