ꓫꓵ ꓪꓴ ꓑꓶ ꓓꓴ ꓢꓰꓼ ꓡꓯ ꓘꓳ ꓔꓬ ꓟ ꓔꓶ. ꓗꓪ ꓔꓬ ꓢꓴ ꓙꓲ ꓢꓴ ꓢꓲ ꓤ ꓐꓴ ꓐꓱ ꓶ
ꓐꓶ ꓓꓳ ꓔꓲ, ꓫꓵ ꓐꓰ ꓫꓵ ꓪꓴ ꓑꓶ ꓓꓴ ꓢꓰꓼ ꓡꓯ ꓘꓳ ꓓꓴ ꓗꓷ ꓔꓬ ꓟ ꓗꓪ ꓔꓬ ꓢꓴ ꓐꓴ ꓙꓲ ꓢꓴ ꓢꓲ ꓤ ꓐꓴ ꓔꓯ ꓥꓳ ꓡꓳ. ꓓꓴ꓾ ꓝꓮꓲ ꓫꓵ ꓪꓴ ꓫꓬ ꓡꓰ ꓠ, ꓟ ꓐꓰ ꓢꓲ ꓡꓲ, ꓗ, ꓛꓲ_ ꓟ ꓬꓲ. ꓫꓵ. ꓗꓷ ꓡꓰ ꓠ, ꓟ꓾ ꓪꓽ ꓘꓴ ꓙ ꓓꓴ ꓬꓰ ꓡꓯ꓾ ꓢꓲ ꓡꓲ, ꓗ, ꓛꓲ ꓟ ꓪꓴ‐ꓢ ꓳ꓾ ꓢꓲ ꓒꓽ ꓠꓴ ꓤ ꓔꓲ. ꓬꓲ ꓫꓵꓽ ꓗꓪ ꓐꓰ ꓚꓲ ꓛꓬ ꓐꓰ ꓟꓲ ꓠꓯ ꓧꓳ, ꓡꓰ ꓗꓷ ꓥ ꓟꓲ ꓠꓬꓲ. ꓠꓬꓲ ꓫꓵ ꓪꓴ ꓗꓷ ꓡꓰ ꓔꓬ ꓟ ꓗꓪ ꓔꓬ ꓢꓴ ꓐꓴ ꓙꓲ ꓢꓴ ꓢꓲ ꓤ ꓐꓴ ꓐꓱ ꓶ ꓪꓽ ꓘꓴ ꓖꓶ ꓔꓬ ꓟ ꓥꓳ꓿ ꓫ. ꓙꓵ ꓟꓷꓼ ꓙꓵ ꓔꓳ, ꓜꓳ ꓔꓬ ꓢꓴ ꓐꓴ ꓬꓲ ꓪ ꓠꓬ ꓢꓲ ꓒꓽ ꓠꓴ ꓫꓱ. ꓤ ꓠꓲ, ꓐꓰ ꓕꓲꓽ ꓪ ꓬꓲ ꓪ ꓬꓲꓼ ꓠꓬꓲ ꓤ ꓐꓴ ꓙꓵꓻ ꓠꓲ, ꓐꓰ ꓪꓽ ꓘꓴ ꓙ ꓔꓬ ꓟ ꓔꓯ ꓘꓳ, ꓣꓴ ꓟꓶ ꓡꓰ ꓝꓲ꓾ ꓢꓲ ꓒꓽ ꓠꓴ ꓐꓰ ꓬꓲꓼ ꓠꓬꓲ ꓤ ꓐꓴ ꓢꓯꓼ ꓪ ꓗꓪ ꓐꓰ ꓝꓮꓲ ꓫꓬ ꓡꓰ ꓗꓴ. ꓟ ꓬꓲ. ꓫꓵ. ꓐꓰ ꓬꓲ. ꓚꓱ, ꓮ ꓟꓬ, ꓐꓰ ꓥꓳ ꓡꓳ. ꓓꓴ ꓓꓽ ꓖꓴ ꓔꓯ ꓫꓬ, ꓔꓶꓻ ꓢꓲ꓾ ꓙ ꓖꓴ ꓟꓳ. ꓖꓶ ꓢꓴ ꓒꓬꓱꓼ ꓡꓰ ꓝꓲ꓾ꓬꓲ ꓪ ꓠꓬ ꓖꓽ ꓖꓶ ꓜꓲ ꓗꓴ ꓢꓲ ꓙꓻ ꓫꓱꓽ ꓠ, ꓟ꓾ ꓟꓽ ꓪ ꓟꓽ ꓫꓱꓽ_ ꓟ ꓗꓪ ꓐꓰ ꓝ. ꓖꓶ_ ꓟ ꓓꓽ ꓖꓴ ꓫꓬ, ꓢꓲ ꓠꓬꓲ ꓫꓱ. ꓤ ꓠꓲ, ꓐꓰ ꓔꓱ, ꓟ ꓔꓯ ꓧꓪ ꓟꓳ ꓡꓰ ꓝꓲ꓾ ꓢꓲ ꓡꓲ, ꓗ, ꓛꓲ ꓠ, ꓟ ꓐꓱ ꓶ ꓢꓯꓼ ꓕꓵꓼ ꓢꓴ ꓠꓬ ꓶꓼ ꓙꓳ ꓫꓱ. ꓙꓳ_ ꓡꓳ꓾ ꓐꓰ ꓐꓯ ꓔ ꓟ ꓳ ꓢꓲ ꓒꓽꓳ꓾ ꓕꓲ ꓪ ꓔꓬ ꓠ, ꓟ ꓫ. ꓔꓬ ꓟ ꓬꓲ ꓔꓶ. ꓗꓪ ꓐꓰ ꓥꓪ ꓠꓴ ꓔꓯ ꓢꓲ ꓡꓲ, ꓟ ꓔꓯ ꓖꓶ ꓢꓴ ꓒꓬꓱꓼ ꓡꓰ ꓝꓲ ꓡꓯ꓾ꓠꓯꓻ ꓞꓲ, ꓟ ꓙꓵ, ꓗꓪ ꓥꓳ ꓡꓳ. ꓓꓴ ꓬꓲ ꓚꓰꓺ ꓥ ꓟ ꓢꓲ‐ꓫꓬ‐ꓟ‐ꓦ ꓪꓴ‐ꓢꓳ꓾ ꓫ. ꓙꓵ ꓟꓷꓼ ꓙꓵ ꓔꓳ, ꓜꓳ ꓔꓬ ꓢꓴ ꓐꓴ ꓔꓯ ꓙꓵꓻ ꓠꓲ, ꓠꓯꓼ ꓗꓪ ꓕꓶꓻ ꓞ, ꓡꓰ ꓝꓲ ꓡꓯ꓾ꓥꓪ ꓠꓴ ꓔꓯ ꓢꓲ ꓒ ꓬꓰ‐ꓢꓴ ꓡꓰ ꓬꓰ ꓗꓷ ꓟ ꓡꓰ ꓐꓰ ꓕꓲ ꓠꓲ, ꓕꓲ ꓪ ꓗꓷ ꓡꓰ ꓠ, ꓟ ꓔꓯ ꓫꓬ, ꓔꓶꓻ ꓢꓴ ꓒꓬꓱꓼ ꓡꓰ ꓝꓲ ꓡꓯ꓾ ꓮꓟꓰꓠ.
