ꓟ-ꓕꓲ 17:22-27

ꓬꓲ ꓪꓽ ꓖ-ꓡꓲ-ꓡꓲ ꓗꓪ ꓔꓬ ꓢꓰ ꓕꓯ꓾ ꓬꓰ-ꓢꓴ ꓠꓬ ꓬꓲ ꓪꓽ ꓔꓯ꓾ ꓡ-ꓞꓳ-ꓮ-ꓐꓲ ꓔꓯ ꓠꓽ ꓞꓳ ꓤ ꓡꓯꓼ ꓒꓯꓹ ꓗꓪ ꓡꓯꓼ ꓙꓱ ꓗꓷˍ ꓥꓳ꓿ ꓬꓲ ꓪꓽ ꓡꓰ ꓬꓲ ꓔꓯ ꓢꓰꓼ ꓗꓷ ꓢꓲ꓾ ꓢ ꓠꓬꓲ ꓕꓲ ꓠꓬꓲ ꓗꓪ ꓠꓬ ꓬꓲ ꓢꓯꓸ ꓬꓲꓼ ꓡ ꓥꓳ꓾ ꓐꓯˍ ꓠꓬꓲ꓾ ꓛꓳꓽ ꓒꓯꓹ ꓐꓴ ꓠꓲꓹ ꓟ ꓮꓽ ꓘꓶꓸ ꓫꓸˍ ꓡꓳ꓿ 

ꓬꓲ ꓪꓽ ꓘ-ꓒꓱ-ꓠꓴ ꓡꓳ ꓒꓱ ꓗꓪ ꓛꓲ ꓬꓰ ꓕꓯ꓾ ꓢꓲꓽ ꓫꓬ ꓦꓲ ꓐꓱ ꓶ ꓝꓲꓸ ꓒꓴ ꓖꓼ ꓢꓴ ꓠꓬ ꓒꓲ-ꓕꓱ ꓔꓯ ꓡ ꓢꓲ꓾ ꓠꓴ ꓪꓽ ꓟꓸ ꓒ ꓠꓬ ꓢꓲꓽ ꓫꓬ ꓦꓲ ꓐꓱ ꓶ ꓝꓲꓸ ꓒꓴ ꓟꓽ ꓓꓳˍ ꓡ?꓾ ꓐꓯˍ ꓡꓳ꓿ ꓒꓲ-ꓕꓱ ꓡꓰ꓾ ꓓꓳꓺˍ ꓡꓳ꓾ ꓐꓯ ꓖꓶ ꓢꓲ ꓬꓲ ꓦꓲ ꓗꓪ ꓓꓵꓽ ꓡꓰ ꓠꓬ꓾ ꓬꓰ-ꓢꓴ ꓧꓶꓸ ꓕꓯ ꓬꓲ ꓔꓯ꓾ ꓢꓲ-ꓟꓴꓳ꓾ ꓠꓴ ꓮ ꓡꓲ ꓓꓵꓽ ꓙꓽˍ ꓡ? ꓟꓲ ꓠꓯ ꓗꓪ ꓟ ꓪ ꓔꓲ ꓠꓬ꓾ ꓝꓲꓸ ꓒꓴˍ ꓐꓰ ꓟꓵꓽ ꓒꓵꓽ ꓮꓽ ꓟ ꓔꓯ ꓧꓪꓺˍ ꓡ? ꓚꓲꓸ ꓛꓬ ꓤ ꓠꓱ ꓔꓯ ꓧꓪˍ ꓡ? ꓥ ꓠꓬ ꓠꓱꓸ ꓐꓯꓼ ꓢꓴ ꓔꓯ ꓧꓪꓺˍ ꓡ?꓾ ꓐꓯˍ ꓡꓳ꓿ 

ꓒꓲ-ꓕꓱ ꓡꓰ꓾ ꓠꓱꓸ ꓐꓯꓼ ꓢꓴ ꓔꓯ ꓧꓪˍ ꓡꓳ ꓐꓯˍ ꓕꓯ꓾ ꓬꓰ-ꓢꓴ ꓡꓰ ꓬꓲ ꓔꓯ꓾ ꓖꓳ ꓡꓱ ꓥ ꓠꓬ ꓤ ꓠꓱ ꓐꓴ ꓠꓽ ꓚꓳ ꓪꓴꓸ ꓥ ꓠꓬꓲ ꓝꓲꓸ ꓒꓴ ꓐꓶꓻ ꓟ ꓛꓵ ꓡꓳ ꓫꓵꓽ ꓥꓳ꓾ ꓐꓯˍ ꓡꓳ꓿ ꓖꓳ ꓡꓱ ꓥ ꓟꓲ ꓒꓴ ꓝꓲꓸ ꓢꓴ ꓐꓴ ꓟꓽ ꓓꓵꓽ ꓙ ꓟꓬꓽ ꓡꓰ ꓠꓹ ꓟ꓾ ꓠꓴ ꓠꓬ ꓬꓲꓻ ꓡꓴꓽ ꓐꓱꓻ ꓗꓪ ꓥꓪꓸ ꓟꓬꓺ ꓬꓰ꓿ ꓬꓲ ꓪꓴꓸ ꓟꓬꓺ ꓟꓶˍ ꓟ ꓖꓳ ꓕꓲ ꓟ ꓣꓴ ꓢꓲ꓾ ꓬꓲ ꓟꓷꓽ ꓠꓷꓹ ꓦꓶꓹ ꓗꓷ ꓠꓬ ꓒꓴ ꓕꓲ ꓫꓱ-ꓘꓷ-ꓡꓷ ꓧꓪ ꓟꓶˍ ꓥꓳ꓿ ꓖꓳ ꓟ ꓔꓯꓹ ꓡ ꓢꓲ ꓠꓴˍ ꓐꓰ ꓥꓪ ꓐꓱ ꓶ ꓢꓲꓽ ꓫꓬ ꓦꓲ ꓝꓲꓸ ꓒꓴ ꓬꓲ ꓪꓽ ꓔꓯ ꓖꓶ꓾ ꓐꓯ ꓖꓶˍ ꓡꓳ꓿