3 ꓦ ꓟ 28 ꓠꓬꓲ 2025 ꓘꓳꓼ ꓠꓽ ꓥꓪ ꓠꓬꓲꓽ ꓕꓯ ꓟꓬ‐ꓟ ꓗꓴꓷꓼ ꓗ‐ꓔꓳ‐ꓡꓲꓗ ꓔꓲꓺ ꓒ ꓓꓽ ꓐꓴ ꓥ ꓟ ꓚꓐꓚꓟ ꓜꓴꓻ ꓡꓰ ꓟꓬ‐ꓟ ꓗꓴꓷꓼ ꓬꓲ ꓢꓯ. ꓮ ꓟꓬ, ꓙꓳ ꓟ ꓟꓵꓽ ꓙꓴꓽ ꓚꓵˍ ꓗꓷ ꓟ ꓑꓶ. ꓓꓴ ꓬꓰ ꓙ ꓚꓬꓴ ꓙ ꓟꓬꓱꓽ ꓔꓯ ꓬꓰ ꓠ,ꓟ ꓞꓼ ꓞꓼ ꓬꓰ ꓠ,ꓟ ꓣꓱ ꓬꓯꓼ ꓔꓬ ꓟ ꓙꓵ, ꓕꓯ ꓟꓯꓼ ꓢꓰꓼ ꓡꓯ ꓘꓳ, ꓟ ꓔꓯ ꓠꓽ ꓖꓶ ꓠ, ꓟ ꓓꓰꓽ ꓔ ꓟ ꓥ ꓡꓳ꓿
ꓚꓐꓚꓟ ꓜꓴꓻ ꓡꓰ ꓟꓬ‐ꓟ ꓗꓴꓷꓼ ꓗꓪ 3 ꓦ ꓟ 28 ꓠꓬꓲ ꓟꓳꓼ ꓡꓳ ꓙꓵ, ꓕꓯ ꓬꓲ ꓢꓯ. ꓮ ꓟꓬ, ꓙꓳ ꓟ ꓟꓵꓽ ꓙꓴꓽ ꓑꓶ. ꓓꓴ ꓑ ꓫꓬ ꓮ ꓟꓬ, ꓫꓵꓻ ꓡꓰ ꓟ ꓥ ꓡꓳ꓿ ꓝꓮꓲ ꓠꓻ ꓓꓴ ꓡꓰ ꓢꓴ ꓑ ꓫꓬ ꓮ ꓟꓬ, ꓙꓳ ꓢꓲ ꓒꓲꓼ ꓔꓬ ꓟ ꓟꓶ ꓔꓬ ꓟ ꓑ ꓫꓬ ꓐꓴ ꓥ ꓟꓲ ꓮ ꓟꓬ, ꓙꓳ ꓟ ꓥ ꓡꓳ꓿
ꓟꓬ‐ꓟ ꓗꓴꓷꓼ ꓗꓪ ꓠꓬ ꓫ. ꓓꓴ ꓟꓷ ꓓꓴ ꓮ ꓟꓬ, ꓔꓳ, ꓜꓳ ꓔꓬ ꓟ ꓪꓴ. ꓠꓬꓲ ꓬꓰ ꓙ ꓚꓬꓴ ꓙ ꓟ ꓟꓬꓱꓽ ꓬꓰ ꓙ ꓠ, ꓟ ꓮ ꓟꓬ, ꓣꓱ ꓬꓯꓼ ꓬꓰ ꓞꓼ ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓗ‐ꓔꓳ‐ꓡꓲꓗ ꓘꓴ ꓜꓲꓼ ꓞꓳ ꓗꓪ ꓐꓰ ꓟꓵꓽ ꓙꓴꓽ ꓚꓵˍ ꓗꓷ ꓟ ꓑꓶ. ꓓꓴ ꓫ. ꓓꓴ ꓟꓷꓽ ꓓꓴ ꓔꓳ, ꓜꓳ ꓔꓬ ꓢꓴ ꓑ ꓫꓬ ꓐꓴ ꓔꓯ ꓬꓰ ꓙ ꓟ ꓟꓬꓱꓽ ꓬꓰ ꓠ, ꓟ ꓙꓳˍ ꓡꓳ ꓐꓰ ꓐꓯ ꓔ ꓡꓳ꓿
ꓬꓰ ꓙ ꓚꓬꓴ ꓟ ꓟꓬꓱꓽ ꓬꓰ ꓠ, ꓟ ꓣꓱ ꓬꓯꓼ ꓔꓬ ꓟ ꓙꓵ, ꓕꓯ ꓟꓬ‐ꓟ ꓗꓴꓷꓼ ꓘꓴꓽ ꓗꓪ ꓟꓯꓼ ꓢꓰꓼ ꓡꓯꓽ ꓘꓳ, ꓔꓬ ꓟ ꓔꓯ ꓠꓽ ꓗꓷ ꓠ, ꓟ ꓓꓰꓽ ꓔ ꓟ ꓥ ꓡꓳ꓿ ꓗ‐ꓔꓳ‐ꓡꓲꓗ ꓘꓴ ꓜꓲꓼ ꓞꓳ ꓗꓪ ꓐꓰ ꓒꓴ ꓔ ꓟ ꓫ ꓢꓴ ꓟꓷ ꓢꓴ ꓐꓴ ꓔꓯ ꓬꓰ ꓙ ꓜꓴꓻ (ꓗꓟꓢꓢ) ꓗꓮꓣꓴꓠꓮ ꓜꓴꓻ ꓗꓪ ꓐꓰ ꓥ ꓟꓲ ꓟꓵꓽ ꓙꓴꓽ ꓚꓵˍ ꓗꓷ ꓢꓲ ꓠꓬꓲ ꓫ. ꓓꓴ ꓟꓷ ꓓꓴ ꓔꓳ, ꓜꓳ ꓔꓬ ꓢꓴ ꓑ ꓫꓬ ꓐꓴ ꓐꓱ ꓶ ꓬꓰ ꓙ ꓟ ꓟꓬꓱꓽ ꓔꓯ ꓬꓰ ꓔꓬ ꓡꓳ ꓦ ꓐꓰ (ꓚꓐꓚꓟ) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿
