ꓡꓲ ꓒꓲꓼ ꓔꓯ ꓐꓬ ꓡꓰ ꓝꓲˍ ꓟ ꓠꓬ ꓞꓳ ꓤ ꓵ ꓣꓳ ꓟꓬꓹ ꓟ ꓞꓳ ꓫꓵ ꓐꓴ ꓠꓬ ꓬꓲ ꓪ ꓡꓰ ꓟꓬ ꓠꓬꓲ ꓣꓳꓸ ꓚꓵˍ ꓟ ꓕꓱ ꓡꓱ ꓢꓪꓼ ꓟ ꓖꓳ ꓟ ꓡꓲ ꓟꓽ ꓞꓲ ꓬꓲ ꓪ ꓡꓲ ꓒꓲꓼ ꓡꓰ ꓟꓽ ꓓ ꓪꓴꓸ ꓓꓵ ꓛꓹ ꓢꓲ ꓬꓰˍ ꓟ ꓕꓱ ꓟ ꓠꓬ ꓞꓳ ꓫꓵ ꓕꓲ ꓫꓵ ꓔꓯ ꓐꓬ ꓡꓰ ꓝꓲˍ ꓟ ꓥ ꓡꓳ= Ethnic cleansing ꓐꓯˍ ꓟ ꓠꓱꓸ ꓐꓯꓼ ꓞꓳ ꓫꓵꓽ ꓔꓯ ꓟꓶꓽ ꓡꓰ ꓝꓲˍ ꓟ ꓐꓯˍ ꓟ ꓕꓱ ꓡꓱ ꓬꓰ ꓡˍ ꓟ ꓥ ꓡꓳ=
ꓠꓱꓸ ꓐꓯꓼ ꓵ ꓣꓳ ꓟꓽ ꓟꓬ ꓟ ꓞꓳ ꓫꓵꓽ ꓐꓴ ꓔꓯ ꓕꓲꓽ ꓫꓵꓽ ꓡꓰ ꓕꓲꓽ ꓫꓵꓽ ꓗꓪ ꓐꓰ ꓟꓶꓽ ꓡꓰ ꓠ ꓬꓲ ꓪ ꓪ ꓙꓵꓽ ꓪ ꓔꓯ ꓑꓲꓸ ꓔ ꓟ꓾ ꓟꓽ ꓔꓱ, ꓟ ꓚꓱꓹ ꓗꓪ ꓐꓰ ꓢꓰꓼˍ ꓟ꓾ ꓓꓶˍ ꓟ꓾ ꓟꓽ ꓔꓱ, ꓟ ꓙꓵꓽ ꓗ ꓗꓪ ꓐꓰ ꓫꓸ ꓙꓲˍ ꓟ꓾ ꓬꓲ ꓪ ꓦꓲꓻ ꓐꓰ ꓬꓲ ꓪ ꓖꓴꓽ ꓙꓴꓽ ꓠꓲꓸ ꓫꓬꓸ ꓔꓯ ꓐꓬ ꓡꓰ ꓝꓲˍ ꓟ꓾ ꓖꓳ ꓟ ꓡꓰ ꓟꓽ ꓞꓲ ꓬꓲ ꓪ ꓔꓯ ꓢꓰꓼˍ ꓟ ꓕꓱ ꓡꓱ ꓫꓵꓽ ꓔꓯ ꓮ ꓕꓯ ꓥ ꓟꓲ ꓬꓰ ꓔꓬ ꓟ ꓥ ꓡꓳ=
ꓕꓱ ꓡꓱ ꓓꓵꓽ ꓙꓽ ꓢꓴ ꓠꓯꓸꓼ ꓗꓪ ꓪꓽ ꓡꓯꓼ ꓘꓳˍ ꓟ ꓕꓲꓽ ꓫꓵꓽ ꓠꓬ ꓞꓳ ꓤ ꓟꓬꓱꓺ ꓓꓳꓽ ꓞꓳ ꓤ ꓪ ꓙꓵꓽ ꓪ ꓔꓯ ꓟꓽ ꓢꓷꓸ ꓔ ꓪ ꓡꓰ ꓬꓰ ꓢꓲ꓾ ꓟꓽ ꓖꓶ ꓟ ꓥ ꓡꓳ= ꓞꓳ ꓤ ꓕꓲꓽ ꓣꓳ ꓢꓯꓸ ꓔꓬ ꓠꓹ ꓟ ꓪ ꓙꓵꓽ ꓪ ꓞꓳ ꓤ ꓐꓯˍ ꓠꓬ ꓕꓲꓽ ꓣꓳ ꓡꓰ ꓕꓲꓽ ꓣꓳ ꓕꓲ ꓪ ꓪꓽ ꓠꓹ ꓟ ꓙꓵꓽ ꓪ ꓙꓳˍ ꓡꓳ=
ꓖꓳ ꓡꓱ ꓥ ꓟꓲ ꓕꓱ ꓡꓱ ꓪ ꓙꓵꓽ ꓪꓽ ꓔꓯ ꓟꓽ ꓖꓶ ꓟ ꓠꓱꓸ ꓐꓯꓼ ꓞꓳ ꓫꓵꓽ ꓠꓬ ꓟꓽ ꓒꓵꓽ ꓬꓲ ꓪ ꓠꓬ ꓬꓲ ꓪ ꓔꓯ ꓛꓳꓽ ꓟꓽ ꓟꓵ ꓬꓰˍ ꓟ꓾ ꓬꓲ ꓪ ꓠꓬ ꓣꓳꓺ ꓓꓰ ꓡꓰˍ ꓟ ꓞꓳ ꓫꓵꓽ ꓥ ꓡꓳ ꓐꓰ ꓓꓵꓽ ꓙˍ ꓟ꓾ ꓞꓳ ꓫꓵꓽ ꓔꓯ ꓟꓶꓽ ꓡꓰ ꓠ ꓬꓰˍ ꓟ ꓚꓱꓹ ꓔꓯ ꓣꓱꓽ ꓢꓲ꓾ ꓠꓱꓸ ꓐꓯꓼ ꓞꓳ ꓫꓵꓽ ꓔꓯ ꓙꓵꓽ ꓚꓱꓹ ꓕꓱ ꓡꓱ ꓫꓵꓽ ꓔꓯ ꓣꓱꓽˍ ꓟ ꓥ ꓡꓳ=
ꓟꓽ ꓙꓲꓻ ꓟ ꓟꓽ ꓔꓱ, ꓟ ꓞꓳ ꓤ ꓔꓯ ꓟꓽ ꓒꓵꓽ ꓟ ꓚꓱꓹ ꓗꓪ ꓐꓰ ꓞꓳ ꓤ ꓕꓲꓽ ꓣꓳ ꓠꓬ ꓝꓴꓲ. ꓓꓽ ꓟ ꓙꓳ ꓢꓴ ꓕꓲꓽ ꓣꓳ ꓔꓯ ꓡꓲ ꓐꓰ ꓬꓲ ꓪ ꓠꓬ ꓠꓱꓸ ꓐꓯꓼ ꓞꓳ ꓫꓵꓽ ꓔꓯ ꓬꓰˍ ꓟ ꓥꓳ= ꓕꓱ ꓡꓱ ꓫꓵꓽ ꓚꓱꓹ ꓠꓬ ꓗꓴꓷꓼ ꓘꓴꓽ ꓗꓪ ꓢꓲ ꓡꓲ ꓟ ꓟꓽ ꓙꓳ ꓝꓲˍ ꓟ꓾ ꓗꓴꓷꓼ ꓘꓴꓽ ꓗꓪ ꓪꓽ ꓡꓯ ꓘꓳ ꓕꓽ ꓡꓯ ꓘꓳ ꓝꓲˍ ꓟ꓾ ꓕꓲꓽ ꓣꓳ ꓡꓰ ꓕꓲꓽ ꓣꓳ ꓘꓴꓽ ꓗꓪ ꓙꓵꓻ ꓠꓲꓹ ꓟꓽ ꓙꓳ ꓝꓲˍ ꓟ꓾ ꓕꓱ ꓡꓱ ꓫꓵꓽ ꓔꓯ ꓒꓬꓱꓼ ꓡꓰ ꓝꓲˍ ꓟ ꓥ ꓡꓳ=
ꓕꓱ ꓟ ꓠꓬ ꓣꓳ ꓠꓯꓸꓼ ꓗꓪ ꓐꓬ ꓡꓰ ꓝꓲˍ ꓟ ꓓꓳꓼ ꓗꓷ ꓩꓴ ꓡˍ ꓟ ꓡꓰ ꓐꓰ ꓐꓬ ꓡꓰ ꓝꓲˍ ꓡꓳ= ꓫꓵꓻ ꓡꓰ ꓝꓲˍ ꓡꓳ= ꓕꓱ ꓡꓱ ꓬꓰˍ ꓟ ꓑꓶ. ꓓꓴ ꓣꓳ ꓗꓳ ꓡꓳ ꓗꓪ ꓙꓳ ꓡꓰ ꓝꓲˍ ꓟ꓾ ꓠꓲꓹ ꓟ ꓟꓽ ꓢ ꓡꓰ ꓝꓲˍ ꓟ꓾ ꓒꓳꓹ ꓔꓴ ꓠꓹ ꓟ ꓠꓲꓹ ꓟ ꓙꓳ ꓡꓰ ꓝꓲˍ ꓟˍ ꓒꓬꓱꓼ ꓡ ꓝꓲˍ ꓡꓳ= ꓪꓴ-ꓢ ꓠꓬ ꓞꓳ ꓤ ꓮ ꓙꓵꓽ ꓔꓯ ꓕꓲꓽ ꓠꓲꓹ ꓕꓲꓽ ꓪꓼ ꓒꓬꓱꓼ ꓝꓲ ꓠꓲꓹ ꓫꓵˍ ꓡꓳ= ꓞꓳ ꓤ ꓮ ꓙꓵꓽ ꓔꓯ ꓕꓲꓽ ꓦꓲꓻ ꓡ ꓞꓳ ꓡꓰ ꓐꓰ ꓒꓬꓱꓼ ꓝꓲ ꓠꓲꓹ ꓫꓵˍ ꓡꓳ=
