ꓤ ꓠꓱ ꓤ ꓐꓴ ꓬꓲ ꓪ ꓫꓱꓹ ꓔꓯ ꓮ ꓐꓽ ꓮ ꓟ ꓣꓱꓽ ꓢꓴ ꓐꓴ ꓡꓰ ꓟꓸ ꓖꓶ ꓓꓴ ꓬꓰ ꓡꓯ ꓐꓯˍ ꓟ ꓕꓲ ꓒꓳꓹ ꓗꓪ ꓐꓰ ꓢꓷꓸ ꓙ ꓟꓳ ꓙ ꓠꓲꓹ ꓫꓵˍ ꓡꓳ=
ꓮꓽ ꓐ ꓮ ꓟ ꓣꓱꓽ ꓢꓴ ꓐꓴ ꓠꓬ ꓤ ꓠꓱ ꓤ ꓐꓴ ꓔꓯ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓟꓸ ꓖꓶ ꓑꓱ ꓖꓶ ꓔꓬ ꓡꓳ= ꓖꓳ ꓡꓱ ꓐꓯˍ ꓥ ꓟꓲ ꓬꓲ ꓪ ꓫꓱꓹ ꓮ ꓡꓲ ꓗꓹ ꓟ ꓔꓯ ꓢꓷꓸ ꓠꓹ ꓟ ꓮ ꓘꓶꓸ ꓣꓳꓸ ꓚꓵˍ ꓡꓳ= ꓣꓳ ꓤ ꓠꓱ ꓠꓬ ꓙꓲˍ ꓟ ꓬꓲ ꓫꓱꓹ ꓙꓳˍ ꓡ꓾ ꓟꓽ ꓥ ꓠꓬ ꓟꓽ ꓙꓲꓻ ꓟ ꓬꓲ ꓫꓱꓹ ꓙꓳ ꓡ꓾ ꓐꓯ ꓟ ꓔꓯ ꓮꓽ ꓐ ꓮ ꓟ ꓣꓱꓽ ꓢꓴ ꓐꓴ ꓢꓷꓸ ꓠ ꓗꓹ ꓡꓳ= ꓮꓽ ꓐ ꓮ ꓟ ꓣꓱꓽ ꓢꓴ ꓐꓴ ꓠꓬ ꓣꓳ ꓤ ꓣꓳ ꓠꓱ ꓐꓴ ꓔꓯ ꓚꓲꓸ ꓛꓬ ꓙ ꓟꓶ ꓗꓴꓸ ꓠ, ꓟ꓾ ꓫꓸ ꓓꓴ ꓟꓶ ꓓꓴ ꓔꓳꓹ ꓜꓳꓽ ꓡ ꓕꓯ ꓚꓲꓸ ꓛꓬ ꓢꓯꓼ ꓪ ꓔꓯ ꓦ ꓡꓱ ꓗꓴꓸ ꓢꓴ ꓗꓷ ꓠ, ꓟ꓾ ꓡ ꓠ, ꓟ ꓤꓶꓸꓹ ꓐꓱ ꓶ ꓟꓬꓽꓽ ꓠꓬꓲ ꓙꓲˍ ꓟ ꓔꓶꓸꓹ ꓙꓱꓼ ꓙꓳ ꓢꓴ ꓒꓬꓱꓼ ꓠ, ꓟ ꓟꓸ ꓖꓶ ꓠ ꓗ, ꓡꓳ=
