ꓙꓲꓻ ꓫꓬ ꓢꓴ Lawrence ꓑꓮꓲ=
ꓙꓲꓻ ꓫꓬ ꓢꓴ Lawrence ꓠꓬ ꓣꓳ-ꓟ ꓡꓳ ꓒꓱ ꓗꓪ ꓮ ꓟꓬꓹ ꓙꓵꓻ ꓠꓲꓹ ꓙꓳˍ ꓟ ꓙꓲꓻ ꓫꓬ ꓢꓴ ꓕꓲ ꓣꓳ ꓥ ꓡꓳ= AD 257 ꓘꓳꓼ ꓕꓯ ꓔꓲꓺ ꓒ ꓪ ꓔꓲ SIXTus (2) ꓐꓰ Dikin (4) ꓣꓳ ꓔꓯ ꓟꓽ ꓙꓲꓻ ꓢꓴ ꓐꓴ ꓡꓰ ꓢꓰꓼ ꓗꓷꓳ= ꓖꓳ ꓕꓯ ꓙꓲꓻ ꓫꓬ ꓢꓴ Lawrence ꓠꓬ ꓣꓳ-ꓟ ꓡꓳ ꓒꓱ ꓗꓪ ꓙꓳˍ ꓟ ꓪꓽ ꓘꓴ ꓦꓲꓻ ꓔꓯ ꓪꓴꓽ ꓗꓷ ꓢꓲ ꓠꓬ꓾ ꓫꓸ ꓢꓴ ꓟꓷ ꓢꓴ ꓔꓯ ꓬꓰ ꓙ ꓗꓷꓳ=
ꓣꓳ-ꓟ ꓡꓳ ꓒꓱ ꓔꓯ ꓙꓵꓽ ꓢꓴ ꓢꓲ: ꓒ ꓐꓴ ꓠꓬ ꓙꓲꓻ ꓫꓬ ꓢꓴ Lawrence ꓔꓯ ꓘꓴ ꓜꓲꓼ ꓞꓳ ꓗꓪ ꓙꓳꓹ ꓟ ꓒꓴ ꓫꓵꓺ ꓮꓽ ꓙꓵ: ꓔꓯ ꓖꓶ ꓠꓹ ꓟ ꓐꓱ ꓶ ꓫꓸ ꓕꓱˍ ꓕꓯ Lawrence: ꓢꓲ: ꓒ ꓐꓴ ꓔꓬ ꓟ ꓗꓪ ꓧꓳꓽ ꓙꓰˍ ꓡꓳ= ꓣꓳ-ꓟ ꓡꓳ ꓒꓱ ꓢꓲ: ꓒ ꓐꓴ ꓠꓬ ꓙꓲꓻ ꓫꓬ ꓢꓴ Lawrence ꓔꓯ꓾ ꓢꓰꓼ ꓠꓹ ꓟ ꓬꓰ ꓗꓷꓳ=
ꓙꓲꓻ ꓫꓬ ꓢꓴ Lawrence ꓔꓯ ꓣꓳ-ꓟ ꓡꓳ ꓙꓵ: ꓢꓲ: ꓒ ꓐꓴ ꓠꓬ ꓮ ꓟꓬꓹ ꓛˍ ꓟ ꓮ. ꓔꓳ. ꓗꓪ ꓗꓳꓺ ꓢꓲ ꓠꓬꓲ ꓙꓲꓻ ꓫꓬ ꓢꓴ Lawrence ꓫꓵꓻ ꓠ ꓬꓰ ꓗꓷꓳ= ꓙꓲꓻ ꓫꓬ ꓢꓴ Lawrence ꓟꓽ ꓫꓵꓻ ꓕꓯ ꓣꓳ-ꓟ ꓡꓳ ꓒꓱ ꓗꓪ ꓔꓬ ꓟ ꓡ ꓞꓳ ꓮ ꓙꓵ: ꓐꓱ ꓶ ꓪꓽ ꓘꓴ ꓙ ꓖꓶ ꓗꓷꓳ= ꓙꓲꓻ ꓫꓬ ꓢꓴ Lawrence ꓔꓵ ꓔ ꓟꓹ ꓡꓯ ꓜꓳ ꓗꓪ ꓪ ꓔꓲ Constantine ꓠꓬ ꓮ ꓘꓶ. ꓪꓴ:ˍ ꓟ ꓪꓽ ꓘꓴ ꓦꓲꓻ ꓫꓬ ꓖꓶ ꓗꓷꓳ=
