ꓔꓮꓳꓽ‐ꓙꓲ, ꓔꓲꓺ ꓒ ꓓꓽ ꓟ ꓙꓵꓽ ꓔꓶ. ꓗꓪ ꓙꓳˍ ꓟ ꓟꓳ,‐ꓠꓯ, ꓡꓳ ꓒꓱ꓾ ꓟꓴ ꓗꓪ ꓝꓲ ꓓꓴ ꓟꓲ‐ꓘꓷ‐ꓡꓷ ꓪꓽ ꓘꓴ ꓦꓲ ꓘꓳꓼ ꓚꓳ ꓑꓮꓲꓽ ꓔꓯ ꓠꓬꓲ. ꓠꓬꓲ 9 ꓦ 29 ꓠꓬꓲ 2024 ꓘꓳꓼ꓾ ꓢꓲ ꓒ ꓦꓬꓼ ꓠꓬꓲ ꓗꓪ ꓪꓴ‐ꓢ ꓔꓯ ꓫ. ꓟꓳˍ ꓟ ꓟꓲ‐ꓢ ꓔꓲ ꓓꓴ ꓔꓯ ꓧꓪ. ꓧꓪꓸꓼ ꓬꓰ ꓡꓳ, ꓬꓰꓳ꓿
ꓑꓮꓲꓽ ꓕꓱ ꓟ ꓔꓯ ꓙꓵꓽ ꓟꓵꓽ ꓔꓲ ꓒ ꓠꓲ,‐ꓗꓲꓽ ꓗꓪ ꓐꓰ ꓧꓳꓽ ꓪꓴ. ꓟꓴ ꓢꓲ ꓬꓰ ꓗꓷ ꓢꓲ ꓠꓬꓲ꓾ ꓟꓲ‐ꓢ ꓔꓲꓺ ꓓꓴ ꓔꓯ ꓔꓮꓳꓽ‐ꓙꓲ, ꓔꓲ ꓒ ꓓꓽ ꓟ ꓐ‐ꓢꓲ‐ꓡꓲ‐ꓬꓴ ꓮ.‐ꓔꓮꓲꓸꓼ ꓬꓲ ꓝꓲ ꓓꓴ ꓥ ꓟ ꓔꓲꓺ ꓒ ꓑ‐ꓔꓯ‐ꓔꓮꓠ. ꓡꓰ ꓧꓳꓽ ꓪꓴ. ꓟꓴ ꓢꓲ ꓔꓲꓺ ꓖꓶ ꓗꓷꓳ꓿
ꓑꓮꓲꓽ ꓗꓪ ꓔꓲꓺ ꓒ ꓮ ꓙꓵꓽ (4) ꓣꓳ꓾ ꓐ‐ꓣ‐ꓓ 1 ꓣꓳ꓾ ꓔꓲꓺ ꓟ 1 ꓣꓳ ꓐꓰ꓾ ꓟ. ꓒ ꓟ. ꓟ ꓐꓴ꓾ ꓪꓽ‐ꓬꓰꓸꓼ ꓘ, ꓗꓪ ꓟ ꓘꓴ ꓜꓲꓼ ꓞꓳ ꓢꓲꓺ ꓤ ꓐꓴ ꓐꓰ꓾ ꓝꓮꓲ ꓟꓳ,‐ꓠꓯ, ꓡꓳ ꓒꓱ ꓗꓪ ꓔꓬ ꓟ ꓘꓴ ꓜꓲꓼ ꓞꓳ ꓢꓲ ꓤ ꓮ ꓙꓵꓽ (200) ꓣꓳ ꓛꓲ ꓙꓳˍ ꓡꓳ꓿
ꓟꓲ‐ꓢ ꓔꓲꓺ ꓓꓴ ꓡꓳ, ꓬꓰ ꓗ ꓠꓯ. ꓦ‐ꓐ‐ꓡꓴ.‐ꓡꓴ. ꓢꓳ ꓜꓲꓼ ꓦꓴ ꓗꓪ ꓐꓰ ꓧꓳꓽ ꓣꓱꓽ ꓢꓲ ꓑꓮꓲ ꓗꓪ ꓛꓲ ꓡ ꓢꓴ ꓐꓴ ꓔꓯ ꓛꓲ ꓡꓵ ꓡꓯꓼ ꓡꓵ ꓬꓰ ꓟ. ꓖꓶ ꓗꓷꓳ꓾ ꓐꓰ ꓢꓷ. ꓪ ꓡꓳ꓿
