ꓟꓲ ꓠꓯ ꓖꓴ ꓪꓴꓸ ꓕꓲ: ꓛꓱ: ꓗꓪ ꓔꓬ ꓟ ꓗꓴꓷꓼ ꓐꓴ ꓠꓯꓸꓼ ꓗꓪ ꓟꓽ ꓓ ꓟꓬꓱꓽ ꓟꓯ ꓠ ꓔ ꓟ ꓶꓻ ꓓꓽ ꓟ ꓬꓰ ꓠ ꓔ ꓟ ꓙꓳˍ ꓡꓳ ꓐꓰ ꓐꓯ ꓟ. ꓚꓱꓹ ꓪꓴꓸ ꓓꓵ ꓛꓬ, ꓢꓲ ꓐꓯ ꓖꓶ ꓓꓴ ꓥꓳ= ꓟꓲ ꓠꓯ ꓡꓱꓻ ꓡˍ ꓟ ꓞꓻ ꓡˍ ꓟ ꓑꓶ. ꓓꓴ ꓒꓬꓱꓼ ꓡ ꓟ ꓫꓵꓽ ꓪꓴ ꓔꓯ ꓣꓳ ꓟꓬ ꓢꓶꓽ ꓟꓬ ꓟꓳˍ ꓟ ꓡꓰ ꓐꓰ꓾ ꓖꓳ ꓟ ꓠꓬ ꓮꓽ ꓟ ꓑꓶ. ꓓꓴ ꓥ ꓡ ꓐꓰ ꓝꓴꓲ. ꓧꓪ ꓠꓬꓲˍ ꓕꓯ ꓟꓲ ꓠꓯ ꓕꓲꓽ ꓟꓲ ꓠꓯ ꓡꓱꓸꓼ ꓗꓪ ꓟ ꓞꓳ ꓤ ꓐꓴ ꓮ ꓙꓵꓽ ꓠꓯꓸꓼ ꓗꓪ ꓝꓴꓲ. ꓙꓳˍ ꓟ ꓔꓯ ꓣꓳ ꓡꓳꓸ ꓟꓳ ꓪ ꓓˍ ꓡꓳ=
ꓖꓳ ꓡꓱ ꓥ ꓟꓲ ꓚꓵꓻ ꓚꓵꓻ ꓐꓯˍ ꓠꓬ ꓟꓲ ꓠꓯ ꓞꓻ ꓡ ꓟ ꓡꓱꓻ ꓡ ꓟ ꓠꓯꓸꓼ ꓗꓪ ꓟꓽ ꓓ ꓝꓴꓲ. ꓙꓳ ꓢꓴ ꓟꓬꓱꓽ ꓟꓯ ꓠ ꓔ ꓢꓴ ꓠꓬ ꓟꓲ ꓠꓯ ꓖꓴ ꓪꓴꓸ ꓕꓲꓽ ꓛꓱꓽ ꓢꓲ ꓗꓪ ꓔꓬ ꓟ ꓪꓴꓽ ꓡ ꓟꓴ ꓡ ꓖꓴ ꓡꓰ ꓢꓴ ꓗꓴꓷꓼ ꓐꓴ ꓠꓯꓸꓼ ꓗꓪ ꓟꓬꓽ ꓠꓬꓲ ꓝꓴꓲ. ꓙꓳˍ ꓟ ꓔꓯ ꓣꓳ ꓡꓳꓸ ꓟꓳ ꓪ ꓓˍ ꓡꓳ= ꓬꓲꓸ ꓪ ꓠꓯꓸꓼ ꓗꓪ ꓕꓱ ꓟ ꓟꓽ ꓒꓬꓱꓼ ꓡ ꓠ ꓶꓻ ꓓꓽ ꓟ ꓟꓲ ꓘꓳꓹ ꓣꓴ ꓢꓲ ꓟꓯꓻ ꓠ ꓗꓹ ꓡꓳ=
ꓖꓳ ꓡꓱ ꓥ ꓟꓲ ꓡꓳ ꓑ ꓗꓴꓷꓼ ꓥ ꓟ ꓟꓲ ꓠꓯ ꓖꓴ ꓪꓴꓸ ꓕꓲꓽ ꓛꓱꓽ ꓗꓪ ꓔꓬ ꓟ ꓗꓴꓷꓼ ꓐꓴ ꓔꓯ ꓝꓴꓲ. ꓟꓽ ꓐꓯ꓾ ꓠꓬꓲꓽ ꓧꓪꓹ ꓕꓲꓽ ꓧꓪꓹ ꓟ ꓟꓲ ꓠꓯ ꓟꓵꓽ ꓘꓳꓼ ꓚꓱꓹ ꓔꓯ ꓟꓳꓸ ꓖꓪ ꓙꓱꓻ ꓜꓲꓼ ꓓꓴ ꓓꓽ ꓟ ꓬꓰˍ ꓕꓯ ꓠꓬ ꓫꓸ ꓢꓴ ꓟꓷꓼ ꓢꓴ ꓬꓲꓸ ꓪꓴꓸ ꓪꓴꓽ ꓟꓴ ꓡ ꓟ ꓗꓴꓷꓼ ꓔꓯ ꓢꓲ ꓠꓬꓲ ꓟꓬꓽ ꓠꓬꓲ ꓐꓯˍ ꓟ ꓚꓱꓹ ꓔꓯ ꓟꓳꓸ ꓟꓬꓽ ꓠꓬꓲ ꓡꓳꓸ ꓟꓳ ꓪˍ ꓡꓳ= ꓕꓱ ꓡꓱ ꓬꓲꓸ ꓪꓴꓸ ꓪꓴꓽ ꓟꓴ ꓡ ꓟ ꓗꓴꓷꓼ ꓫꓸ ꓔ ꓟ ꓗꓴꓷꓼ ꓐꓴ ꓠꓬ ꓕꓱ ꓟ ꓔꓯ ꓢꓷꓸ ꓠ ꓗꓹ ꓡꓳ ꓐꓰ ꓐꓳ ꓔ ꓟ ꓔꓯ ꓡꓳꓸ ꓟꓳ ꓪ ꓡꓳ=
1990 ꓘꓳꓼ ꓡꓳꓹ ꓬꓰ ꓗꓸ ꓠꓯꓸ ꓟꓲ ꓠꓯ ꓗꓪ ꓟ ꓟꓲꓽ ꓦꓲꓻ ꓞ ꓢꓯꓼ ꓔꓯ ꓟꓬꓽ ꓠꓬꓲ ꓟꓳꓻ ꓡ ꓝꓲˍ ꓟ Green House Gas ꓐꓯˍ ꓟ ꓕꓱ ꓟ ꓔꓯ ꓓꓳꓻ ꓡ ꓝꓲˍ ꓟ 1ꓦ ꓗꓪ ꓐꓰ 75 ꓩꓴꓸ꓾ 1 ꓦ ꓗꓪ ꓐꓰ 80 ꓩꓴꓸ ꓠꓬ ꓟꓲ ꓠꓯ ꓕꓲꓽ ꓟꓲ ꓠꓯ ꓡꓱꓸꓼ ꓗꓪ ꓟ 100 ꓩꓴꓸ ꓗꓪ ꓐꓰ 20 ꓩꓴꓸ ꓡꓰꓽ ꓙꓳˍ ꓟ ꓙꓼ ꓔꓯ ꓢꓲ ꓟꓽ ꓓ ꓪꓴꓽ ꓟꓴ ꓡ ꓟ ꓗꓴꓷꓼ ꓐꓴ ꓥ ꓢꓲ꓾ ꓟꓲ ꓠꓯ ꓡꓱꓻ ꓡ ꓟ ꓞꓻ ꓡ ꓟ ꓠꓬ ꓬꓲ ꓪ ꓠꓯꓸꓼ ꓗꓪ ꓟꓬꓽ ꓠꓬꓲ ꓝꓴꓲ. ꓙꓳˍ ꓟ ꓔꓯ ꓟꓸ ꓔ ꓡꓳ=
