ꓮ ꓫꓵꓽ ꓪꓴꓸ ꓠꓬꓲ ꓟꓽ ꓗꓹ ꓛꓲ ꓥ ꓢꓷ
ꓣꓳ ꓤꓶꓻ ꓗꓪ ꓕꓲ ꓖ ꓕꓲ ꓧꓪꓹ ꓠꓬ꓾ ꓕꓱ ꓕꓲ ꓣꓳ ꓟ ꓠꓽ ꓮ ꓫꓵꓽ ꓑꓶ. ꓓꓴ ꓥꓪ ꓔꓯ ꓠꓲꓹ ꓜꓳ ꓥ ꓢꓷ꓾ ꓮ ꓫꓵꓽ ꓪꓴꓸ ꓠꓬꓲ ꓟꓽ ꓪꓽ ꓡ ꓥ ꓢꓷ꓾ ꓥꓪ ꓮ ꓫꓵꓽ ꓬꓰ ꓥꓳꓽ ꓡꓰ ꓥ ꓢꓷ꓾ ꓐꓰ ꓐꓯ ꓢꓲ ꓓꓵꓽ ꓙ ꓟꓬꓽˍ ꓟ ꓣꓳ ꓠꓯꓸꓼ ꓗꓪ ꓙꓳˍꓡꓳ= ꓣꓳ ꓠꓯꓸꓼ ꓗꓪ ꓙꓳˍ ꓟ ꓡꓰ ꓐꓰ ꓢꓴ ꓠꓯꓸꓼ ꓗꓪ ꓥ ꓟꓲ ꓙꓳˍꓡꓳ=
ꓟꓬꓽ ꓠꓬꓲ ꓐꓶ, ꓠꓬꓲ ꓓꓵꓽ ꓙ ꓟꓬꓽˍ ꓟ ꓠꓬ ꓠꓲꓹ ꓠꓵ ꓢꓴ ꓠꓯꓸꓼ ꓗꓪ ꓟꓬꓽ ꓠꓬꓲ ꓓꓵꓽ ꓙ ꓟꓬꓽ ꓓꓴ ꓙꓳˍ ꓡꓳ= ꓠꓲꓹ ꓠꓵ ꓢꓴ ꓠꓯꓸꓼ ꓗꓪ ꓥ ꓡ ꓐꓯ ꓡꓰ ꓣꓳ ꓟꓯꓼ ꓛꓳꓽ ꓒꓯꓹ ꓐꓴ ꓠꓯꓸꓼ ꓗꓪ ꓥ ꓡ ꓐꓯ ꓡꓰ ꓕꓲ ꓦꓲꓸꓹ ꓘꓴꓽ ꓗꓪ ꓥ ꓡ ꓐꓯ ꓡꓰ ꓟꓬꓱꓽ ꓕꓲ ꓪꓽ ꓬꓰ ꓢꓴ ꓠꓯꓼ ꓗꓪ ꓥ ꓡ ꓐꓯ ꓡꓰ ꓣꓳ ꓔꓯ ꓠꓲꓹ ꓜꓳˍ ꓡꓰ ꓫꓸ ꓪ ꓕꓱ ꓡ ꓕꓯ ꓓꓵꓽ ꓙ ꓟꓬꓽˍ ꓟ ꓮ ꓘꓶꓸ ꓙꓳˍ ꓟ ꓥ ꓡꓳ= ꓖꓳ ꓡꓰ ꓮ ꓘꓶꓸ ꓓꓵꓽ ꓙ ꓟꓬꓽ ꓡ ꓟ ꓗꓪ ꓐꓰ ꓟꓽ ꓙꓲꓻ ꓟ ꓕꓲ ꓒꓳꓹ ꓗꓪ ꓓꓵꓽ ꓙꓽ ꓙꓰˍ ꓟ ꓥ ꓡꓳ=
ꓚꓵ ꓚꓵ ꓐꓯ ꓠꓬ ꓮ ꓫꓵꓽ ꓡꓰ ꓟꓽ ꓥ ꓟ ꓕꓲ ꓫꓵꓽ ꓗꓪ ꓐꓰ ꓣꓳ ꓤꓶꓻ ꓐꓬ ꓡꓰ ꓝꓲˍ ꓟ ꓥ ꓡꓳ= ꓕꓲ ꓖ ꓕꓲ ꓧꓪꓹ ꓣꓳ ꓔꓯ ꓠꓲꓹ ꓜꓳˍ ꓡꓰ ꓫ ꓪ ꓕꓱ ꓡ ꓟ ꓠꓬ ꓠꓲꓹ ꓜꓳˍ ꓟ ꓟꓽ ꓥ꓾ ꓬꓲ ꓠꓯꓸꓼ ꓗꓪ ꓟꓬꓱꓽ ꓬꓰ ꓠꓹ ꓟ ꓬꓲ ꓮ ꓘꓶꓸ ꓞꓽˍ ꓟ ꓪꓴꓸ ꓠꓬꓲ ꓥ ꓐꓶ ꓥꓳ= ꓕꓱ ꓟ ꓔꓯ ꓣꓳ ꓖꓽ ꓖꓶ ꓗꓴꓸ ꓠ ꓔ ꓡꓳ= ꓟꓽ ꓥ ꓠꓬ ꓣꓳ ꓢꓲ ꓪꓴꓽ ꓧꓶꓸꓸ ꓓꓴ ꓠꓲꓹ ꓟ ꓫꓸ ꓓꓴ ꓡꓰꓽ ꓥ ꓡꓳ=
ꓣꓳ ꓐꓰ ꓕꓲ ꓪꓼ ꓫꓸ ꓪ ꓕꓱ ꓠꓲꓹ ꓟꓽ ꓫꓵ ꓫꓵ ꓓ, ꓕꓯ ꓠ ꓑ 1 ꓣꓳ ꓙ ꓟꓶ ꓠ ꓔ ꓟ ꓠꓬ ꓬꓲꓸ ꓠꓯꓸꓼ ꓗꓪ ꓓꓵꓽ ꓙ ꓫꓸ ꓓꓴ ꓕꓲ ꓫꓵꓽ ꓫꓵꓽ ꓙꓳˍ ꓠꓬꓲ ꓥꓳ ꓐꓰ ꓙꓽ ꓟꓶ ꓗꓴꓸ ꓠ ꓔ ꓡꓳ= ꓠ ꓑ 2 ꓙ ꓟꓶ ꓠ ꓔ ꓟ ꓠꓬ ꓣꓳ ꓡꓰ ꓬꓲ ꓔꓯ ꓫꓸ ꓪ ꓕꓱ ꓥꓳꓽ ꓡꓰ ꓥ ꓢꓷ. ꓐꓰ ꓓꓵꓽ ꓙ ꓠ ꓔ ꓡꓳ= ꓕꓱ ꓥꓳꓽ ꓡꓰ ꓐꓶ ꓠꓬ ꓝꓴꓲ. ꓣꓷꓠꓸ ꓗꓴꓸ ꓠ ꓔ ꓡꓳ= ꓖꓳ ꓡꓰ ꓔ ꓟ ꓪꓴꓸ ꓠꓬꓲ ꓮ ꓘꓶꓸ ꓕꓽ ꓓꓵꓽ ꓙ ꓪ ꓡꓰ ꓝꓲ = ꓓꓵꓽ ꓙ ꓟꓽˍ ꓟ ꓕꓱ ꓟ ꓠꓬ ꓟꓽ ꓗꓹ ꓛꓲꓽ ꓟ ꓔꓯ ꓗꓷ ꓡꓰ ꓝꓲˍ ꓟ ꓪꓴꓸ ꓠꓬꓲ ꓥ ꓡꓳ=
