Rva Lisu Kachin https://rvalisukachin.org/ Rva Lisu Kachin Wed, 03 Jun 2026 03:17:09 +0000 en-US hourly 1 https://wordpress.org/?v=7.0 235757753 ꓟꓵꓽ ꓗꓳ ꓓꓵ ꓓꓵ ꓢ‐ꓢꓲ‐ꓠ ꓟꓬꓱꓽ ꓠꓽ ꓦꓬꓼ ꓠꓬꓲ ꓗꓪ ꓠꓲ, ꓡꓱ ꓡꓱ ꓐꓰ ꓬꓰ ꓙ ꓔꓳ, ꓙ ꓠ, ꓟ ꓢꓯꓼ ꓖꓶ_ ꓟ꓾ https://rvalisukachin.org/2026/06/03/%ea%93%9f%ea%93%b5%ea%93%bd-%ea%93%97%ea%93%b3-%ea%93%93%ea%93%b5-%ea%93%93%ea%93%b5-%ea%93%a2%e2%80%90%ea%93%a2%ea%93%b2%e2%80%90%ea%93%a0-%ea%93%9f%ea%93%ac%ea%93%b1%ea%93%bd-%ea%93%a0%ea%93%bd-2/?utm_source=rss&utm_medium=rss&utm_campaign=%25ea%2593%259f%25ea%2593%25b5%25ea%2593%25bd-%25ea%2593%2597%25ea%2593%25b3-%25ea%2593%2593%25ea%2593%25b5-%25ea%2593%2593%25ea%2593%25b5-%25ea%2593%25a2%25e2%2580%2590%25ea%2593%25a2%25ea%2593%25b2%25e2%2580%2590%25ea%2593%25a0-%25ea%2593%259f%25ea%2593%25ac%25ea%2593%25b1%25ea%2593%25bd-%25ea%2593%25a0%25ea%2593%25bd-2 https://rvalisukachin.org/2026/06/03/%ea%93%9f%ea%93%b5%ea%93%bd-%ea%93%97%ea%93%b3-%ea%93%93%ea%93%b5-%ea%93%93%ea%93%b5-%ea%93%a2%e2%80%90%ea%93%a2%ea%93%b2%e2%80%90%ea%93%a0-%ea%93%9f%ea%93%ac%ea%93%b1%ea%93%bd-%ea%93%a0%ea%93%bd-2/#respond Wed, 03 Jun 2026 03:17:07 +0000 https://rvalisukachin.org/?p=9348 ꓟꓵꓽ ꓗꓳ ꓓꓵ ꓓꓵ ꓢ‐ꓢꓲ‐ꓠ ꓟꓬꓱꓽ ꓠꓽ ꓦꓬꓼ ꓠꓬꓲ ꓗꓪ ꓠꓲ, ꓡꓱ ꓡꓱ ꓐꓰ ꓬꓰ ꓙ ꓔꓳ, ꓙ ꓠ, ꓟ ꓢꓯꓼ ꓖꓶ_ ꓟ꓾ 2026 ꓘꓳꓼ 10 ꓦ ꓟ 18 ꓠꓬꓲ ꓟꓵꓽ ꓗꓳ. ꓓꓵ ꓓꓵ ꓢ‐ꓢꓲ‐ꓠ ꓟꓬꓱꓽ ꓠꓽ ꓦꓬꓼ ꓠꓬꓲ ꓕꓯ ꓖꓳ ꓟꓶ ꓟ ꓒꓴ ꓠꓬ ꓗ‐ꓕꓳ‐ꓡꓲ ꓢ‐ꓢꓲ‐ꓠ ꓟꓬꓱꓽ ꓜꓴꓻ (Pontifical Society of the Propagation of […]

The post ꓟꓵꓽ ꓗꓳ ꓓꓵ ꓓꓵ ꓢ‐ꓢꓲ‐ꓠ ꓟꓬꓱꓽ ꓠꓽ ꓦꓬꓼ ꓠꓬꓲ ꓗꓪ ꓠꓲ, ꓡꓱ ꓡꓱ ꓐꓰ ꓬꓰ ꓙ ꓔꓳ, ꓙ ꓠ, ꓟ ꓢꓯꓼ ꓖꓶ_ ꓟ꓾ first appeared on Rva Lisu Kachin.

The post ꓟꓵꓽ ꓗꓳ ꓓꓵ ꓓꓵ ꓢ‐ꓢꓲ‐ꓠ ꓟꓬꓱꓽ ꓠꓽ ꓦꓬꓼ ꓠꓬꓲ ꓗꓪ ꓠꓲ, ꓡꓱ ꓡꓱ ꓐꓰ ꓬꓰ ꓙ ꓔꓳ, ꓙ ꓠ, ꓟ ꓢꓯꓼ ꓖꓶ_ ꓟ꓾ appeared first on Rva Lisu Kachin.

]]> ꓟꓵꓽ ꓗꓳ ꓓꓵ ꓓꓵ ꓢ‐ꓢꓲ‐ꓠ ꓟꓬꓱꓽ ꓠꓽ ꓦꓬꓼ ꓠꓬꓲ ꓗꓪ ꓠꓲ, ꓡꓱ ꓡꓱ ꓐꓰ ꓬꓰ ꓙ ꓔꓳ, ꓙ ꓠ, ꓟ ꓢꓯꓼ ꓖꓶ_ ꓟ꓾

2026 ꓘꓳꓼ 10 ꓦ ꓟ 18 ꓠꓬꓲ ꓟꓵꓽ ꓗꓳ. ꓓꓵ ꓓꓵ ꓢ‐ꓢꓲ‐ꓠ ꓟꓬꓱꓽ ꓠꓽ ꓦꓬꓼ ꓠꓬꓲ ꓕꓯ ꓖꓳ ꓟꓶ ꓟ ꓒꓴ ꓠꓬ ꓗ‐ꓕꓳ‐ꓡꓲ ꓢ‐ꓢꓲ‐ꓠ ꓟꓬꓱꓽ ꓜꓴꓻ (Pontifical Society of the Propagation of the Faith) ꓔꓯ ꓪꓴ‐ꓢ ꓶꓼ ꓓꓳꓽ ꓫꓱ, ꓓꓳꓽ ꓢ‐ꓢꓲ‐ꓠ ꓟꓬꓱꓽ ꓬꓲ. ꓪꓴ. ꓐꓯ ꓒꓬꓱꓽ ꓟ ꓬꓲ. ꓔꓶ. ꓗꓪ ꓔꓬ ꓟ ꓢ‐ꓢꓲ‐ꓠ ꓔꓶ. 1130 ꓟꓽ ꓞꓲ ꓔꓯ ꓣꓱ ꓬꓯꓼ ꓟ ꓫꓬ, ꓖꓶ ꓠ, ꓟ ꓐꓰ ꓠꓱ. ꓐꓯꓼ ꓢ‐ꓢꓲ‐ꓠ ꓟꓬꓱꓽ ꓠꓯꓼ ꓗꓪ ꓬꓰ ꓙ ꓔꓳ, ꓙ ꓠ, ꓟ ꓥ ꓡꓳ꓿

ꓕꓱ ꓟ ꓠꓬ ꓣꓳ‐ꓟ ꓗꓪ ꓔꓬ ꓟ ꓕꓳ ꓶ ꓢꓳꓻ ꓙꓳ ꓦꓲꓻ 5 ꓟ ꓠꓯꓼ ꓗꓪ ꓥ ꓟꓲ ꓣꓱꓽ ꓙ ꓖꓶ ꓐ ꓡꓰ ꓢꓲ꓾ ꓣꓳ‐ꓟ ꓗꓪ ꓢꓷ. ꓠꓲ, ꓢꓳ ꓡ ꓟ ꓔꓲꓺ ꓒ ꓒꓬꓱꓼ ꓢꓳ ꓢꓴ ꓐꓴ꓾ ꓔꓲꓺ ꓒ ꓐꓴ ꓔꓲꓺ ꓟ ꓐꓴ ꓐꓱ ꓶ ꓮ ꓕꓯ ꓟꓲ ꓬꓰ ꓙ ꓔꓬ ꓟ ꓥꓳ꓿ ꓕꓱ ꓟ ꓠꓬ ꓢꓷ. ꓠꓲ, ꓢꓳ ꓓꓳ ꓡꓰ ꓥ ꓟꓲ ꓚꓲ. ꓛꓬ ꓔꓬ ꓔꓶ. ꓟꓵꓽ ꓗꓪ ꓛꓲ ꓬꓰ ꓔꓯ ꓥ ꓟꓲ ꓙꓲ ꓖꓴ ꓙꓳ_ ꓟ ꓬꓲ. ꓚꓰ ꓓꓽ ꓟ ꓥ ꓡꓳ꓿

“ꓙꓲ‐ꓢꓴ ꓠꓯꓼ ꓗꓪ ꓕꓲ ꓠꓲ, ꓕꓲ ꓪ꓾ ꓢ‐ꓢꓲ‐ꓠ ꓟꓬꓱꓽ ꓠꓯꓼ ꓗꓪ ꓕꓲ ꓠꓲ, ꓕꓲ ꓪ ꓢꓯꓼ ꓕꓵꓼ ꓓꓴ ꓬꓰ ꓡꓯ꓿” (‘One in Christ, united in mission’)

ꓕꓱ ꓕꓲ ꓘꓳꓼ ꓟꓵꓽ ꓗꓳ ꓓꓵ ꓓꓵ ꓢ‐ꓢꓲ‐ꓠ ꓟꓬꓱꓽ ꓠꓽ ꓦꓬꓼ ꓠꓬꓲ ꓐꓱ ꓶ ꓬꓲ. ꓕꓲ ꓟꓴ ꓠꓬ “ꓙꓲ‐ꓢꓴ ꓠꓯꓼ ꓗꓪ ꓕꓲ ꓠꓲ, ꓕꓲ ꓪ꓾ ꓢ‐ꓢꓲ‐ꓠ ꓟꓬꓱꓽ ꓠꓯꓼ ꓗꓪ ꓕꓲ ꓠꓲ, ꓕꓲ ꓪ ꓢꓯꓼ ꓕꓵꓼ ꓓꓴ ꓬꓰ ꓡꓯ꓿” ꓐꓰ ꓐꓯ_ ꓟ ꓠꓬ ꓟꓵꓽ ꓗꓳ. ꓓꓵ ꓓꓵ ꓠꓯꓼ ꓗꓪ ꓬꓰ ꓟ 100 ꓘꓳꓼ ꓐꓲ ꓚꓵ. ꓟꓶ ꓓꓴ ꓥ ꓢꓲ꓾ ꓙꓲ ꓢꓴ ꓢꓲ ꓤ ꓐꓴ ꓔꓯ ꓬꓰ‐ꓢꓴ ꓙꓲ‐ꓢꓴ ꓗꓪ ꓐꓰ ꓠꓵ ꓠꓲ, ꓢ‐ꓢꓲ‐ꓠ ꓗꓪ ꓐꓰ ꓟꓬ ꓠꓬꓲ ꓬꓲ. ꓠꓯ. ꓟ ꓕꓲ ꓠꓲ, ꓕꓲ ꓪ ꓗꓷ ꓠ, ꓟ ꓘꓴ ꓔ ꓡꓳ꓿

ꓔꓲꓺ ꓒ ꓪ ꓔꓲ ꓡꓰ ꓕꓱ ꓕꓲ ꓘꓳꓼ ꓬꓲ. ꓕꓲ ꓟꓴ ꓠꓬ ꓡ ꓠ, ꓟ ꓘꓳ, ꓗꓪ ꓘꓴ ꓜꓲꓼ ꓞꓳ ꓘꓴꓽ ꓢ‐ꓢꓲ‐ꓠ ꓟꓬꓱꓽ ꓔꓯ ꓝꓮꓲ ꓧꓪ. ꓛꓲ ꓡ ꓠ, ꓟ ꓡꓵ. ꓔꓴ ꓖꓶ ꓟ ꓥ ꓡꓳ꓾ ꓕꓲ ꓠꓲ, ꓕꓲ ꓪ ꓐꓰ ꓬꓰ‐ꓢꓴ ꓙꓲ‐ꓢꓴ ꓔꓯ ꓬꓲ. ꓚꓰꓻ ꓣꓴ_ ꓟ ꓔꓱ, ꓟ ꓢ‐ꓢꓲ‐ꓠ ꓟꓬꓱꓽ ꓔꓯ ꓙꓲ‐ꓢꓴ ꓢꓲ ꓤ ꓐꓴ ꓗꓳ, ꓡꓳ ꓗꓪ ꓟꓬ ꓡ ꓠ, ꓟ ꓢꓯꓼ ꓖꓶ ꓗꓷ ꓟ ꓥꓳ꓿

ꓕꓱ ꓟꓲ ꓠꓯ ꓗꓪ ꓟꓽ ꓪ ꓟꓽ ꓫꓱ, ꓟ꓾ ꓟꓯꓽ ꓢꓰꓼ ꓡꓯꓼ ꓘꓳ ꓓꓴ ꓫ. ꓙꓵ ꓟꓷꓼ ꓙꓵ ꓓꓴ ꓟꓬ ꓡ ꓟ ꓙꓵ, ꓗꓪ ꓔꓲꓺ ꓒ ꓪ ꓔꓲ ꓡꓰ ꓢ‐ꓢꓲ‐ꓠ ꓟꓬꓱꓽ ꓬꓲ. ꓜꓴꓻ ꓓꓽ ꓟ ꓡꓲ. ꓟ ꓠꓬ ꓢꓲ ꓡꓲ, ꓗ, ꓛꓲ ꓟ ꓢꓲ ꓒꓽ ꓥ ꓟ ꓢꓲ ꓒ ꓬꓰ‐ꓢꓴ ꓔꓯ ꓚꓺ ꓒꓬꓱꓽ ꓢꓲ ꓬꓲ. ꓒꓵꓽ ꓐꓯ ꓖꓴ ꓟꓽ ꓓ ꓟ ꓟꓬꓱꓽ ꓔꓯ ꓢꓯꓼ ꓕꓵꓼ ꓬꓰ ꓔꓬ ꓟ ꓥꓳ꓿

ꓛꓴꓽ ꓙꓳ_ ꓟ ꓐꓰ ꓜꓲ ꓜꓲ ꓟꓴ ꓟꓴ ꓬꓰ ꓟ ꓔꓳ, ꓜꓳ ꓡꓰ ꓟ ꓬꓲ. ꓔꓶ. ꓗꓪ ꓔꓬ ꓟ ꓟꓵꓽ ꓗꓳ. ꓓꓵ ꓓꓵ ꓗꓪ ꓐꓰ ꓤ ꓠꓱ ꓐꓴ ꓠꓯꓼ ꓗꓪ ꓙꓵꓻ ꓠꓲ, ꓠꓬꓲ ꓟꓳ ꓓꓴ ꓐꓰ ꓙꓲ‐ꓢꓴ ꓢꓲ ꓤ ꓠꓵꓻ ꓠꓲ, ꓔꓯ ꓡꓳ. ꓧꓳꓽ ꓖꓶ ꓗꓷ ꓟ ꓑꓶ ꓓꓴ ꓫꓱ. ꓖꓶ_ ꓡꓳ꓿

ꓢꓲ ꓫꓬ ꓢꓴ ꓒꓲ‐ꓕꓱ ꓢ‐ꓢꓲ‐ꓠ ꓟꓬꓱꓽ ꓜꓴꓻ (Society of Saint Peter the Apostle)ꓽ ꓢ‐ꓢꓲ‐ꓠ ꓟꓬꓱꓽ ꓬꓲ. ꓔꓶ. ꓫꓵꓼ ꓗꓪ ꓔꓬ ꓟ ꓔꓲꓺ ꓒ ꓒꓬꓱꓼ ꓢꓳꓻ ꓢꓴ ꓐꓴ ꓐꓰ ꓔꓲꓺ ꓟ ꓒꓬꓱꓼ ꓢꓳꓻ ꓢꓴ ꓐꓴ ꓬꓲ ꓪ ꓞꓳ ꓙꓳ ꓚꓱ,꓾ ꓦ ꓐꓱ ꓶ ꓮ. ꓣꓳ ꓟꓬꓱꓽ ꓚꓱ, ꓠꓯꓼ ꓗꓪ ꓬꓰ ꓙ ꓔꓳ, ꓙ ꓟ ꓔꓯ ꓫꓱ. ꓖꓶ_ ꓡꓳ꓿ ꓕꓱ ꓡꓱ ꓬꓰ ꓙ ꓓꓴ ꓟꓽ ꓙꓳ ꓠꓬ ꓬꓲ ꓪ ꓐꓱ ꓶ ꓣꓱ ꓬꓯꓼ ꓟ ꓕꓳ ꓶ ꓢꓳꓻ ꓓꓴ ꓪ ꓟꓶ ꓓꓴ ꓟꓽ ꓥ ꓐꓰ ꓐꓯ ꓔ ꓡꓳ꓿

The post ꓟꓵꓽ ꓗꓳ ꓓꓵ ꓓꓵ ꓢ‐ꓢꓲ‐ꓠ ꓟꓬꓱꓽ ꓠꓽ ꓦꓬꓼ ꓠꓬꓲ ꓗꓪ ꓠꓲ, ꓡꓱ ꓡꓱ ꓐꓰ ꓬꓰ ꓙ ꓔꓳ, ꓙ ꓠ, ꓟ ꓢꓯꓼ ꓖꓶ_ ꓟ꓾ first appeared on Rva Lisu Kachin.

The post ꓟꓵꓽ ꓗꓳ ꓓꓵ ꓓꓵ ꓢ‐ꓢꓲ‐ꓠ ꓟꓬꓱꓽ ꓠꓽ ꓦꓬꓼ ꓠꓬꓲ ꓗꓪ ꓠꓲ, ꓡꓱ ꓡꓱ ꓐꓰ ꓬꓰ ꓙ ꓔꓳ, ꓙ ꓠ, ꓟ ꓢꓯꓼ ꓖꓶ_ ꓟ꓾ appeared first on Rva Lisu Kachin.

]]> https://rvalisukachin.org/2026/06/03/%ea%93%9f%ea%93%b5%ea%93%bd-%ea%93%97%ea%93%b3-%ea%93%93%ea%93%b5-%ea%93%93%ea%93%b5-%ea%93%a2%e2%80%90%ea%93%a2%ea%93%b2%e2%80%90%ea%93%a0-%ea%93%9f%ea%93%ac%ea%93%b1%ea%93%bd-%ea%93%a0%ea%93%bd-2/feed/ 0 9348 ꓚꓲ. ꓛꓬ ꓮ ꓡꓲ ꓥ ꓠꓬ ꓖꓳ ꓡꓱ ꓞꓳ ꓙꓳ https://rvalisukachin.org/2026/06/03/%ea%93%9a%ea%93%b2-%ea%93%9b%ea%93%ac-%ea%93%ae-%ea%93%a1%ea%93%b2-%ea%93%a5-%ea%93%a0%ea%93%ac-%ea%93%96%ea%93%b3-%ea%93%a1%ea%93%b1-%ea%93%9e%ea%93%b3-%ea%93%99%ea%93%b3/?utm_source=rss&utm_medium=rss&utm_campaign=%25ea%2593%259a%25ea%2593%25b2-%25ea%2593%259b%25ea%2593%25ac-%25ea%2593%25ae-%25ea%2593%25a1%25ea%2593%25b2-%25ea%2593%25a5-%25ea%2593%25a0%25ea%2593%25ac-%25ea%2593%2596%25ea%2593%25b3-%25ea%2593%25a1%25ea%2593%25b1-%25ea%2593%259e%25ea%2593%25b3-%25ea%2593%2599%25ea%2593%25b3 https://rvalisukachin.org/2026/06/03/%ea%93%9a%ea%93%b2-%ea%93%9b%ea%93%ac-%ea%93%ae-%ea%93%a1%ea%93%b2-%ea%93%a5-%ea%93%a0%ea%93%ac-%ea%93%96%ea%93%b3-%ea%93%a1%ea%93%b1-%ea%93%9e%ea%93%b3-%ea%93%99%ea%93%b3/#respond Wed, 03 Jun 2026 02:00:00 +0000 https://rvalisukachin.org/?p=9169 ꓠꓬꓲ. ꓠꓬꓲ ꓟꓲ ꓠꓯ ꓡ ꓞꓳ ꓞꓳ ꓙꓳ ꓚꓱ, ꓗꓪ ꓐꓰ ꓮ ꓙꓵꓽ ꓐꓱ ꓶ ꓚꓲ. ꓛꓬ ꓮ ꓡꓲ ꓥ ꓠꓬ ꓖꓳ ꓡꓱ ꓞꓳ ꓙꓳ ꓐꓰ ꓐꓯˍ ꓟ ꓚꓱ, ꓗꓪ ꓐꓰ ꓮ ꓙꓵꓽ ꓔꓯ ꓢꓷ. ꓙ ꓟꓳ ꓙ ꓖꓶ ꓩꓴ ꓡ ꓠꓲ, ꓫꓵˍ ꓡꓳ꓿ ꓚꓲ. ꓛꓬ ꓤꓶꓻ ꓔꓯ ꓚꓲ. ꓛꓬ ꓘꓳ ꓣꓴˍ ꓐꓯˍ ꓟ ꓠꓬ […]

The post ꓚꓲ. ꓛꓬ ꓮ ꓡꓲ ꓥ ꓠꓬ ꓖꓳ ꓡꓱ ꓞꓳ ꓙꓳ first appeared on Rva Lisu Kachin.

The post ꓚꓲ. ꓛꓬ ꓮ ꓡꓲ ꓥ ꓠꓬ ꓖꓳ ꓡꓱ ꓞꓳ ꓙꓳ appeared first on Rva Lisu Kachin.

]]>

ꓠꓬꓲ. ꓠꓬꓲ ꓟꓲ ꓠꓯ ꓡ ꓞꓳ ꓞꓳ ꓙꓳ ꓚꓱ, ꓗꓪ ꓐꓰ ꓮ ꓙꓵꓽ ꓐꓱ ꓶ ꓚꓲ. ꓛꓬ ꓮ ꓡꓲ ꓥ ꓠꓬ ꓖꓳ ꓡꓱ ꓞꓳ ꓙꓳ ꓐꓰ ꓐꓯˍ ꓟ ꓚꓱ, ꓗꓪ ꓐꓰ ꓮ ꓙꓵꓽ ꓔꓯ ꓢꓷ. ꓙ ꓟꓳ ꓙ ꓖꓶ ꓩꓴ ꓡ ꓠꓲ, ꓫꓵˍ ꓡꓳ꓿

ꓚꓲ. ꓛꓬ ꓤꓶꓻ ꓔꓯ ꓚꓲ. ꓛꓬ ꓘꓳ ꓣꓴˍ ꓐꓯˍ ꓟ ꓠꓬ ꓚꓲ. ꓛꓬ ꓚꓳꓽ ꓚꓲ. ꓛꓬ ꓠꓲ, ꓒꓴˍ ꓟ ꓕꓲ ꓫꓵꓽ ꓥ ꓡꓳ꓿ ꓚꓲ. ꓛꓬ ꓮ ꓡꓲ ꓗ, ꓟ ꓔꓯ ꓘꓳ ꓣꓴˍ ꓟ꓾ ꓠꓱ. ꓐꓯ ꓮ ꓡꓲ ꓕꓲ ꓣꓳ ꓔꓯ ꓥˍ ꓟꓲ ꓫꓱ. ꓡꓰ ꓠ ꓝ. ꓢꓲ ꓟꓽ ꓢꓯꓼ ꓕꓵꓼ ꓕꓵꓼ ꓐꓰ ꓚꓲ. ꓛꓬ ꓮ ꓡꓲ ꓥ ꓮ ꓡꓲ ꓞꓳ ꓙꓳˍ ꓟ ꓥ ꓡꓳ꓿

ꓮ ꓟꓶ ꓟ ꓡꓰ ꓟꓵꓽ ꓘꓳꓼ ꓟꓽ ꓢꓲ ꓡꓲ ꓟ ꓦꓬꓼ ꓠꓬꓲ ꓗꓪ ꓚꓲ. ꓛꓬ ꓔꓯ ꓚꓲ. ꓛꓬ ꓠꓲ, ꓘꓪꓽ ꓟꓽ ꓫꓵ ꓢꓴ ꓮ ꓟꓬ, ꓙꓳˍ ꓡꓳ꓿ ꓕꓲ ꓖ ꓕꓲ ꓧꓪ, ꓞꓳ ꓤ ꓮ ꓙꓵꓽ ꓔꓯ ꓕꓱ ꓟ ꓡꓰ ꓒꓬꓱꓼ ꓡꓰ ꓗꓴ.ˍ ꓡꓳ ꓐꓯˍ ꓥ ꓟꓲ꓾ ꓮ ꓕꓯ ꓟꓲ ꓕꓱ ꓡꓱ ꓗꓷ ꓡˍ ꓕꓯ ꓠꓽ ꓠꓲ, ꓟ ꓔꓬ, ꓢꓻ ꓚꓱ, ꓔꓯ ꓘꓶꓻ ꓡꓶ ꓡꓰ ꓝꓲ ꓗꓴ.ˍ ꓡꓳ꓿ ꓚꓲ. ꓛꓬ ꓤꓶꓻ ꓔꓯ ꓚꓲ. ꓛꓬ ꓠꓲ, ꓘꓪꓽ ꓫꓵ ꓢꓴ ꓐꓴ ꓠꓬ ꓚꓲ. ꓛꓬ ꓚꓳꓽ ꓚꓲ. ꓛꓬ ꓒꓵꓽ ꓗꓴ. ꓢꓴ ꓐꓴ ꓥ ꓡꓳ꓿ ꓕꓲ ꓚꓱ, ꓐꓯ ꓪˍ ꓠꓬ ꓚꓲ. ꓛꓬ ꓚꓳꓽ ꓛꓬ ꓙꓲˍ ꓟ ꓔꓯ ꓟꓳꓻ ꓢꓴ ꓐꓴˍ ꓡꓰꓽ ꓥ ꓡꓳ꓿

ꓮ ꓡꓲ ꓫꓵꓽ ꓑꓶ. ꓓꓴ ꓚꓲ. ꓛꓬ ꓤꓶꓻ ꓔꓯ ꓚꓲ. ꓛꓬ ꓠꓲ, ꓘꓪꓽ ꓫꓵ ꓔꓬ ꓖꓴˍ ꓡ? ꓕꓱ ꓟ ꓠꓬ ꓞꓲꓼ ꓣꓳˍ ꓕꓯ ꓡꓰ ꓪꓴ. ꓔꓴ ꓡˍ ꓟ ꓥ ꓡꓳ꓿ ꓔꓯꓺ ꓥꓳꓽ꓾ ꓞꓲꓼ ꓣꓳˍ ꓕꓯ ꓮ. ꓠꓽ ꓘꓳꓼ ꓘꓽ ꓪ ꓡꓰ ꓢꓲ ꓬꓲ ꓑ ꓓꓽ ꓟ ꓒꓬꓱꓼ ꓡꓰ ꓠꓬꓲ ꓢꓴ ꓐꓴ ꓠꓬ ꓞꓲꓼ ꓪꓴꓽ ꓡˍ ꓗꓪ ꓛꓲꓽ ꓮ. ꓠꓽ ꓔꓯ ꓟꓳ ꓗꓷˍ ꓕ ꓑꓳꓸꓼ ꓙꓳꓺ ꓗꓴ.ˍ ꓡꓳ꓿ ꓞꓲꓼ ꓣꓳˍ ꓕꓯ ꓚꓲ. ꓛꓬ ꓔꓳ, ꓜꓳꓽ ꓠꓬꓲ ꓗꓷ ꓟ ꓫꓵꓽ ꓪꓴ ꓗꓪ ꓛꓳ ꓢꓲ ꓠꓬꓲ ꓚꓲ. ꓛꓬ ꓚꓳꓽ ꓚꓲ. ꓛꓬ ꓠꓲ, ꓘꓪꓽ ꓫꓵˍ ꓟ ꓚꓱ, ꓟꓽ ꓫꓱ. ꓡꓯ ꓘꓳ ꓗꓷ ꓡꓰˍ ꓡꓳ꓿

ꓮꓽ ꓐ ꓮ ꓟ ꓐꓰ ꓟ. ꓒ ꓟ. ꓟ ꓐꓴ ꓡꓰ ꓣꓳ ꓔꓯ ꓠꓱ. ꓐꓯ ꓢꓴ ꓐꓰ ꓮ ꓘꓶ. ꓔꓯꓺ ꓗꓷ ꓟ꓾ ꓒꓬꓱꓼ ꓡ ꓟꓽ ꓓꓻ ꓟ ꓔꓯ ꓬꓲ ꓜꓲꓽ ꓬꓲ ꓑꓰ, ꓬꓰ ꓔꓬ ꓝꓲˍ ꓟ꓾ ꓛꓳꓽ ꓒꓯ, ꓛꓳꓽ ꓤ ꓐꓴ ꓠꓬꓲꓽ ꓗꓴ. ꓚꓸꓼ ꓗꓪ ꓧꓪ. ꓜꓽˍ ꓟ ꓟꓶˍ ꓟ꓾ ꓠꓬꓲ. ꓤꓲˍ ꓟ ꓟꓶˍ ꓟ꓾ ꓖꓳ ꓓꓱꓽ ꓒ. ꓢꓴ ꓠꓬ ꓒ. ꓢ ꓡꓰꓳ꓾ ꓐꓰ ꓐꓯ ꓢꓲ ꓪꓽ ꓫꓱˍ ꓟ ꓟꓶ ꓫꓵ ꓡˍ ꓕꓯ ꓚꓲ. ꓛꓬ ꓖꓳꓽ ꓓꓱꓽ ꓔꓯ ꓠꓲ, ꓜꓳ ꓡˍ ꓡꓳ꓿ ꓖꓳ ꓟ ꓪꓴ. ꓠꓬꓲ ꓥˍ ꓟꓲ ꓞꓲꓼ ꓪꓴꓽ ꓡˍ ꓕꓯ ꓚꓲ. ꓛꓬ ꓚꓳꓽ ꓚꓲ. ꓛꓬ ꓔꓯ ꓠꓱ. ꓐꓯ ꓢꓴ ꓐꓰ ꓔꓯꓺ ꓢꓲ ꓠꓲ, ꓟ ꓣꓳˍ ꓟ ꓠꓲ, ꓟ ꓙꓬˍ ꓟ ꓠꓲ, ꓟ ꓓꓵꓽ ꓡ ꓢꓲ ꓠꓬꓲ ꓚꓲ. ꓛꓬ ꓚꓳꓽ ꓚꓲ. ꓛꓬ ꓠꓲ, ꓘꓪꓽ ꓟꓽ ꓫꓵ ꓗꓷ ꓡꓰˍ ꓡꓳ꓿

ꓖꓳ ꓟ ꓡꓰꓽ ꓟꓽ ꓞꓲ ꓬꓲ ꓞꓲꓼ ꓕꓯꓽ ꓢꓲ ꓫ. ꓙꓵ ꓟꓶ ꓙꓵ ꓓꓴ ꓮ ꓟꓬ, ꓔꓳ, ꓜꓳꓽ ꓪˍ ꓟ꓾ ꓮ ꓘꓶ. ꓠꓲ, ꓠꓵ ꓪ ꓢꓴ ꓔꓯ ꓛꓵꓽ ꓩꓴ ꓗꓷ ꓪˍ ꓟ꓾ ꓕꓱ ꓟꓬ ꓫꓵꓽ ꓥˍ ꓟꓲ ꓚꓲ. ꓛꓬ ꓚꓳꓽ ꓚꓲ. ꓛꓬ ꓠꓲ, ꓘꓪꓽ ꓟꓽ ꓫꓵ ꓗꓷ ꓡꓰ ꓝꓲˍ ꓡꓳ꓿

ꓖꓳ ꓡꓱ ꓠꓬꓲ ꓚꓲ. ꓛꓬ ꓚꓳꓽ ꓚꓲ. ꓛꓬ ꓠꓲ, ꓘꓪꓽ ꓫꓵ ꓢꓲ ꓠꓲ, ꓠꓵ ꓐ ꓡ ꓠ, ꓟ ꓮ ꓡꓲ ꓫꓵꓽ ꓔꓯ ꓬꓰ ꓠ ꓗ, ꓡ ꓐꓯ ꓠꓬ꓾

ꓠ‐ꓐ ꓕꓲꓽ ꓠꓬ꓾ ꓚꓲ. ꓛꓬ ꓚꓳꓽ ꓚꓲ. ꓛꓬ ꓟꓽ ꓙꓲ ꓟ ꓟꓳˍ ꓟ ꓚꓱ, ꓐꓴ ꓔꓯ ꓐꓳ ꓠ ꓗ, ꓡꓳ꓿

ꓔꓯꓺ ꓥꓳꓽ꓾ ꓟꓬꓱꓽ ꓧꓪ ꓟꓽ ꓟꓶ ꓡꓰ ꓟ ꓠꓬ ꓥꓪ ꓟꓽ ꓓꓻ ꓟ ꓑꓶ. ꓓꓴ ꓥꓳ꓾ ꓥꓪ ꓠꓬ ꓬꓲ ꓙꓲꓻ ꓫ. ꓕꓱ ꓟꓽ ꓗꓴ.꓾ ꓥꓪ ꓠꓬ ꓮ ꓘꓶ. ꓫ. ꓔꓳ ꓗꓴ.ˍ ꓡꓳ꓾ ꓕꓱ ꓡꓱ ꓚꓲ. ꓛꓬ ꓚꓳꓽ ꓚꓲ. ꓛꓬ ꓟꓽ ꓓꓻ ꓐꓰ ꓫꓪ. ꓟꓶˍ ꓟ ꓚꓱ, ꓐꓴ ꓔꓯ ꓐꓳ ꓗꓷ꓿ ꓖꓳ ꓗ ꓠꓯ. ꓠꓬ ꓣꓳ ꓟꓽ ꓓꓻ ꓐꓰ ꓫꓪ. ꓟꓶˍ ꓟ ꓚꓱ, ꓐꓴ ꓔꓯ ꓕꓲ ꓟ ꓗ ꓠꓯ. ꓕꓲ ꓟ ꓢꓯꓼ ꓕꓵꓼ ꓠꓬꓲ꓿ ꓚꓵ ꓚꓵ ꓐꓯ ꓪˍ ꓠꓬ ꓮ ꓡꓲ ꓕꓲ ꓟˍ ꓟꓲ ꓮ ꓘꓶ. ꓬꓰ ꓫˍ ꓟ ꓟꓽ ꓥ꓿ ꓕꓲ ꓟ ꓗ. ꓠꓯ ꓕꓲ ꓟ ꓢꓯꓼ ꓕꓵꓼ ꓠꓬꓲ ꓠ ꓗ, ꓡꓳ꓿

ꓝꓮꓲ ꓕꓲ ꓟ ꓠꓬ ꓚꓲ. ꓛꓬ ꓔꓯ ꓙꓳˍ ꓟ ꓓꓻˍ ꓟ ꓚꓱ, ꓔꓯ ꓐꓳ ꓠꓬꓲ꓾

ꓔꓯꓺ ꓥꓳꓽ꓾ ꓚꓲ. ꓛꓬ ꓠꓬ ꓠꓲ, ꓟ ꓔꓱ, ꓢꓲ ꓠꓲ, ꓟ ꓒꓴˍ ꓟ꓾ ꓮ ꓟꓬ, ꓐꓱ ꓶ ꓙꓲˍ ꓟ ꓬꓰ ꓖꓶ ꓐ ꓡˍ ꓟ꓾ ꓕꓳꓽ ꓶ ꓐꓳˍ ꓟ ꓗꓪ ꓓꓻˍ ꓟ꓾ ꓕꓱ ꓡꓱ ꓫꓵꓽ ꓚꓲ. ꓛꓬ ꓠꓯꓸꓼ ꓗꓪ ꓙꓳˍ ꓟ ꓓꓻˍ ꓟ ꓔꓯ ꓐꓳ ꓗꓷ ꓢꓲ ꓕꓱ ꓟ ꓐꓴ ꓔꓯ ꓕꓲ ꓠꓬꓲ ꓕꓲ ꓠꓬꓲ ꓪ ꓜꓲ ꓓꓻ ꓡꓰ ꓠ ꓬꓰˍ ꓟ ꓠꓬ ꓚꓲ. ꓛꓬ ꓚꓳꓽ ꓚꓲ. ꓛꓬ ꓦ ꓡꓱ ꓐꓳ ꓢꓲ꓾ ꓠꓲ, ꓘꓪꓽ ꓫꓵ ꓡꓰ ꓝꓲˍ ꓡꓳ꓿

ꓠ‐ꓐ ꓢꓺ ꓠꓬ꓾ ꓠꓱ. ꓐꓯ ꓢꓴ ꓐꓰ ꓚꓲ. ꓛꓬ ꓔꓯ ꓔꓯꓺˍ ꓟ ꓗꓪ ꓐꓰ ꓠꓽ ꓗꓷ ꓠ ꓗ, ꓡꓳ꓿ ꓤꓶꓻ ꓗꓪ ꓕꓲ ꓣꓳ ꓐꓰ ꓕꓲ ꓣꓳ ꓠꓬ ꓮ ꓡꓲ ꓥˍ ꓟꓲ ꓫꓱ. ꓡꓱ ꓘꓳ ꓟꓽ ꓐ ꓡ ꓟ ꓥ ꓡꓳ꓿ ꓬꓲ ꓦꓵ ꓡ ꓖꓴ꓾ ꓬꓲ ꓕꓲ ꓦꓲ ꓢꓴ꓾ ꓬꓲ ꓢꓷ. ꓠꓲ,꓾ ꓬꓲ ꓘꓳ ꓗꓳ. ꓡ ꓗꓷ ꓟ ꓚꓱ, ꓐꓴ ꓗꓪ ꓛꓳ ꓢꓲ ꓠꓬꓲ ꓬꓲ ꓫꓱ, ꓐꓰ ꓬꓲ ꓓꓻˍ ꓟ ꓟꓽ ꓫꓱ. ꓡꓯ ꓘꓳ ꓗꓷ ꓡꓰˍ ꓡꓳ꓿ ꓖꓳ ꓟ ꓔꓯ ꓣꓳ ꓠꓬ ꓙꓰ ꓢꓲ꓾ ꓳ꓾ ꓬꓲ ꓠꓽ ꓮ ꓘꓶ. ꓫ. ꓕꓱ ꓗꓴ.ˍ ꓐꓭ꓾ ꓮ ꓫꓵꓽ ꓔꓯˍ ꓟꓲ ꓟꓽ ꓙꓳ ꓙꓳ ꓐꓯ ꓑꓶ.ˍ  ꓐꓭ꓾ ꓐꓯ ꓢꓲ ꓚꓲ. ꓛꓬ ꓚꓳꓽ ꓚꓲ. ꓛꓬ ꓠꓲ, ꓟ ꓣꓳꓺ ꓡꓰ ꓗꓴ.ˍ ꓡꓳ꓿

ꓚꓲ. ꓛꓬ ꓔꓯ ꓥˍ ꓟꓲ ꓟꓽ ꓫꓱ. ꓟ ꓓꓻˍ ꓟ ꓬꓲ ꓚꓱ, ꓙꓳˍ ꓡꓳ꓿ ꓚꓲ. ꓛꓬ ꓠꓬ ꓫꓱ. ꓤ ꓗꓴ.ˍ ꓡꓳ꓾ ꓠꓲ, ꓟ ꓫꓵ ꓗꓴ.ˍ ꓡꓳ꓾ ꓬꓰ ꓙ ꓗꓴ.ˍ ꓡꓳ꓾ ꓢꓲ ꓡꓲ ꓐꓰ ꓗ, ꓡꓳ꓾ ꓕꓱ ꓡꓱ ꓫꓵꓽ ꓙꓲˍ ꓟ ꓓꓻ ꓟ ꓕꓲ ꓙꓰꓽ ꓟꓽ ꓥ ꓕꓲ ꓙꓰꓽ ꓠꓬ ꓣꓳ ꓮ ꓙꓵꓽ ꓠꓯꓸꓼ ꓗꓪ ꓙꓳˍ ꓟ ꓥ ꓡꓳ꓿ ꓕꓲ ꓣꓳ ꓐꓰ ꓕꓲ ꓣꓳ ꓟꓽ ꓫꓱ. ꓡꓯ ꓘꓳ ꓟ ꓔꓯ ꓫꓱ. ꓡꓰ ꓠ ꓬꓲ ꓜꓲꓽ ꓬꓲ ꓑꓰ, ꓔꓯꓺ ꓟꓽ ꓠ ꓟ ꓡꓰ ꓐꓰ꓾ ꓟꓽ ꓫꓱ. ꓡꓯ ꓘꓳ ꓟ ꓑꓶ. ꓓꓴˍ ꓟꓲ ꓣꓳ ꓔꓯ ꓮ ꓡꓲˍ ꓟꓲ ꓟꓽ ꓗꓶ ꓡꓰ꓿ ꓖꓳ ꓡꓱ ꓠꓬꓲ ꓚꓲ. ꓛꓬ ꓚꓳꓽ ꓚꓲ. ꓛꓬ ꓠꓲ, ꓘꓪꓽ ꓫꓵ ꓫꓵˍ ꓡꓰꓽ ꓔꓬ ꓠ ꓗ, ꓡꓳ꓿

ꓤꓶꓻ ꓐꓯˍ ꓟ ꓠꓬ ꓔꓷ, ꓔꓯꓺ ꓡꓯ ꓘꓳ ꓓꓴ ꓟꓽ ꓥ꓿ ꓮꓽ ꓟ ꓠꓬ ꓧꓶ. ꓕꓯ ꓔꓶ ꓙꓱꓼ ꓗꓪ ꓛꓲ ꓬꓰˍ ꓡ ꓐꓰˍ ꓟꓲ ꓟꓽ ꓐꓳ ꓚꓲ. ꓔ꓿ ꓞꓳ ꓤ ꓮ ꓙꓵꓽ ꓠꓬ ꓬꓲ ꓙꓵ, ꓬꓲ꓾ ꓬꓲ ꓝꓲ. ꓬꓲ ꓥ ꓡꓳ꓿ ꓖꓳ ꓡꓱ ꓠꓬꓲ ꓚꓲ. ꓛꓬ ꓚꓳꓽ ꓚꓲ. ꓛꓬ ꓡꓰꓽ ꓡꓳ. ꓠꓬꓲ꓿ ꓕꓲ ꓠꓬꓲ ꓕꓲ ꓠꓬꓲ ꓚꓲ. ꓛꓬ ꓚꓳꓽ ꓚꓲ. ꓚꓬ ꓪ ꓜꓲ ꓙꓲ ꓡꓰ ꓠ ꓬꓰ꓿ ꓮ ꓡꓲ ꓟ ꓔꓯ ꓥˍ ꓟꓲ ꓕꓽ ꓔꓯꓺ꓿ ꓮꓽ ꓟ ꓮ ꓡꓲ ꓫꓵꓽ ꓒꓬꓱꓼ ꓡꓰ ꓥˍ ꓟꓲ ꓖꓳ ꓟ ꓠꓬ ꓬꓲ ꓪ ꓟꓬꓱꓽˍ ꓡꓰꓽ ꓥ ꓡꓳ꓾ ꓣꓳ ꓟꓬꓱꓽ ꓟꓽ ꓥ꓿

ꓝꓮꓲ ꓕꓲ ꓚꓱ, ꓟ ꓠꓬ꓾ ꓚꓲ. ꓛꓬ ꓚꓳꓽ ꓚꓲ. ꓛꓬ ꓫꓱ. ꓤ ꓙꓽ ꓗꓳ꓿ ꓤꓶꓻ ꓗꓪ ꓕꓲ ꓐꓱ ꓔꓯ ꓣꓳ ꓠꓬ ꓬꓰ ꓐ ꓡ ꓢꓲ ꓠꓬꓲ ꓕꓲ ꓐꓱ ꓔꓯ ꓠꓬ ꓣꓳ ꓬꓰ ꓐ ꓡˍ ꓕꓯ ꓡꓰꓽ ꓬꓰ ꓐ ꓡˍ ꓡꓳ꓿ ꓥꓳꓽˍ ꓟꓲ ꓥꓳꓽ ꓡꓰ ꓗꓴ.ˍ ꓥꓳ꓿ ꓢꓴ ꓡꓰ ꓫ. ꓝꓲ. ꓡˍ ꓟˍ ꓟꓲ ꓟꓶ ꓡꓰ ꓗꓴ.ˍ ꓥꓳ꓿ ꓛꓳꓽ ꓒꓯ, ꓛꓳꓽ ꓤ ꓐꓴ ꓗꓪ ꓐꓰ ꓣꓳ ꓔꓯ ꓟꓽ ꓙꓲ ꓟ ꓬꓰ ꓡˍ ꓟˍ ꓟꓲ ꓙꓳˍ ꓥꓳ꓿ ꓫ. ꓔꓳ ꓪˍ ꓟ ꓬꓲ ꓙꓵˍ ꓟꓲ ꓙꓳˍ ꓥꓳ꓿ ꓟꓬꓱꓽ ꓗꓪ ꓐꓰˍ ꓟꓲ ꓠꓽ ꓗꓷ ꓪ ꓡꓰˍ ꓟ ꓙꓳˍ ꓥꓳ꓿ ꓖꓳ ꓡꓱ ꓒꓬꓱꓼ ꓡˍ ꓕꓯ ꓚꓲ. ꓛꓬ ꓚꓳꓽ ꓚꓲ. ꓛꓬ ꓠꓲ, ꓟ ꓣꓳꓺ ꓡꓰˍ ꓟ꓾ ꓠꓲ, ꓟ ꓦꓶ ꓡˍ ꓟ ꓒꓬꓱꓼ ꓡ ꓗꓴ.ˍ ꓡꓳ꓿ ꓛꓳꓽ ꓒꓯ, ꓐꓴ ꓠꓯꓸꓼ ꓗꓪ ꓖꓳ ꓡꓱ ꓔꓳ, ꓜꓳꓽ ꓢꓴ ꓙꓳ ꓡˍ ꓕꓯ ꓬꓲ ꓪ ꓔꓯ ꓠꓲ, ꓗꓴ ꓟꓬ ꓗꓴ ꓖꓶˍ ꓟ ꓡꓰ ꓐꓰ꓾ ꓚꓲ. ꓛꓬ ꓔꓳ, ꓜꓳꓽ ꓡ ꓕꓯ ꓥˍ ꓟꓲ ꓚꓲ. ꓛꓬ ꓥ ꓟꓲ ꓚꓲ. ꓛꓬ ꓔꓯ ꓫꓱ. ꓤ ꓙꓽ ꓗꓳ꓾ ꓢꓯꓼ ꓖꓶ꓿

ꓞꓳ ꓤ ꓠꓬ ꓮ ꓫꓵꓽ ꓗꓪˍ ꓟi ꓟꓽ ꓓꓻ ꓔꓬ꓿ ꓮ ꓡꓲ ꓗꓪˍ ꓟꓲ ꓙꓲ ꓟꓽ ꓐ ꓡ꓿ ꓮ ꓕꓯ ꓟꓲ ꓗ, ꓛꓲꓽ ꓟꓽ ꓐ ꓡ꓿ ꓮ ꓕꓯˍ ꓟꓲ ꓠꓲ, ꓪꓴꓽ ꓔꓬ ꓟꓽ ꓐ ꓡ꓿ ꓞꓳ ꓤ ꓮ ꓙꓵꓽ ꓐꓰˍ ꓟꓲ ꓠꓲ, ꓧꓳ, ꓫꓵꓽ ꓧꓳˍ ꓕꓯ ꓡꓰꓽ ꓠꓲ, ꓧꓳ ꓫꓵꓽ ꓧꓳˍ ꓥꓳ꓿ ꓠꓲ, ꓫꓵˍ ꓟ ꓥ ꓕ ꓑꓳꓸꓼ ꓟꓶˍ ꓕꓯ ꓡꓰꓽ ꓟꓶˍ ꓥꓳ꓿ ꓟꓽ ꓠꓲ, ꓫꓵ ꓟ ꓔꓯ ꓥˍ ꓟꓲ ꓘꓳ ꓣꓴ ꓟꓶ ꓗꓴ.ˍ ꓡꓳ꓿ ꓬꓰ ꓠꓲ, ꓟꓽ ꓫꓵ ꓟ ꓔꓯ ꓥ ꓟꓲ ꓬꓰ ꓠ ꓗꓷ ꓡꓰˍ ꓥꓳ꓿ ꓣꓳ ꓔꓯ ꓙꓳˍ ꓟ ꓮ ꓙꓵꓽ ꓥˍ ꓟꓲ ꓣꓳ ꓠꓯꓸꓼ ꓗꓪ ꓕꓶ ꓞ, ꓠꓲ, ꓫꓵˍ ꓕꓯ ꓡꓰꓽ ꓕꓶ ꓞ, ꓥꓳ꓿ ꓕꓱ ꓟꓬ ꓫꓵꓽ ꓔꓯ ꓘꓳ ꓣꓴ ꓐ ꓡ ꓠ, ꓟˍ ꓟꓲ ꓣꓳ ꓕꓲ ꓣꓳ ꓡꓰ ꓕꓲ ꓣꓳ ꓠꓬ ꓣꓱꓽ ꓞ, ꓡꓳ꓾ ꓐꓰ ꓐꓯ ꓖꓶ ꓠꓲ, ꓫꓵˍ ꓡꓳ꓿ ꓮ ꓙꓵꓽ ꓢꓴ ꓗ, ꓛꓲ ꓢꓲ ꓡꓲˍ ꓟ ꓤꓶꓻ ꓔꓯ ꓑꓯ, ꓟꓶ ꓡꓰ ꓝꓲ꓿

The post ꓚꓲ. ꓛꓬ ꓮ ꓡꓲ ꓥ ꓠꓬ ꓖꓳ ꓡꓱ ꓞꓳ ꓙꓳ first appeared on Rva Lisu Kachin.

The post ꓚꓲ. ꓛꓬ ꓮ ꓡꓲ ꓥ ꓠꓬ ꓖꓳ ꓡꓱ ꓞꓳ ꓙꓳ appeared first on Rva Lisu Kachin.

]]> https://rvalisukachin.org/2026/06/03/%ea%93%9a%ea%93%b2-%ea%93%9b%ea%93%ac-%ea%93%ae-%ea%93%a1%ea%93%b2-%ea%93%a5-%ea%93%a0%ea%93%ac-%ea%93%96%ea%93%b3-%ea%93%a1%ea%93%b1-%ea%93%9e%ea%93%b3-%ea%93%99%ea%93%b3/feed/ 0 9169 ꓢ‐ꓓꓴ‐ꓗꓷ ꓐꓴ ꓡꓰ ꓬꓰ‐ꓢꓴ ꓔꓯ ꓢꓯ. ꓬꓲꓼ ꓡ ꓟ ꓚꓱ, ꓔꓯ ꓠ ꓠꓬꓲˍ ꓟ (reflection) https://rvalisukachin.org/2026/06/03/%ea%93%a2%e2%80%90%ea%93%93%ea%93%b4%e2%80%90%ea%93%97%ea%93%b7-%ea%93%90%ea%93%b4-%ea%93%a1%ea%93%b0-%ea%93%ac%ea%93%b0%e2%80%90%ea%93%a2%ea%93%b4-%ea%93%94%ea%93%af-%ea%93%a2%ea%93%af-%ea%93%ac/?utm_source=rss&utm_medium=rss&utm_campaign=%25ea%2593%25a2%25e2%2580%2590%25ea%2593%2593%25ea%2593%25b4%25e2%2580%2590%25ea%2593%2597%25ea%2593%25b7-%25ea%2593%2590%25ea%2593%25b4-%25ea%2593%25a1%25ea%2593%25b0-%25ea%2593%25ac%25ea%2593%25b0%25e2%2580%2590%25ea%2593%25a2%25ea%2593%25b4-%25ea%2593%2594%25ea%2593%25af-%25ea%2593%25a2%25ea%2593%25af-%25ea%2593%25ac https://rvalisukachin.org/2026/06/03/%ea%93%a2%e2%80%90%ea%93%93%ea%93%b4%e2%80%90%ea%93%97%ea%93%b7-%ea%93%90%ea%93%b4-%ea%93%a1%ea%93%b0-%ea%93%ac%ea%93%b0%e2%80%90%ea%93%a2%ea%93%b4-%ea%93%94%ea%93%af-%ea%93%a2%ea%93%af-%ea%93%ac/#respond Wed, 03 Jun 2026 01:45:00 +0000 https://rvalisukachin.org/?p=9269 ꓢ‐ꓓꓴ‐ꓗꓷ ꓐꓴ ꓡꓰ ꓬꓰ‐ꓢꓴ ꓔꓯ ꓢꓯ. ꓬꓲꓼ ꓡ ꓟ ꓚꓱ, ꓔꓯ ꓠ ꓠꓬꓲˍ ꓟ (reflection)ꓠꓬꓲ. ꓠꓬꓲ ꓵꓻ ꓠ, ꓟ ꓢꓲꓽ ꓫꓬ ꓠꓬ ꓟ‐ꓘꓳ ꓕꓳ ꓶ 12ꓽ18‐27 ꓝꓲ. ꓗꓪ ꓛꓲ ꓥ ꓡꓳ꓿ ꓢꓲꓽ ꓫꓬ ꓕꓳ ꓶ ꓗꓪ ꓟꓲ ꓠꓯ ꓧꓪꓽ ꓖꓳ ꓓꓱ ꓡꓳ ꓬꓰ ꓗ. ꓠꓯ ꓦꓻ ꓝꓮꓲ ꓢꓯ. ꓬꓲꓼ ꓡ ꓟ ꓔꓯ ꓟꓽ ꓙꓵꓻ ꓢꓴ […]

The post ꓢ‐ꓓꓴ‐ꓗꓷ ꓐꓴ ꓡꓰ ꓬꓰ‐ꓢꓴ ꓔꓯ ꓢꓯ. ꓬꓲꓼ ꓡ ꓟ ꓚꓱ, ꓔꓯ ꓠ ꓠꓬꓲˍ ꓟ (reflection) first appeared on Rva Lisu Kachin.

The post ꓢ‐ꓓꓴ‐ꓗꓷ ꓐꓴ ꓡꓰ ꓬꓰ‐ꓢꓴ ꓔꓯ ꓢꓯ. ꓬꓲꓼ ꓡ ꓟ ꓚꓱ, ꓔꓯ ꓠ ꓠꓬꓲˍ ꓟ (reflection) appeared first on Rva Lisu Kachin.

]]> ꓢ‐ꓓꓴ‐ꓗꓷ ꓐꓴ ꓡꓰ ꓬꓰ‐ꓢꓴ ꓔꓯ ꓢꓯ. ꓬꓲꓼ ꓡ ꓟ ꓚꓱ, ꓔꓯ ꓠ ꓠꓬꓲˍ ꓟ (reflection)
ꓠꓬꓲ. ꓠꓬꓲ ꓵꓻ ꓠ, ꓟ ꓢꓲꓽ ꓫꓬ ꓠꓬ ꓟ‐ꓘꓳ ꓕꓳ ꓶ 12ꓽ18‐27 ꓝꓲ. ꓗꓪ ꓛꓲ ꓥ ꓡꓳ꓿ ꓢꓲꓽ ꓫꓬ ꓕꓳ ꓶ ꓗꓪ ꓟꓲ ꓠꓯ ꓧꓪꓽ ꓖꓳ ꓓꓱ ꓡꓳ ꓬꓰ ꓗ. ꓠꓯ ꓦꓻ ꓝꓮꓲ ꓢꓯ. ꓬꓲꓼ ꓡ ꓟ ꓔꓯ ꓟꓽ ꓙꓵꓻ ꓢꓴ ꓐꓴ ꓢ‐ꓓꓴ‐ꓗꓷ ꓐꓴ ꓠꓬ ꓢꓲꓺ ꓒ ꓬꓰ‐ꓢꓴ ꓔꓯ ꓫꓵꓻ ꓡꓰ ꓟ ꓤ ꓑ ꓤ (7) ꓣꓳ ꓐꓰ ꓤ ꓠꓱ ꓤ ꓚꓱ, ꓔꓯ ꓐꓯ ꓢꓲ ꓠꓬꓲ ꓢꓲꓺ ꓒ ꓬꓰ‐ꓢꓴ ꓔꓯ ꓢꓯ. ꓬꓲꓼ ꓡ ꓟ ꓚꓱ, ꓔꓯ ꓮ ꓡꓲ ꓟ ꓤ ꓟꓶ ꓒꓬꓱꓼ ꓡ ꓐꓰ ꓠ ꓠꓬꓲ ꓥ ꓡꓳ꓿


ꓟꓴ ꓗꓪ ꓗꓴꓷꓼ ꓠꓬ ꓟꓲ ꓠꓯ ꓗꓴꓷꓼ ꓐꓰ ꓟ. ꓫꓱ ꓡꓯꓽ ꓘꓳ, ꓟ ꓔꓯ ꓢꓲꓺ ꓒ ꓬꓰ‐ꓢꓴ ꓡꓰ ꓟ. ꓖꓶ ꓔ ꓟ ꓥ ꓡꓳ꓿
ꓢ‐ꓓꓴ‐ꓗꓷ ꓐꓴ ꓠꓬ ꓟꓴ ꓗꓪ ꓗꓴꓷꓼ ꓔꓯ ꓟꓲ ꓠꓯ ꓡ ꓞꓳ ꓐꓴ ꓞꓳ ꓚꓱ, ꓥ ꓟ ꓦꓲꓻ ꓢꓲꓽ ꓒ ꓦꓲꓻ ꓢꓲ ꓟ ꓧꓪ ꓚꓱ, ꓗꓪ ꓐꓰ ꓡꓰ ꓔꓯꓺ ꓠ, ꓟ ꓢꓯꓼ ꓕꓵꓼ ꓗꓷ ꓟ ꓥ ꓡꓳ꓿ ꓖꓳ ꓡꓱ ꓥ ꓟꓲ ꓢꓲꓺ ꓒ ꓬꓰ‐ꓢꓴ ꓡꓰ ꓟꓴ ꓗꓪ ꓗꓴꓷꓼ ꓠꓬ ꓟꓲ ꓠꓯ ꓗꓴꓷꓼ ꓔꓯ ꓢꓲ ꓮ ꓘꓶ. ꓛꓲ ꓪꓴꓽ ꓟ ꓢꓲꓽ ꓫꓬ ꓟ ꓚꓱ, ꓔꓯ ꓟ. ꓖꓶ ꓟ ꓥ ꓡꓳ꓿


ꓠꓬꓲ. ꓟ ꓡ ꓞꓳ ꓝꓱ ꓟ ꓠꓬ ꓪꓴ‐ꓢ ꓠꓵꓻ ꓠꓲ, ꓔꓯ ꓟ. ꓖꓶ ꓠ, ꓟ ꓐꓰ ꓟꓲ ꓠꓯ ꓡ ꓞꓳ ꓟꓬ ꓡ ꓠ, ꓟ ꓐꓱ ꓶ ꓥ ꓡꓳ꓿ ꓟꓴ ꓗꓪ ꓗꓴꓷꓼ ꓗꓪ ꓠꓬ ꓪꓴ‐ꓢ ꓒ ꓕꓲ ꓗꓪ ꓔꓬ ꓪ ꓟꓪꓴ ꓠꓬꓲ ꓟꓴ ꓗ ꓪ ꓝꓲ ꓓꓴ ꓐꓴ ꓡꓰ ꓪꓴ‐ꓢ ꓓꓳ ꓟꓴ ꓫꓱ, ꓖꓶ ꓓꓴ ꓡꓰ ꓥ ꓟ ꓪꓴ. ꓠꓬꓲ ꓔꓱ ꓚꓵ ꓟ ꓗ, ꓛꓲ ꓓꓴ ꓔꓯ ꓘꓳ, ꓣꓴ ꓟꓶ ꓟ ꓔꓶ. ꓥ ꓡꓳ꓿


ꓪꓴ‐ꓢ ꓠꓬ ꓫꓵꓻ ꓢꓴ ꓐꓴ ꓪꓴ‐ꓢ ꓟꓽ ꓥ ꓢꓯ. ꓔꓬ ꓢꓴ ꓐꓴ ꓪꓴ‐ꓢ ꓥ ꓔꓯ ꓢꓲꓺ ꓒ ꓬꓰ‐ꓢꓴ ꓡꓰ ꓟ. ꓖꓶ ꓟ
ꓢꓲꓺ ꓒ ꓬꓰ‐ꓢꓴ ꓡꓰ ꓠꓴ ꓪ ꓠꓬ ꓮ ꓘꓶ. ꓛꓲ ꓓꓴ ꓙ ꓥꓳꓽ ꓡꓰꓳ꓿ ꓪꓴ‐ꓢ ꓠꓽ ꓫꓵꓻ ꓢꓴ ꓐꓴ ꓪꓴ‐ꓢ ꓟꓽ ꓥ꓾ ꓢꓯ. ꓔꓬ ꓢꓴ ꓐꓴ ꓪꓴ‐ꓢ ꓥ ꓔꓯ ꓟ. ꓖꓶ ꓡꓳ꓿ ꓝꓲ ꓓꓴ ꓐꓴ ꓙꓵꓻ ꓠꓲ, ꓪꓽ ꓘꓴ ꓘꓶꓽ ꓗꓪ ꓢꓲꓺ ꓒ ꓠꓯ, ꓗꓪ ꓫꓵꓻ ꓡꓰ ꓢꓴ ꓐꓴ ꓮ ꓙꓵꓽ ꓠꓬ ꓟꓶ ꓡꓰ ꓐꓬ ꓡꓰ ꓓꓴ ꓟꓽ ꓙꓳ ꓪꓴ‐ꓢ ꓟꓲ ꓙꓬ ꓗꓪ ꓢꓯ. ꓔꓬ ꓢꓴ ꓥ ꓟ ꓔꓯ ꓐꓯ ꓖꓶ ꓔ ꓡꓳ꓿


ꓪꓴ‐ꓢ ꓠꓬ ꓢꓯ. ꓟꓬ ꓢꓲꓺ ꓒ ꓥ ꓟ ꓪꓴ. ꓠꓬꓲ ꓕꓲ ꓞꓲꓼ ꓕꓲ ꓒ ꓢꓯꓼ ꓟꓬ ꓔꓯ ꓖꓶ ꓐ ꓡ ꓢꓴ ꓪꓴ‐ꓢ ꓥ ꓡꓳ꓿

ꓢꓲꓽ ꓫꓬ ꓕꓳ ꓶ ꓐꓰ ꓪꓴ‐ꓢ ꓢꓷ. ꓡꓲ ꓓꓴ ꓔꓯ ꓥꓳꓽ ꓡꓰ ꓟ ꓕꓲ ꓒꓳ, ꓗꓪ ꓡꓰ ꓢꓷ. ꓢꓴ ꓥ ꓟ ꓚꓱ,
ꓟꓳ‐ꓘ ꓕꓳ 12ꓽ24 ꓝꓲ. ꓗꓪ ꓠꓴ ꓪ ꓠꓬ ꓥꓳꓽ ꓡꓰ ꓟ ꓠꓬ ꓢꓲ ꓫꓬ ꓕꓳ ꓶ ꓐꓰ ꓪꓴ‐ꓢ ꓪꓽ ꓠꓬꓲˍ ꓟ ꓔꓯ ꓟꓽ ꓢꓷ. ꓠꓬꓲ ꓥꓳ꓿ ꓐꓰ ꓐꓯ ꓖꓶ ꓔ ꓟ ꓥ ꓡꓳ꓿


ꓠꓬꓲ. ꓠꓬꓲ ꓣꓳ ꓙꓲ‐ꓢꓴ ꓢꓲꓺ ꓤ ꓐꓴ ꓢꓲꓺ ꓒ ꓬꓰ‐ꓢꓴ ꓡꓰ ꓟ. ꓖꓶ ꓔꓬ ꓟ ꓠꓬ ꓪꓴ‐ꓢ ꓔꓯ ꓣꓳ ꓓꓴ ꓙ ꓚꓱ, ꓗꓪ ꓐꓰ ꓝꓮꓲ ꓣꓳ ꓪꓴꓽ ꓠꓶ ꓗꓪ ꓐꓰ ꓡꓰ ꓪꓴ‐ꓢ ꓔꓯ ꓓꓴ ꓙ ꓢꓪ ꓢꓴ ꓒꓬꓱꓼ ꓔꓬ ꓡ?
ꓪꓴ‐ꓢ ꓪꓽ ꓠꓬꓲ ꓟ ꓠꓬ ꓫꓵꓻ ꓟ ꓔꓯ ꓢꓲ ꓮ ꓘꓶ. ꓛꓲ ꓪꓽ ꓠꓬꓲ ꓟ ꓔꓯ ꓬꓰ ꓐ ꓡ ꓢꓴ ꓪꓴ‐ꓢ ꓥ ꓡꓳ꓿ ꓬꓲ ꓔꓯ ꓮ ꓙꓵꓽ ꓔꓯ ꓢꓲ ꓙꓵꓻ ꓠ, ꓟ ꓣꓳ ꓚꓵ ꓡꓳ꓿


ꓠꓬꓲ. ꓠꓬꓲ ꓣꓳ ꓟꓲ ꓠꓯ ꓗꓪ ꓢꓯ. ꓔꓬ ꓟ ꓙꓵ, ꓕꓯ ꓟꓲ ꓠꓯ ꓗꓪ ꓙꓳ ꓟ ꓔꓯ ꓡꓰ ꓟꓶ ꓢꓲ ꓔꓬ ꓢꓴ ꓒꓬꓱꓼ ꓼꓔꓬ ꓡ? ꓕꓲ ꓞꓲꓼ ꓕꓲ ꓒ ꓢꓯ. ꓟꓬ ꓚꓱ, ꓗꓪ ꓣꓳ ꓧꓪ ꓓꓴ ꓬꓰ ꓡꓯ꓿ ꓪꓴ‐ꓢ ꓠꓵꓻ ꓠꓲ, ꓔꓯ ꓣꓳ ꓠꓲ, ꓟ ꓠꓯ, ꓗꓪ ꓙꓳ ꓔꓬ ꓝꓲ ꓡꓯ꓿ ꓪꓴ‐ꓢ ꓠꓯ, ꓗꓪ ꓡ ꓓꓴ ꓬꓰ ꓡꓯ ꓫ. ꓟꓳ ꓪ꓿

https://youtu.be/r4cF-sqED0s

The post ꓢ‐ꓓꓴ‐ꓗꓷ ꓐꓴ ꓡꓰ ꓬꓰ‐ꓢꓴ ꓔꓯ ꓢꓯ. ꓬꓲꓼ ꓡ ꓟ ꓚꓱ, ꓔꓯ ꓠ ꓠꓬꓲˍ ꓟ (reflection) first appeared on Rva Lisu Kachin.

The post ꓢ‐ꓓꓴ‐ꓗꓷ ꓐꓴ ꓡꓰ ꓬꓰ‐ꓢꓴ ꓔꓯ ꓢꓯ. ꓬꓲꓼ ꓡ ꓟ ꓚꓱ, ꓔꓯ ꓠ ꓠꓬꓲˍ ꓟ (reflection) appeared first on Rva Lisu Kachin.

]]> https://rvalisukachin.org/2026/06/03/%ea%93%a2%e2%80%90%ea%93%93%ea%93%b4%e2%80%90%ea%93%97%ea%93%b7-%ea%93%90%ea%93%b4-%ea%93%a1%ea%93%b0-%ea%93%ac%ea%93%b0%e2%80%90%ea%93%a2%ea%93%b4-%ea%93%94%ea%93%af-%ea%93%a2%ea%93%af-%ea%93%ac/feed/ 0 9269 ꓟꓵꓽ ꓗꓳ ꓓꓵ ꓓꓵ ꓢ‐ꓢꓲ‐ꓠ ꓟꓬꓱꓽ ꓠꓽ ꓦꓬꓼ ꓠꓬꓲ ꓗꓪ ꓠꓲ, ꓡꓱ ꓡꓱ ꓐꓰ ꓬꓰ ꓙ ꓔꓳ, ꓙ ꓠ, ꓟ ꓢꓯꓼ ꓖꓶ_ ꓟ꓾ https://rvalisukachin.org/2026/06/02/%ea%93%9f%ea%93%b5%ea%93%bd-%ea%93%97%ea%93%b3-%ea%93%93%ea%93%b5-%ea%93%93%ea%93%b5-%ea%93%a2%e2%80%90%ea%93%a2%ea%93%b2%e2%80%90%ea%93%a0-%ea%93%9f%ea%93%ac%ea%93%b1%ea%93%bd-%ea%93%a0%ea%93%bd/?utm_source=rss&utm_medium=rss&utm_campaign=%25ea%2593%259f%25ea%2593%25b5%25ea%2593%25bd-%25ea%2593%2597%25ea%2593%25b3-%25ea%2593%2593%25ea%2593%25b5-%25ea%2593%2593%25ea%2593%25b5-%25ea%2593%25a2%25e2%2580%2590%25ea%2593%25a2%25ea%2593%25b2%25e2%2580%2590%25ea%2593%25a0-%25ea%2593%259f%25ea%2593%25ac%25ea%2593%25b1%25ea%2593%25bd-%25ea%2593%25a0%25ea%2593%25bd https://rvalisukachin.org/2026/06/02/%ea%93%9f%ea%93%b5%ea%93%bd-%ea%93%97%ea%93%b3-%ea%93%93%ea%93%b5-%ea%93%93%ea%93%b5-%ea%93%a2%e2%80%90%ea%93%a2%ea%93%b2%e2%80%90%ea%93%a0-%ea%93%9f%ea%93%ac%ea%93%b1%ea%93%bd-%ea%93%a0%ea%93%bd/#respond Tue, 02 Jun 2026 10:12:41 +0000 https://rvalisukachin.org/?p=9345 ꓟꓵꓽ ꓗꓳ ꓓꓵ ꓓꓵ ꓢ‐ꓢꓲ‐ꓠ ꓟꓬꓱꓽ ꓠꓽ ꓦꓬꓼ ꓠꓬꓲ ꓗꓪ ꓠꓲ, ꓡꓱ ꓡꓱ ꓐꓰ ꓬꓰ ꓙ ꓔꓳ, ꓙ ꓠ, ꓟ ꓢꓯꓼ ꓖꓶ_ ꓟ꓾ 2026 ꓘꓳꓼ 10 ꓦ ꓟ 18 ꓠꓬꓲ ꓟꓵꓽ ꓗꓳ. ꓓꓵ ꓓꓵ ꓢ‐ꓢꓲ‐ꓠ ꓟꓬꓱꓽ ꓠꓽ ꓦꓬꓼ ꓠꓬꓲ ꓕꓯ ꓖꓳ ꓟꓶ ꓟ ꓒꓴ ꓠꓬ ꓗ‐ꓕꓳ‐ꓡꓲ ꓢ‐ꓢꓲ‐ꓠ ꓟꓬꓱꓽ ꓜꓴꓻ (Pontifical Society of the Propagation of […]

The post ꓟꓵꓽ ꓗꓳ ꓓꓵ ꓓꓵ ꓢ‐ꓢꓲ‐ꓠ ꓟꓬꓱꓽ ꓠꓽ ꓦꓬꓼ ꓠꓬꓲ ꓗꓪ ꓠꓲ, ꓡꓱ ꓡꓱ ꓐꓰ ꓬꓰ ꓙ ꓔꓳ, ꓙ ꓠ, ꓟ ꓢꓯꓼ ꓖꓶ_ ꓟ꓾ first appeared on Rva Lisu Kachin.

The post ꓟꓵꓽ ꓗꓳ ꓓꓵ ꓓꓵ ꓢ‐ꓢꓲ‐ꓠ ꓟꓬꓱꓽ ꓠꓽ ꓦꓬꓼ ꓠꓬꓲ ꓗꓪ ꓠꓲ, ꓡꓱ ꓡꓱ ꓐꓰ ꓬꓰ ꓙ ꓔꓳ, ꓙ ꓠ, ꓟ ꓢꓯꓼ ꓖꓶ_ ꓟ꓾ appeared first on Rva Lisu Kachin.

]]> ꓟꓵꓽ ꓗꓳ ꓓꓵ ꓓꓵ ꓢ‐ꓢꓲ‐ꓠ ꓟꓬꓱꓽ ꓠꓽ ꓦꓬꓼ ꓠꓬꓲ ꓗꓪ ꓠꓲ, ꓡꓱ ꓡꓱ ꓐꓰ ꓬꓰ ꓙ ꓔꓳ, ꓙ ꓠ, ꓟ ꓢꓯꓼ ꓖꓶ_ ꓟ꓾

2026 ꓘꓳꓼ 10 ꓦ ꓟ 18 ꓠꓬꓲ ꓟꓵꓽ ꓗꓳ. ꓓꓵ ꓓꓵ ꓢ‐ꓢꓲ‐ꓠ ꓟꓬꓱꓽ ꓠꓽ ꓦꓬꓼ ꓠꓬꓲ ꓕꓯ ꓖꓳ ꓟꓶ ꓟ ꓒꓴ ꓠꓬ ꓗ‐ꓕꓳ‐ꓡꓲ ꓢ‐ꓢꓲ‐ꓠ ꓟꓬꓱꓽ ꓜꓴꓻ (Pontifical Society of the Propagation of the Faith) ꓔꓯ ꓪꓴ‐ꓢ ꓶꓼ ꓓꓳꓽ ꓫꓱ, ꓓꓳꓽ ꓢ‐ꓢꓲ‐ꓠ ꓟꓬꓱꓽ ꓬꓲ. ꓪꓴ. ꓐꓯ ꓒꓬꓱꓽ ꓟ ꓬꓲ. ꓔꓶ. ꓗꓪ ꓔꓬ ꓟ ꓢ‐ꓢꓲ‐ꓠ ꓔꓶ. 1130 ꓟꓽ ꓞꓲ ꓔꓯ ꓣꓱ ꓬꓯꓼ ꓟ ꓫꓬ, ꓖꓶ ꓠ, ꓟ ꓐꓰ ꓠꓱ. ꓐꓯꓼ ꓢ‐ꓢꓲ‐ꓠ ꓟꓬꓱꓽ ꓠꓯꓼ ꓗꓪ ꓬꓰ ꓙ ꓔꓳ, ꓙ ꓠ, ꓟ ꓥ ꓡꓳ꓿

ꓕꓱ ꓟ ꓠꓬ ꓣꓳ‐ꓟ ꓗꓪ ꓔꓬ ꓟ ꓕꓳ ꓶ ꓢꓳꓻ ꓙꓳ ꓦꓲꓻ 5 ꓟ ꓠꓯꓼ ꓗꓪ ꓥ ꓟꓲ ꓣꓱꓽ ꓙ ꓖꓶ ꓐ ꓡꓰ ꓢꓲ꓾ ꓣꓳ‐ꓟ ꓗꓪ ꓢꓷ. ꓠꓲ, ꓢꓳ ꓡ ꓟ ꓔꓲꓺ ꓒ ꓒꓬꓱꓼ ꓢꓳ ꓢꓴ ꓐꓴ꓾ ꓔꓲꓺ ꓒ ꓐꓴ ꓔꓲꓺ ꓟ ꓐꓴ ꓐꓱ ꓶ ꓮ ꓕꓯ ꓟꓲ ꓬꓰ ꓙ ꓔꓬ ꓟ ꓥꓳ꓿ ꓕꓱ ꓟ ꓠꓬ ꓢꓷ. ꓠꓲ, ꓢꓳ ꓓꓳ ꓡꓰ ꓥ ꓟꓲ ꓚꓲ. ꓛꓬ ꓔꓬ ꓔꓶ. ꓟꓵꓽ ꓗꓪ ꓛꓲ ꓬꓰ ꓔꓯ ꓥ ꓟꓲ ꓙꓲ ꓖꓴ ꓙꓳ_ ꓟ ꓬꓲ. ꓚꓰ ꓓꓽ ꓟ ꓥ ꓡꓳ꓿

“ꓙꓲ‐ꓢꓴ ꓠꓯꓼ ꓗꓪ ꓕꓲ ꓠꓲ, ꓕꓲ ꓪ꓾ ꓢ‐ꓢꓲ‐ꓠ ꓟꓬꓱꓽ ꓠꓯꓼ ꓗꓪ ꓕꓲ ꓠꓲ, ꓕꓲ ꓪ ꓢꓯꓼ ꓕꓵꓼ ꓓꓴ ꓬꓰ ꓡꓯ꓿” (‘One in Christ, united in mission’)

ꓕꓱ ꓕꓲ ꓘꓳꓼ ꓟꓵꓽ ꓗꓳ ꓓꓵ ꓓꓵ ꓢ‐ꓢꓲ‐ꓠ ꓟꓬꓱꓽ ꓠꓽ ꓦꓬꓼ ꓠꓬꓲ ꓐꓱ ꓶ ꓬꓲ. ꓕꓲ ꓟꓴ ꓠꓬ “ꓙꓲ‐ꓢꓴ ꓠꓯꓼ ꓗꓪ ꓕꓲ ꓠꓲ, ꓕꓲ ꓪ꓾ ꓢ‐ꓢꓲ‐ꓠ ꓟꓬꓱꓽ ꓠꓯꓼ ꓗꓪ ꓕꓲ ꓠꓲ, ꓕꓲ ꓪ ꓢꓯꓼ ꓕꓵꓼ ꓓꓴ ꓬꓰ ꓡꓯ꓿” ꓐꓰ ꓐꓯ_ ꓟ ꓠꓬ ꓟꓵꓽ ꓗꓳ. ꓓꓵ ꓓꓵ ꓠꓯꓼ ꓗꓪ ꓬꓰ ꓟ 100 ꓘꓳꓼ ꓐꓲ ꓚꓵ. ꓟꓶ ꓓꓴ ꓥ ꓢꓲ꓾ ꓙꓲ ꓢꓴ ꓢꓲ ꓤ ꓐꓴ ꓔꓯ ꓬꓰ‐ꓢꓴ ꓙꓲ‐ꓢꓴ ꓗꓪ ꓐꓰ ꓠꓵ ꓠꓲ, ꓢ‐ꓢꓲ‐ꓠ ꓗꓪ ꓐꓰ ꓟꓬ ꓠꓬꓲ ꓬꓲ. ꓠꓯ. ꓟ ꓕꓲ ꓠꓲ, ꓕꓲ ꓪ ꓗꓷ ꓠ, ꓟ ꓘꓴ ꓔ ꓡꓳ꓿

ꓔꓲꓺ ꓒ ꓪ ꓔꓲ ꓡꓰ ꓕꓱ ꓕꓲ ꓘꓳꓼ ꓬꓲ. ꓕꓲ ꓟꓴ ꓠꓬ ꓡ ꓠ, ꓟ ꓘꓳ, ꓗꓪ ꓘꓴ ꓜꓲꓼ ꓞꓳ ꓘꓴꓽ ꓢ‐ꓢꓲ‐ꓠ ꓟꓬꓱꓽ ꓔꓯ ꓝꓮꓲ ꓧꓪ. ꓛꓲ ꓡ ꓠ, ꓟ ꓡꓵ. ꓔꓴ ꓖꓶ ꓟ ꓥ ꓡꓳ꓾ ꓕꓲ ꓠꓲ, ꓕꓲ ꓪ ꓐꓰ ꓬꓰ‐ꓢꓴ ꓙꓲ‐ꓢꓴ ꓔꓯ ꓬꓲ. ꓚꓰꓻ ꓣꓴ_ ꓟ ꓔꓱ, ꓟ ꓢ‐ꓢꓲ‐ꓠ ꓟꓬꓱꓽ ꓔꓯ ꓙꓲ‐ꓢꓴ ꓢꓲ ꓤ ꓐꓴ ꓗꓳ, ꓡꓳ ꓗꓪ ꓟꓬ ꓡ ꓠ, ꓟ ꓢꓯꓼ ꓖꓶ ꓗꓷ ꓟ ꓥꓳ꓿

ꓕꓱ ꓟꓲ ꓠꓯ ꓗꓪ ꓟꓽ ꓪ ꓟꓽ ꓫꓱ, ꓟ꓾ ꓟꓯꓽ ꓢꓰꓼ ꓡꓯꓼ ꓘꓳ ꓓꓴ ꓫ. ꓙꓵ ꓟꓷꓼ ꓙꓵ ꓓꓴ ꓟꓬ ꓡ ꓟ ꓙꓵ, ꓗꓪ ꓔꓲꓺ ꓒ ꓪ ꓔꓲ ꓡꓰ ꓢ‐ꓢꓲ‐ꓠ ꓟꓬꓱꓽ ꓬꓲ. ꓜꓴꓻ ꓓꓽ ꓟ ꓡꓲ. ꓟ ꓠꓬ ꓢꓲ ꓡꓲ, ꓗ, ꓛꓲ ꓟ ꓢꓲ ꓒꓽ ꓥ ꓟ ꓢꓲ ꓒ ꓬꓰ‐ꓢꓴ ꓔꓯ ꓚꓺ ꓒꓬꓱꓽ ꓢꓲ ꓬꓲ. ꓒꓵꓽ ꓐꓯ ꓖꓴ ꓟꓽ ꓓ ꓟ ꓟꓬꓱꓽ ꓔꓯ ꓢꓯꓼ ꓕꓵꓼ ꓬꓰ ꓔꓬ ꓟ ꓥꓳ꓿

ꓛꓴꓽ ꓙꓳ_ ꓟ ꓐꓰ ꓜꓲ ꓜꓲ ꓟꓴ ꓟꓴ ꓬꓰ ꓟ ꓔꓳ, ꓜꓳ ꓡꓰ ꓟ ꓬꓲ. ꓔꓶ. ꓗꓪ ꓔꓬ ꓟ ꓟꓵꓽ ꓗꓳ. ꓓꓵ ꓓꓵ ꓗꓪ ꓐꓰ ꓤ ꓠꓱ ꓐꓴ ꓠꓯꓼ ꓗꓪ ꓙꓵꓻ ꓠꓲ, ꓠꓬꓲ ꓟꓳ ꓓꓴ ꓐꓰ ꓙꓲ‐ꓢꓴ ꓢꓲ ꓤ ꓠꓵꓻ ꓠꓲ, ꓔꓯ ꓡꓳ. ꓧꓳꓽ ꓖꓶ ꓗꓷ ꓟ ꓑꓶ ꓓꓴ ꓫꓱ. ꓖꓶ_ ꓡꓳ꓿

ꓢꓲ ꓫꓬ ꓢꓴ ꓒꓲ‐ꓕꓱ ꓢ‐ꓢꓲ‐ꓠ ꓟꓬꓱꓽ ꓜꓴꓻ (Society of Saint Peter the Apostle)ꓽ ꓢ‐ꓢꓲ‐ꓠ ꓟꓬꓱꓽ ꓬꓲ. ꓔꓶ. ꓫꓵꓼ ꓗꓪ ꓔꓬ ꓟ ꓔꓲꓺ ꓒ ꓒꓬꓱꓼ ꓢꓳꓻ ꓢꓴ ꓐꓴ ꓐꓰ ꓔꓲꓺ ꓟ ꓒꓬꓱꓼ ꓢꓳꓻ ꓢꓴ ꓐꓴ ꓬꓲ ꓪ ꓞꓳ ꓙꓳ ꓚꓱ,꓾ ꓦ ꓐꓱ ꓶ ꓮ. ꓣꓳ ꓟꓬꓱꓽ ꓚꓱ, ꓠꓯꓼ ꓗꓪ ꓬꓰ ꓙ ꓔꓳ, ꓙ ꓟ ꓔꓯ ꓫꓱ. ꓖꓶ_ ꓡꓳ꓿ ꓕꓱ ꓡꓱ ꓬꓰ ꓙ ꓓꓴ ꓟꓽ ꓙꓳ ꓠꓬ ꓬꓲ ꓪ ꓐꓱ ꓶ ꓣꓱ ꓬꓯꓼ ꓟ ꓕꓳ ꓶ ꓢꓳꓻ ꓓꓴ ꓪ ꓟꓶ ꓓꓴ ꓟꓽ ꓥ ꓐꓰ ꓐꓯ ꓔ ꓡꓳ꓿

The post ꓟꓵꓽ ꓗꓳ ꓓꓵ ꓓꓵ ꓢ‐ꓢꓲ‐ꓠ ꓟꓬꓱꓽ ꓠꓽ ꓦꓬꓼ ꓠꓬꓲ ꓗꓪ ꓠꓲ, ꓡꓱ ꓡꓱ ꓐꓰ ꓬꓰ ꓙ ꓔꓳ, ꓙ ꓠ, ꓟ ꓢꓯꓼ ꓖꓶ_ ꓟ꓾ first appeared on Rva Lisu Kachin.

The post ꓟꓵꓽ ꓗꓳ ꓓꓵ ꓓꓵ ꓢ‐ꓢꓲ‐ꓠ ꓟꓬꓱꓽ ꓠꓽ ꓦꓬꓼ ꓠꓬꓲ ꓗꓪ ꓠꓲ, ꓡꓱ ꓡꓱ ꓐꓰ ꓬꓰ ꓙ ꓔꓳ, ꓙ ꓠ, ꓟ ꓢꓯꓼ ꓖꓶ_ ꓟ꓾ appeared first on Rva Lisu Kachin.

]]> https://rvalisukachin.org/2026/06/02/%ea%93%9f%ea%93%b5%ea%93%bd-%ea%93%97%ea%93%b3-%ea%93%93%ea%93%b5-%ea%93%93%ea%93%b5-%ea%93%a2%e2%80%90%ea%93%a2%ea%93%b2%e2%80%90%ea%93%a0-%ea%93%9f%ea%93%ac%ea%93%b1%ea%93%bd-%ea%93%a0%ea%93%bd/feed/ 0 9345 ꓘꓴ ꓜꓲꓼ ꓞꓳ ꓛꓳ ꓫꓱꓽ ꓔꓬ ꓟ ꓖꓼ ꓛꓳ ꓔꓬ ꓟ ꓠꓬ ꓮ ꓡꓰ ꓗꓪ ꓐꓰ ꓮ ꓡꓰ ꓟ ꓔꓯ ꓖꓼ ꓛꓳ ꓔꓬ ꓟ꓾ https://rvalisukachin.org/2026/06/02/%ea%93%98%ea%93%b4-%ea%93%9c%ea%93%b2%ea%93%bc-%ea%93%9e%ea%93%b3-%ea%93%9b%ea%93%b3-%ea%93%ab%ea%93%b1%ea%93%bd-%ea%93%94%ea%93%ac-%ea%93%9f-%ea%93%96%ea%93%bc-%ea%93%9b%ea%93%b3-%ea%93%94%ea%93%ac/?utm_source=rss&utm_medium=rss&utm_campaign=%25ea%2593%2598%25ea%2593%25b4-%25ea%2593%259c%25ea%2593%25b2%25ea%2593%25bc-%25ea%2593%259e%25ea%2593%25b3-%25ea%2593%259b%25ea%2593%25b3-%25ea%2593%25ab%25ea%2593%25b1%25ea%2593%25bd-%25ea%2593%2594%25ea%2593%25ac-%25ea%2593%259f-%25ea%2593%2596%25ea%2593%25bc-%25ea%2593%259b%25ea%2593%25b3-%25ea%2593%2594%25ea%2593%25ac https://rvalisukachin.org/2026/06/02/%ea%93%98%ea%93%b4-%ea%93%9c%ea%93%b2%ea%93%bc-%ea%93%9e%ea%93%b3-%ea%93%9b%ea%93%b3-%ea%93%ab%ea%93%b1%ea%93%bd-%ea%93%94%ea%93%ac-%ea%93%9f-%ea%93%96%ea%93%bc-%ea%93%9b%ea%93%b3-%ea%93%94%ea%93%ac/#respond Tue, 02 Jun 2026 03:55:06 +0000 https://rvalisukachin.org/?p=9340 ꓘꓴ ꓜꓲꓼ ꓞꓳ ꓛꓳ ꓫꓱꓽ ꓔꓬ ꓟ ꓖꓼ ꓛꓳ ꓔꓬ ꓟ ꓠꓬ ꓮ ꓡꓰ ꓗꓪ ꓐꓰ ꓮ ꓡꓰ ꓟ ꓔꓯ ꓖꓼ ꓛꓳ ꓔꓬ ꓟ꓾ ꓠꓬꓲ. ꓠꓬꓲ ꓣꓳ ꓘꓴ ꓜꓲꓼ ꓞꓳ ꓠꓬ ꓢ ꓚꓱ, ꓗꓪ ꓐꓰ ꓛꓳ ꓫꓱꓽ ꓔꓬ ꓟ ꓥ ꓡꓳ꓾ (1) ꓠꓬ ꓪꓴ‐ꓢ ꓐꓯ ꓘꓶꓽ ꓥ ꓟ ꓪꓴ‐ꓢ ꓟ. ꓟꓲꓽ ꓔꓯ ꓖꓼ ꓛꓳ ꓔꓬ […]

The post ꓘꓴ ꓜꓲꓼ ꓞꓳ ꓛꓳ ꓫꓱꓽ ꓔꓬ ꓟ ꓖꓼ ꓛꓳ ꓔꓬ ꓟ ꓠꓬ ꓮ ꓡꓰ ꓗꓪ ꓐꓰ ꓮ ꓡꓰ ꓟ ꓔꓯ ꓖꓼ ꓛꓳ ꓔꓬ ꓟ꓾ first appeared on Rva Lisu Kachin.

The post ꓘꓴ ꓜꓲꓼ ꓞꓳ ꓛꓳ ꓫꓱꓽ ꓔꓬ ꓟ ꓖꓼ ꓛꓳ ꓔꓬ ꓟ ꓠꓬ ꓮ ꓡꓰ ꓗꓪ ꓐꓰ ꓮ ꓡꓰ ꓟ ꓔꓯ ꓖꓼ ꓛꓳ ꓔꓬ ꓟ꓾ appeared first on Rva Lisu Kachin.

]]> ꓘꓴ ꓜꓲꓼ ꓞꓳ ꓛꓳ ꓫꓱꓽ ꓔꓬ ꓟ ꓖꓼ ꓛꓳ ꓔꓬ ꓟ ꓠꓬ ꓮ ꓡꓰ ꓗꓪ ꓐꓰ ꓮ ꓡꓰ ꓟ ꓔꓯ ꓖꓼ ꓛꓳ ꓔꓬ ꓟ꓾

ꓠꓬꓲ. ꓠꓬꓲ ꓣꓳ ꓘꓴ ꓜꓲꓼ ꓞꓳ ꓠꓬ ꓢ ꓚꓱ, ꓗꓪ ꓐꓰ ꓛꓳ ꓫꓱꓽ ꓔꓬ ꓟ ꓥ ꓡꓳ꓾ (1) ꓠꓬ ꓪꓴ‐ꓢ ꓐꓯ ꓘꓶꓽ ꓥ ꓟ ꓪꓴ‐ꓢ ꓟ. ꓟꓲꓽ ꓔꓯ ꓖꓼ ꓛꓳ ꓔꓬ ꓟ ꓥ ꓡꓳ꓾ ꓐꓲꓐꓡꓰ ꓐꓰ ꓥ ꓡꓳ꓿ ꓪꓴ‐ꓢ ꓐꓯ ꓘꓶꓽ ꓟ. ꓟꓲꓽ ꓗꓪ ꓐꓰ ꓪꓴ‐ꓢ ꓡꓰ ꓐꓯ ꓖꓶ ꓔ ꓟ ꓔꓯ ꓛꓳ ꓔꓬ ꓟ ꓥ ꓡꓳ꓿ (2) ꓟꓮꓖꓲꓢꓔꓰꓣꓲꓴꓟ ꓐꓰ ꓐꓯ ꓡꓳ꓾ ꓘꓴ ꓜꓲꓼ ꓞꓳ ꓗꓪ ꓐꓰ ꓟ. ꓖꓶ_ ꓟ ꓟ. ꓖꓶ ꓚꓱ, ꓔꓯ ꓖꓼ ꓛꓳ_ ꓟ ꓥ ꓡꓳ꓿ (3) ꓠꓬ ꓚꓧꓴꓣꓚꓧ ꓔꓣꓮꓓꓲꓔꓲꓳꓠ ꓐꓰ ꓐꓯ ꓡꓳ꓿ ꓘꓴ ꓜꓲꓼ ꓞꓳ ꓗꓪ ꓐꓰ ꓕꓲ ꓤꓶꓻ ꓡꓲ ꓕꓲ ꓤꓶꓻ ꓝ. ꓩꓴ ꓡ ꓟ ꓘꓴ ꓜꓲꓼ ꓞꓳ ꓡꓲꓽ ꓒꓰꓼ ꓥ ꓡꓳ꓿ ꓠꓬꓲ. ꓠꓬꓲ ꓣꓳ ꓘꓴ ꓜꓲꓼ ꓞꓳ ꓗꓪ ꓠꓬ ꓟ. ꓟꓲꓽ ꓕꓲ ꓒꓳ, ꓗꓪ ꓐꓰ ꓡꓰ ꓟꓽ ꓥ꓾ ꓘꓴ ꓜꓲꓼ ꓞꓳ ꓟ. ꓖꓶ_ ꓟ ꓚꓱ, (ꓥ ꓠꓬ) ꓘꓴ ꓜꓲꓼ ꓞꓳ ꓡꓲꓽ ꓒꓰꓼ ꓗꓪ ꓐꓰ ꓟ. ꓖꓶ ꓡ ꓟ ꓚꓱ, ꓐꓰ ꓐꓯ ꓢꓲ ꓢ ꓚꓱ, ꓗꓪ ꓐꓰ ꓣꓳ ꓘꓴ ꓜꓲꓼ ꓞꓳ ꓠꓬ ꓕꓱ ꓢ ꓚꓱ, ꓐꓰ ꓖꓼ ꓛꓳ ꓔꓬ ꓟ ꓥ ꓡꓳ꓿

ꓕꓲ ꓐꓱ ꓠꓬ ꓕꓱ ꓡꓱ ꓐꓯ ꓥꓳ꓾ ꓪꓴ‐ꓢ ꓐꓯ ꓘꓶꓽ ꓠꓬ ꓟꓽ ꓐꓲ ꓜꓲꓼ ꓡ꓾ ꓟ. ꓟꓲꓽ ꓠꓬ ꓟꓽ ꓐꓲ ꓜꓲꓼ ꓡ ꓕꓱ ꓡꓱ ꓠ ꓠꓬꓲ_ ꓥꓳ ꓐꓯ ꓠꓬ ꓪꓴ‐ꓢ ꓐꓯ ꓘꓶꓽ ꓠꓬ ꓐꓲ ꓜꓲꓼ_ ꓟ ꓥ ꓡꓳ꓿ ꓖꓳ ꓡꓱ ꓥ ꓟꓲ ꓕꓱ ꓟ. ꓟꓲꓽ ꓑꓶ ꓠꓬ ꓪꓴ‐ꓢ ꓐꓯ ꓘꓶꓽ ꓔꓯ ꓮ ꓙꓵ ꓐꓳ ꓧꓳꓽ ꓡ ꓟ ꓟꓽ ꓥ꓾ ꓢꓲ ꓒ ꓬꓰ‐ꓢꓴ ꓚꓲ ꓛꓬ ꓡꓰ ꓕꓱ ꓡꓱ ꓐꓯ ꓔ ꓡꓳ꓿ ꓟ. ꓟꓲꓽ ꓑꓶ ꓗꓪ ꓐꓰ ꓕꓱ ꓡꓱ ꓐꓯ ꓔ ꓟ ꓙꓳ_ ꓡꓳ꓿ ꓪꓴ‐ꓢ ꓐꓯ ꓘꓶꓽ ꓠꓬ ꓑꓳ. ꓥꓳ ꓐꓯ ꓠꓬ ꓟꓲ ꓠꓯ ꓕꓱ ꓢꓲ ꓗꓪ ꓑꓳ. ꓟ ꓡꓰ ꓑꓳ. ꓖꓴ ꓟꓽ ꓓ꓾ ꓖꓳ ꓟ ꓑꓶ ꓓꓴ ꓟ. ꓟꓲꓽ ꓗꓪ ꓟꓽ ꓓꓵ_ ꓟ ꓠꓱ. ꓐꓯꓼ ꓪꓴ‐ꓢ ꓐꓯ ꓘꓶꓽ ꓟꓲ ꓮ ꓟꓬ, ꓙꓳ_ ꓡꓳ꓾ ꓕꓱ ꓟ ꓔꓯ ꓠꓬ ꓘꓴ ꓜꓲꓼ ꓞꓳ ꓡꓲꓽ ꓒꓰꓼ ꓗꓪ ꓐꓰ ꓢꓲ ꓒ ꓬꓰ‐ꓢꓴ ꓟꓷꓼ ꓠꓷ, ꓗꓪ ꓐꓰ ꓕꓲ ꓝ. ꓐꓰ ꓕꓲ ꓝ. ꓕꓲ ꓤꓶꓻ ꓡꓲ ꓕꓲ ꓤꓶꓻ ꓕꓱ ꓡꓱ ꓐꓰ ꓣꓳ ꓔꓯ ꓝ. ꓩꓴ ꓡ ꓟ ꓟ. ꓖꓶ ꓚꓱ, ꓙꓳ_ ꓡꓳ꓿

ꓖꓳ ꓟ ꓑꓶ ꓓꓴ ꓠꓬꓲ. ꓠꓬꓲ ꓣꓳ ꓘꓴ ꓜꓲꓼ ꓞꓳ ꓠꓬ ꓟ. ꓟꓲꓽ ꓕꓳ ꓶ ꓑꓶ ꓗꓪ ꓐꓰ ꓡꓰ ꓟꓽ ꓥ꓾ ꓘꓴ ꓜꓲꓼ ꓞꓳ ꓟ. ꓖꓶ ꓚꓱ, (ꓥ ꓠꓬ) ꓘꓴ ꓜꓲꓼ ꓞꓳ ꓡꓲꓽ ꓒꓰꓼ ꓪꓴ‐ꓢ ꓡꓰ ꓘꓴ ꓜꓲꓼ ꓞꓳ ꓗꓪ ꓐꓰ ꓕꓲ ꓝ. ꓐꓰ ꓕꓲ ꓝ. ꓟ. ꓖꓶ ꓡ ꓟ ꓬꓲ. ꓚꓱ, ꓔꓯ ꓛꓳ ꓫꓱꓽ ꓔꓬ ꓟ ꓥ ꓡꓳ꓿

The post ꓘꓴ ꓜꓲꓼ ꓞꓳ ꓛꓳ ꓫꓱꓽ ꓔꓬ ꓟ ꓖꓼ ꓛꓳ ꓔꓬ ꓟ ꓠꓬ ꓮ ꓡꓰ ꓗꓪ ꓐꓰ ꓮ ꓡꓰ ꓟ ꓔꓯ ꓖꓼ ꓛꓳ ꓔꓬ ꓟ꓾ first appeared on Rva Lisu Kachin.

The post ꓘꓴ ꓜꓲꓼ ꓞꓳ ꓛꓳ ꓫꓱꓽ ꓔꓬ ꓟ ꓖꓼ ꓛꓳ ꓔꓬ ꓟ ꓠꓬ ꓮ ꓡꓰ ꓗꓪ ꓐꓰ ꓮ ꓡꓰ ꓟ ꓔꓯ ꓖꓼ ꓛꓳ ꓔꓬ ꓟ꓾ appeared first on Rva Lisu Kachin.

]]> https://rvalisukachin.org/2026/06/02/%ea%93%98%ea%93%b4-%ea%93%9c%ea%93%b2%ea%93%bc-%ea%93%9e%ea%93%b3-%ea%93%9b%ea%93%b3-%ea%93%ab%ea%93%b1%ea%93%bd-%ea%93%94%ea%93%ac-%ea%93%9f-%ea%93%96%ea%93%bc-%ea%93%9b%ea%93%b3-%ea%93%94%ea%93%ac/feed/ 0 9340 ꓪꓴ‐ꓢ ꓔꓯ ꓟ ꓪꓴ‐ꓢ ꓔꓯ ꓖꓶ꓾ https://rvalisukachin.org/2026/06/02/%ea%93%aa%ea%93%b4%e2%80%90%ea%93%a2-%ea%93%94%ea%93%af-%ea%93%9f-%ea%93%aa%ea%93%b4%e2%80%90%ea%93%a2-%ea%93%94%ea%93%af-%ea%93%96%ea%93%b6%ea%93%be/?utm_source=rss&utm_medium=rss&utm_campaign=%25ea%2593%25aa%25ea%2593%25b4%25e2%2580%2590%25ea%2593%25a2-%25ea%2593%2594%25ea%2593%25af-%25ea%2593%259f-%25ea%2593%25aa%25ea%2593%25b4%25e2%2580%2590%25ea%2593%25a2-%25ea%2593%2594%25ea%2593%25af-%25ea%2593%2596%25ea%2593%25b6%25ea%2593%25be https://rvalisukachin.org/2026/06/02/%ea%93%aa%ea%93%b4%e2%80%90%ea%93%a2-%ea%93%94%ea%93%af-%ea%93%9f-%ea%93%aa%ea%93%b4%e2%80%90%ea%93%a2-%ea%93%94%ea%93%af-%ea%93%96%ea%93%b6%ea%93%be/#respond Tue, 02 Jun 2026 01:00:00 +0000 https://rvalisukachin.org/?p=9187 ꓟ‐ꓘꓳ ꓕꓳꓽ ꓶ꓿ 12ꓽ13‐17 ꓖꓳ ꓗꓸ ꓠꓯꓸ ꓬꓰ-ꓢꓴ ꓔꓯ ꓬꓲ ꓚꓲꓸ ꓛꓬ ꓐꓯ ꓘꓶꓽ ꓗꓪ ꓐꓰ ꓠꓸ ꓟꓶ ꓡꓰ ꓝꓲ ꓠꓹ ꓟ꓾ ꓬꓲ ꓪꓽ ꓡꓰ ꓒ-ꓡꓲ-ꓢꓷ ꓐꓴˍ ꓐꓰ ꓩꓴ-ꓡꓲ ꓕꓲ ꓧꓳꓽ ꓟ ꓡꓽ ꓞꓳ ꓔꓯ ꓬꓲ ꓔꓬ ꓗꓪ ꓝꓲ ꓩꓴ ꓗꓷˍ ꓡꓳ꓿ ꓬꓲ ꓪꓽ ꓛꓲ ꓡ ꓠꓬ ꓬꓲ ꓔꓯ꓾ ꓟꓸ ꓒꓽꓳ꓾ ꓠꓴ ꓠꓽ ꓞꓳ ꓔꓱꓹ […]

The post ꓪꓴ‐ꓢ ꓔꓯ ꓟ ꓪꓴ‐ꓢ ꓔꓯ ꓖꓶ꓾ first appeared on Rva Lisu Kachin.

The post ꓪꓴ‐ꓢ ꓔꓯ ꓟ ꓪꓴ‐ꓢ ꓔꓯ ꓖꓶ꓾ appeared first on Rva Lisu Kachin.

]]>

ꓟ‐ꓘꓳ ꓕꓳꓽ ꓶ꓿ 12ꓽ13‐17

ꓖꓳ ꓗꓸ ꓠꓯꓸ ꓬꓰ-ꓢꓴ ꓔꓯ ꓬꓲ ꓚꓲꓸ ꓛꓬ ꓐꓯ ꓘꓶꓽ ꓗꓪ ꓐꓰ ꓠꓸ ꓟꓶ ꓡꓰ ꓝꓲ ꓠꓹ ꓟ꓾ ꓬꓲ ꓪꓽ ꓡꓰ ꓒ-ꓡꓲ-ꓢꓷ ꓐꓴˍ ꓐꓰ ꓩꓴ-ꓡꓲ ꓕꓲ ꓧꓳꓽ ꓟ ꓡꓽ ꓞꓳ ꓔꓯ ꓬꓲ ꓔꓬ ꓗꓪ ꓝꓲ ꓩꓴ ꓗꓷˍ ꓡꓳ꓿ ꓬꓲ ꓪꓽ ꓛꓲ ꓡ ꓠꓬ ꓬꓲ ꓔꓯ꓾ ꓟꓸ ꓒꓽꓳ꓾ ꓠꓴ ꓠꓽ ꓞꓳ ꓔꓱꓹ ꓥ ꓟ ꓐꓰ꓾ ꓮꓽ ꓟ ꓔꓯˍ ꓟꓲ ꓞꓳ ꓒꓬꓱꓽ ꓟꓽ ꓢꓲ ꓢꓲ꓾ ꓔꓱꓹ ꓔꓱꓹꓼ ꓐꓰ ꓪꓴ-ꓢ ꓙ ꓖꓴ ꓟꓸ ꓖꓶˍ ꓟ ꓥꓪ ꓠꓴꓽ ꓢꓷꓸˍ ꓡꓳ꓿ ꓢꓲ-ꓢ ꓔꓯ ꓝꓲꓸ ꓒꓴ ꓓꓳ ꓓ ꓡ?꓾ ꓟꓽ ꓓ ꓡ? ꓥꓪ ꓠꓴꓽ ꓝꓲꓸ ꓒꓴ ꓓꓳ ꓠꓯꓹ ꓡ?꓾ ꓕꓽ ꓓꓳ ꓠꓯꓹ ꓡ?꓾ ꓐꓰ ꓠ ꓠꓬꓲˍ ꓡꓳ꓿

ꓬꓲ ꓠꓽ ꓬꓲ ꓪꓽ ꓠꓲꓹ ꓟ ꓠꓬꓲꓽ ꓔꓱꓹ ꓣꓱꓽˍ ꓟ ꓢꓷꓸˍ ꓠꓬꓲ꓾ ꓠꓴ ꓪꓽ ꓮꓸ ꓫꓵ ꓪꓴꓸ ꓠꓬꓲ ꓥꓪ ꓔꓯ ꓫꓵꓽ ꓠꓬꓲˍ ꓡ? ꓓꓲ-ꓠ-ꓣꓲ ꓕꓲ ꓒꓯꓼ ꓥꓪ ꓔꓯ ꓔꓯꓹ ꓖꓶ ꓡꓯ꓾ ꓐꓯˍ ꓡꓳ꓿ ꓬꓲ ꓪꓽ ꓡꓰ ꓬꓲ ꓔꓯ ꓓꓲ-ꓠ-ꓣꓲ ꓕꓲ ꓒꓯꓼ ꓔꓯꓹ ꓖꓶ ꓡ ꓠꓬ ꓬꓲ ꓡꓰ ꓬꓲ ꓪꓽ ꓔꓯ꓾ ꓞꓳ ꓐꓬꓱꓽˍ ꓐꓰ ꓕꓳ ꓶ ꓝꓳꓹ ꓕꓱ ꓟ ꓮꓽ ꓟ ꓔꓯꓸ ꓟ ꓥ ꓡ?꓾ ꓐꓰ ꓠ ꓠꓬꓲˍ ꓡꓳ꓿ ꓬꓲ ꓪꓽ ꓡꓰ꓾ ꓢꓲ-ꓢ ꓔꓯꓸ ꓟ ꓥꓳ꓾ ꓐꓰ ꓒꓳꓹ ꓖꓶˍ ꓡꓳ꓿ꓖꓳ ꓕꓯ ꓬꓰ-ꓢꓴ ꓡꓰ ꓬꓲ ꓪꓽ ꓔꓯ꓾ ꓢꓲ-ꓢ ꓔꓯ ꓟ ꓢꓲ-ꓢ ꓔꓯ ꓖꓶ꓾ ꓪꓴ-ꓢ ꓔꓯ ꓟ ꓪꓴ-ꓢ ꓔꓯ ꓖꓶ꓾ ꓐꓯ ꓖꓶˍ ꓡꓳ꓿ ꓖꓳ ꓡꓱ ꓠꓬ ꓬꓲ ꓪꓽ ꓠꓽ ꓬꓲ ꓔꓯ ꓮꓽ ꓘꓶꓸ ꓓꓵꓽ ꓙ ꓟꓶꓻ ꓡꓰꓳ꓿

ꓢꓲ ꓒ ꓠꓯꓸꓼ ꓗꓪ ꓮ ꓙꓵꓽ ꓔꓯ ꓧꓪ. ꓧꓪꓸꓼ꓾ ꓕꓲ ꓖ ꓕꓲ ꓧꓪ, ꓗꓪ ꓣꓳ ꓠꓬ ꓮ ꓡꓲ ꓕꓲ ꓛꓱꓽ ꓔꓯ ꓢꓲ ꓠꓯ, ꓡ꓾ ꓮ ꓡꓲ ꓕꓲ ꓛꓱꓽ ꓔꓯˍ ꓠꓬ ꓟꓽ ꓢꓲꓺ ꓠ ꓗ. ꓡ ꓐꓰ ꓓꓵꓽ ꓙꓽ ꓟꓬꓽˍ ꓟ ꓬꓲ ꓙꓵ, ꓔꓳ, ꓜꓳꓽ ꓠꓬꓲˍ ꓡ꓿ ꓮ ꓡꓲ ꓒꓳ, ꓖꓶ ꓠꓯ, ꓡ꓾ ꓥꓪ ꓕꓱ ꓡꓱ ꓒꓳ, ꓖꓶ ꓗꓷ ꓕꓯ ꓠꓽ ꓛꓳ. ꓡꓰˍ ꓥ ꓟꓽ ꓢꓷ.꓾ ꓐꓰ ꓓꓵꓽ ꓙꓽ ꓪꓴꓽ ꓧꓶ ꓪˍ ꓟ ꓬꓲ ꓙꓵ, ꓥˍ ꓟꓲ ꓣꓳ ꓔꓳ, ꓜꓳꓽ ꓠꓬꓲˍ ꓥꓳ꓿

ꓕꓱ ꓡꓱ ꓫꓵꓽ ꓫꓵꓽ ꓪꓴ ꓔꓯ ꓢꓲ ꓒ ꓬꓰ‐ꓢꓴ ꓥˍ ꓟꓲ ꓔꓳ, ꓜꓳꓽ ꓠꓬꓲ ꓗꓷꓳ꓿

ꓡ ꓞꓳ ꓕꓲ ꓧꓳꓽ ꓠꓬ ꓬꓲ ꓔꓯ ꓫꓵꓽ ꓠꓬꓲ ꓠ, ꓟ ꓐꓱ ꓶ꓾ ꓢꓲ‐ꓢ ꓔꓯ ꓝꓲ. ꓒꓴ ꓖꓶ ꓠꓯ, ꓡ꓾ ꓟꓽ ꓖꓶ ꓠꓯ, ꓡ꓾ ꓐꓰ ꓠ ꓠꓬꓲˍ ꓡꓳ꓿

ꓝꓲ. ꓒꓴ ꓖꓶ ꓠ ꓗ, ꓡꓳ ꓐꓯ ꓗꓷ  ꓠꓬ ꓕꓲ ꓐꓱ ꓠꓽ ꓟꓽ ꓧꓳ, ꓗꓷ ꓡꓰ ꓐ ꓡˍ ꓡꓳ꓾ ꓕꓽ ꓖꓶ ꓖꓶ ꓟꓽ ꓛꓵ ꓐꓰ ꓐꓯ ꓗꓷ ꓕꓯ ꓠꓽ ꓢꓲ‐ꓢ ꓙꓵꓽ ꓗ ꓔꓯ ꓟꓽ ꓛꓳ ꓒꓵꓽ ꓟ ꓡꓰ ꓗꓷ ꓡꓰˍ ꓥꓳ꓾ ꓕꓱ ꓟ ꓠꓬ ꓬꓲ ꓔꓯ ꓠ. ꓡˍ ꓟ ꓬꓲ ꓪ ꓕꓲ ꓟ ꓥ ꓡꓳ꓿

ꓖꓳ ꓡꓱ ꓐꓯ ꓥ ꓟꓲ ꓬꓰ‐ꓢꓴ ꓠꓬ ꓢꓷ. ꓠꓲ, ꓙꓳ ꓙꓳˍ ꓡꓰꓽ ꓒꓳ, ꓖꓶˍ ꓡꓳ꓿ ꓢꓲ‐ꓢ ꓔꓯ ꓟ ꓢꓲ‐ꓢ ꓔꓯ ꓖꓶ꓾ ꓪꓴ‐ꓢ ꓔꓯˍ ꓟ ꓪꓴ‐ꓢ ꓔꓯ ꓖꓶ꓾ ꓐꓰ ꓒꓳ, ꓖꓶˍ ꓡꓳ꓿

ꓐꓯ ꓘꓶ ꓕꓱ ꓟ ꓗꓪ ꓐꓰ ꓣꓳ ꓔꓯ ꓟ. ꓖꓶ ꓡ ꓔꓬ ꓟ ꓬꓲ ꓪꓴ. ꓕꓲ ꓫꓵꓽ ꓠꓬꓲ꓾ ꓮ ꓡꓲ ꓕꓲ ꓟ ꓔꓯ ꓥˍ ꓟꓲ ꓬꓲ ꓖ ꓬꓲ ꓗꓶ ꓔ ꓐꓯˍ ꓟ ꓥ ꓡꓳ꓿ ꓟꓲ ꓠꓯ ꓕꓱ ꓟ ꓗꓪ ꓣꓳ ꓬꓰ ꓠ ꓗ, ꓟ ꓮ ꓟꓬ, ꓙꓳˍ ꓡꓳ꓾ ꓶꓻ ꓮ ꓟꓬ, ꓙꓳˍ ꓡꓳ꓿ ꓒꓴ ꓟꓶˍ ꓟ ꓟꓬꓱꓽ꓾ ꓕꓲ ꓦꓲ ꓡ ꓞꓳ꓾ ꓠꓱ. ꓐꓯ ꓢꓴ ꓐꓰ ꓙ ꓡꓯ ꓘꓳˍ ꓟ꓾ ꓕꓱ ꓡꓱ ꓫꓵꓽ ꓚꓱ, ꓗꓪ ꓣꓳ ꓠꓬ ꓦ ꓡꓱ ꓐꓳ ꓐꓳ ꓡꓰꓽ ꓬꓰ ꓠ, ꓟ ꓥ ꓡꓳ꓿ ꓣꓳ ꓠꓬ ꓣꓳ ꓟꓬꓱꓽ꓾ ꓣꓳ ꓦꓲ ꓘꓴꓽ꓾ ꓝꓮꓲ ꓠꓶꓽ ꓛꓳꓽ ꓕꓲ ꓛꓳꓽ ꓕꓯꓽ ꓢꓲ ꓗꓪ ꓦ ꓡꓱ ꓐꓳ ꓐꓳ ꓡꓰꓽ ꓬꓰˍ ꓟ ꓡꓰ ꓐꓰ ꓣꓳ ꓠꓲ, ꓟ ꓠꓬ ꓪꓴ‐ꓢ ꓔꓯ ꓟ ꓥ ꓟ ꓑꓶ. ꓓꓴ꓾ ꓪꓴ‐ꓢ ꓔꓯ ꓖꓶ ꓔ ꓠ ꓗ, ꓡꓳ꓿

ꓝꓮꓲ ꓠꓬꓲꓽ ꓙꓰꓽ ꓕꓲ ꓙꓰꓽ ꓟ ꓠꓬ ꓮꓽ ꓟ ꓔꓯ ꓬꓲ ꓪꓴ. ꓗꓶ ꓔ ꓡ ꓐꓯˍ ꓟ ꓢꓷ. ꓠ ꓗ, ꓡꓳ꓿ ꓕꓲ ꓖ ꓕꓲ ꓧꓪ, ꓗꓪ ꓒꓴ ꓫꓵ꓾ ꓟꓬꓱꓽ꓾ ꓞꓳ ꓤ ꓐꓴ ꓔꓯ ꓪ ꓜꓲ ꓬꓲ ꓙꓵ, ꓖꓶ ꓢꓲ ꓪꓴ‐ꓢ ꓔꓯ ꓡꓳ, ꓬꓰˍ ꓟ ꓗꓪ ꓬꓲ ꓟꓶꓽ ꓗꓪ ꓗꓶ ꓔ ꓗꓴ.ˍ ꓡꓳ꓿ ꓢꓲꓽ ꓫꓬ ꓕꓳꓽ ꓶ ꓗꓪ ꓐꓰ ꓣꓳ ꓔꓯ ꓐꓯ ꓖꓶ ꓡ ꓔꓬ ꓟ ꓠꓬ꓾ ꓪꓴ‐ꓢ ꓔꓯ ꓠ‐ꓐ ꓕꓲꓽ ꓗꓪ ꓗꓶ ꓔ꓾ ꓐꓰ ꓐꓯ ꓖꓶ ꓡ ꓔꓬ ꓡꓳ꓿

ꓝꓮꓲ ꓢ ꓙꓰꓽ ꓕꓲ ꓙꓰꓽ ꓟ ꓠꓬ꓾ ꓮ ꓫꓵꓽ ꓗꓪ ꓥˍ ꓟꓲ ꓢꓷ. ꓠꓲ, ꓙꓳ ꓙꓳ ꓡꓰꓽ ꓒꓳ, ꓖꓶ꓾ ꓐꓯˍ ꓟ ꓥ ꓡꓳ꓿ ꓢꓲ ꓒ ꓬꓰ‐ꓢꓴ ꓠꓬ ꓠꓲ, ꓟ ꓘꓶ ꓡꓶ ꓓꓴ ꓟꓽ ꓙꓳ ꓙꓳ ꓢꓲ ꓡꓲ ꓡꓲ ꓡꓰꓽ꓾ ꓠꓲ, ꓪꓴꓽ ꓪꓴꓽ ꓡꓰꓽ꓾ ꓬꓲ ꓖ ꓙꓳ ꓙꓳ ꓡꓰꓽ ꓒꓳ, ꓖꓶ ꓗꓷꓳ꓿ ꓣꓳ ꓥˍ ꓟꓲ ꓫ. ꓓꓴ ꓠꓯꓸꓼ ꓗꓪ ꓠꓲ, ꓟ ꓓꓵꓽ ꓙꓽ ꓟꓬꓽˍ ꓟ ꓟꓽ ꓬꓰ ꓬꓰ ꓪꓴ‐ꓢ ꓡꓰ ꓖꓶ ꓔˍ ꓟ ꓢꓷ. ꓠꓲ, ꓡꓰ ꓓꓵꓽ ꓙꓽ ꓞꓷ, ꓗꓴ. ꓠ ꓗ, ꓡꓳ꓿

ꓖꓳ ꓡꓱ ꓠꓬ ꓣꓳ ꓠꓬ ꓟꓲ ꓠꓯ ꓟꓬꓱꓽ ꓗꓪ ꓦ ꓡꓱ ꓐꓳ ꓐꓳˍ ꓡꓰꓽ ꓬꓰ ꓢꓲ꓾ ꓚꓲ. ꓛꓬ ꓠꓲ, ꓟ ꓔꓯ ꓠꓬ ꓪꓴ‐ꓢ ꓔꓯ ꓡꓯ ꓙꓱ ꓐ ꓡ ꓠ, ꓟ꓾ ꓮ ꓡꓲ ꓕꓲ ꓫꓵꓽ ꓗꓪ ꓥˍ ꓟꓲ ꓪꓴ‐ꓢ ꓡꓰ ꓖꓶ ꓔ ꓟ ꓢꓷ. ꓠꓲ, ꓗꓪ ꓐꓰ ꓠꓲ, ꓪꓴꓽ ꓪꓴꓽ ꓡꓰꓽ ꓒꓳ, ꓖꓶ ꓐ ꓡ ꓠ, ꓟ ꓣꓱꓽ ꓬꓰ ꓐ ꓡ ꓠ, ꓟ ꓐꓱ ꓶ ꓣꓱꓽ ꓛꓰꓽ ꓓꓰꓽ ꓓꓴ ꓬꓰ ꓡꓯ꓿

The post ꓪꓴ‐ꓢ ꓔꓯ ꓟ ꓪꓴ‐ꓢ ꓔꓯ ꓖꓶ꓾ first appeared on Rva Lisu Kachin.

The post ꓪꓴ‐ꓢ ꓔꓯ ꓟ ꓪꓴ‐ꓢ ꓔꓯ ꓖꓶ꓾ appeared first on Rva Lisu Kachin.

]]> https://rvalisukachin.org/2026/06/02/%ea%93%aa%ea%93%b4%e2%80%90%ea%93%a2-%ea%93%94%ea%93%af-%ea%93%9f-%ea%93%aa%ea%93%b4%e2%80%90%ea%93%a2-%ea%93%94%ea%93%af-%ea%93%96%ea%93%b6%ea%93%be/feed/ 0 9187 ꓮ ꓘꓶ. ꓛꓲ ꓟꓴ_ ꓟ ꓪꓽ ꓚꓲ ꓰꓦꓰꓣꓰꓢꓔ ꓪ ꓚꓲ ꓔꓯ ꓡꓯꓽ ꓒꓯ, ꓡꓰ ꓣꓱ ꓢꓲ ꓠꓬꓲ ꓓꓯꓻ ꓧꓪ. ꓡꓰ ꓢꓴ ꓚꓱ, ( Rustam Nabiev) https://rvalisukachin.org/2026/06/01/%ea%93%ae-%ea%93%98%ea%93%b6-%ea%93%9b%ea%93%b2-%ea%93%9f%ea%93%b4_-%ea%93%9f-%ea%93%aa%ea%93%bd-%ea%93%9a%ea%93%b2-%ea%93%b0%ea%93%a6%ea%93%b0%ea%93%a3%ea%93%b0%ea%93%a2%ea%93%94-%ea%93%aa-%ea%93%9a/?utm_source=rss&utm_medium=rss&utm_campaign=%25ea%2593%25ae-%25ea%2593%2598%25ea%2593%25b6-%25ea%2593%259b%25ea%2593%25b2-%25ea%2593%259f%25ea%2593%25b4_-%25ea%2593%259f-%25ea%2593%25aa%25ea%2593%25bd-%25ea%2593%259a%25ea%2593%25b2-%25ea%2593%25b0%25ea%2593%25a6%25ea%2593%25b0%25ea%2593%25a3%25ea%2593%25b0%25ea%2593%25a2%25ea%2593%2594-%25ea%2593%25aa-%25ea%2593%259a https://rvalisukachin.org/2026/06/01/%ea%93%ae-%ea%93%98%ea%93%b6-%ea%93%9b%ea%93%b2-%ea%93%9f%ea%93%b4_-%ea%93%9f-%ea%93%aa%ea%93%bd-%ea%93%9a%ea%93%b2-%ea%93%b0%ea%93%a6%ea%93%b0%ea%93%a3%ea%93%b0%ea%93%a2%ea%93%94-%ea%93%aa-%ea%93%9a/#respond Mon, 01 Jun 2026 01:33:00 +0000 https://rvalisukachin.org/?p=9264 ꓮ ꓘꓶ. ꓛꓲ ꓟꓴ_ ꓟ ꓪꓽ ꓚꓲ ꓰꓦꓰꓣꓰꓢꓔ ꓪ ꓚꓲ ꓔꓯ ꓡꓯꓽ ꓒꓯ, ꓡꓰ ꓣꓱ ꓢꓲ ꓠꓬꓲ ꓓꓯ, ꓢꓴ ꓚꓱ, ( Rustam Nabiev)ꓟꓲ ꓠꓯ ꓗꓪ ꓮ ꓘꓶ. ꓛꓲ ꓟꓴ ꓟ ꓪ ꓚꓲ ꓟꓳꓴꓠꓔ ꓰꓦꓰꓣꓰꓢꓔ ꓪꓽ ꓚꓲ ꓔꓯ ꓡꓯꓽ ꓒꓯ, ꓠꓬꓲ ꓐ ꓡꓰ ꓣꓱ ꓢꓲ ꓠꓬꓲ ꓔꓯ ꓐ ꓡ ꓢꓴ ꓐꓰ ꓐꓯ ꓠꓬ ꓠꓴ ꓥꓪ ꓙꓵꓻ […]

The post ꓮ ꓘꓶ. ꓛꓲ ꓟꓴ_ ꓟ ꓪꓽ ꓚꓲ ꓰꓦꓰꓣꓰꓢꓔ ꓪ ꓚꓲ ꓔꓯ ꓡꓯꓽ ꓒꓯ, ꓡꓰ ꓣꓱ ꓢꓲ ꓠꓬꓲ ꓓꓯꓻ ꓧꓪ. ꓡꓰ ꓢꓴ ꓚꓱ, ( Rustam Nabiev) first appeared on Rva Lisu Kachin.

The post ꓮ ꓘꓶ. ꓛꓲ ꓟꓴ_ ꓟ ꓪꓽ ꓚꓲ ꓰꓦꓰꓣꓰꓢꓔ ꓪ ꓚꓲ ꓔꓯ ꓡꓯꓽ ꓒꓯ, ꓡꓰ ꓣꓱ ꓢꓲ ꓠꓬꓲ ꓓꓯꓻ ꓧꓪ. ꓡꓰ ꓢꓴ ꓚꓱ, ( Rustam Nabiev) appeared first on Rva Lisu Kachin.

]]> ꓮ ꓘꓶ. ꓛꓲ ꓟꓴ_ ꓟ ꓪꓽ ꓚꓲ ꓰꓦꓰꓣꓰꓢꓔ ꓪ ꓚꓲ ꓔꓯ ꓡꓯꓽ ꓒꓯ, ꓡꓰ ꓣꓱ ꓢꓲ ꓠꓬꓲ ꓓꓯ, ꓢꓴ ꓚꓱ, ( Rustam Nabiev)
ꓟꓲ ꓠꓯ ꓗꓪ ꓮ ꓘꓶ. ꓛꓲ ꓟꓴ ꓟ ꓪ ꓚꓲ ꓟꓳꓴꓠꓔ ꓰꓦꓰꓣꓰꓢꓔ ꓪꓽ ꓚꓲ ꓔꓯ ꓡꓯꓽ ꓒꓯ, ꓠꓬꓲ ꓐ ꓡꓰ ꓣꓱ ꓢꓲ ꓠꓬꓲ ꓔꓯ ꓐ ꓡ ꓢꓴ ꓐꓰ ꓐꓯ ꓠꓬ ꓠꓴ ꓥꓪ ꓙꓵꓻ ꓡ?
ꓧꓪ. ꓧꓪ ꓠꓬꓲ. ꓠꓬꓲ ꓟꓬꓱꓺ ꓓꓳꓽ ꓙꓳ ꓢꓴ ꓐꓴ ꓚꓺ ꓟꓲꓽ ꓚꓱ, ꓗꓪ ꓐꓰ ꓟꓲ ꓠꓯ ꓗꓪ ꓮ ꓘꓶ. ꓛꓲ ꓟꓴ ꓟ ꓪꓽ ꓚꓲꓻ ꓟꓳꓴꓠꓔ ꓰꓦꓰꓣꓰꓢꓔ ꓪꓽ ꓚꓲ ꓔꓯ ꓡꓯꓽ ꓒꓯ, ꓠꓬꓲ ꓐ ꓡꓰ ꓓꓽ ꓪꓴ. ꓔꓯ, ꓧꓪ. ꓡꓰ ꓢꓴ ꓥ ꓟ (Rustam Nabiev) ꓚꓺ ꓟꓲꓽ ꓔꓯ ꓚꓺ ꓟ. ꓖꓶ ꓓꓴ ꓥ ꓡꓳ꓿
Rustam Nabiev ꓠꓬ ꓞꓲꓼ ꓣꓳ ꓟ ꓙꓵ,
ꓬꓲ ꓠꓬ ꓣ‐ꓫ ꓗꓴꓷꓼ ꓗꓪ ꓔꓬ ꓢꓴ ꓥ ꓢꓲ ꓠꓬꓲ ꓬꓲ ꓞꓲꓼ ꓣꓳ ꓟ ꓙꓵ, ꓕꓯ ꓟꓯ ꓒ ꓕꓲ ꓣꓳ ꓒꓬꓱꓼ ꓡ ꓗꓷꓳ꓿ ꓬꓲ ꓠꓬ ꓡꓳ ꓖꓪ ꓓꓴ ꓔꓯ ꓮ ꓟꓬ, ꓛꓲ ꓠꓲ, ꓟ ꓐ ꓢꓴ ꓕꓲ ꓣꓳ ꓥ ꓡꓳ꓿ ꓝꓮꓲ ꓬꓲ ꓠꓬ ꓟꓯꓼ ꓙ ꓗꓪ ꓥ ꓟꓲ ꓐꓬꓱꓼ ꓦꓲꓻ (ꓮꓲꓣꓐꓳꓣꓠꓰ ꓝꓳꓣꓚꓰꓢ) ꓗꓪ ꓮ ꓘꓶ. ꓓꓽ ꓢꓴ ꓟꓯꓼ ꓒꓽ ꓕꓲ ꓣꓳ ꓒꓬꓱꓼ ꓗꓷꓳ꓿
ꓖꓳ ꓡꓱ ꓥ ꓟꓲ ꓟꓽ ꓓꓴ ꓙ ꓔ ꓟ ꓙꓵ, (2015) ꓘꓳꓼ ꓕꓯ ꓬꓲ ꓕꓲ ꓤꓶꓻ ꓡꓱ ꓔꓯ ꓒꓳ, ꓡꓶ. ꓝꓲ ꓟ ꓔꓯ ꓒꓬꓱꓼ ꓡꓰ ꓟ ꓥ ꓡꓳ꓿ ꓖꓳ ꓟ ꓠꓬ ꓬꓲ ꓪ ꓟꓯꓼ ꓒ ꓐꓴ ꓔꓬ ꓟ ꓡꓲ ꓝ ꓦꓲꓻ ꓠꓬ ꓐꓬ ꓡꓰ ꓢꓲ ꓠꓬꓲ ꓟꓯꓼ ꓒꓯ ꓠꓬꓲꓽ ꓞꓲ ꓣꓳ ꓟꓽ ꓛꓲ ꓫꓵꓻ ꓡꓰ ꓟ ꓥ ꓡꓳ꓿ ꓖꓳ ꓕꓲ ꓙꓵ, ꓗꓪ ꓬꓲ ꓠꓬ ꓦꓲꓻ ꓘꓴꓽ ꓗꓪ (7) ꓙꓵ, ꓐꓲ ꓔꓲ ꓡꓰꓳ꓿
ꓬꓲ ꓙ ꓚꓬꓴ ꓙ ꓢꓴ ꓐꓴ ꓡꓰ ꓬꓲ ꓔꓯ ꓧꓪ ꓟꓳ ꓡꓰ ꓢꓲꓠꓬꓲ ꓬꓲ ꓛꓲꓽ ꓒꓯ, ꓠꓬꓲ ꓐ ꓠꓬ ꓓꓶ ꓗꓷ ꓠ, ꓗꓷꓳ꓿ ꓬꓲ ꓧꓪ ꓛꓲ ꓡ ꓟ ꓙꓵ, ꓕꓯ ꓠꓯꓼ ꓞꓲꓼ ꓦꓲꓻ ꓗꓪ ꓬꓲ ꓛꓲ ꓒꓯ, ꓠꓬꓲ ꓐ ꓟꓽ ꓙꓳ ꓟ ꓔꓯ ꓬꓲ ꓡꓳ. ꓟꓳ ꓗꓷ ꓟ ꓥꓡ ꓳ꓿
ꓬꓲ ꓛꓲ ꓒꓯ, ꓠꓬꓲ ꓐ ꓟꓽ ꓙꓳ ꓗꓷ ꓡꓰ ꓟ ꓪꓴ. ꓠꓬꓲ ꓬꓲ ꓠꓬ ꓮ ꓘꓶ. ꓛꓲ ꓠꓲ, ꓟ ꓐꓬ ꓡꓰ ꓓꓴ ꓔꓯ ꓔꓳ, ꓜꓳ ꓗꓷꓳ꓿

ꓬꓲ ꓠꓬ ꓠꓯ ꓞꓲ ꓟ ꓔꓯ ꓧꓪ. ꓡꓰ ꓟ
ꓛꓲ ꓒꓯ, ꓠꓬꓲ ꓐ ꓟꓽ ꓙꓳ ꓗꓷ ꓡꓰ ꓗ. ꓠꓯ ꓬꓲ ꓠꓬ ꓮ ꓘꓶ. ꓛꓲ ꓠꓲ, ꓟ ꓫ. ꓟ (ꓓꓰꓑꓣꓰꓢꓢꓲꓳꓠ) ꓔꓯ ꓔꓳ, ꓜꓳ ꓡꓰ ꓥ ꓟꓲ ꓬꓲ ꓠꓬ ꓕꓲ ꓫꓵꓽ ꓫꓵꓽ ꓬꓰ ꓠ, ꓟ ꓬꓲ ꓝꓮꓲ ꓢꓯꓼ ꓕꓵꓼ ꓗꓷꓳ꓿


ꓖꓳ ꓗ. ꓠꓯ ꓬꓲ ꓠꓬ ꓬꓲ ꓔ ꓗꓴ ꓗꓪ ꓡꓰ ꓟꓽ ꓔ ꓠꓬ ꓠꓬ ꓬꓲ ꓠꓬ ꓖꓬꓟ ꓗ ꓔꓶ. ꓗꓪ ꓙꓰ ꓢꓲ ꓠꓬꓲ ꓮ ꓘꓶ. ꓛꓲ ꓡꓳ ꓖꓪ ꓗꓷꓳ꓿
ꓓꓽ ꓪꓴ. ꓠꓬꓲ ꓠꓬ ꓪꓽ ꓕꓯ ꓢꓲ ꓡꓳ ꓖꓪ ꓟ (ꓢꓡꓰꓓꓖꓰ ꓧꓳꓚꓗꓬ) ꓡꓳ ꓖꓪ ꓗꓷ ꓟ ꓙꓵ, ꓔꓯ ꓡꓯ ꓫꓴ ꓘꓳ, ꓣꓴ ꓪ ꓡꓰ ꓟ ꓥ ꓡꓳ꓿ ꓖꓳ ꓟ ꓡꓰ ꓟꓽ ꓞꓲ ꓬꓲ ꓠꓬ ꓖꓬꓟ ꓬꓲ ꓙꓵ, ꓟꓶ ꓫꓵ ꓫꓵ ꓡꓳ ꓖꓪ ꓢꓲ ꓠꓬꓲ ꓧꓪꓽ ꓖꓳ ꓓꓱ ꓢꓯꓼ ꓙꓳ ꓪ ꓠꓬ ꓠ, ꓟ ꓢꓯꓼ ꓕꓵꓼ ꓗꓷꓳ꓿
ꓬꓲ ꓖꓳ ꓓꓱ ꓥ ꓟꓲ ꓮ ꓘꓶ. ꓪꓴꓽ ꓢꓲ ꓠꓬꓲ ꓢꓯꓼ ꓙꓳ ꓡ ꓟ ꓘꓳ, ꓣꓴ ꓪ ꓡꓰ ꓟ ꓥ ꓡꓳ꓿


ꓟꓲ ꓠꓯ ꓮ ꓘꓶ. ꓛꓲ ꓟꓴ ꓟ ꓰꓦꓰꓣꓰꓢꓔ ꓪꓽ ꓚꓲ ꓔꓯ ꓡꓯꓽ ꓒꓯ, ꓠꓬꓲ ꓐ ꓡꓰ ꓣꓱ ꓢꓲ ꓠꓬꓲ ꓓꓽ ꓪꓴ. ꓓꓯ ꓧꓪ. ꓡꓰ ꓢꓴ ꓒꓬꓱꓼ ꓡ ꓟ
Rustam Nabiev ꓠꓬ ꓠꓲ, ꓟ ꓗꓪ ꓮ ꓘꓶ. ꓛꓲ ꓢꓯꓼ ꓕꓵꓼ ꓠꓲ, ꓟ ꓐ ꓗꓷ ꓟ ꓪꓴ. ꓠꓬꓲ ꓡ ꓞꓳ ꓮ ꓟꓽ ꓡꓰ ꓬꓰ ꓟꓽ ꓘꓴ ꓢꓲ ꓠꓬꓲ ꓟ ꓓꓴ ꓙ ꓟꓶ ꓓꓴ ꓟꓲ ꓠꓯ ꓗꓪ ꓮ ꓘꓶ. ꓛꓲ ꓟꓴ ꓟ ꓪꓽ ꓚꓲ ꓔꓯ ꓡꓯꓽ ꓒꓯ, ꓡꓰ ꓣꓱ ꓢꓲ ꓠꓬꓲ ꓓꓽ ꓪꓴ. ꓓꓯ ꓧꓪ. ꓡꓰ ꓢꓴ ꓒꓬꓱꓼ ꓡ ꓟ ꓥ ꓡꓳ꓿
ꓕꓱ ꓡꓱ ꓐꓴ ꓓꓽ ꓪꓴ. ꓕꓯ ꓡꓯꓽ ꓒꓯ, ꓡꓰ ꓣꓱ ꓢꓲ ꓠꓬꓲ ꓓꓯ ꓠ, ꓔ ꓟ ꓪꓴ. ꓠꓬꓲ ꓮ ꓘꓶ. ꓫ. ꓥ ꓟꓲ ꓬꓲ ꓮ ꓘꓶ. ꓛꓲ ꓢꓯꓼ ꓕꓵꓼ ꓗꓷꓟ ꓪꓴ. ꓠꓬꓲ ꓰꓦꓰꓣꓰꓢꓔ ꓪꓽ ꓚꓲ ꓔꓯ ꓓꓯ ꓧꓪ. ꓡꓰ ꓟ ꓥ ꓡꓳ꓿


ꓔꓱ ꓡꓰ 2026 ꓘꓳꓼ 5 ꓦ ꓟ 20 ꓠꓬꓲ ꓕꓯ ꓰꓦꓰꓣꓰꓢꓔ ꓪꓽ ꓚꓲ ꓔꓯ ꓓꓯ, ꓧꓪ. ꓡꓰ ꓢꓴ ꓟ ꓥ ꓡꓳ꓿ ꓬꓲ ꓠꓬ ꓓꓽ ꓪꓴ ꓰꓦꓰꓣꓰꓢꓔ ꓪꓽ ꓚꓲ ꓗꓪ ꓡꓯꓽ ꓒꓯ, ꓠꓬꓲꓽ ꓐ ꓡꓰ ꓓꓯ ꓧꓪ. ꓡꓰ ꓢꓴ ꓐꓴ ꓟꓬꓱꓺ ꓓꓳꓽ ꓘꓳ, ꓣꓴ ꓟꓶ ꓢꓴ ꓥ ꓡꓳ꓿
ꓣꓳ ꓞꓳ ꓡꓱ ꓞꓳ ꓡꓯ ꓐꓴ Rustam Nabiev ꓠꓯ, ꓡꓰ ꓣꓳ ꓔꓯ ꓮ ꓫꓵꓽ ꓟ. ꓖꓶ ꓔꓬ ꓡ?
ꓕꓲ ꓧꓪ. ꓧꓪ ꓣꓳ ꓠꓯ, ꓗꓪ ꓟꓲ ꓠꓯ ꓢꓷ. ꓠꓲ, ꓢꓳꓻ ꓖꓴ ꓗꓪ ꓕꓳ ꓶ ꓘꓳ, ꓕꓯ ꓟꓽ ꓧꓪ. ꓡꓰ ꓟ꓾ ꓝꓮꓲ ꓮ ꓘꓶ. ꓢꓯꓼ ꓕꓵꓼ ꓢꓲ ꓠꓬꓲ ꓟꓬꓱꓽ ꓬꓰ ꓥ ꓟꓲ ꓓꓴ ꓙ ꓔ ꓪ ꓡꓰ ꓟꓽ ꓒꓬꓱꓼ ꓡ ꓟ ꓙꓵ, ꓕꓯ ꓠꓲ, ꓟ ꓟꓽ ꓐꓬ ꓡꓰ ꓠ, ꓟ ꓣꓳ ꓔꓯ ꓢꓯꓼ ꓖꓶ ꓔꓬ ꓟ ꓥ ꓡꓳ꓿


ꓣꓴꓢꓔꓮꓟ ꓔꓯ ꓡꓳ. ꓠꓬꓲ ꓬꓲ ꓠꓬ ꓛꓲ ꓒꓯ, ꓟꓽ ꓙꓳ ꓡ ꓞꓳ ꓕꓲ ꓣꓳ ꓐꓱ ꓶ ꓛꓲ ꓒꓯ, ꓠꓬ ꓮ ꓘꓶ. ꓛꓲ ꓙꓲ ꓖꓴ ꓙꓳ ꓟ ꓥ ꓡꓳ꓿ ꓖꓳ ꓡꓱ ꓥ ꓟꓲ ꓬꓲ ꓠꓬ ꓛꓲ ꓒꓯ, ꓟꓽ ꓙꓳ ꓡꓰ ꓟ ꓔꓯ ꓠꓲ, ꓟ ꓟꓽ ꓫ. ꓫ. ꓬꓲ ꓬꓰ ꓠ, ꓟ ꓟꓬꓱꓽ ꓔꓯ ꓡꓰ ꓬꓰ ꓗꓷ ꓟ ꓪꓴ. ꓠꓬꓲ ꓟꓲ ꓠꓯ ꓗꓪ ꓮ ꓘꓶ. ꓛꓲ ꓟꓴ ꓟ ꓪꓽ ꓚꓲ ꓰꓦꓰꓣꓰꓢꓔ ꓪꓽ ꓚꓲ ꓔꓯ ꓡꓯꓽ ꓒꓯ, ꓡꓰ ꓓꓯ ꓧꓪ. ꓡꓰ ꓢꓴ ꓒꓬꓱꓼ ꓡ ꓟ ꓥ ꓡꓳ꓿


ꓣꓳ ꓤꓶꓻ ꓠꓯ, ꓗꓪ ꓮ ꓘꓶ. ꓛꓲ ꓫ. ꓓꓴ ꓔꓳ, ꓜꓳ ꓡ ꓥ ꓟꓲ ꓣꓳ ꓚꓲ. ꓛꓬ ꓔꓯ ꓙꓵꓻ ꓢꓲ ꓠꓬꓲ ꓣꓳ ꓔꓶ ꓙꓱ ꓠꓯ ꓗꓪ ꓛꓲ ꓡꓰ ꓠ, ꓟ ꓢꓯꓼ ꓕꓵꓼ ꓡꓯ꓿ ꓣꓳ ꓢꓯ. ꓔꓬ ꓔ ꓑꓳ ꓣꓳ ꓥꓳꓽ ꓡꓳ ꓔ ꓟ ꓔꓶ ꓙꓱ ꓗꓪ ꓛꓲ ꓡꓰ ꓠ, ꓟ ꓮ ꓤ ꓤ ꓢꓯꓼ ꓕꓵꓼ ꓡꓯꓼ ꓐꓰ Rustam Nabiev ꓔꓯ ꓥꓳꓽ ꓔꓯ ꓣꓳ ꓢꓳꓻ ꓣꓴ ꓓꓴ ꓬꓰ ꓡꓯ ꓐꓰ ꓢꓯꓼ ꓖꓶ ꓩꓴ ꓡ ꓥꓳ꓿ ꓫ. ꓟꓳ ꓪ꓿

Use up and down arrow keys to resize the meta box pane.Move upMove downToggle panel: AIOSEO Settings

https://youtu.be/jfh1ttqHsH8

The post ꓮ ꓘꓶ. ꓛꓲ ꓟꓴ_ ꓟ ꓪꓽ ꓚꓲ ꓰꓦꓰꓣꓰꓢꓔ ꓪ ꓚꓲ ꓔꓯ ꓡꓯꓽ ꓒꓯ, ꓡꓰ ꓣꓱ ꓢꓲ ꓠꓬꓲ ꓓꓯꓻ ꓧꓪ. ꓡꓰ ꓢꓴ ꓚꓱ, ( Rustam Nabiev) first appeared on Rva Lisu Kachin.

The post ꓮ ꓘꓶ. ꓛꓲ ꓟꓴ_ ꓟ ꓪꓽ ꓚꓲ ꓰꓦꓰꓣꓰꓢꓔ ꓪ ꓚꓲ ꓔꓯ ꓡꓯꓽ ꓒꓯ, ꓡꓰ ꓣꓱ ꓢꓲ ꓠꓬꓲ ꓓꓯꓻ ꓧꓪ. ꓡꓰ ꓢꓴ ꓚꓱ, ( Rustam Nabiev) appeared first on Rva Lisu Kachin.

]]> https://rvalisukachin.org/2026/06/01/%ea%93%ae-%ea%93%98%ea%93%b6-%ea%93%9b%ea%93%b2-%ea%93%9f%ea%93%b4_-%ea%93%9f-%ea%93%aa%ea%93%bd-%ea%93%9a%ea%93%b2-%ea%93%b0%ea%93%a6%ea%93%b0%ea%93%a3%ea%93%b0%ea%93%a2%ea%93%94-%ea%93%aa-%ea%93%9a/feed/ 0 9264 ꓛꓱꓼ ꓡꓱꓼ ꓐꓱ ꓔꓯ ꓥꓳꓽ https://rvalisukachin.org/2026/06/01/%ea%93%9b%ea%93%b1%ea%93%bc-%ea%93%a1%ea%93%b1%ea%93%bc-%ea%93%90%ea%93%b1-%ea%93%94%ea%93%af-%ea%93%a5%ea%93%b3%ea%93%bd-2/?utm_source=rss&utm_medium=rss&utm_campaign=%25ea%2593%259b%25ea%2593%25b1%25ea%2593%25bc-%25ea%2593%25a1%25ea%2593%25b1%25ea%2593%25bc-%25ea%2593%2590%25ea%2593%25b1-%25ea%2593%2594%25ea%2593%25af-%25ea%2593%25a5%25ea%2593%25b3%25ea%2593%25bd-2 https://rvalisukachin.org/2026/06/01/%ea%93%9b%ea%93%b1%ea%93%bc-%ea%93%a1%ea%93%b1%ea%93%bc-%ea%93%90%ea%93%b1-%ea%93%94%ea%93%af-%ea%93%a5%ea%93%b3%ea%93%bd-2/#respond Mon, 01 Jun 2026 01:00:00 +0000 https://rvalisukachin.org/?p=9292 ꓠꓬꓲ. ꓠꓬꓲ ꓵ ꓗꓷ ꓟ ꓢꓲ ꓫꓬ ꓕꓳ ꓶ ꓗꓪ ꓠꓬ ꓢꓲ ꓒ ꓬꓰ‐ꓢꓴ ꓡꓰ ꓛꓱꓼ ꓡꓱꓼ ꓔꓯ ꓥꓳꓽ ꓐꓰ ꓐꓯ ꓟ. ꓖꓶ ꓗꓷ ꓟ ꓗꓪ ꓐꓰ ꓪꓴ‐ꓢ ꓔꓯ ꓣꓳ ꓔꓱ, ꓟ ꓛꓳꓽ ꓒꓯ, ꓝꓲ ꓓꓴ ꓐꓰ ꓗꓷ ꓠ, ꓟ ꓔꓯ ꓥꓳ ꓡꓳ. ꓔ ꓡꓳ꓿ ꓛꓱꓼ ꓡꓱꓼ ꓐꓱ ꓠꓬ ꓪꓴ‐ꓢ ꓞꓳ ꓫꓵ ꓬꓲ‐ꓢꓷ‐ꓡꓲ ꓔꓯ ꓔꓯ […]

The post ꓛꓱꓼ ꓡꓱꓼ ꓐꓱ ꓔꓯ ꓥꓳꓽ first appeared on Rva Lisu Kachin.

The post ꓛꓱꓼ ꓡꓱꓼ ꓐꓱ ꓔꓯ ꓥꓳꓽ appeared first on Rva Lisu Kachin.

]]> ꓠꓬꓲ. ꓠꓬꓲ ꓵ ꓗꓷ ꓟ ꓢꓲ ꓫꓬ ꓕꓳ ꓶ ꓗꓪ ꓠꓬ ꓢꓲ ꓒ ꓬꓰ‐ꓢꓴ ꓡꓰ ꓛꓱꓼ ꓡꓱꓼ ꓔꓯ ꓥꓳꓽ ꓐꓰ ꓐꓯ ꓟ. ꓖꓶ ꓗꓷ ꓟ ꓗꓪ ꓐꓰ ꓪꓴ‐ꓢ ꓔꓯ ꓣꓳ ꓔꓱ, ꓟ ꓛꓳꓽ ꓒꓯ, ꓝꓲ ꓓꓴ ꓐꓰ ꓗꓷ ꓠ, ꓟ ꓔꓯ ꓥꓳ ꓡꓳ. ꓔ ꓡꓳ꓿ ꓛꓱꓼ ꓡꓱꓼ ꓐꓱ ꓠꓬ ꓪꓴ‐ꓢ ꓞꓳ ꓫꓵ ꓬꓲ‐ꓢꓷ‐ꓡꓲ ꓔꓯ ꓔꓯ ꓢꓲ ꓠꓬꓲ ꓟꓬꓱꓽ ꓬꓰ ꓢꓴ ꓐꓴ ꓠꓬ ꓖꓳ ꓞꓳ ꓫꓵ ꓔꓯ ꓧꓳꓽ ꓣꓱ ꓠ, ꓟ ꓪꓴ. ꓓꓴ ꓣꓱ ꓢꓴ ꓐꓴ ꓔꓯ ꓔꓯ ꓟ ꓥ ꓡꓳ꓿

ꓬꓲ ꓔꓯ ꓥꓳꓽ ꓗꓪ ꓟ. ꓖꓶ ꓔ ꓟ ꓡꓰ ꓐꓰ ꓣꓳ ꓢꓷ. ꓠꓲ,꓾ꓓꓵꓽ ꓙ ꓚꓱ,꓾ꓣꓳ ꓤꓶꓻ ꓣꓳ ꓢꓯꓼ ꓟꓬ ꓕꓱ ꓡꓱ ꓮ ꓙꓵ ꓠꓬ ꓣꓳ ꓚꓲ. ꓛꓬ ꓠꓯꓼ ꓗꓪ ꓙꓳ ꓟ ꓟꓽ ꓥ꓾ ꓪꓴ‐ꓢ ꓡꓰ ꓡꓯꓼ ꓙꓱ ꓔ ꓟ ꓡꓯꓼ ꓫꓴꓺ ꓡꓰ ꓥ ꓟ ꓔꓯ ꓣꓳ ꓢꓷ. ꓠ ꓔ ꓡꓳ꓿ ꓣꓳ ꓠꓬ ꓖꓳ ꓡꓯ ꓫꓴ ꓔꓯ ꓪꓴ‐ꓢ ꓬꓲ ꓟꓬꓱꓺ ꓓꓳꓽ ꓢꓯꓼ ꓪ ꓔꓯ ꓛꓱ ꓓꓳ ꓠ, ꓟ ꓣꓳ ꓬꓰ ꓠ ꓔ ꓟ ꓬꓲ. ꓟꓬꓱꓽ ꓔꓯ ꓢꓷ. ꓢꓲ꓾ ꓔꓱ, ꓟ ꓛꓳꓽ ꓒꓯ, ꓗꓷ ꓠ, ꓟ ꓘꓴ ꓔ ꓟꓶ ꓢꓴ ꓡꓰ ꓥ ꓡꓳ꓿ ꓕꓲꓽ ꓠꓬꓲ ꓠꓬ ꓔꓱ, ꓟ ꓢꓲ ꓒꓽ ꓟꓲ ꓕꓯ ꓗꓪ ꓣꓳ ꓔꓱ, ꓟ ꓔꓯ ꓣꓳ ꓟ. ꓖꓶ ꓠ, ꓟ ꓥ ꓡꓳ꓿ ꓔꓯ ꓥꓳꓽ ꓗꓪ ꓬꓲ ꓤ ꓔꓯ ꓟꓽ ꓘꓳ, ꓣꓴ ꓟ ꓠꓬ ꓢꓲ ꓒ ꓬꓰ‐ꓢꓴ ꓬꓲ ꓫ. ꓙꓵ ꓟꓶꓼ ꓙꓵ ꓟ ꓐꓰ ꓫꓵꓻ ꓗꓷ ꓟ ꓔꓯ ꓟ. ꓖꓶ_ ꓟ ꓡꓰ ꓐꓰ ꓣꓳ ꓢꓯ. ꓔꓬ ꓟ ꓤꓶꓻ ꓗꓪ ꓮ ꓡꓰ ꓐꓰ ꓢꓯ. ꓔꓬ ꓠ, ꓟ ꓔꓯ ꓐꓯ ꓟꓴ ꓞꓷ, ꓡ ꓟ ꓪꓴ‐ꓢ ꓬꓲ ꓔꓱ, ꓟ ꓐꓯ ꓟꓴ ꓞꓷ, ꓡ ꓟ ꓔꓯ ꓥ ꓟꓲ ꓢꓷ. ꓡꓰ ꓝꓲ_ ꓡꓳ꓿

ꓖꓳ ꓟ ꓑꓶ ꓓꓴ ꓣꓳ ꓤꓶꓻ ꓣꓳ ꓢꓷ. ꓠꓲ, ꓣꓳ ꓬꓰ ꓟ ꓟꓬꓱꓽ ꓮ ꓙꓵ ꓗꓪ ꓪꓴ‐ꓢ ꓔꓯ ꓫꓱ. ꓖꓶ ꓓꓴ ꓬꓰ ꓡꓯ꓿ ꓬꓲ. ꓟꓶꓽ ꓕꓲ ꓠꓬꓲ ꓗꓪ ꓣꓳ ꓠꓬ ꓔꓱ, ꓟ ꓢꓲ ꓒꓽ ꓐꓰ ꓔꓱ, ꓟ ꓐꓯ ꓟꓴ ꓞꓷ, ꓒꓽ ꓟꓲ ꓕꓯ ꓗꓪ ꓣꓳ ꓦꓰꓼ ꓞ, ꓢꓲ ꓐꓯ ꓟꓴ ꓞꓷ, ꓗꓷ ꓟꓶ ꓡ ꓟ ꓥ ꓡꓳ꓿

https://youtu.be/7E2fTQibibQ

The post ꓛꓱꓼ ꓡꓱꓼ ꓐꓱ ꓔꓯ ꓥꓳꓽ first appeared on Rva Lisu Kachin.

The post ꓛꓱꓼ ꓡꓱꓼ ꓐꓱ ꓔꓯ ꓥꓳꓽ appeared first on Rva Lisu Kachin.

]]> https://rvalisukachin.org/2026/06/01/%ea%93%9b%ea%93%b1%ea%93%bc-%ea%93%a1%ea%93%b1%ea%93%bc-%ea%93%90%ea%93%b1-%ea%93%94%ea%93%af-%ea%93%a5%ea%93%b3%ea%93%bd-2/feed/ 0 9292 ꓬꓲꓻ ꓙꓬ ꓠꓬ ꓮ ꓘꓶ. ꓛꓲ ꓣꓳ ꓚꓵˍ ꓟ (Save water) https://rvalisukachin.org/2026/05/31/9275/?utm_source=rss&utm_medium=rss&utm_campaign=9275 https://rvalisukachin.org/2026/05/31/9275/#respond Sun, 31 May 2026 01:54:00 +0000 https://rvalisukachin.org/?p=9275 ꓬꓲꓻ ꓙꓬ ꓠꓬ ꓮ ꓘꓶ. ꓛꓲ ꓣꓳ ꓚꓵˍ ꓟ (Save water)ꓧꓪ. ꓧꓪ ꓠꓬꓲ. ꓠꓬꓲ ꓟꓵꓽ ꓘꓳꓼ ꓐꓰ ꓫ. ꓕꓱ ꓟ ꓚꓱ, ꓗꓪ ꓐꓰ ꓬꓲꓻ ꓙꓬ ꓡ ꓞꓳ ꓕꓲ ꓣꓳ ꓐꓱ ꓶ ꓮ ꓘꓶ. ꓛꓲ ꓣꓳ ꓚꓵˍ ꓟ ꓚꓱ, ꓔꓯ ꓐꓯ ꓟ. ꓖꓶ ꓓꓴ ꓥ ꓡꓳ꓿ ꓣꓳ ꓠꓯꓼ ꓠꓯꓼ ꓔꓴ ꓡ ꓕꓯ ꓒꓴ ꓟꓬ ꓞꓲ꓾ ꓚꓳꓝꓝꓰ […]

The post ꓬꓲꓻ ꓙꓬ ꓠꓬ ꓮ ꓘꓶ. ꓛꓲ ꓣꓳ ꓚꓵˍ ꓟ (Save water) first appeared on Rva Lisu Kachin.

The post ꓬꓲꓻ ꓙꓬ ꓠꓬ ꓮ ꓘꓶ. ꓛꓲ ꓣꓳ ꓚꓵˍ ꓟ (Save water) appeared first on Rva Lisu Kachin.

]]> ꓬꓲꓻ ꓙꓬ ꓠꓬ ꓮ ꓘꓶ. ꓛꓲ ꓣꓳ ꓚꓵˍ ꓟ (Save water)
ꓧꓪ. ꓧꓪ ꓠꓬꓲ. ꓠꓬꓲ ꓟꓵꓽ ꓘꓳꓼ ꓐꓰ ꓫ. ꓕꓱ ꓟ ꓚꓱ, ꓗꓪ ꓐꓰ ꓬꓲꓻ ꓙꓬ ꓡ ꓞꓳ ꓕꓲ ꓣꓳ ꓐꓱ ꓶ ꓮ ꓘꓶ. ꓛꓲ ꓣꓳ ꓚꓵˍ ꓟ ꓚꓱ, ꓔꓯ ꓐꓯ ꓟ. ꓖꓶ ꓓꓴ ꓥ ꓡꓳ꓿


ꓣꓳ ꓠꓯꓼ ꓠꓯꓼ ꓔꓴ ꓡ ꓕꓯ ꓒꓴ ꓟꓬ ꓞꓲ꓾ ꓚꓳꓝꓝꓰ ꓓꓳ ꓕꓱ ꓡꓰ ꓐꓰ ꓣꓳ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓞꓳ ꓙꓳ ꓟ ꓙꓵ, ꓕꓯ ꓬꓲꓻ ꓙꓬ ꓔꓯ ꓣꓱ ꓔꓬ ꓢꓴ ꓐꓴ ꓡꓰ ꓥ ꓡꓳ꓿
ꓖꓳ ꓡꓱ ꓥ ꓟꓲ ꓮ ꓟꓶ ꓟ ꓙꓵ, ꓗꓪ ꓟꓲ ꓠꓯ ꓗꓪ ꓡ ꓞꓳ ꓡꓲ. ꓣꓳ ꓗꓪ ꓐꓰ (1) ꓣꓳ ꓠꓬ ꓢꓲꓽ ꓫꓬ ꓟ ꓬꓲꓻ ꓔꓯ ꓟꓽ ꓓꓳ ꓟ ꓔꓯ ꓣꓳ ꓢꓷ. ꓡ?
ꓣꓳ ꓔꓬ ꓟ ꓟꓲ ꓠꓯ ꓠꓬ 100 ꓩꓴ ꓗꓪ ꓐꓰ 97 ꓩꓴ. ꓠꓬ ꓬꓲꓻ ꓡꓳ ꓐꓱ ꓥ ꓡꓳ꓿ ꓬꓲꓻ ꓡꓳ ꓐꓱ ꓬꓲꓻ ꓙꓬ ꓞꓼ ꓐꓳ ꓮ ꓘꓶ. ꓐ ꓟ ꓪꓴ. ꓠꓬꓲ ꓓꓳ ꓟꓽ ꓙꓲ ꓟ ꓥ ꓡꓳ꓿ ꓓꓳ ꓙꓲ ꓟ ꓬꓲꓻ ꓙꓬ ꓠꓬ 1 ꓩꓴ ꓡꓰ ꓙꓳ ꓟ ꓥ ꓡꓳ꓿


ꓖꓳ ꓡꓱ ꓥ ꓟꓲ ꓮ ꓟꓶ ꓟ ꓙꓵ, ꓗꓪ 1 ꓙꓳ ꓟ ꓬꓲꓻ ꓙꓬ ꓠꓬ ꓟꓵꓽ ꓘꓳꓼ ꓒꓳ, ꓡ ꓟ ꓝꓮꓲ ꓟꓲ ꓠꓯ ꓡ ꓞꓳ ꓐꓴ ꓔꓯ ꓠꓲ, ꓦꓯ ꓟ ꓒꓴ ꓧꓪ. ꓟ ꓑꓶ. ꓓꓴ ꓬꓲꓻ ꓙꓬ ꓡꓳ ꓮ ꓟꓬ, ꓠꓬ ꓐꓬ ꓡꓰꓳ ꓟꓶ ꓡꓰ ꓔꓬ ꓟ ꓔꓯ ꓣꓳ ꓓꓴ ꓙ ꓧꓪ ꓛꓲ ꓠ, ꓟ ꓥ ꓡꓳ꓿
ꓬꓲꓻ ꓙꓬ ꓟꓽ ꓙꓳ ꓡꓰ ꓟ꓾ ꓬꓲꓻ ꓙꓬ ꓢꓪ ꓡꓰ ꓟ ꓠꓬ ꓣꓳ ꓐꓰ ꓬꓲꓻ ꓤ ꓗꓪ ꓙꓳ ꓟ ꓟꓽ ꓥ꓿ ꓟꓬ‐ꓟ ꓗꓴꓷꓼ ꓗꓪ ꓞꓽ ꓝꓲ. ꓛꓲ ꓡ ꓟ ꓙꓵ, ꓕꓯ ꓬꓲꓻ ꓙꓬ ꓘꓴꓽ ꓮ ꓟꓬ, ꓗꓪ ꓬꓲꓻ ꓙꓬ ꓟꓽ ꓙꓳ ꓡꓰ ꓟ ꓔꓯ ꓠꓬꓲ. ꓠꓬꓲ ꓣꓳ ꓔꓳ ꓜꓳ ꓔꓬ ꓟ ꓥ ꓡꓳ꓿


ꓝꓮꓲ ꓟꓬ‐ꓟ ꓗꓴꓷꓼ ꓡꓳ ꓒꓱ ꓓꓽ ꓮ ꓟꓬ, ꓐꓰ ꓞꓳ ꓘ, ꓮ ꓟꓬ, ꓗꓪ ꓬꓲꓻ ꓙꓬ ꓔꓯ ꓤ ꓶ ꓗꓪ ꓐꓰ ꓙꓰ ꓢꓲ ꓠꓬꓲ ꓬꓲꓻ ꓙꓬ ꓘꓳꓼ ꓡꓰ ꓟ ꓥ ꓡꓳ꓿
ꓬꓲꓻ ꓙꓬ ꓟꓽ ꓙꓳ ꓬꓲꓻ ꓙꓬ ꓢꓱ ꓡꓰ ꓔꓬ ꓟ ꓪꓴ. ꓠꓬꓲ ꓔꓶ ꓜ ꓔꓶ ꓓꓳ ꓟ ꓟꓬꓱꓽ ꓬꓰ ꓟꓽ ꓬꓰ ꓟ ꓔꓯ ꓣꓳ ꓡꓳ. ꓟꓳ ꓔꓬ ꓟ ꓥ ꓡꓳ꓿ ꓖꓳ ꓟ ꓡꓰ ꓟꓽ ꓞꓲ ꓙꓼ ꓦꓲꓻ ꓗꓪ ꓐꓰ ꓡꓳ ꓗꓷ ꓟ ꓑꓶ ꓛꓵꓽ ꓑꓶ. ꓟꓲ ꓠꓬ ꓬꓲꓻ ꓙꓬ ꓡꓳ ꓗꓪ ꓮ ꓔꓳ ꓔꓳ ꓡꓰ ꓡꓳ ꓔ ꓟ ꓪꓴ. ꓠꓬꓲ ꓓꓳ ꓓꓴ ꓬꓲꓻ ꓙꓬ ꓠꓬ ꓟꓽ ꓢꓲꓽ ꓫꓬ ꓡꓰ ꓟ ꓥ ꓡꓳ꓿


ꓑꓡꓮꓢꓔꓲꓚ ꓑꓶ. ꓓꓴ ꓠꓲ, ꓥ ꓟꓲ ꓬꓲꓻ ꓙꓬ ꓟꓽ ꓢꓲꓽ ꓫꓬ ꓗꓷ ꓡꓰ ꓟ ꓥ ꓡꓳ꓿ ꓬꓲꓻ ꓙꓬ ꓟꓽ ꓙꓳ ꓗꓷ ꓡꓰ ꓟ ꓪꓴ. ꓠꓬꓲ ꓜ ꓓꓴ ꓓꓳ ꓓꓴ ꓫ. ꓡ ꓓꓴ ꓙꓳ ꓟ ꓥꓡꓳ꓿ ꓖꓳ ꓗꓷ ꓠꓯ ꓡ ꓞꓳ ꓐꓴ ꓠꓻ ꓓꓴ ꓒꓬ ꓓꓴ ꓙꓳ ꓡ ꓟ ꓥ ꓡꓳ꓿
ꓖꓳ ꓡꓱ ꓥ ꓟ ꓪꓴ. ꓠꓬꓲ ꓬꓲꓻ ꓙꓬ ꓫ. ꓔ ꓟ ꓠꓬ ꓟꓵꓽ ꓘꓳꓼ ꓒꓳ, ꓡ ꓟ ꓚꓱ, ꓡꓰ ꓟꓽ ꓛꓲ ꓠꓬꓲ. ꓠꓬꓲ ꓣꓳ ꓮ ꓙꓵꓽ ꓢꓴ ꓔꓳ, ꓜꓳ ꓔꓬ ꓟ ꓫꓵꓽ ꓪꓴꓽ ꓓꓽ ꓟ ꓕꓲ ꓫꓵꓽ ꓟꓲ ꓥ ꓟ ꓔꓯ ꓣꓳ ꓧꓪ. ꓛꓲ ꓠ, ꓟ ꓥꓡꓳ꓿


ꓢꓲꓽ ꓫꓬ ꓟ ꓬꓲꓻ ꓙꓬ ꓪ ꓠ, ꓟ ꓐꓱ ꓶ ꓮ ꓡꓲ ꓐꓰ ꓟꓬꓱꓽ ꓬꓰ ꓠ, ꓟ ꓚꓱ,
ꓖꓳ ꓡꓱ ꓠꓬ ꓣꓳ ꓐꓴ ꓮ ꓙꓵꓽ ꓮ ꓡꓲ ꓐꓰ ꓬꓰ ꓠꓯ, ꓡ? (ꓪꓮꓔꓰꓣ ꓟꓮꓠꓮꓖꓰꓟꓰꓠꓔ) ꓐꓯ ꓟ ꓮ ꓘꓶ. ꓛꓲ ꓣꓳ ꓚꓵˍ ꓡꓳ꓿ ꓕꓱ ꓟ ꓠꓬ ꓙꓵꓽ ꓪ ꓙꓳ ꓢꓴ ꓐꓴ꓾ ꓢꓷ. ꓠꓲ, ꓙꓳ ꓒ ꓐꓴ ꓡꓰ ꓬꓰ ꓠ,ꓟ ꓟꓽ ꓥ ꓣꓳ ꓗꓪ ꓐꓰ ꓪꓴ. ꓔꓴ ꓢꓲ ꓠꓬꓲ ꓟꓬꓱꓽ ꓬꓰ ꓠ, ꓟ ꓥ ꓡꓳ꓿
1 ꓠꓬ ꓬꓲꓻ ꓙꓬ ꓔꓯ ꓣꓳ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓣꓱ ꓟ ꓙꓵ, ꓕꓯ ꓮ ꓔꓳꓽ ꓔꓳꓽ ꓗꓽ ꓕꓽ ꓗ ꓡꓰ ꓝꓲ꓿ ꓖꓳ ꓓꓱ꓾ ꓡꓯꓽ ꓒꓯ, ꓞꓲ ꓟ ꓙꓵ, ꓕꓯ ꓬꓲꓻ ꓙꓬ ꓔꓯ ꓣꓱ ꓬꓯꓼ ꓠ, ꓟ ꓡꓰ ꓣꓱ ꓠ, ꓟ ꓢꓯꓼ ꓕꓵꓼ ꓡꓯ꓿
2 ꓠꓬ ꓟꓲ ꓦ ꓬꓲꓻ ꓔꓯ ꓣꓱ ꓠ, ꓟ ꓥ ꓡꓳ꓿ ꓟꓲ ꓦ ꓬꓲꓻ ꓔꓯ ꓓ ꓢꓲ ꓠꓬꓲ ꓣꓳ ꓦꓲꓻ ꓢꓲꓽ ꓫꓬ ꓟ ꓗꓪ ꓐꓰ ꓔꓶ ꓫꓵꓽ ꓔꓶ ꓓꓴ ꓬꓲꓻ ꓙꓬ ꓔꓲ ꓕꓯ ꓣꓱ ꓠ, ꓟ ꓥ ꓡꓳ꓿


3. ꓠꓬ ꓬꓲ ꓓꓴ ꓬꓲ ꓣꓳ ꓟ ꓢꓲ, ꓜꓲ ꓢꓲ, ꓟꓲ ꓔꓯ ꓮꓽ ꓔꓳꓽ ꓔꓳꓽ ꓟꓽ ꓘꓶ ꓠ, ꓟ ꓣꓳ ꓚꓵ ꓡꓳ꓿ ꓝꓮꓲ ꓢꓲ, ꓜꓲ ꓮ ꓟꓬ, ꓔꓶ ꓠ, ꓟ ꓣꓳ ꓚꓵ ꓡꓳ꓿ ꓢꓲ, ꓜꓲ ꓠꓬ ꓬꓲꓻ ꓙꓬ ꓪ ꓠ, ꓟ ꓐꓱ ꓶ ꓮ ꓘꓶ. ꓣꓳ ꓚꓵˍ ꓟ ꓕꓲ ꓫꓵꓽ ꓥ ꓡꓳ꓿ ꓬꓲꓻ ꓙꓬ ꓡꓳ꓾ ꓡꓳ ꓗ ꓗꓪ ꓑꓡꓮꓢꓔꓲꓚ ꓐꓰ ꓑꓶ ꓚꓵꓽ ꓑꓶ. ꓟꓲ ꓔꓯ ꓕꓽ ꓡꓳ ꓓꓴ ꓬꓰ ꓡꓯ꓿


ꓣꓳ ꓮ ꓙꓵꓽ ꓢꓴ ꓮ ꓡꓲ ꓐꓰ ꓬꓰ ꓠꓯ, ꓟ ꓚꓱ,
ꓠꓬꓲ.ꓠꓬꓲ ꓟꓲ ꓠꓯ ꓠꓬ ꓮ ꓘꓶ. ꓛꓲ ꓪꓴꓽ ꓟꓴ ꓔꓬ ꓥ ꓟꓲ ꓬꓲꓻ ꓙꓬ ꓟꓽ ꓙꓳ ꓠꓬ ꓕꓲ ꓑ ꓤ ꓢꓯ. ꓔꓬ ꓠ, ꓟ ꓮ ꓘꓶ. ꓫ. ꓟ ꓥ ꓡꓳ꓿ ꓬꓲ ꓙꓬ ꓔꓯ ꓤ ꓟꓳ ꓢꓲ ꓠꓬꓲ ꓣꓱ ꓟ ꓠꓬ ꓟꓲ ꓠꓯ ꓔꓯ ꓚꓬꓴ ꓟ ꓟꓬꓱꓽ ꓬꓰ ꓟ ꓥ ꓡꓳ꓿
ꓝꓮꓲ ꓛꓲ ꓡ ꓟ ꓣꓳ ꓤ ꓠꓱ ꓐꓴ ꓔꓯ ꓚꓬꓴ ꓙ ꓟ ꓟꓬꓱꓽ ꓔꓯ ꓬꓰ ꓔꓬ ꓟ ꓥ ꓡꓳ꓿ ꓠꓬꓲ. ꓠꓬꓲ ꓗꓪ ꓐꓰ ꓬꓲꓻ ꓙꓬ ꓔꓯ ꓤ ꓟꓳ ꓢꓲ ꓠꓬꓲ ꓣꓱ ꓓꓴ ꓬꓰ ꓡꓯ꓿ ꓬꓲ ꓒꓵꓽ ꓙꓳ ꓟ ꓬꓲꓻ ꓙꓬ ꓥ ꓟ ꓔꓯ ꓢꓷ. ꓡꓰ ꓠ, ꓟ ꓢꓯꓼ ꓕꓵꓼ ꓡꓯ꓿ ꓬꓲꓻ ꓙꓬ ꓢꓲꓽ ꓢꓲꓽ ꓫꓬ ꓫꓬ ꓬꓲꓻ ꓠ, ꓟ ꓢꓯꓼ ꓕꓵꓼ ꓡꓯ꓿ ꓫ. ꓟꓳ ꓪ꓿

https://youtu.be/W0zdixxOjDQ

The post ꓬꓲꓻ ꓙꓬ ꓠꓬ ꓮ ꓘꓶ. ꓛꓲ ꓣꓳ ꓚꓵˍ ꓟ (Save water) first appeared on Rva Lisu Kachin.

The post ꓬꓲꓻ ꓙꓬ ꓠꓬ ꓮ ꓘꓶ. ꓛꓲ ꓣꓳ ꓚꓵˍ ꓟ (Save water) appeared first on Rva Lisu Kachin.

]]> https://rvalisukachin.org/2026/05/31/9275/feed/ 0 9275 ꓢ‐ꓣꓳ‐ꓕꓲ‐ꓖꓳ‐ꓓꓱꓽ ꓪꓴ‐ꓢ ꓑꓮꓲ (Homily) https://rvalisukachin.org/2026/05/30/%ea%93%a2%e2%80%90%ea%93%a3%ea%93%b3%e2%80%90%ea%93%95%ea%93%b2%e2%80%90%ea%93%96%ea%93%b3%e2%80%90%ea%93%93%ea%93%b1%ea%93%bd-%ea%93%aa%ea%93%b4%e2%80%90%ea%93%a2-%ea%93%91%ea%93%ae%ea%93%b2-homily/?utm_source=rss&utm_medium=rss&utm_campaign=%25ea%2593%25a2%25e2%2580%2590%25ea%2593%25a3%25ea%2593%25b3%25e2%2580%2590%25ea%2593%2595%25ea%2593%25b2%25e2%2580%2590%25ea%2593%2596%25ea%2593%25b3%25e2%2580%2590%25ea%2593%2593%25ea%2593%25b1%25ea%2593%25bd-%25ea%2593%25aa%25ea%2593%25b4%25e2%2580%2590%25ea%2593%25a2-%25ea%2593%2591%25ea%2593%25ae%25ea%2593%25b2-homily https://rvalisukachin.org/2026/05/30/%ea%93%a2%e2%80%90%ea%93%a3%ea%93%b3%e2%80%90%ea%93%95%ea%93%b2%e2%80%90%ea%93%96%ea%93%b3%e2%80%90%ea%93%93%ea%93%b1%ea%93%bd-%ea%93%aa%ea%93%b4%e2%80%90%ea%93%a2-%ea%93%91%ea%93%ae%ea%93%b2-homily/#respond Sat, 30 May 2026 01:00:00 +0000 https://rvalisukachin.org/?p=9307 ꓧꓪ. ꓧꓪ. ꓬꓲꓼ ꓤ ꓠꓬꓲ ꓤ ꓐꓴꓳ꓾ ꓕꓱ ꓕꓲ ꓠꓽ ꓠꓬ ꓢ‐ꓣꓳ‐ꓕꓲ‐ꓖꓳ‐ꓓꓱꓽ ꓪꓴ‐ꓢ ꓑꓮꓲ ꓥ ꓡꓳ꓿ ꓪꓴ‐ꓢ ꓠꓬ ꓐ, ꓐ꓾ ꓤ ꓔꓲ.꓾ ꓢꓲ‐ꓫꓬ‐ꓟ‐ꓦ ꓕꓱ ꓡꓱ ꓢ ꓣꓳ ꓙꓳˍ ꓥ ꓟꓲ ꓕꓲ ꓖꓳ ꓓꓱꓽˍ ꓡꓰꓽ ꓥ ꓡꓳ꓿ ꓢ‐ꓣꓳ‐ꓕꓲ‐ꓖꓳ‐ꓓꓱꓽ ꓪꓴ‐ꓢ ꓐꓰ ꓐꓯˍ ꓟ ꓑꓮꓲ ꓥ ꓡꓳ꓿ ꓣꓳ ꓪꓴ. ꓠꓶ. ꓗꓪ ꓐꓰ꓾ ꓥ ꓠꓬ ꓪꓵ ꓕꓲ. ꓗꓪ ꓐꓰ […]

The post ꓢ‐ꓣꓳ‐ꓕꓲ‐ꓖꓳ‐ꓓꓱꓽ ꓪꓴ‐ꓢ ꓑꓮꓲ (Homily) first appeared on Rva Lisu Kachin.

The post ꓢ‐ꓣꓳ‐ꓕꓲ‐ꓖꓳ‐ꓓꓱꓽ ꓪꓴ‐ꓢ ꓑꓮꓲ (Homily) appeared first on Rva Lisu Kachin.

]]>
https://youtu.be/LUtPQqdUbR0

ꓧꓪ. ꓧꓪ. ꓬꓲꓼ ꓤ ꓠꓬꓲ ꓤ ꓐꓴꓳ꓾ ꓕꓱ ꓕꓲ ꓠꓽ ꓠꓬ ꓢ‐ꓣꓳ‐ꓕꓲ‐ꓖꓳ‐ꓓꓱꓽ ꓪꓴ‐ꓢ ꓑꓮꓲ ꓥ ꓡꓳ꓿ ꓪꓴ‐ꓢ ꓠꓬ ꓐ, ꓐ꓾ ꓤ ꓔꓲ.꓾ ꓢꓲ‐ꓫꓬ‐ꓟ‐ꓦ ꓕꓱ ꓡꓱ ꓢ ꓣꓳ ꓙꓳˍ ꓥ ꓟꓲ ꓕꓲ ꓖꓳ ꓓꓱꓽˍ ꓡꓰꓽ ꓥ ꓡꓳ꓿ ꓢ‐ꓣꓳ‐ꓕꓲ‐ꓖꓳ‐ꓓꓱꓽ ꓪꓴ‐ꓢ ꓐꓰ ꓐꓯˍ ꓟ ꓑꓮꓲ ꓥ ꓡꓳ꓿ ꓣꓳ ꓪꓴ. ꓠꓶ. ꓗꓪ ꓐꓰ꓾ ꓥ ꓠꓬ ꓪꓵ ꓕꓲ. ꓗꓪ ꓐꓰ ꓪꓵˍ ꓠꓬ ꓪꓵ ꓟꓽ ꓠ꓿ ꓕꓲꓽ ꓢ ꓟ ꓑꓳ. ꓗꓷ ꓠꓬ ꓢ ꓓꓳ ꓡˍ ꓡꓳ꓿ ꓖꓳ ꓡꓱ ꓐꓯ ꓥ ꓟꓲ ꓪꓴ‐ꓢ ꓠꓬ ꓕꓲꓽ ꓢ ꓟ ꓑꓳ. ꓔ ꓥˍ ꓟꓲ ꓕꓲ ꓟˍ ꓥꓳ ꓐꓯˍ ꓟ ꓣꓳ ꓓꓵꓽ ꓙꓽ ꓟꓶ ꓓꓴ ꓥꓳ꓿ ꓢ‐ꓣꓳ‐ꓕꓲ‐ꓖꓳ‐ꓓꓱꓽ ꓪꓴ‐ꓢ ꓕꓲ ꓔꓲ.ˍ ꓪꓴ‐ꓢ꓾ ꓬꓲ ꓪ ꓢ ꓟ ꓠꓬ ꓕꓲ ꓡꓰ, ꓐꓰ ꓓˍ ꓟ ꓣꓳ ꓡꓳ. ꓟꓳˍ ꓡꓳ꓿

ꓣꓳ ꓟꓲ ꓠꓯ ꓞꓳ ꓤ ꓔꓯ ꓚꓰꓼˍ ꓕꓯ ꓬꓲ ꓚꓰ ꓬꓲ ꓪꓴ. ꓕꓳꓽ ꓶ ꓗꓪ ꓣꓳ ꓔꓯ ꓫꓱ.ˍ ꓟ ꓞꓳ ꓤ ꓔꓯ ꓫꓬ, ꓡꓯ꓾ ꓐꓰ ꓫ. ꓕꓱ ꓘꓶꓽ ꓣꓳ ꓑ ꓙꓽˍ ꓡꓳ꓿ ꓖꓳ ꓡꓱ ꓠꓬꓲ ꓪꓴ‐ꓢ ꓠꓬ ꓕꓲ ꓣꓳˍ ꓟꓽ ꓥ꓾ ꓢ ꓣꓳ ꓐꓯˍ ꓟ ꓠꓬ ꓢꓲ ꓒ ꓬꓰ‐ꓢꓴ ꓟꓲ ꓠꓯ ꓕꓱ ꓟ ꓗꓪ ꓬꓯꓼ ꓡ ꓕꓯ ꓔꓲ ꓔꓲ ꓢꓲꓽ ꓢꓲꓽ ꓡꓰꓽ ꓣꓳ ꓟꓳꓻ ꓡꓰꓳ꓿ ꓢꓲ ꓒ ꓬꓰ‐ꓢꓴ ꓬꓲ ꓟ. ꓟꓲꓽ ꓚˍ ꓟ ꓗꓪ ꓥˍ ꓟꓲ ꓐ, ꓐ ꓠꓬ ꓕꓱ ꓡꓱ ꓐꓯ ꓝꓲˍ ꓟ꓾ ꓖꓳ ꓡꓱ ꓐꓯ ꓝꓲˍ ꓟ ꓐꓯ ꓢꓲ ꓠꓬꓲ ꓢꓲ ꓒ ꓬꓰ‐ꓢꓴ ꓠꓬ ꓟ. ꓘꓶ ꓮ ꓟꓬ, ꓐꓰ ꓣꓳ ꓔꓯ ꓟ. ꓖꓶ ꓗꓳ. ꓡꓺꓳ꓿ ꓕꓱ ꓟˍ ꓡꓰ ꓐꓰ ꓢꓲ‐ꓫꓬ‐ꓟ‐ꓦ ꓪꓴ‐ꓢ ꓗꓪ ꓐꓰ ꓥˍ ꓟꓲ ꓠꓴ ꓪ ꓔꓯ ꓢꓷ. ꓙ ꓟꓳ ꓙ ꓡˍ ꓥꓳ꓾ ꓐꓯ ꓢꓲ ꓠꓬꓲ ꓢ‐ꓣꓳ‐ꓕꓲ‐ꓖꓳ‐ꓓꓱꓽ ꓙꓳˍ ꓟ ꓪꓴ‐ꓢ ꓔꓯ ꓣꓳ ꓔꓯ ꓬꓲ ꓡꓰ ꓐꓯ ꓟꓳ. ꓖꓶ ꓗꓷꓳ꓿

ꓬꓲꓼ ꓤ ꓠꓬꓲ ꓤ ꓐꓴꓳ꓾ ꓓꓵꓽ ꓙꓽ ꓟꓽ ꓐ ꓡ ꓟ ꓕꓱ ꓟ ꓔꓯ ꓠꓬ ꓜꓲꓽ ꓜꓲꓽ ꓑꓰ, ꓑꓰ, ꓐꓰ ꓣꓳ ꓪꓴ. ꓠꓶ. ꓗꓪ ꓐꓰ꓾ ꓣꓳ ꓠꓲ, ꓟ ꓗꓪ ꓐꓰ ꓓꓵꓽ ꓙꓽˍ ꓟ ꓟꓽ ꓥ ꓥ ꓐꓰ ꓚꓵ ꓘꓶꓽ ꓕꓱ ꓟ ꓠꓯꓸꓼ ꓗꓪ ꓢꓯ. ꓔꓬ ꓐ ꓡ ꓠ, ꓟ ꓣꓳ ꓔꓯ ꓠꓬꓲ. ꓠꓬꓲ ꓢ‐ꓣꓳ‐ꓕꓲ‐ꓖꓳ‐ꓓꓱꓽ ꓪꓴ‐ꓢ ꓑꓮꓲ ꓗꓪ ꓐꓰ ꓘꓴ ꓔꓬ ꓟ ꓥ ꓡꓳ꓿ ꓕꓱ ꓟ ꓠꓬ ꓣꓳ ꓢꓪ. ꓚꓱ, ꓓꓵꓽ ꓙꓽ ꓚꓱ, ꓔꓯ ꓟꓳ. ꓧꓪ ꓠ, ꓟ꓾ ꓮ ꓡꓲ ꓫꓵꓽ ꓬꓲ. ꓬꓲ ꓢꓲ ꓙꓳˍ ꓟ ꓔꓯ ꓧꓪ ꓠ, ꓟ ꓟꓽ ꓥ ꓥ ꓐꓰ ꓢ‐ꓣꓳ‐ꓕꓲ‐ꓖꓳ‐ꓓꓱꓽ ꓠꓯꓸꓼ ꓘꓴꓽ ꓗꓪ ꓞꓳ ꓙꓳ ꓠ, ꓟ꓾ ꓚꓵ ꓘꓶꓽ ꓕꓱ ꓟ ꓠꓯꓸꓼ ꓗꓪ ꓞꓳ ꓙꓳ ꓠ, ꓟ ꓣꓳ ꓔꓯ ꓐꓯ ꓟꓳ. ꓖꓶ ꓡ ꓔꓬ ꓡꓳ꓿ ꓠꓬꓲ. ꓠꓬꓲ ꓢ‐ꓣꓳ‐ꓕꓲ‐ꓖꓳ‐ꓓꓱꓽ ꓪꓴ‐ꓢ ꓑꓮꓲ ꓗꓪ ꓐ, ꓐ꓾ ꓤ ꓔꓲ.꓾ ꓢꓲ‐ꓫꓬ‐ꓟ‐ꓦ ꓪꓴ‐ꓢ ꓠꓬ ꓬꓲ ꓪ ꓠꓬ ꓕꓲ ꓣꓳ ꓛꓳ ꓕꓲ ꓣꓳ ꓠꓲ, ꓠꓵ ꓡꓯ ꓘꓳ ꓢꓲ ꓠꓬꓲ ꓐ, ꓐ ꓐꓰ ꓤ ꓔꓲ. ꓠꓬꓲꓽ ꓗꓴ. ꓚꓸꓼ ꓗꓪ ꓢꓲ‐ꓫꓬ‐ꓟ‐ꓦ ꓪꓴ‐ꓢ ꓔꓬ ꓢꓲ꓾ ꓐ, ꓐ ꓐꓰ ꓤ ꓔꓲ. ꓔꓯ ꓝ. ꓠꓷꓼ ꓖꓶˍ ꓟ ꓠꓬ ꓢꓲ‐ꓫꓬ‐ꓟ‐ꓦ ꓥ ꓡꓳ꓿

The post ꓢ‐ꓣꓳ‐ꓕꓲ‐ꓖꓳ‐ꓓꓱꓽ ꓪꓴ‐ꓢ ꓑꓮꓲ (Homily) first appeared on Rva Lisu Kachin.

The post ꓢ‐ꓣꓳ‐ꓕꓲ‐ꓖꓳ‐ꓓꓱꓽ ꓪꓴ‐ꓢ ꓑꓮꓲ (Homily) appeared first on Rva Lisu Kachin.

]]> https://rvalisukachin.org/2026/05/30/%ea%93%a2%e2%80%90%ea%93%a3%ea%93%b3%e2%80%90%ea%93%95%ea%93%b2%e2%80%90%ea%93%96%ea%93%b3%e2%80%90%ea%93%93%ea%93%b1%ea%93%bd-%ea%93%aa%ea%93%b4%e2%80%90%ea%93%a2-%ea%93%91%ea%93%ae%ea%93%b2-homily/feed/ 0 9307