ꓔꓬ, ꓟꓽ ꓢꓻ꓾ ꓠꓻ ꓔꓬ ꓟ ꓔꓲꓺ ꓒ ꓪ ꓔꓲ. Francis ꓐꓱ ꓶ ꓪꓽ ꓘꓴ ꓙ ꓖꓶ ꓠ, ꓟ ꓟꓬ‐ꓟ ꓗꓴꓷꓼ ꓗ‐ꓔꓳ‐ꓡꓲꓗ ꓔꓲ ꓒ ꓓꓽ ꓟ Cardinal Charles Bo ꓡꓰ ꓕꓵꓼ ꓪ ꓖꓶ ꓗꓷꓳ
ꓔꓲꓺ ꓒ ꓪ ꓔꓲ. Francis ꓠꓬ ꓮ ꓟꓶ ꓕꓯ ꓣꓳ‐ꓟ ꓡꓳ ꓒꓱ꓾ ꓙꓬ‐ꓟꓰ‐ꓡꓲ ꓠꓯ ꓞꓲꓼ ꓦꓲ ꓗꓪ ꓠꓻ ꓫꓬ, ꓔꓬ ꓡꓳ꓿ ꓔꓲ ꓒ ꓪ ꓔꓲ. Francis ꓮ ꓘꓶ. ꓠꓻ ꓜꓲꓽ ꓔꓬ ꓟ ꓙꓵ, ꓗꓪ ꓪꓴ‐ꓢ ꓬꓲ ꓠꓵꓻ ꓠꓲ,꓾ ꓠꓲ, ꓗꓴ ꓟꓬ ꓗꓴ ꓖꓶˍ ꓟ ꓐꓰ ꓠꓻ ꓫꓬ, ꓖꓶˍ ꓟ ꓟꓶ ꓠ, ꓟ ꓐꓱ ꓶ ꓟꓬ‐ꓟ ꓗꓴꓷꓼ ꓗꓪ ꓔꓬ ꓟ ꓪꓴ‐ꓢ ꓤ ꓮ. ꓟꓲꓽ ꓐꓴ ꓠꓬ ꓕꓲ ꓠꓲ, ꓕꓲ ꓪꓽ ꓪꓽ ꓘꓴ ꓙ ꓖꓶ ꓠ, ꓟ ꓕꓵꓼ ꓪ ꓖꓶ ꓠꓲ, ꓫꓵˍ ꓡꓳ꓾ ꓐꓰ ꓔꓲ ꓒ ꓓꓽ ꓟ Cardinal Charles Bo ꓡꓰ ꓐꓯˍ ꓡꓳ꓿
ꓬꓲ ꓡꓰ ꓝ. ꓢꓲ ꓠꓬꓲ꓾ ꓔꓲ ꓒ ꓔꓲ ꓟ ꓐꓴ꓾ ꓘꓴ ꓜꓲꓼ ꓞꓳ ꓢꓲ ꓤ ꓐꓴ ꓠꓬ ꓟꓲ‐ꓢ ꓔꓲ ꓖꓶ ꓟꓲ‐ꓢ ꓓꓰꓽ ꓖꓶˍ ꓟ꓾ ꓣꓳ‐ꓢ‐ꓡꓲ ꓪꓽ ꓘꓴˍ ꓟ꓾ ꓢꓲꓽ ꓫꓬ ꓖꓳ ꓓꓱꓽ ꓔꓯ ꓪꓴ. ꓓꓵ ꓕꓱꓼˍ ꓟ꓾ ꓕꓱ ꓟꓬ ꓚꓱ, ꓗꓪ ꓐꓰ ꓔꓲꓺ ꓒ ꓪ ꓔꓲ. ꓠꓲ, ꓞꓼ ꓓꓻ ꓡꓰ ꓠ, ꓟ ꓪꓽ ꓘꓴ ꓙ ꓖꓶˍ ꓟ ꓗꓪ ꓕꓲ ꓠꓲ, ꓕꓲ ꓪ ꓬꓰ ꓖꓶ ꓠ, ꓟ꓾ ꓔꓲ ꓒ ꓓꓽ ꓟ Cardinal Charles Bo ꓡꓰ ꓘꓴ ꓔ ꓡꓳ꓿
ꓔꓲ ꓒ ꓪ ꓔꓲ. Francis ꓠꓬ ꓬꓲ ꓫ. ꓕꓱ ꓘꓶꓽ ꓐꓴ ꓗꓪ ꓣꓳ ꓟꓬ‐ꓟ ꓗꓴꓷꓼ ꓢꓲ ꓡꓲ ꓗ, ꓛꓲꓽ ꓓꓴ ꓙꓳ ꓡ ꓠ, ꓟ ꓐꓱ ꓶ ꓐꓰ꓾ ꓟꓬ‐ꓟ ꓗꓴꓷꓼ ꓑ ꓫꓬ ꓮ ꓙꓵꓽ ꓔꓯ ꓮ ꓕꓯ ꓥ ꓟꓲ ꓐꓯ ꓓꓳ ꓡ ꓢꓲ ꓪꓽ ꓘꓴ ꓙ ꓖꓶ ꓔꓬ ꓡꓳ꓾ ꓐꓰ ꓟꓬ‐ꓟ ꓗꓴꓷꓼ ꓔꓲ ꓒ ꓓꓽ ꓟ Cardinal Charles Bo ꓬꓲ ꓕꓳꓽ ꓶ ꓗꓪ ꓐꓳ ꓔ ꓡꓳ꓿
ꓕꓳꓽ ꓶ ꓕꓱ ꓟ ꓔꓯ ꓠꓬ 2025 ꓘꓳꓼ 2 ꓦ 24 ꓠꓬꓲ꓾ ꓮ ꓟꓰ ꓠꓽ‐ꓕꓲꓽ‐ꓠꓬꓲ ꓕꓯ ꓐꓯ ꓑꓶ ꓗꓷ ꓟ ꓥ ꓡꓳ꓿
