ꓮꓟꓰꓣꓲꓚꓮ ꓗꓴꓷꓼ Samaritan purse Intenational Relif ꓜꓴ ꓗꓪ ꓐꓰ Naypidaw ꓗꓪ ꓠꓯꓸꓸ ꓞꓲꓼ ꓦꓲꓸꓹ ꓫꓬꓹ ꓢꓲ ꓠꓯꓸꓸ ꓞꓲꓼ ꓫꓬꓹ ꓖꓶ ꓓꓴ ꓬꓰ ꓔꓬ ꓡꓳ ꓐꓰ ꓢꓷꓸ ꓪ ꓡꓳ= ꓕꓲ ꓠꓬꓲ ꓕꓯ ꓞꓳ ꓤ 200 ꓣꓳ ꓟꓽ ꓞꓲ ꓔꓯ ꓫꓬꓹ ꓖꓶ ꓠꓹ ꓟ ꓢꓯꓼ ꓕꓵꓼ ꓔꓬ ꓡꓳ ꓐꓰ ꓖꓳ ꓗꓪ ꓙꓵꓽ ꓪ ꓙꓳ ꓢꓴ ꓕꓲ ꓣꓳ ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ=
ꓟꓬ ꓠꓬꓲ ꓐꓭ ꓠꓬꓲ ꓟꓵꓽ ꓙꓴꓽ ꓚꓵꓹ ꓟꓵꓽ ꓓꓵꓽ ꓗꓷ ꓟ ꓑꓶꓸ ꓓꓴ ꓫꓸ ꓔꓬ ꓢꓴ ꓐꓴ ꓔꓯ ꓟꓬ ꓠꓬꓲ ꓬꓰ ꓙ ꓓꓴ ꓥˍꓡꓳ ꓐꓰ ꓮꓟꓰꓣꓲꓚꓮ ꓗꓴꓷꓼ ꓗꓪ ꓟ ꓠꓯꓸꓸ ꓞꓲꓼ ꓟꓬꓱꓽ ꓣꓱꓽ ꓜꓴ ꓐꓴ ꓡꓰ ꓐꓯ ꓔ ꓡꓳ= ꓟꓵꓽ ꓙꓴꓽ ꓚꓵꓹ ꓟꓵꓽ ꓓꓵꓽ ꓗꓷ ꓟ ꓑꓶꓸ ꓓꓴ ꓛꓲ ꓒꓯꓼ ꓡꓯ ꓒꓯꓼ ꓑꓬ ꓡꓰ ꓢꓴ 100 ꓣꓳ ꓟꓽ ꓞꓲ ꓔꓯ ꓠꓯꓸꓸ ꓞꓲꓼ ꓫꓬꓹ ꓖꓶ ꓠꓹ ꓟ ꓡꓳꓸ ꓔꓬ ꓡꓳ ꓐꓰ ꓖꓳ ꓗꓪ ꓙꓵꓽ ꓪ ꓙꓳ ꓢꓴ ꓕꓲ ꓣꓳ ꓡꓰ ꓐꓯ ꓡꓳ=
ꓟꓵꓽ ꓙꓴꓽ ꓙꓵꓹ ꓡ ꓟ ꓑꓶꓸ ꓓꓴ ꓮ ꓟꓶ ꓫꓵꓸꓹ ꓢꓴ ꓠꓬ 3600 ꓣꓳ ꓠꓻ ꓓꓴ ꓡꓰ ꓢꓴ 5017 ꓣꓳ ꓟꓶꓽ ꓡꓰ ꓔꓬ ꓢꓴ 160 ꓙꓳ ꓡꓰ ꓟ ꓥ ꓢꓲ ꓗꓴꓷꓼ 20 ꓗꓴꓷꓼ ꓗꓪ ꓐꓰ ꓫꓱꓸ ꓤ ꓠꓲꓹ ꓟ ꓗꓪ ꓐꓰ ꓣꓱꓽ ꓬꓯꓼ ꓟ ꓮ ꓙꓵꓽ ꓔꓯ ꓬꓰ ꓙ ꓔꓬ ꓟ ꓥ ꓡꓳ=
