ꓟꓬ‐ꓟ ꓗꓴꓷꓼ ꓗꓪ ꓟꓵꓽ ꓙꓴꓽ ꓚꓵ, ꓗꓷ ꓟ ꓑꓶ. ꓓꓴ ꓠꓬꓲ. ꓠꓬꓲ ꓗꓪ ꓛꓲ ꓫꓵꓻ ꓡꓰ ꓢꓴ ꓑ ꓫꓬ (1700) ꓣꓳ ꓙꓳˍ ꓡꓰ ꓐꓰ ꓐꓯ ꓔ ꓟ 

3 ꓦ ꓟ 30 ꓠꓬꓲ 2025 ꓢꓲꓺ ꓒ ꓦꓬꓼ ꓠꓬꓲ ꓟꓶꓼ ꓘꓶꓼ (8) ꓗꓪ ꓛꓲ ꓟꓬ‐ꓟ ꓗꓴꓷꓼ ꓗꓪ ꓟꓵꓽ ꓙꓴꓽ ꓚꓵ, ꓗꓷ ꓟ ꓑꓶ. ꓓꓴ ꓫꓵꓻ ꓡꓰ ꓢꓴ ꓑ ꓫꓬ (1700) ꓣꓳ ꓙꓳˍ ꓡꓰ ꓐꓰ ꓐꓯ ꓔ ꓡꓳ꓿ ꓕꓱ ꓫꓵꓻ ꓡꓰ ꓢꓴ ꓐꓴ ꓑ ꓫꓬ ꓐꓴ ꓘꓴꓽ ꓟ‐ꓓꓲ‐ꓡꓯ ꓗꓪ ꓔꓬ ꓟ ꓑ ꓫꓬ ꓐꓴ ꓮ ꓟꓬ, ꓐ ꓡꓳ ꓐꓰ ꓐꓯ ꓔ ꓡꓳ꓿

ꓟꓬ‐ꓟ ꓗꓴꓷꓼ ꓗꓪ ꓗꓳ. ꓗꓷ ꓟ 3 ꓦ ꓠ 28 ꓠꓬꓲ ꓟꓶꓼ ꓡꓳ ꓙꓵ, ꓕꓯ ꓟꓵꓽ ꓙꓴꓽ ꓓꓽ ꓚꓵ, ꓡ ꓟ ꓪꓴ. ꓠꓬꓲ. ꓫꓵꓻ ꓡꓰ ꓢꓴ ꓑ ꓫꓬ ꓮ ꓟꓬ, ꓙꓳ ꓡꓰ ꓟ ꓥ ꓡꓳ꓿ ꓕꓱ ꓟꓵꓽ ꓙꓴꓽ ꓬꓲ ꓢꓯ. ꓠꓬ 7.7 ꓙꓳˍ ꓟ ( ꓬꓲ ꓢꓯꓼ ꓮ ꓟꓬ, ) ꓙꓳ ꓟ ꓟꓵꓽ ꓙꓴꓽ ꓥ ꓡꓳ ꓐꓰ ꓢꓷ. ꓪ ꓡꓳ꓿ 3 ꓦ ꓟ 30 ꓠꓬꓲ ꓗꓪ ꓛꓲ ꓟꓵꓽ ꓙꓴꓽ ꓚꓵ, ꓗꓷ ꓟ ꓑꓶ. ꓓꓴ ꓫꓵꓻ ꓡꓰ ꓢꓴ ꓑ ꓫꓬ ꓮ ꓙꓵꓽ ꓠꓬꓲ (1700) ꓣꓳ ꓥ ꓢꓲ ꓠꓬꓲ ꓠꓻ ꓓꓴ ꓡꓰ ꓢꓴ ꓑ ꓫꓬ (3400) ꓣꓳ ꓐꓰ ꓟꓶ ꓔꓬ ꓢꓴ ꓒꓲꓼ ꓡꓰ ꓢꓴ ꓑ ꓫꓬ ꓮ ꓙꓵꓽ ꓠꓬ (300) ꓣꓳ ꓟꓽ ꓛꓲ ꓔꓬ ꓢꓲ ꓡꓳ ꓐꓰ ꓢꓷ. ꓪ ꓡꓳ꓿

ꓟꓬ‐ꓟ ꓗꓴꓷꓼ ꓘꓴꓽ ꓗꓪ ꓟꓵꓽ ꓙꓴꓽ ꓚꓵ, ꓗꓷ ꓢꓲ ꓠꓬꓲ ꓫꓵꓻ ꓡꓰ ꓢꓴ ꓑ ꓫꓬ ꓐꓴ ꓮ ꓟꓬ, ꓙꓳˍ ꓟ ꓡꓰ ꓟꓽ ꓛꓲ ꓑ ꓫꓬ ꓔꓬ ꓦꓲꓻ ꓠꓯꓻ ꓞꓲꓼ ꓦꓲꓻ ꓙꓳ ꓦꓲꓻ ꓐꓰ ꓙ ꓖꓴ ꓮ ꓟꓬ, ꓥ ꓟꓲ ꓐꓬ ꓡꓰ ꓟ ꓥ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓠꓬ ꓮ ꓘꓶ. ꓫ. ꓓꓴ ꓟꓷ ꓓꓴ ꓔꓳ, ꓜꓳ ꓔꓬ ꓟ ꓥ ꓡꓳ꓿

ꓟꓵꓽ ꓙꓴꓽ ꓚꓵ, ꓗꓷ ꓟ ꓑꓶ. ꓓꓴ ꓫ. ꓔꓬ ꓢꓴ ꓑ ꓫꓬ ꓐꓴ ꓔꓯ ꓧꓶꓽ ꓗꓴꓷꓼ ꓟꓶ‐ꓡꓯ‐ꓫ꓾ ꓲ‐ꓓꓲ‐ꓬ ꓗꓴꓷꓼ ꓗꓪ ꓐꓰ ꓬꓰ ꓙ ꓚꓬꓴ ꓢꓴ ꓜꓴꓻ ꓡꓰ ꓮ ꓘꓶ. ꓢꓯꓼ ꓕꓵꓼ ꓢꓲ ꓠꓬꓲ ꓑ ꓫꓬ ꓐꓴ ꓔꓯ ꓚꓬꓴ ꓙ ꓟ ꓟꓬꓱꓽ ꓬꓰ ꓔꓬ ꓡꓳ ꓐꓰ (Myanmar Now) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿