ꓔꓲꓺ ꓒ ꓪ ꓔꓲ. ꓝꓣꓮꓠꓚꓲꓢ ꓡꓰ ꓟꓬ‐ꓟ ꓗꓴꓷꓼ ꓢꓲ ꓡꓲ ꓟ ꓟꓶ ꓠ, ꓟ ꓐꓱ ꓶ ꓪꓽ ꓘꓴ ꓙ ꓖꓶ ꓔꓬ ꓡꓳ꓾ ꓐꓰ ꓟꓬ‐ꓟ ꓗꓴꓷꓼ ꓝꓲ ꓓꓴ ꓐꓴ ꓜꓴꓻ ꓔꓯ ꓐꓯ ꓖꓶ ꓗꓷꓳ꓿

ꓦꓮꓔꓲꓚꓮꓠ ꓗꓪ ꓮ ꓟꓶ ꓕꓲ ꓧꓪ, ꓬꓰˍ ꓟ ꓢꓲ‐ꓠꓳ(Synod) ꓖꓪ ꓙꓱ ꓜꓲꓼ ꓓꓴ ꓗꓪ ꓛꓲ ꓡ ꓗꓷ ꓟ ꓟꓬ‐ꓟ ꓗꓴꓷꓼ ꓝꓲ ꓓꓴ ꓐꓴ ꓜꓴꓻ ꓐꓰ ꓔꓲꓺ ꓒ ꓪ ꓔꓲ. ꓝꓣꓮꓠꓚꓲꓢ ꓐꓴ ꓠꓬ 10 ꓦ 17 ꓠꓬꓲ ꓕꓯ ꓜꓲꓺ ꓡꓯ ꓘꓳ ꓟꓳꓻ ꓡꓯ ꓘꓳˍ ꓕꓯ꓾ ꓔꓲꓺ ꓒ ꓪ ꓔꓲ. ꓡꓰ ꓐꓯ ꓗꓷ ꓟ ꓥ ꓡꓳ꓿

ꓔꓲꓺ ꓒ ꓪ ꓔꓲ. ꓝꓣꓮꓠꓚꓲꓢ ꓠꓬ ꓟꓬ‐ꓟ ꓗꓴꓷꓼ ꓔꓯ ꓓꓵꓽ ꓙꓽ ꓟꓶ ꓔꓬ ꓟ ꓐꓰ꓾ ꓟꓬ‐ꓟ ꓗꓴꓷꓼ ꓠꓬ ꓬꓲ ꓠꓲ, ꓟ ꓠꓯꓸꓼ ꓗꓪ ꓮ ꓕꓯ ꓟꓲ ꓓꓯ,ˍ ꓡꓳ꓾ ꓐꓰ ꓟꓬ‐ꓟ ꓗꓴꓷꓼ ꓝꓲ ꓓꓴ ꓐꓴ ꓜꓴꓻ ꓔꓯ ꓐꓯ ꓖꓶ ꓗꓷꓳ꓿

ꓡ ꓠ, ꓟ ꓢꓲ‐ꓒ‐ꓦꓬꓼ‐ꓠꓬꓲ (ꓘꓴ ꓜꓲꓼ ꓞꓳ ꓪꓴꓽ ꓡ ꓟꓴ ꓡˍ ꓟ ꓢꓲ‐ꓒ‐ꓦꓬꓼ‐ꓠꓬꓲ) ꓗꓪ ꓥˍ ꓟꓲ ꓟꓬ‐ꓟ ꓗꓴꓷꓼ ꓢꓲ ꓡꓲ ꓟ ꓟꓶ ꓠ, ꓟ ꓐꓱ ꓶ ꓪꓽ ꓘꓴ ꓙ ꓖꓶ ꓠ, ꓟ꓾ ꓔꓲꓺ ꓒ ꓪ ꓔꓲ. ꓝꓣꓮꓠꓚꓲꓢ ꓡꓰ ꓕꓵꓼ ꓪ ꓖꓶ ꓗꓷ ꓟ ꓥ ꓡꓳ꓿

ꓢꓲ‐ꓠꓳ(Synod) ꓖꓪ ꓙꓱ ꓜꓲꓼ ꓓꓴ ꓗꓪ ꓮꓢꓲꓮ ꓗꓴꓷꓼ ꓗ‐ꓔꓳ‐ꓡꓲꓗ ꓔꓲꓺ ꓒ ꓓꓽ ꓜꓴꓻ ꓚꓰꓺ ꓧꓳꓽ ꓪꓴ. ꓟꓴ ꓢꓴ ꓐꓰ꓾ ꓟꓬ‐ꓟ ꓗꓴꓷꓼ ꓗ‐ꓔꓳ‐ꓡꓲꓗ ꓔꓲꓺ ꓒ ꓓꓽ ꓐꓴ ꓜꓴꓻ ꓔꓯ ꓧꓳꓽ ꓪꓴ. ꓟꓴ ꓢꓴ ꓔꓲꓺ ꓒ ꓓꓽ ꓚꓮꓣꓓꓲꓠꓮꓡ ꓚꓧꓮꓣꓡꓰꓢ ꓐꓳ꓾ ꓟꓬ‐ꓟ ꓗꓴꓷꓼ ꓗ‐ꓔꓳ‐ꓡꓲꓗ ꓔꓲꓺ ꓒ ꓓꓽ ꓐꓴ ꓜꓴꓻ ꓬꓲ ꓝꓲ ꓓꓴ ꓥ ꓟ ꓔꓲꓺ ꓒ ꓓꓽ ꓙꓳꓧꓠ ꓢꓮꓪ ꓬꓳ‐ꓦ ꓐꓰ ꓣꓳꓢꓮꓡꓲꓮ ꓛꓬꓳ‐ꓛꓬꓳ‐ꓔꓲꓠ ꓐꓴ ꓠꓬ ꓟꓬ‐ꓟ ꓗꓴꓷꓼ ꓐꓱ ꓶ ꓖꓪ ꓙꓱ ꓜꓲꓼ ꓓꓴ ꓗꓪ ꓔ, ꓗꓷ ꓟ ꓥ ꓡꓳ꓿