ꓟꓵꓽ ꓙꓴꓽ ꓚꓵ, ꓗꓷ ꓟ ꓑꓶ. ꓓꓴ ꓫ. ꓓꓴ ꓟꓷꓽ ꓓꓴ ꓔꓳ, ꓜꓳ ꓔꓬ ꓢꓴ ꓐꓴ ꓐꓱ ꓶ ꓗ‐ꓛꓲ ꓗꓴꓷꓼ ꓫꓴꓻ ꓗꓪ ꓔꓬ ꓟ ꓬꓰ ꓙ ꓢꓴ ꓜꓴꓻ ꓥ ꓟꓲ ꓬꓰ ꓙ ꓚꓬꓴ ꓙ ꓟ ꓟꓬꓱꓽ ꓔꓯ ꓬꓰ ꓠ, ꓟ ꓙꓳˍ ꓟ

Myanmar Rescue Myitkyina- Kachin team — Myanmar Rescue Myitkyina- Kachin going to help #those who surfer earthquake #Myanmarearthquake

3 ꓦ ꓟ 30 ꓠꓬꓲ 2025 ꓘꓳꓼ ꓕꓯ ꓗ‐ꓛꓲ ꓗꓴꓷꓼ ꓫꓴꓻ ꓗꓪ ꓔꓬ ꓟ ꓬꓰ ꓙ ꓚꓬꓴ ꓙ ꓢꓴ ꓜꓴꓻ ꓥ ꓟꓲ ꓟꓵꓽ ꓙꓴꓽ ꓚꓵ, ꓗꓷ ꓟ ꓑꓶ. ꓓꓴ ꓫ. ꓓꓴ ꓟꓷꓽ ꓓꓴ ꓮ ꓟꓬ, ꓔꓳ, ꓜꓳ ꓔꓬ ꓟ ꓑ ꓫꓬ ꓐꓴ ꓐꓴ ꓔꓬ ꓟ ꓢ‐ꓗꓮꓲ ꓟꓵꓽ ꓐꓰ ꓟ‐ꓓꓲ‐ꓡꓲ ꓟꓵꓽ ꓗꓪ ꓙꓰ ꓢꓲ ꓠꓬꓲ ꓬꓰ ꓟ ꓚꓬꓴ ꓙ ꓟ ꓟꓬꓱꓽ ꓔꓯ ꓬꓰ ꓠ, ꓟ ꓙꓳˍ ꓡꓰ ꓐꓯ ꓔ ꓡꓳ꓿

ꓟꓬ‐ꓟ ꓗꓴꓷꓼ ꓗꓪ 3 ꓦ ꓟ 28 ꓠꓬꓲ ꓟꓳꓼ ꓡꓳꓼ ꓙꓵ, ꓕꓯ ꓬꓲ ꓢꓯ. ꓮ ꓘꓶ. ꓙꓳ ˍꓟ ꓟꓵꓽ ꓙꓴꓽ ꓚꓵ, ꓗꓷ ꓟ ꓑꓶ. ꓓꓴ ꓫꓵꓻ ꓡꓰ ꓢꓴ ꓑ ꓫꓬ ꓮ ꓟꓬ, ꓙꓳ ꓡꓰ ꓢꓲ ꓠꓬꓲ ꓠꓻ ꓓꓴ ꓡꓰ ꓢꓴ ꓐꓴ ꓐꓰ ꓟꓶ ꓔꓬ ꓢꓴ ꓒꓲꓼ ꓔꓬ ꓢꓴ ꓑ ꓫꓬ ꓮ ꓟꓬ, ꓙꓳ ꓟ ꓥ ꓡꓳ꓿ ꓖꓳ ꓡꓰ ꓥ ꓟ ꓪꓴ. ꓠꓬꓲ ꓬꓰ ꓙ ꓚꓬꓴ ꓙ ꓟ ꓟꓬꓱꓽ ꓔꓯ ꓬꓰ ꓙ ꓢꓴ ꓮ ꓟꓬ, ꓣꓱ ꓬꓯꓼ ꓣꓱ ꓞꓼ ꓔꓬ ꓟ ꓥ ꓡꓳ꓿

ꓑ ꓫꓬ ꓮ ꓟꓬ, ꓥ ꓟꓲ ꓫ. ꓓꓴ ꓓꓳ ꓓꓴ ꓐꓰ ꓠꓻ ꓫꓬ ꓠ, ꓟ ꓠꓯꓻ ꓞꓲꓼ ꓮ ꓟꓬ, ꓣꓱ ꓬꓯꓼ ꓔꓬ ꓡꓳ ꓐꓰ ꓐꓯ ꓔ ꓡꓳ ꓐꓰ (Kachin News Group) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿