ꓞꓲꓼ ꓣꓳˍ ꓟ ꓤ ꓠꓱ ꓤ ꓐꓴ ꓔꓯ ꓮꓽ ꓐꓽ ꓮ ꓟ ꓐꓴ ꓐꓰ ꓕꓲ ꓼ ꓔꓬ ꓕꓯ ꓙꓲˍ ꓟ ꓫꓸ ꓪ ꓐꓰ ꓬꓲ ꓪ ꓠꓯꓸꓼ ꓗꓪ ꓢꓯꓼ ꓪꓽ ꓪˍ ꓟ ꓫꓸ ꓪ ꓔꓯ ꓕꓱ ꓖꓶ= ꓠꓵ ꓠꓲꓹ ꓐꓰ ꓧꓪꓸ ꓡꓰ ꓓꓴ ꓠꓬ ꓦꓲꓸꓹ ꓘꓴꓽ ꓗꓪ ꓐꓰ ꓪꓴꓸ ꓔꓴˍ ꓟ ꓥ ꓡꓳ= ꓣꓳ ꓤ ꓠꓱ ꓔꓯ ꓬꓲ ꓙꓵꓹ ꓖꓶ ꓢꓲ꓾ ꓙꓲˍ ꓟ ꓚꓱꓹ ꓔꓯ ꓮ ꓕꓯ ꓥ ꓟꓲ ꓐꓯ ꓟꓸ ꓖꓶ= ꓟꓽ ꓞꓲ ꓚꓲꓸ ꓛꓬ ꓧꓪꓽ ꓖꓳ ꓓꓱꓽ ꓔꓯ ꓟꓲ ꓢꓲꓽ ꓫꓬ ꓗꓴꓸ ꓠ, ꓟ ꓬꓲ ꓚꓱ, ꓟꓸ ꓖꓶ=ꓤꓽ ꓠꓱ ꓤ ꓐꓴ ꓔꓯ ꓞꓲꓽ ꓣꓳˍ ꓕꓯ ꓡꓰ ꓪꓽ ꓘꓴ ꓦꓲꓸꓹ ꓗꓪ ꓧꓳꓽ ꓔꓯꓹ ꓙꓰ= ꓪꓽ ꓘꓴ ꓢꓳꓸꓸ ꓔꓬ ꓝꓲ= ꓪꓽ ꓘꓴ ꓦꓲꓸꓹ ꓗꓪ ꓗ, ꓛꓲ ꓡꓰ ꓝꓲ=
ꓪꓽ ꓘꓴ ꓦꓲꓸꓹ ꓗꓪ ꓛꓳꓽ ꓒꓯ, ꓛꓳꓽ ꓤ ꓐꓴˍ ꓐꓰ-ꓸ ꓫꓴꓸꓹ ꓫꓴꓸꓹˍ ꓡꓰꓽ ꓔꓬ ꓗꓴꓸ ꓝꓲ= ꓣꓳꓽ ꓤꓽ ꓠꓱ ꓪꓴ-ꓢ ꓔꓯ ꓟꓽ ꓙꓳꓸꓸ꓾ ꓪꓴ-ꓢ ꓔꓯ ꓟꓽ ꓠꓲꓹ ꓠꓵ ꓕꓯ ꓠꓽ-ꓸ ꓐꓹ ꓐ ꓟꓹ ꓟ ꓐꓴ ꓔꓯˍ ꓟꓲ ꓒꓵꓽˍ ꓥꓳ꓾ ꓐꓰ ꓠꓴ ꓓꓵꓽ ꓙˍ ꓡ? ꓪꓴ-ꓢ ꓔꓯ ꓟꓽ ꓙꓳꓸꓸ ꓟ ꓤꓽ ꓠꓱ ꓤꓽ ꓠꓬ ꓮꓽ ꓟ ꓔꓯˍ ꓟꓲ ꓟꓽ ꓒꓵꓽ= ꓖꓳ ꓡꓱ ꓠꓬꓲ ꓚꓲꓸ ꓛꓬꓼ ꓤꓽ ꓠꓱ ꓤꓽ ꓐꓴ ꓔꓯ-ꓸ ꓪꓴ-ꓢ ꓔꓯˍ ꓟꓲ ꓠꓲꓹ ꓠꓵ ꓗꓴꓸ ꓡ ꓠ, ꓟ ꓐꓹ ꓐ ꓟꓹ ꓟ ꓣꓱꓽ ꓢꓴ ꓐꓴ ꓢꓯꓼ ꓕꓵꓼ ꓠ ꓗ, ꓡꓳ=
