ꓡ‐ꓫꓬꓳ ꓢꓽ‐ꓢꓶ‐ꓠ ꓕꓲ ꓟ ꓡꓱꓸꓼ ꓙꓴꓐꓲꓡꓰꓰ ꓑꓮꓲꓽ ꓔꓯ 2025 ꓘꓳꓼ 3 ꓦ 24 ꓠꓬꓲ ꓕꓯ꓾ ꓐꓶ‐ꓬꓲ ꓗꓴꓷꓼ ꓫꓴ꓾ ꓡ‐ꓫꓬꓳ ꓡꓳ ꓒꓱ ꓡꓳꓲ‐ꓘꓯꓟ, ꓞꓳ ꓘ, ꓗꓪ ꓙꓳˍ ꓟ꓾ ꓗꓪ ꓧꓪ. ꓧꓪꓸꓼˍ ꓐꓰ ꓬꓰ ꓓꓳ ꓡꓰꓳ꓿
ꓙꓴꓐꓲꓡꓰꓰ ꓑꓮꓲꓽ ꓗꓪ ꓟꓬ‐ꓟ ꓗꓴꓷꓼ ꓔꓲꓺ ꓒ ꓓꓽ ꓟ Cardinal Charles Bo ꓡꓰ ꓛꓲ ꓡ ꓢꓲ ꓙꓴꓐꓲꓡꓰꓰ ꓑꓮꓲꓽ ꓔꓯ ꓧꓳꓽ ꓪꓴ. ꓟꓳ ꓢꓲ ꓬꓰ ꓗꓷ ꓟ ꓥ ꓡꓳ꓿
ꓡ‐ꓫꓬꓳ ꓢꓽ‐ꓢꓶ‐ꓠ ꓔꓲꓺ ꓒ ꓓꓽ Lucus Dau Ze ꓡꓰ ꓔꓲꓺ ꓒ ꓓꓽ ꓟ Cardinal Charles Bo ꓔꓯ ꓘꓳ ꓣꓴˍ ꓟ ꓕꓲ ꓦꓬ ꓗꓪ꓾ “ꓔꓲꓺ ꓒ ꓓꓽ ꓟ ꓡꓰ ꓑꓮꓲꓽ ꓗꓪ ꓡ ꓖꓶˍ ꓟ ꓑꓶ. ꓓꓴ ꓑꓮꓲꓽ ꓕꓱ ꓟ ꓠꓬ ꓬꓲ ꓓꓽ ꓟ ꓒꓬꓱꓼ ꓡꓺꓳ꓿ ꓥꓪ ꓠꓴꓽ ꓥˍ ꓟꓲ ꓮ ꓘꓶ. ꓢꓯꓼ ꓟꓶˍ ꓥ꓿ ꓥꓪ ꓠꓴꓽ ꓡ‐ꓫꓬꓳ ꓢꓽ‐ꓢꓶ‐ꓠ ꓐꓱ ꓶ ꓠꓬ ꓙꓴꓐꓲꓡꓰꓰ ꓶꓼ ꓤ ꓫꓱ, ꓤ ꓮ ꓟꓬ, ꓘꓳ ꓣꓴ ꓟꓶˍ ꓟ ꓑꓮꓲꓽ ꓕꓲ ꓟ ꓥ ꓡꓳ꓿ ꓑꓮꓲꓽ ꓗꓪ ꓛꓲ ꓡ ꓖꓶˍ ꓟ ꓑꓶ. ꓓꓴ ꓔꓲꓺ ꓒ ꓓꓽ ꓟ ꓔꓯ ꓥꓪ ꓠꓴꓽ ꓮ ꓘꓶ. ꓫ. ꓟꓳ ꓔꓬ ꓡꓳ” ꓐꓰ ꓐꓯ ꓖꓶˍ ꓡꓳ꓿
ꓔꓲꓺ ꓒ ꓓꓽ ꓟ ꓡꓰ ꓐꓯˍ ꓟ ꓠꓬ꓾ “ꓑ ꓫꓬ ꓮ ꓟꓬ, ꓔꓯ ꓑꓮꓲꓽ ꓗꓪ ꓟꓳꓻ ꓪ ꓡꓰ ꓠꓬꓲ ꓥꓪ ꓮ ꓘꓶ. ꓓꓵꓽ ꓙ ꓮʼ ꓡꓰꓳ꓿ ꓕꓱ ꓘꓶ ꓙꓻ ꓖꓴ ꓫ.ˍ ꓟ ꓡꓰꓽ ꓟꓽ ꓞꓲ ꓟꓵꓽ ꓘꓳꓼ ꓟꓽ ꓢꓲꓺ ꓡꓲ ꓥˍ ꓟꓲ ꓘꓴ ꓜꓲꓼ ꓞꓳ ꓢꓲ ꓤ ꓮ ꓟꓬ, ꓠꓬ ꓙꓴꓐꓲꓡꓰꓰ ꓶꓼ ꓤ ꓫꓱ, ꓤ ꓘꓳ ꓣꓴ ꓟꓶ ꓠ, ꓟ ꓐꓱ ꓶ ꓑꓮꓲꓽ ꓗꓪ ꓛꓲꓺ ꓡˍ ꓟ ꓑꓶ. ꓓꓴ ꓥꓪ ꓮ ꓘꓶ. ꓢꓯꓼ ꓟꓶˍ ꓡꓳ꓿ ꓙꓴꓐꓲꓡꓰꓰ ꓑꓮꓲꓽ ꓐꓱ ꓶ ꓚꓲ. ꓛꓬ ꓝꓴꓲ. ꓔꓯ ꓥ. ꓗꓷ (ꓣꓷꓠ.) ꓗꓷ ꓢꓴ ꓮ ꓟꓬ, ꓙꓳˍ ꓟ ꓔꓯ ꓡꓳ. ꓢꓲ ꓠꓬꓲ ꓥꓪ ꓮ ꓘꓶ. ꓢꓯꓼ ꓙꓳˍ ꓡꓳ”꓾ ꓐꓰ ꓐꓯˍ ꓡꓳ꓿
ꓑꓮꓲꓽ ꓗꓪ ꓠꓬ ꓟꓴ‐ꓖꓴ ꓡꓳ ꓒꓱ ꓗꓪ ꓐꓰ ꓗ‐ꓔꓳ‐ꓡꓲꓗ ꓘꓴ ꓜꓲꓼ ꓞꓳ ꓢꓲ ꓤ 126 ꓣꓳ ꓐꓰ꓾ ꓠꓱ. ꓐꓯ ꓡꓳ ꓒꓱ ꓗꓪ ꓐꓰˍ ꓟꓲ ꓮ ꓟꓬ, ꓛꓲ ꓡ ꓢꓲ ꓠꓬꓲ꓾ ꓑꓮꓲꓽ ꓗꓪ ꓔ, ꓡ ꓢꓴ ꓮ ꓙꓵꓽ ꓠꓬ 4000 ꓖꓼ ꓡꓯ ꓖꓼ ꓙꓲ ꓥ ꓡꓳ꓾ ꓐꓰ ꓢꓷ. ꓪ ꓡꓳ꓿
ꓡꓳꓲ‐ꓘꓯꓟ, ꓔꓲꓺ ꓒ ꓙꓵꓽ ꓔꓶ. ꓠꓬ꓾ ꓐꓶ‐ꓬꓲ ꓗꓴꓷꓼ ꓫꓴ ꓡ‐ꓫꓬꓳ ꓢꓽ‐ꓢꓶ‐ꓠ ꓗꓪ ꓟ ꓞꓳ ꓘ, ꓕꓲ ꓟ ꓥ ꓢꓲ ꓠꓬꓲ꓾ ꓔꓲꓺ ꓒ ꓙꓵꓽ ꓔꓶ. ꓖꓳ ꓟ ꓠꓯꓸꓼ ꓗꓪ ꓗ‐ꓔꓳ‐ꓡꓲꓗ ꓘꓴ ꓜꓲꓼ ꓞꓳ ꓢꓲ ꓤ ꓦꓲꓻ 365 ꓦꓲꓻ ꓙꓳˍ ꓟ ꓔꓲꓺ ꓒ ꓙꓵꓽ ꓔꓶ. ꓕꓲ ꓟ ꓥ ꓡꓳ꓿ ꓡ‐ꓫꓬꓳ ꓡꓳ ꓒꓱ ꓗꓪ ꓟꓯꓼ ꓓꓶꓽ ꓡꓯ ꓘꓳ ꓢꓰꓼ ꓡꓯ ꓘꓳ,ˍ ꓕꓯ ꓡ‐ꓫꓬꓳ ꓡꓳ ꓒꓱ ꓑ ꓫꓬ ꓮ ꓟꓬ, ꓟꓯꓼ ꓛꓰ, ꓑꓬ ꓖꓴ ꓕꓲ ꓟˍ ꓟꓲ ꓥ ꓡꓳ꓾ ꓐꓰ ꓢꓷ. ꓪ ꓡꓳ꓿
