ꓟꓬ‐ꓟ ꓗꓴꓷꓼ ꓗꓪ ꓙꓳˍ ꓟ ꓙꓵꓻ ꓠꓲ, ꓮ ꓙꓵꓽ ꓠꓲ, ꓠꓵ ꓪꓽ ꓡꓯ ꓘꓳ,ˍ ꓟ ꓜꓴꓻ ꓗꓪ ꓐꓰ “ꓙꓵꓻ ꓠꓲ, ꓮ ꓙꓵꓽ ꓠꓲ, ꓠꓵ ꓪꓽ ꓡꓯ ꓘꓳ,ˍ ꓟ ꓗꓪ ꓐꓰ ꓢꓲ ꓡꓲ ꓟ ꓗꓪ” ꓐꓯˍ ꓟ ꓐꓯ ꓘꓶꓽ ꓐꓰ ꓕꓲ ꓡꓰ, ꓣꓱꓽ ꓬꓰˍ ꓟ ꓖꓪ ꓙꓱꓻ ꓜꓲꓼ ꓓꓴ ꓔꓯ ꓬꓮꓥ‐ꓖꓳꓥ ꓟꓵꓽ ꓫꓴ꓾ ꓓ‐ꓖꓳꓠ ꓡꓳ ꓒꓱ ꓗꓪ ꓙꓳˍ ꓟ ꓞꓳ ꓫꓵꓽ ꓛꓲ ꓡꓵ ꓡꓯꓼ ꓡꓵ ꓔꓶ. ꓗꓪ 10 ꓦ 5 ꓠꓬꓲ꓾ 2024 ꓘꓳꓼ꓾ ꓠꓽ‐ꓛꓳꓼ ꓠꓬꓲ ꓟꓳꓼ ꓡꓳ 1ꓽ00 ꓙꓵ, ꓗꓪ ꓐꓰ 3ꓽ00 ꓙꓵ, ꓗꓪ ꓛꓲ ꓬꓰ ꓗꓷꓳ꓿
“ꓗ. ꓧꓪ ꓘꓶꓽ꓾ ꓛꓴꓽ ꓙꓳ ꓡꓯ ꓘꓳ,ˍ ꓟ ꓟꓽ ꓒꓬꓱꓻ ꓙꓰ ꓠ, ꓟ” ꓬꓲ ꓕꓲꓽ ꓟꓴꓽ ꓗꓪ ꓐꓰ ꓢꓲ ꓡꓲ ꓟ ꓐꓯ ꓑꓶˍ ꓑꓮꓲꓽ ꓗꓪ ꓙꓵꓻ ꓠꓲ, ꓚꓱ, ꓮ ꓙꓵꓽ ꓗꓪ ꓟ ꓬꓲ ꓛꓲꓺ ꓮ ꓟꓬ, ꓓꓯꓻ ꓡ ꓗꓷꓳ꓿
ꓗ‐ꓔꓳ‐ꓡꓲꓗ ꓘꓴ ꓜꓲꓼ ꓞꓳ ꓗꓪ ꓐꓰ ꓔꓲꓺ ꓒ John Zaw Min Tun (Ygn)꓾ ꓔꓲꓺ ꓟ Flora Kong(SJA)꓾ ꓔꓲꓺ ꓟ Gabriel Om Pai(SJA)꓾ ꓐꓰ ꓔꓲꓺ ꓟ Veronica Tial (LWST) ꓐꓴ ꓓꓯꓻ ꓗꓷꓳ꓿
ꓐꓯ ꓑꓶˍ ꓟ ꓗꓪ ꓐꓴ‐ꓓ ꓙꓵꓻ ꓠꓲ,꓾ ꓧꓲꓠ‐ꓓꓴ ꓙꓵꓻ ꓠꓲ,꓾ ꓙꓲ‐ꓢꓴ ꓢꓲ ꓤ꓾ ꓲ‐ꓢ‐ꓡꓯ ꓙꓵꓻ ꓠꓲ, ꓐꓴ ꓗꓪ ꓐꓰ ꓬꓲ ꓛꓲꓺ ꓐꓴ ꓡꓰ ꓚꓲ. ꓛꓬ ꓦꓻ ꓡꓱ ꓚꓱ, ꓗꓪ ꓐꓰ ꓙꓲꓻˍ ꓟ ꓟ. ꓖꓶ ꓔ ꓟ ꓔꓯ ꓣꓴꓻ ꓢꓲ ꓢꓲ ꓡꓲ ꓟ ꓔꓯ ꓔꓶꓻ ꓙꓱꓼ ꓗꓷ ꓢꓲ ꓠꓬꓲ ꓐꓯ ꓑꓶ ꓗꓷꓳ꓿
ꓙꓲ‐ꓢꓴ ꓢꓲ ꓤ ꓬꓲ ꓛꓲ Dr.ꓟꓬꓳ‐ꓪꓲꓠ ꓡꓰ “ꓫ. ꓕꓱˍ ꓟ ꓗꓪ ꓜꓲꓽ ꓜꓲꓽ ꓑꓰ, ꓑꓰ, ꓟꓽ ꓫ. ꓕꓱ ꓠ, ꓟ ꓐꓰ꓾ ꓢꓲ ꓒ ꓬꓰ‐ꓢꓴ ꓬꓲ ꓢꓲ ꓡꓲ ꓟ ꓙꓻ ꓖꓴ ꓔꓯ” ꓢꓲꓽ ꓫꓬ ꓕꓳꓽ ꓶ ꓝꓲ. ꓐꓰ ꓕꓲ ꓪꓽ ꓐꓯ ꓑꓶ ꓗꓷꓳ꓿
ꓐꓬꓱꓽ ꓿ ꓔꓲꓺ ꓟ Om Pai, SJA
