ꓕꓱ ꓕꓲ ꓠ ꓫ. ꓢꓴ ꓟD; ꓢꓴ ꓐꓰ ꓫ. ꓕꓱ ꓟ ꓗꓪ ꓠꓬ ꓗ‐ꓔꓳ‐ꓡꓲꓗ ꓘꓴ ꓜꓲꓼ ꓞꓳ ꓗꓪ ꓐꓰ ꓫ. ꓢꓴ ꓟD; ꓢꓴ ꓔꓯ ꓮ ꓡꓲ ꓐꓰ ꓬꓰ ꓙ ꓟ ꓬꓲ., ꓔꓶꓼ ꓙꓱꓼ ꓙꓳ ꓟ ꓐꓰ ꓘꓴ ꓜꓲꓼ ꓞꓳ ꓠꓯꓼ ꓗꓪ ꓬꓲ ꓔꓯ ꓫꓬ ꓓꓱ ꓕꓽ ꓟ ꓬꓲ ꓚꓱ, ꓬꓲ ꓡꓲ ꓔꓯ ꓐꓯ ꓟꓳ. ꓖꓶ ꓥꓳ꓿ ꓣꓳ ꓗ‐ꓔꓳ‐ꓡꓲꓗ ꓘꓴ ꓜꓲꓼ ꓞꓳ ꓗꓪ ꓕꓱ ꓡꓱ ꓫ. ꓢꓴ ꓟꓷꓼ ꓢꓴ ꓔꓯ ꓠꓬꓲ ꓙ ꓡꓳ. ꓙ ꓟ ꓗ‐ꓔꓳ‐ꓡꓲꓗ ꓘꓴ ꓜꓲꓼ ꓞꓳ ꓗꓪ ꓐꓰ ꓫꓬ ꓔꓶꓼ ꓕꓽ ꓟ ꓕꓱ ꓡꓱ ꓫꓵꓽ ꓙꓳ ꓡꓳ꓿ꓕꓱ ꓟ ꓘꓴꓽ ꓠꓯꓼ ꓗꓪ ꓠꓬ ꓟ. ꓟꓲ ꓘꓴꓽ ꓠꓯꓼ ꓗꓪ ꓐꓰ ꓣꓴ ꓓꓳ ꓕꓽ ꓟ ꓟ. ꓟꓲ ꓘꓶꓽ ꓗꓪ ꓐꓰ ꓞꓳ ꓫꓴ ꓔꓬ ꓡꓳ꓿ ꓟꓬ ꓠꓬꓲ ꓐꓭ ꓠꓬ ꓞꓳ ꓤ ꓐꓯ ꓟ ꓠꓬ ꓪꓴ‐ꓢ ꓒꓬꓱꓽ ꓗꓪ ꓐꓰ ꓫꓬ, ꓕꓽ ꓟ ꓑꓶ. ꓓꓴ ꓮ ꓡꓰ ꓗꓪ ꓛꓲ ꓫ. ꓥ ꓟꓲ ꓪꓴ‐ꓢ ꓒꓬꓱꓽ ꓥ ꓡꓳ꓿ ꓞꓳ ꓐꓴ ꓥˍꓟꓲ ꓞꓳ ꓫ. ꓥ ꓟꓲ ꓪꓴ‐ꓢ ꓒꓬꓱꓼ ꓥ ꓡꓳ꓿
ꓕꓱ ꓡꓱ ꓬꓰ ꓙ ꓟ ꓠꓬ ꓣꓳ ꓡꓳ ꓟꓲ ꓟꓵ ꓗꓪ ꓟꓲ ꓙꓳ ꓡꓳ꓿ ꓕꓱ ꓡꓱ ꓫꓵꓽ ꓠꓬ ꓟꓵ ꓗꓴ. ꓓꓵ ꓓꓵ ꓗꓪ ꓬꓲ. ꓜꓴ ꓢꓲꓽ ꓠꓬꓲ ꓕꓲ ꓫꓵꓽ ꓫꓵꓽ ꓫꓵꓽ ꓪꓴ ꓓꓳ ꓡ ꓔꓯ ꓕꓯ ꓟꓵ ꓓꓵ ꓟ ꓗꓪ ꓫ. ꓢꓴ ꓟꓶ ꓢꓴ ꓔꓯ ꓬꓰ ꓙ ꓟ ꓥ ꓡꓳ꓿ ꓝꓮꓲ ꓣꓳ ꓘꓴ ꓜꓲꓼ ꓞꓳ ꓠꓯꓼ ꓗꓪ ꓠꓬ ꓕꓱ ꓡꓱ ꓐꓰ ꓔꓲ‐ꓒ ꓙꓵꓽ ꓔꓶ. ꓐꓯ ꓟ ꓕꓱ ꓡꓱ ꓙꓳ ꓡꓳ꓿ ꓚꓲ ꓛꓬ ꓔꓲ‐ꓒ ꓙꓵꓽ ꓔꓶ. ꓗꓪ ꓫꓵꓽ ꓪꓴ ꓓꓳ ꓡ ꓕꓯ ꓞꓳ ꓫꓱ, ꓠ, ꓟ ꓕꓱ ꓡꓱ ꓫꓵꓽ ꓐꓯ ꓕꓽ ꓟ ꓙꓳ ꓡꓳ꓿ꓕꓱ ꓟ ꓡꓰ ꓟꓽ ꓞꓲ ꓣꓳ ꓔꓲ‐ꓒ ꓙꓵꓽ ꓔꓶ. ꓗꓪ ꓐꓰ ꓪꓴ. ꓓꓴ ꓣꓱꓼ ꓢꓲ꓾ ꓛꓲ ꓛꓬ ꓔꓬ ꓔꓶ. ꓗꓪ ꓫ. ꓢꓴ ꓟꓶ ꓢꓴ ꓔꓯ ꓮ ꓡꓰ ꓐꓰ ꓬꓰ ꓙ ꓠ, ꓟ ꓘꓴ ꓜꓲꓼ ꓞꓳ ꓗꓪ ꓐꓰ ꓢꓯꓼ ꓖꓶ ꓔꓽ ꓡꓳ꓿ꓕꓱ ꓟ ꓡꓰ ꓟꓽ ꓞꓲ ꓙꓵꓽ ꓗ ꓕꓶ. ꓕꓯ ꓣꓳ ꓘꓴ ꓜꓲꓼ ꓞꓳ ꓗꓪ ꓟꓲ ꓬꓲ ꓪ ꓬꓰ ꓟ ꓗꓪ ꓢꓯꓼ ꓖꓶ ꓠ, ꓗ. ꓡꓳ꓿ ꓟꓬ ꓠꓬꓲ ꓐꓭ ꓠꓬꓲ ꓞꓳ ꓫ. ꓔꓯ ꓔꓬ ꓖꓴ ꓖꓶ ꓠ, ꓟ ꓮ ꓘꓶ. ꓢꓼ ꓖꓶ ꓠ, ꓗ. ꓡꓳ꓿
