ꓠꓲꓹ ꓟ ꓡꓶˍ ꓟ꓾ ꓝꓴꓲꓸ ꓬꓷꓠ ꓖꓶˍ ꓟ ꓐꓰ ꓧꓳꓹ ꓡꓯꓽ ꓘꓳˍ ꓟ ꓠꓬ ꓪꓴꓽ ꓡ ꓟꓴ ꓡ ꓠꓹ ꓟ ꓠꓯꓸꓼ ꓗꓪ ꓥˍ ꓟꓲ ꓟꓽ ꓙꓳ ꓟꓽ ꓓ ꓟ ꓥ ꓡꓳ= ꓔꓲꓺ ꓒꓽ ꓪꓸ ꓔꓲ ꓬꓳ-ꓦ ꓒꓳ-ꓡꓳ (ꓲꓲ) ꓡꓰ ꓮ ꓡꓰ ꓐꓯˍ ꓡ ꓐꓯ ꓠꓬ꓾ ꓝꓴꓲꓸ ꓬꓷꓠ. ꓖꓶ ꓠꓹ ꓟ ꓐꓱ ꓶ ꓖꓶ ꓬꓰˍ ꓟ ꓐꓰ ꓝꓴꓲꓸ ꓬꓷꓠ ꓖꓶˍ ꓟ ꓐꓯˍ ꓟ ꓬꓲ ꓟꓸ ꓟꓲꓽ ꓮ ꓘꓶꓸ ꓠꓯ. ꓟ ꓕꓱ ꓟ ꓙꓳˍ ꓟ ꓠꓬ ꓞꓳ ꓤ ꓐꓱ ꓶ ꓮ ꓘꓶꓸ ꓒꓵꓽˍ ꓟ ꓥ ꓡꓳ꓾ ꓐꓰ ꓕꓱ ꓡꓰ ꓐꓯˍ ꓡꓳ= ꓮ ꓡꓲꓳ ꓐꓯ ꓠꓬ ꓮꓽ ꓘꓶꓸ ꓒꓵꓽˍ ꓟ ꓬꓲ ꓟꓸ ꓟꓲ ꓮꓽ ꓘꓶꓸ ꓠꓯꓸ ꓔ ꓟ ꓞꓳ ꓤ ꓟꓽ ꓥ ꓠꓬ ꓕꓱ ꓡꓰ ꓬꓰ ꓟꓽ ꓐ ꓡ=
ꓐꓯ ꓠꓲ, ꓫꓵˍ ꓟ ꓠꓬ ꓚꓵ ꓚꓵ ꓟꓬꓱ ꓓꓳꓽ ꓖꓶ ꓒꓵꓽˍ ꓟ ꓞꓳ ꓤ ꓥ ꓕꓯ ꓠꓬ꓾ ꓬꓲ ꓢꓯꓸ ꓔꓬ ꓠꓹ ꓟ ꓐꓱ ꓶ ꓬꓲ ꓥꓳꓽ ꓡꓰˍ ꓟ ꓔꓯ ꓖꓶ ꓬꓲꓸ ꓠꓹ ꓟ ꓐꓰ ꓢꓴ ꓡꓰ ꓬꓲ ꓔꓯ ꓝꓴꓲꓸ ꓬꓷꓠ. ꓖꓶ ꓡ ꓠꓹ ꓟ ꓐꓱ ꓶ ꓬꓳꓸ ꓚꓵˍ ꓡꓳ꓾ ꓐꓰ ꓐꓯ ꓠꓲꓹ ꓫꓵˍ ꓟ ꓥ ꓪ= ꓢꓴ ꓔꓯ ꓠꓲꓹ ꓟ ꓠꓹ ꓟ꓾ ꓢꓴ ꓔꓯ ꓠꓲꓹ ꓜꓳˍ ꓟ꓾ ꓢꓴ ꓝꓴꓲꓸ ꓔꓯ ꓠꓲꓹ ꓟ ꓠꓯꓸꓼ ꓗꓪ ꓗꓶ ꓔ ꓟ ꓕꓱ ꓡꓱ ꓫꓵꓽ ꓗꓪ ꓐꓰ ꓡꓲꓹ ꓙꓰ ꓐ ꓡ ꓢꓲ ꓪꓽ ꓡꓯꓽ ꓘꓳ ꓫꓱ. ꓡꓯꓽ ꓘꓳˍ ꓟ ꓙꓳ꓾ ꓗꓹ ꓛꓲ ꓢꓲꓺ ꓡꓲꓹ ꓟ ꓞꓳ ꓜꓴ ꓞꓳ ꓟꓯꓼ ꓝꓮꓲ ꓕꓲꓽ ꓧꓪ, ꓫꓬ, ꓑꓱ ꓠꓹ ꓟ ꓐꓱ ꓶ ꓬꓳꓸ ꓚꓵˍ ꓡꓳ=
ꓖꓳ ꓡꓰ ꓫꓬ, ꓑꓱ ꓠꓹ ꓟ ꓐꓱ ꓶ ꓠꓬ ꓚꓲꓸ ꓛꓬꓽ ꓥꓳꓽ ꓡꓰꓹ ꓟ ꓔꓯ ꓢꓴ ꓔꓯ ꓖꓶ ꓬꓲꓹ ꓟ ꓐꓰ ꓝꓴꓲꓸ ꓬꓷꓠ. ꓖꓶˍ ꓟ꓾ ꓢꓴ ꓡꓰ ꓝꓴꓲꓸ ꓬꓷꓠ. ꓖꓶ ꓡ ꓠ ꓓꓰꓽˍ ꓟ꓾ ꓕꓱ ꓟ ꓠꓬ ꓬꓳꓸ ꓚꓵˍ ꓟ ꓥ ꓪ=
