ꓟꓲ ꓠꓯ ꓞꓻ ꓡ ꓟ ꓗꓪ ꓐꓰ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓞꓻ ꓡ ꓟ ꓚꓱ, ꓔꓯ ꓟ. ꓖꓶ ꓓꓴ ꓥꓳ꓿
ꓟꓲ ꓠꓯ ꓗꓪ ꓢꓯ. ꓔꓬ ꓟ ꓙꓱꓽ ꓤꓽ ꓟ ꓞꓲ ꓐꓴ ꓐꓰ꓾ ꓧꓪꓽ ꓫꓵꓽ ꓧꓪꓽ ꓙꓰꓽ ꓐꓴ ꓮ ꓙꓵꓽ ꓐꓱ ꓶ ꓟꓲꓽ ꓟꓲꓻ ꓡꓰ ꓖꓶ ꓡ ꓟ ꓞꓻ ꓡ ꓟ ꓠꓬ ꓬꓳ. ꓚꓵˍ ꓟ ꓕꓲ ꓫꓵꓽ ꓥ ꓡꓳ꓿ ꓟꓲ ꓠꓯ ꓗꓪ ꓟꓲꓽ ꓦꓲꓻ ꓟꓽ ꓙꓳ ꓡꓰ ꓕꓯ ꓠꓬ ꓡ ꓞꓳ ꓐꓰ ꓙꓱꓽ ꓤꓽ ꓠꓬ ꓢꓯ. ꓔꓬ ꓟꓽ ꓐ ꓡ꓿
ꓟꓲ ꓠꓯ ꓗꓪ ꓦ‐ꓐ ꓟꓵꓽ ꓡꓰ ꓐꓰ ꓟꓲꓽ ꓦꓲꓻ ꓟꓽ ꓙꓳˍ ꓠꓬ ꓢꓯ. ꓔꓬ ꓠ, ꓟ ꓫ. ꓡꓰ ꓓꓴ ꓥ ꓡꓳ꓿ ꓟꓲ ꓠꓯ ꓞꓻ ꓢꓯꓼ ꓠꓬ 18°ꓚ ꓙꓳˍ ꓡꓳ꓿ ꓟꓲ ꓠꓯ ꓕꓱ ꓟ ꓞꓻ ꓟ ꓔꓯ ꓗꓽ ꓕ. ꓖꓶ ꓠ, ꓟ ꓟꓲꓽ ꓦꓲꓻ ꓙꓳˍ ꓟ ꓪꓴ. ꓠꓬꓲ ꓡ ꓞꓳ ꓐꓱ ꓶ ꓞꓻˍ ꓟ ꓠꓬ 18°ꓚ ꓟꓽ ꓙꓳ ꓙꓳ 15°ꓚ ꓧꓶꓻ ꓢꓲ ꓙꓳ ꓡ ꓟ ꓥ ꓡꓳ꓿
ꓕꓱ ꓟ ꓠꓬ ꓟꓲꓽ ꓦꓲꓻ ꓑꓶ. ꓓꓴ ꓠꓲ ꓥ ꓡꓳ꓿
ꓝꓮꓲ ꓟꓲ ꓠꓯ ꓞꓻ ꓡ ꓟ ꓚꓱ, ꓔꓯ ꓐꓯ ꓟ. ꓖꓶˍ ꓥꓳ ꓐꓯ ꓠꓬ Greenhouse ꓔꓯ ꓐꓯ ꓟ. ꓖꓶ ꓓꓴ ꓥ ꓡꓳ꓿ Greenhouse ꓟꓲꓽ ꓦꓲꓻ ꓠꓬ ꓟꓬ ꓐ ꓡꓰ ꓫꓬ, ꓔ ꓟ ꓦꓲꓻ ꓥ ꓢꓲ ꓠꓬꓲ꓾ ꓬꓲ. ꓐꓽ ꓗꓪ ꓐꓰ ꓟꓲꓽ ꓦꓲꓻ ꓟꓽ ꓓꓵꓽ ꓟꓲꓽ ꓦꓲꓻ ꓥ ꓡꓳ꓿ ꓟꓲꓽ ꓟꓲꓻ ꓞꓻˍ ꓟ ꓠꓬ ꓟꓬ ꓐ ꓔꓯ ꓙ ꓡ ꓢꓲ ꓠꓬꓲ ꓞꓻ ꓢꓯꓼ ꓓꓵꓽ ꓡ ꓟ ꓥ ꓡꓳ꓿ ꓖꓳ ꓡꓱ ꓥ ꓟꓲ ꓟꓬ ꓐ ꓘꓴꓽ ꓗꓪ ꓟꓲꓽ ꓦꓲꓻ ꓟꓽ ꓙꓳ ꓟ ꓪꓴ. ꓠꓬꓲ ꓞꓻ ꓢꓯꓼ ꓔꓯ ꓣꓴ ꓠ, ꓟ ꓢꓯꓼ ꓟꓽ ꓙꓳ꓿
ꓟꓳꓻ ꓓꓳ ꓘꓴꓽ ꓗꓪ ꓞꓻ ꓟ ꓠ ꓬꓲ. ꓐ ꓞꓻ ꓟ ꓕꓯꓽ ꓢꓲ ꓞꓻˍ ꓟ ꓥ ꓡꓳ꓿ ꓟꓳ ꓓꓳ ꓘꓴꓽ ꓗꓪ ꓟꓲꓽ ꓦꓲꓻ ꓟꓽ ꓓꓵꓽ ꓡ ꓟ ꓪꓴ. ꓠꓬꓲ ꓮ ꓘꓶ. ꓞꓻ ꓡ ꓟ ꓥ ꓡꓳ꓿ ꓟꓲ ꓠꓯ ꓗꓪ ꓠꓬ ꓕꓱ ꓡꓰ ꓟꓽ ꓥ꓿ ꓟꓲꓽ ꓦꓲꓻ ꓡꓰ ꓞꓻˍ ꓮ ꓟꓬ, ꓚꓵ, ꓔꓯ ꓡꓰ ꓟ ꓪꓴ. ꓠꓬꓲ ꓮ ꓟꓬ, ꓟꓽ ꓞꓻ ꓗꓷ ꓡꓰ ꓟ ꓥ ꓡꓳ꓿
ꓟꓲ ꓠꓯ ꓗꓪ ꓟꓲꓽ ꓦꓲꓻ ꓡꓰ ꓞꓻˍ ꓟ ꓚꓬꓼ ꓟꓽ ꓒꓬꓱꓼ ꓡ ꓟ ꓪꓴ. ꓠꓬꓲ ꓡ ꓞꓳ ꓢꓯ. ꓔꓬ ꓠ, ꓟ ꓙꓲꓻ ꓖꓴ ꓙꓳˍ ꓟ ꓥ ꓡꓳ꓿ ꓕꓱ ꓡꓱ ꓒꓬꓱꓼ ꓔꓬ ꓟ ꓠꓬ ꓟꓲ ꓠꓯ ꓗꓪ ꓒꓬꓱꓼ ꓔꓬ ꓟ ꓥ ꓡꓳ꓿
